ko‘rinarli zarrachalardan holi bo‘lgan tiniq, sariq eritma

mikroblarga qarshi va protozoylarga qarshi vositalar.

J01MA01, G01AF06

Ofloksatsin 200 mg ofloksatsinni bir martalik 60 minutlik infuziyasidan keyin, plazmadagi o‘rtacha maksimal kontsentratsiyasi 2,7 mkg/ml ni tashkil qiladi; yuborilganidan keyin 12 soat o‘tgach kontsentratsiya 0,3 mkg/ml ga teng. Muvozanat kontsentratsiyasiga to‘rt doza yuborilganidan so‘ng erishiladi. O‘rtacha cho‘qqi va minimal muvozanatli kontsentratsiyalarga 200 mg ofloksatsin vena ichiga har 12 soatda 7 kun davomida yuborilganidan so‘ng erishiladi va muvofiq ravishda 2,9 va 0,5 mkg/ml ni tashkil qiladi. Ofloksatsin organizmning ko‘pchilik suyuqliklari va to‘qimalariga, shu jumladan so‘lakka, bronxial sekretiga, o‘t-safroga, ko‘z yoshi va orqa miya suyuqligiga, yiringga, o‘pkaga, prostata beziga, teriga yaxshi kiradi. Ofloksatsin jigarda qisman (5%) metabolizmga uchraydi. Plazma oqsillari bilan bog‘lanishi 20-25% ni tashkil qiladi. Ofloksatsinning yarim chiqarilish davri 6-7 soatga teng. Ichga qabul qilingan preparatning 80% gachasi o‘zgarmagan holda buyrak orqali chiqariladi, faol moddaning oz miqdori shuningdek ahlat bilan ham chiqariladi. Buyrak funktsiyasi buzilgan patsiyentlarda (kreatinin klirensi 50 ml va kam) ofloksatsinning yarim chiqarilish davri oshadi. Ornidazol Vena ichiga tomchilab 15 mg/kg boshlang‘ich dozada yuborilganida va keyingi tana vazniga 7,5 mg/kg dozada har 6 soatda yuborilganida, maksimal muvozanat kontsentratsiyasi              26 mkg/ml, minimali esa – 18 mkg/ml ni tashkil qiladi. Ornidazol organizmning safro, so‘lak, plevral, peritoneal va orqa miya suyuqligi (qon plazmasidagi kontsentratsiyasidan taxminan 43%), qin sekreti, suyak to‘qimasi, jigar, eritrotsitlar kabi ko‘pchilik to‘qimalari va biologik suyuqliklarida taqsimlanadi. Plazma oqsillari bilan bog‘lanishi 20% dan kamroqni tashkil qiladi. Ornidazol yo‘ldosh to‘sig‘i orqali o‘tadi, ko‘krak sutiga chiqariladi. Organizmda preparatning deyarli 30-60% gidroksil guruhini qo‘shilishi, oksidlanish va uglevod zanjirini fermentativ qo‘shilish yo‘li bilan metabolizmga uchraydi. Asosiy metaboliti (2-oksimetronidazol) ham protozoylarga qarshi va antibakterial ta’sirga ega. Ornidazol bir marta yuborilganidan keyin asosan siydik bilan (60-80%), qisman – safro bilan o‘zgarmagan holda va metabolitlari ko‘rinishida 5 sutka davomida chiqariladi.

Preparatning komponentlariga sezgir qo‘zg‘atuvchilar (mikroorganizmlar va soddalar) chaqirgan aralash infektsiyalarni davolash uchun qo‘llanadi: siydik tanosil a’zolari tizimining kasalliklari: o‘tkir va surunkali piyelonefrit, prostatit, tsistit, epididimit, jarrohlik infektsiyalari, siydik-jinsiy yo‘llarining asoratlangan va qaytalanuvchi infektsiyalari;ginekologik kasalliklar;penitsillinga chidamli gonokokklar, xlamidiyalar, trixomonadalar va boshqa mikroorganizmlar tomonidan chaqiriladigan, jinsiy yo‘li orqali yuqadigan kasalliklar;qorin bo‘shlig‘i a’zolari va o‘t yo‘llarining infektsiyalari, shuningdek amyobiaz – amyoba dizenteriyasi, ichakdan tashqari shakllari, ayniqsa jigarning amyobali abstsessi, lyamblioz va qorin tifi, salmonellez, shigellez kabi boshqa infektsion kasalliklar;immun tanqisligi bo‘lgan bemorlar yoki neytropeniyali bemorlarda infektsion asoratlarni oldini olish;operatsiyadan oldingi tayyorlash yoki jarrohlik infektsiyalarni operatsiyadan keyingi davolash, ayniqsa gastroenterologiya. Preparatga sezgir anaerob bakteriyalar chaqirgan tizimli infektsiyalar: septitsemiya, meningit, peritonit, operatsiyadan keyingi jarohat infektsiyalari, operatsiyadan keyingi sepsis, tug‘ruqdan keyingi sepsis, septik abort va endometrit; yo‘g‘on ichakdagi jarrohlik aralashuvlaridan va ginekologik aralashuvlaridan keyin anaerob bakteriyalar tomonidan chaqirilgan infektsiyalarni oldini olishda qo‘llanadi.

