ikki tomonlama qavariq, dumaloq, pushti rangli, qobiq bilan qoplangan tabletkalar.

antiagregant vosita.

V01AS04.

Sutkada 75 mg dozani takroran peroral qabul qilgandan keyin klopidogrel tez so‘riladi. Ammo, plazmada asosiy birikmaning kontsentratsiyasi yuqori emas va qabul qilgandan 2 soatdan keyin aniqlash darajasiga (0,00025 mg/l) erishmaydi. Klopidogrel va uning aylanib yuruvchi asosiy metaboliti plazma oqsillari bilan qaytuvchan (muvofiq ravishda 98 va 94%) bog‘lanadi. Klopidogrel jigarda tez metabolizmga uchraydi. Uning asosiy metaboliti, karboksil hosilasi faol hisoblanmaydi, plazmadagi birikmaning taxminan 85% ni tashkil qiladi. Ushbu metabolitning plazmadagi maksimal kontsentratsiyasi (75 mg dozada peroral takroran qo‘llashdan keyin taxminan 3 mg/l) qabul qilgandan keyin taxminan bir soat o‘tgach kuzatiladi. Klopidogrel ta’sir etuvchi moddaning o‘tmishdoshi hisoblanadi. Uning faol metaboliti, tiol hosilasi klopidogrelni 2-okso-klopidogrelga oksidlanishi va keyinchalik gidroliz yo‘li bilan hosil bo‘ladi. Oksidlanish bosqichi birinchi navbatda tsitoxrom R450 2V6 va 3A4 izofermentlari bilan boshqariladi va kamroq darajada – 1A1, 1A2 va 1S19 tomonidan boshqariladi. Faol tiol metaboliti trombotsitar retseptorlar bilan tez va qaytmas bog‘lanadi, shu tariqa trombotsitlar agregatsiyasini bostiradi. Bu metabolit plazmada aniqlanmaydi. Asosiy metabolitning kinetikasi klopidogrelning 50 dan 150 mg dozalarida to‘g‘ri chiziqli bog‘liqni namoyon qilgan. Yuborgandan keyin 120 soat o‘tgach preparatning taxminan 50% siydik bilan va taxminan 46% axlat bilan chiqariladi. Aylanib yuruvchi asosiy metabolitning yarim chiqarilish davri bir marta qabul qilish va takroran qabul qilishdan keyin 8 soatni tashkil qiladi. Klopidogrelning sutkada 75 mg dozasini qabul qilishda og‘ir darajali buyrak kasalligi (kreatinin klirensi minutiga 5 ml dan 15 ml gacha) bo‘lgan patsiyentlarda aylanib yuruvchi asosiy metabolitning kontsentratsiyasi kreatinin klirensi minutiga 30-60 ml bo‘lgan bemorlar va sog‘lom shaxslarga nisbatan pastroq bo‘lgan. Bunda ADF-indutsiya qilgan trombotsitlar agregatsiyasiga nisbatan ingibitsiya qiluvchi samarasi og‘ir darajali buyrak kasalliklari bo‘lgan patsiyentlarda sog‘lom shaxslardagi shu samaraga nisbatan pastroq (25%) bo‘lgan, qon ketishi vaqti kuniga 75 mg klopidogrel qabul qilgan sog‘lom shaxslar kabi darajada uzaygan. Jigar tsirrozi bo‘lgan bemorlarda 75 mg sutkalik dozasini 10 davomida qabul qilish xavfsiz bo‘lgan va yaxshi o‘zalashtirilgan. Klopidogrelning maksimal kontsentratsiyasi sog‘lom  shaxslarga nisbatan tsirrozi bo‘lgan bemorlarda bir marta qabul qilishda ham, muvozanat holatida ham ko‘p marta yuqori bo‘lgan.