Vena ichiga tomchilab yuboriladi. Dozalar infektsiyani joylashishi va kechishini og‘irligiga, shuningdek mikroorganizmlarning sezgirligi, bemorning umumiy holati, shuningdek jigar va buyrak funktsiyasiga qarab shaxsiy ravishda tanlanadi. Vena ichiga tomchilab yuborish bir martalik dozadan boshlanadi, u 30-60 minut davomida asta-sekin yuboriladi. Bemorning holati yaxshilanganida, shu sutkalik dozada preparatni og‘iz orqali qabul qilishga o‘tiladi. Anaerob infektsiyada kattalar va 16 yoshdan oshgan bolalarga 100 ml boshlang‘ich dozada qo‘llanadi, keyin – 100 ml dan har 12 soatda yoki 200 ml dan har 24 soatda 5-10 kun davomida (pog‘onali doza) buyuriladi. Patsiyentning holati barqarorlashganidan keyin, og‘iz orqali qabul qilishga o‘tish kerak. Anaerob infektsiyalarni oldini olish uchun kattalar va 16 yoshdan oshgan bolalarga preparat vena ichiga 100 ml dozada operativ aralashuvdan yarim soat oldin yuboriladi.

Ovqat hazm qilish tizimi tomonidan: ko‘ngil aynishi, qusish, diareya, qorin og‘rig‘i, me’dada diskomfort hissi, anoreksiya, jigar fermentlari darajasini va/yoki bilirubinni oshishi; kam hollarda – xolestatik sariqlik, jigarni og‘ir shikastlanishi, soxtamembranoz kolit. Markaziy nerv tizimi tomonidan: bosh og‘rig‘i, bosh aylanishi, uyqusizlik, disforiya, ongni chalkashishi, depressiya, gallyutsinatsiya, uyquchanlik, tremor, nevropatiya, paresteziya/yoki giperparesteziyalar, ko‘rishni buzilishi, ta’mni buzilishi, kam hollarda – tirishishlar, eshitishni, hid bilishni buzilishlari, xushdan ketish, bosh miya ichki bosimini oshishi. Yurak-qon tomir tizimi tomonidan: taxikardiya, arterial bosimni tranzitor pasayishi. Qon yaratish tizimi tomonidan: anemiya, leykopeniya, agronulotsitoz, trombotsitopeniya, pantsitopeniya; kam hollarda – gemolitik anemiya. Siydik chiqarish tizimi tomonidan: buyrak funktsiyasini tranzitor buzilishi; kam hollarda – o‘tkir interstitsial nefrit yoki qon zardobida kreatinin darajasini oshishi, u o‘tkir buyrak yetishmovchiligigacha rivojlanishi mumkin. Suyak mushak tizimi tomonidan: holsizlik, bo‘g‘im va mushaklarda og‘riq, paylarda og‘riq, paylarni yallig‘lanishi va uzilishi. Dermatologik reaktsiyalar: teri toshmasi, qichishish, fotosensibilizatsiya. Allergik reaktsiyalar: juda kam hollarda – ko‘pshaklli eritema, Stivens-Djonson sindromi, Layell sindromi, vaskulit, anafilaksiya, isitma, dispnoe, angionevrotik shish, pnevmonit. Boshqalar: qonda glyukoza darajasini oshishi.