Quyidagi patsiyentlarda aterotrombotik hodisalarni oldini olish: miokard infarkti, ishemik insult o‘tkazgan yoki periferik arteriyalarning okklyuzion kasalliklari tashhislangan patsiyentlar;o‘tkir koronar sindromi bo‘lgan patsiyentlar;atsetilsalitsil kislotasi (ASK) bilan majmuada ST segmentini ko‘tarilishisiz (nostabil stenokardiya yoki Q tishsiz miokard infarkti);medikamentoz davolash va trombolitik davolashni o‘tkazish imkoniyati bo‘lganida ASK bilan majmuada ST segmentini ko‘tarilishi bilan (o‘tkir miokard infarkti) da qo‘llanadi.

Preparatni ovqat qabul qilishdan qat’iy nazar ichga qabul qilinadi. Miokard infarkti, insult, periferik arteriyalarning tashhislangan okklyuzion kasalligida klopidogrelni sutkada 1 marta 1 tabletkadan (75 mg) qabul qilish tavsiya etiladi. Miokard infarkti bo‘lgan bemorlarda davolashni miokard infarktidan keyin birinchi kundan 35 kungacha, ishemik insulti bo‘lgan bemorlarda esa – 7 kundan 6 oygacha bo‘lgan muddatda boshlash mumkin. ST segmentini ko‘tarilishisiz o‘tkir koronar sindromda (nostabil stenokardiya yoki Q tishsiz miokard infarkti) klopidogrel bilan davolashni 300 mg yuklama dozani bir marta qabul qilishdan boshlash mumkin, so‘ngra esa sutkada 1 marta 75 mg dozani qabul qilish bilan davom ettiriladi (sutkada 75-325 mg dozada ASK bilan majmuada). ASK ni yuqori dozalarda qo‘llash qon ketishini yuqori xavfi bilan bog‘liq bo‘lganligi sababli ASK ning tavsiya etilgan dozasi 100 mg dan oshmasligi kerak. Maksimal ijobiy samarasi davolashning 3-oyida kuzatiladi. Davolash kursi – 1 yilgacha. ST segmentini ko‘tarilishi bilan o‘tkir miokard infarkti bo‘lgan bemorlarda klopidogrelni sutkada 1 marta 75 mg dozada boshlang‘ich yuklama dozani qo‘llab ASK bilan majmuada yoki trombolitiklarsiz buyuriladi. 75 yoshdan oshgan patsiyentlarda klopidogrel bilan davolash yuklama dozani qo‘llamasdan amalga oshirilishi kerak. Majmuaviy davolashni simptomlar paydo bo‘lganidan keyin iloji boricha ertaroq boshlash va kamida 4 hafta davomida davom ettirish kerak.

Nohush samaralari organizm tizimlari va mutloq tez-tezligi bo‘yicha sanab o‘tilgan. Tez-tezligi quyidagicha aniqlangan: tez-tez (>1/100, <1/10); ba’zida (>1/1000, <1/100); kam g‘ollarda (>1/10000, <1/1000); juda kam hollarda(<1/10000). Qon yaratish tizimi tomonidan: tez-tez emas – trombotsitopeniya, leykopeniya, eozinofiliya, qon ketishi vaqtini uzayishi; kam hollarda– neytropeniya, shu jumladan og‘ir darajali; juda kam hollarda– trombotik trobotsitopenik purpura (TTP), aplastik anemiya, pantsitopeniya, agranulotsitoz, og‘ir darajali trombotsitopeniya, granulotsitopeniya, anemiya. Nerv tizimi tomonidan: tez-tez emas – bosh miya ichki qon quyilishlari (o‘lim bilan yakunlangan bir necha holatlar haqida xabar berilgan), bosh og‘rig‘i, paresteziyalar, bosh aylanishi; juda kam hollarda – gallyutsinatsiyalar, ongni chalkashishi. Yurak-qon tomir tizimi tomonidan: juda kam – vaskulit, arterial gipotenziya. Nafas tizimi tomonidan: juda kam hollarda – nafas yo‘llarinidan qon ketishi (qon tupurish, o‘pkadan qon ketishi), bronxospazm, interstitsial pnevmonit. Ovqat hazm qilish tizimi tomonidan: tez-tez – diareya, qorinda og‘riq, dispepsiya; tez-tez emas – me’da va o‘n ikki barmoq ichak yaralari, gastrit, qusish, ko‘ngil aynishi, qabziyat, meteorizm; juda kam hollarda – me’da-ichak yo‘llaridan va qorin parda orti qon ketishlari, ba’zida o‘lim bilan yakunlanadigan, pankreatit, kolit (shu jumladan yarali yoki limfotsitar kolit), stomatit, jigar faoliyati ko‘rsatkichlarini buzilishi, gepatit, o‘tkir buyrak yetishmovchiligi. Teri qoplamalari tomonidan: tez-tez emas – toshma, teri qichishishi, terida qon talashishlar (purpura); kam hollarda – bullyoz dermatit (toksik epidermal nekroliz, Stivens-Djonson sindromi, ko‘p shaklli eritema), angionevrotik shish, eritematoz toshma, eshakemi, ekzema, yassi temiratki; juda kam hollarda– gemorragiyalar. Suyak-mushak tizimi tomonidan: kam hollarda – skelet mushakdan qon ketishi (gemartrozlar), artrit, artralgiya, mialgiya. Siydik-jinsiy tizimi tomonidan: tez-tez emas – gematuriya; kam hollarda – glomerulonefrit, kreatinin miqdorini oshishi. Sezgi a’zolari tomonidan: tez-tez emas – ko‘z ichki qon quyilishlari (kon’yunktival, retinal). Allergik reaktsiyalar: juda kam hollarda – zardob kasalligi, anafilaktoid reaktsiyalar, operatsiyadan keyingi yaralarni qonuvchanligi. Boshqalar: kam hollarda – isitma.

ta’sir etuvchi modda yoki dori preparatining har qanday komponentlaridan biriga yuqori sezuvchanlik;jigar faoliyatini og‘ir darajali buzilishi;gemorragik sindrom;o‘tkir qon ketishlar;qon ketishi rivojlanishiga moyil kasalliklar (zo‘rayish bosqichidagi me’da va o‘n ikki barmoq ichak yara kasalligi, nospetsifik yarali kolit, tuberkulyoz, o‘pka o‘smalari, giperfibrinoliz);homiladorlik va laktatsiya davri;18 yoshgacha bo‘lgan patsiyentlar;Laktozani tug‘ma o‘zlashtiraolmaslik, laktaza tanqisligi, glyukozo-galaktoz malabsorbtsiya sindromida qo‘llash mumkin emas.

Peroral antikoagulyantlar: klopidogrelni peroral antikoagulyantlar bilan bir vaqtda qo‘llash mumkin emas, chunki bu qon ketishini kuchaytirishi mumkin. IIb/IIIa glikoprotein ingibitorlari: jarohat, jarroxlik yoki boshqa patologik holatlari bo‘lgan va IIb/IIIa glikoprotein ingibitorlarini qabul qiluvchi patsiyentda klopidogrelni ehtiyotkorlik bilan qo‘llash kerak. Atsetilsalitsil kislotasi (ASK): ASK ADF chaqirgan trombotsitlar agregatsiyasini klopidogrel tomonidan bostirilishini o‘zgartirmaydi, aksincha klopidogrel kollagen chaqirgan trombotsitlar agregatsiyasiga ASK ta’sirini kuchaytiradi. Shunga qaramasdan, sutkada ikki marta 500 mg dan ASK bir vaqtda qabul qilish 1 kun davomida klopidogrelni qabul qilish chaqirgan qon ketishi vaqtini ahamiyatli darajada oshishini chaqirmagan. Klopidogrel va ASK o‘rtasida farmakodinamik o‘zaro ta’sir bo‘lishi mumkin, u qon ketishi xavfini oshishiga olib keladi. Shu tariqa, bu preparatlarni bir vaqtda qo‘llashni ehtiyotkorlik bilan amalga oshirish kerak. Bunga qaramasdan klopidogrel va ASK ni bir yilgacha birga buyurilgan. Geparin: klopidogrel geparin dozasini o‘zgartirishni talab qilmagan va geparinning qon ivishiga ta’sir ko‘rsatuvchi samarasiga ta’sir qilmagan. Geparinni bir vaqtda qo‘llash klopidogrel tomonidan chaqirilgan trombotsitlar agregatsiyasini bostirilishiga ta’sir qilmagan. Trombolitik vositalar: o‘tkir miokard infarkti bo‘lgan bemorlarda klinik ahamiyatga ega qon ketishlar tez-tezligi trombolitik vositalar va geparinni ASK bilan birga qo‘llashda kuzatiladigan bilan bir xil bo‘lgan. Nosteroid yallig‘lanishga qarshi vositalar (NYAQV): klopidogrel va naproksenni birga qo‘llash me’da-ichak yo‘llaridan yashirish qon ketishini oshirgan. Ammo, boshqa NYAQV lar bilan klinik tadqiqotlar yo‘qligi sababli, hozirgi vaqtda me’da-ichak yo‘llaridan qon ketishini yuqori xavfi barcha NYAQV larga xarakterli