Quyidagi infuzion eritmalar bilan mutanosib: natriy xloridining izotonik eritmasi, Ringer eritmasi, 5% li fruktoza eritmasi, 5% li dekstroza eritmasi. Geparin bilan aralashtirilmasin (pretsipitatsiya xavfi). Teofillinning klirensini 25% ga pasaytiradi (bir vaqtda qo‘llanganida teofillinning dozasini kamaytirish kerak). Tsimetidin, furosemid va metotreksat buyrak naychalari sekretsiyasini bloklovchi preparatlar – plazmada ofloksatsin kontsentratsiyasini oshiradi. Agar Siz antatsid preparatlarni yoki temir saqlovchi preparatlarni qabul qilayotgan bo‘lsangiz, preparatning samaradorligi susayadi, shuning uchun preparatni ko‘rsatilgan preparatlardan 2 soat oldin yoki 2 soat keyin qabul qilish lozim. Nosteroid yallig‘lanishga qarshi vositalar bilan bir vaqtda qo‘llanganida markaziy nerv tizimiga va tutqanoq xurujlarini rivojlanishiga rag‘batlantiruvchi ta’sir xavfi oshadi. Probenetsid, tsimetidin, furosemid va metotreksat bilan bir vaqtda qo‘llanganida, preparatning siydik bilan chiqarilishi kamayadi, T1/2 davri uzayadi va uning zaharli ta’sirini havfi oshadi. Preparat kumarin qatori antikoagulyantlarning samarasini kuchaytiradi, vekuroniy bromidining miorelaksatsiyalovchi ta’sirini oshiradi. Glyukokortikosteroidlar bilan bir vaqtda buyurilganida, ayniqsa keksa odamlarda, paylarni uzilish xavfi oshadi. Siydikni ishqoriylashtiradigan preparatlar (karboangidraza ingibitorlari, tsitratlar, natriy bikarbonati) bilan birga buyurilganida kristalluriya va nefrotoksik samaralarining xavfi oshadi.

Agarda Siz preparat bilan davolanayotgan bo‘lsangiz, zaruratsiz, to‘g‘ri quyosh nurlari ta’siri ostida bo‘lmasligingiz kerak, ultrabinafsha nurlari (simob-kvarts lampalari, solyariy) bilan nurlanishdan saqlanish kerak. Qandni kamaytiruvchi preparatlarni qabul qilayotgan qandli diabetli bemorlarda preparatni ehtiyotkorlik bilan qo‘llash lozim. Markaziy nerv tizimi tomonidan nojo‘ya ta’sirlar, allergik reaktsiyalar, soxtamembranoz kolit paydo bo‘lgan hollarda preparatni bekor qilish kerak. Kolonoskopik va/yoki gistologik isbotlangan soxtamembranoz kolitda, vankomitsin va metronidazolni buyurish ko‘rsatilgan. Kam hollarda paydo bo‘ladigan tendinit, ayniqsa keksa patsiyentlarda, paylarni uzilishiga (asosan Axillov payini) olib kelishi mumkin. Tendinit belgilari paydo bo‘lgan holda, zudlik bilan davolashni to‘xtatish, axillov payini immobilizatsiya qilish va ortoped bilan maslahatlashish lozim. Davolanish davrida avtotransportni boshqarish va diqqatni yuqori jamlashni, hamda psixomotor reaktsiyalarni tezligini talab qiluvchi potentsial xavfli faoliyat turlari bilan shug‘ullanishdan saqlanish kerak, etanol iste’mol qilish mumkin emas. Preparat qo‘llanganida qonning zamburug‘li kasalligini rivojlanishining yuqori xavfi tufayli ayollarga tamponlarni ishlatish tavsiya etilmaydi. Davolash fonida miasteniyaning kechishini yomonlashishi, moyil patsiyentlarda porfiriya xurujlarini tezlashishi mumkin. Tuberkulezning bakteriologik diagnostikasida soxtamanfiy natijalarga olib kelishi mumkin (Mycobacterium tuberculosis ni ajratilishiga to‘sqinlik qiladi). Buyrak funktsiyasini buzilishi yoki jigarni og‘ir shikastlanishi (tsirroz) bo‘lgan bemorlarda o‘rtacha sutkalik dozani oshirmaslik lozim. Transport vositalarini boshqarayotgan, mashina va mexanizmlarda ishlayotgan patsiyentlar nerv tizimi tomonidan yuz berishi mumkin bo‘lgan noxush samaralarni yodda tutishlari lozim. Preparatni uzoq muddat qo‘llash preparatga chidamli mikroorganizmlarning o‘sishi bilan bog‘liq bo‘lgan ikkilamchi infektsiyani chaqirishi mumkin. Preparat bilan davolanish vaqtida alkogolli ichimliklarini iste’mol qilishdan saqlanish kerak. Transport vositalari va mexanizmlarni boshqarish qobiliyatiga ta’siri Davolash davrida transport vositalarini boshqarish va diqqatni yuqori jamlash hamda psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug‘ullanishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25oS dan yuqori bo‘lmagan haroratda saqlansin. Muzlatilmasin.

Simptomlari: bosh aylanishi, ongni chalkashishi, tutqanoqsimon xurujlar, ko‘ngil aynishi va qusish, qorin og‘rig‘i, shilliq qavatlarning eroziv shikastlanishlari. Davolash: Simptomatik davolash. Antidoti yo‘q.

Retsept bo‘yicha beriladi

100 ml dan past bosimli polietilen flakonlarda. Har bir flakon qo‘llash bo‘yicha yo‘riqnomasi bilan karton qutiga joylanadi.

2 yil.