ekanligi tushunarsiz. Shu tariqa, NYAQV, shu jumladan TsOG-2 ingibitorlari va klopidogrelni buyurish ehtiyotkorlikni talab etadi. Omeprazol, ezomeprazol, fluvoksamin, fluoksetin, moklobemid, vorikonazol, flukonazol, tiklopidin, tsiprofloksatsin, tsimetidin, karbamazepin, okskarbamazepin va xloramfenikol va CYP2S19 susaytiruvchi boshqa preparatlar: klopidogrel bilan birga qo‘llash klopidogrelning faol metabolitlarining dori kontsentratsiyalarini kamayishiga olib keladi va klopidogrel o‘zining faol metabolitigacha metabolizmga uchrashida ishtirok etuvchi CYP2S19 fermentini susayishi bilan bog‘liq uning klinik samarasini kamayishiga olib keladi. Klopidogrelni bu preparatlar bilan bir vaqtda qo‘llashdan voz kechish kerak. Proton pompa ingibitorlari: proton pompa ingibitorlarining sinfi ichida CYP2S19 ni susaytirishi bo‘yicha farqlarga qaramasdan klopidogrel va bu sinfning barcha preparatlari o‘rtasida o‘zaro ta’sir bo‘lishi mumkin. Shu tariqa, agar proton pompa ingibitorlarini qo‘llash mutloq zarur bo‘lmasa, uni bir vaqtda buyurishdan saqlanish kerak. N2 blokatorlari va antatsidlar kabi me’dada kislotalikni pasaytiruvchi dori vositalari klopidogrelning antitrombotsitar faolligiga ta’sir qilishi haqida isbotlar mavjud emas. Atenolol, nifedipin yoki ikkala preparat bir vaqtda: klopidogrel bilan klinik ahamiyatli farmakodinamik o‘zaro ta’sir kuzatilmagan. Fenobarbital, tsimetidin va estrogenlar: birga qo‘llash klopidogrelning farmakodinamik faolligiga ahamiyatli darajada ta’sir ko‘rsatmagan. Digoksin, teofillin: klopidogrelni birga qo‘llash bu preparatlarning farmakokinetikasiga ta’sir qilmagan. Antatsid vositalar: klopidogrelning so‘rilish darajasini o‘zgartirmagan. Fenitoin, tolbutamid va tsitoxrom R450 2S9 yordamida metabolizmga uchraydigan NYAQV: klopidogrel bilan majmuaviy qabul qilish ko‘rsatilgan dori vositalarining plazmadagi miqdorini oshishiga olib kelishi mumkin, chunki klopidogrelning metaboliti, karbon kislotasi tsitoxrom R450 2S9 faolligini susaytirishi mumkin. Ammo fenitoin va tolbutamidni klopidogrel bilan bir vaqtda xavfsiz qo‘llash mumkin. Siydik haydovchi, β-blokatorlar, AAF ingibitorlari, kaltsiy antagonistlari, xolesterin miqdorini kamaytiruvchi vositalar, koronar vazodilatatorlar, antidiabetik vositalar (shu jumladan, insulin) tutqanoqqa qarshi vositalar va GPIIb/IIIa antagonistlari: klopidogrel bilan birga qabul qilish klinik jihatdan  noxush o‘zaro ta’sirlar chaqirmaydi.

Qon ketishi va gematologik nohush samaralar xavfi tufayli davolash jarayonida qon ketishini ko‘rsatuvchi klinik simptomlar paydo bo‘lganida darhol qon xujayralari sonini aniqlash va/yoki boshqa muvofiq tahlillarni amalga oshirish kerak. Shuningdek boshqa antitrombotsitar preparatlar kabi Oddoralni jarohat, jarroxlik yoki boshqa patologik xolatlar bilan bog‘liq qon ketishini yuqori xavfiga moyil bemorlar, shuningdek ASK, geparin, IIb/IIIa glikoprotein ingibitorlari yoki NYAQV, shu jumladan TsOG-2 ingibitorlari bilan davolanayotgan bemorlarda ehtiyotkorlik bilan qo‘llash kerak. Bemorlarda qon ketishi, shu jumladan yashirin qon ketishi belgilarini, ayniqsa davolashning birinchi xaftasida va/yoki yurakda invaziv muolajalar yoki jarroxlik aralashuvlarida sinchkovlik bilan nazorat qilish kerak. Agar bemorga elektiv jarroxlik amaliyoti rejalashtirilgan bo‘lsa va antitrombotik samara kerak bo‘lmasa, operatsiyadan 7 kun oldin klopidogrelni bekor qilish kerak. Har qanday operatsiya va har qanday yangi dori preparatini qabul qilishdan oldin patsiyentlar Oddoral qabul qilishlari haqida shifokor va stomatologlarni ogohlantirishlari kerak. Oddoral qon ketishi vaqtini uzaytiradi va patologik o‘zgarishlar, qon ketishiga moyilligi (ayniqsa, me’da-ichak va ko‘z ichki) bo‘lgan bemorlarda ehtiyotkorlik bilan qo‘llanishi kerak. Oddoralni qabul qilishda (bir o‘zini yoki ASK bilan majmuada) qon ketishini to‘xtatish uchun ko‘proq vaqt talab qilishi, shuningdek ularda g‘ayrioddiy (joylashishi yoki davomiyligi bo‘yicha) qon ketishlar paydo bo‘lsa davolovchi shifokorga xabar berishlari kerakligi haqida ogohlantirishlari kerak. Klopidogrelni qo‘llashdan keyin juda kam xollarda, ba’zida qisqa muddatli ekspozitsiyadan keyin nevrologik o‘zgarishlar, buyrak disfunktsiyasi yoki isitma bilan kechuvchi trombotsitopeniya va mikroangiopatik gemolitik anemiya bilan xarakterlanadigan trombotik trombotsitopenik purpura (TTP) xollari aniqlangan. TTP darhol davolash, shu jumladan plazmoferezni talab qiluvchi potentsial o‘lim bilan yakunlanuvchi xolat hisoblanadi. Ma’lumotlar yo‘qligi sababli Oddoralni o‘tkir ishemik insultdan keyin birinchi 7 kun davomida tavsiya etish mumkin emas.

Homiladorlik vaqtida ekspozitsiya haqida klinik ma’lumotlar yo‘qligi sababli ehtiyotkorlik chorasi sifatida – Oddoralni homiladorlik vaqtida qo‘llamaslik maqsadga muvofiq. Oddoral bilan davolash vaqtida ehtiyotkorlik chorasi sifatida emizishni davom ettirish mumkin emas.

Original o‘ramida, 25oS dan yuqori bo‘lmagan haroratda saqlansin.

Simptomlari – qon ketishi vaqtini uzayishi, keyinchalik qon ketishi asoratlari. Qon ketishi hollarida muvofiq davolash talab qilinishi mumkin. Davolash: klopidogrelning farmakologik faolligining antidoti topilmagan. Agar uzaygan qon ketishi vaqtini muvofiqlantirish zarurati bo‘lganida trombotsitar massani quyish tavsiya etiladi.

Shifokor retsepti bo‘yicha beriladi

Qobiq bilan qoplangan tabletkalar, 75 mg. 10 tabletka blisterda, 3 blister karton qutida.

4 yil.