Noofen® 100: oq yoki sarg‘ish tusli deyarli oq rangli kukun. Sariq rangli kiritmalar bo‘lishiga yo‘l qo‘yiladi. Noofen® 500: oqdan och-sariq rangligacha bo‘lgan kukun. Sariq rangli kiritmalar bo‘lishiga yo‘l qo‘yiladi.

Boshqa psixostimulyatorlar va nootroplar.

Preparat ichga qabul qilinganidan keyin yaxshi so‘riladi va organizmning hamma to‘qimalariga kiradi, gematoentsefalik to‘siqdan oson o‘tadi. Preparatning yuborilgan dozasining taxminan 0,1% bosh miya to‘qimasiga kiradi, bunda yosh va keksa yoshdagi shaxslarda yuqoriroq darajada kiradi. Jigarda farmakologik faol bo‘lmagan metabolitlarigacha metabolizmga uchraydi. Taxminan 5% o‘zgarmagan ko‘rinishda buyraklar orqali chiqariladi. Takroran yuborilganda to‘planishi kuzatilmaydi.

Astenik va xavotirlik-nevrotik holatlar: bezovtalik, qo‘rquv, xavotirlik; keksa yoshdagi patsiyentlarda – uyquni buzilishi, tungi bezovtalik. Jarroxlik aralashuvi yoki og‘riqli diagnostik tekshiruvlar oldidan xavotirli holatlarini oldini olish. Menyer kasalligi; vestibulyar analizatorning turli genezli disfunktsiyasi bilan bog‘liq bosh aylanishlari. Kinetozlarda chayqalishlarni (ko‘ngil aynishi, qusish, bosh aylanishi, vestibulyar buzilishlar bilan xarakterlanadigan va harakatlanuvchi obyektda bo‘lish chaqirgan holat) oldini olish. Alkogolli abstinentsiya sindromini majmuaviy davolashda yordamchi vosita sifatida Bolalarda – duduqlanish, enurez, tiklarni davolash uchun qo‘llanadi.

Paketchaning ichidagisi yarim stakan iliq suvda eritiladi va ichga ovqatdan oldin qabul qilinadi. Astenik va xavotirli-nevrotik holatlar: Kattalar: 500 mg (Noofen 500 1 paketchasi) dan kuniga 1-3 marta. Davolash kursi – 2-3 hafta. Zarurati bo‘lganida kursini 4-6 haftagacha uzaytirish mumkin. Menyer kasalligi va vestibulyar analizatorning disfunktsiyasi bilan bog‘liq turli genezli bosh aylanishi: vestibulyar analizatorning faoliyatini infektsion genezga ega buzilishlari va Menyer kasalligining zo‘rayish davrida: 500 mg dan kuniga 4 marta 5-7 kun davomida, vestibulyar buzilishlarning yaqqolligi kamayganida – 5-7 kun davomida preparatning 500 mg dan kuniga 2-3 marta, so‘ngra – 500 mg dan kuniga 1 marta yana 5 kun davomida. Kasallikni nisbatan yengil kechishida 500 mg dan sutkada 1 marta 5-7 kun davomida qabul qilish, so‘ngra davolashni Noofen 100 mg paketchasini 7-10 kun davomida sutkada 2-3 marta qabul qilish bilan davom ettirish kerak.vestibulyar analizatorning faoliyatini tomirli va travmatik genezli buzilishlari – 500 mg dan kuniga 1-2 marta 12 kun davomida. Kinetozlarda chayqalishlarni oldini olish: Taxmin qilinayotgan sayohatdan 1 soat oldin yoki chayqalishning birinchi simptomlari paydo bo‘lganida 500 mg dan bir marta buyuriladi. Yaqqol simptomlar (qusish va hokazo) paydo bo‘lganida preparatni qabul qilish kam samarali. Alkogolli abstinent sindromni bartaraf etishda yordamchi vosita sifatida: Daolashning birinchi kunlari 500 mg dan kuni davomida 2-3 marta va kechqurunga 500 mg, sutkalik dozani odatdagi dozagacha asta-sekin pasaytirib, qabul qilinadi. Bolalarda duduqlanish, enurez va tiklarni davolash uchun: 3 yoshdan 4 yoshgacha 100 mg dan kuniga 2 marta buyuriladi;5 yoshdan 6 yoshgacha bo‘lgan bolalarga – 100 mg dan kuniga 2-3 marta;7 yoshdan 10 yoshgacha bo‘lgan bolalarga – 100 mg dan kuniga 3-4 marta;11 yoshdan 14 yoshgacha bo‘lgan bolalarga – 200 mg dan (100 mg dan 2 paketcha) kuniga 2-3 marta;14 yoshdan oshgan bolalarga – kattalar uchun dozasi (Noofen preparatining boshqa dori shakllarini qo‘llash tavsiya etiladi). Bolalar uchun eng yuqori dozalari: 3 yoshdan 6 yoshgacha – 100 mg, 7 yoshdan 10 yoshgacha – 200 mg, 11 yoshdan 14 yoshgacha – 300 mg. Patsiyentlarning alohida guruhlari Jigar faoliyatini buzilishlari bo‘lgan patsiyentlarda Noofenning yuqori dozalari gepatotoksiklik chaqirishi mumkin. Ushbu guruh patsiyentlarga kamroq samarali dozalar buyuriladi. Terapevtik dozalar buyurilganda buyrak faoliyatini buzilishi bo‘lgan patsiyentlarga Noofen preparatining noxush ta’sirlari haqida ma’lumotlar mavjud emas. Preparatga qaramlik va o‘rganib qolish kuzatilmaydi, “bekor qilish sindromi” yo‘q. Agar preparatni qabul qilish o‘tkazib yuborilgan bo‘lsa, bu haqida eslashingiz bilanoq qabul qiling, lekin agar keyingi qabul qilish vaqti yaqinlashgan bo‘lsa, qabul qilishni o‘tkazib yuboring.

Boshqa dori vositalari kabi, Noofen xam nojo‘ya ta’sirlarni chaqirishi mumkin, ular barcha patsiyentlarda ham namoyon bo‘lavermaydi. MedDRA (Reglamentar faoliyat terminologiyasining tibbiy lug‘ati) tasnifi tizimi bo‘yicha nojo‘ya ta’sirlar tez-tezligi: Juda tez-tez (≥1/10); Tez-tez (≥1/100 dan <1/10 gacha); Tez-tez emas (≥1/1000 dan <1/100 gacha); Kam hollarda (≥1/10000 dan <1/1000 gacha); Juda kam hollarda (<1/10000); Noma’lum (mavjud ma’lumotlar asosida aniqlab bo‘lmaydi). Nerv tizimi tomonidan buzilishlar Noma’lum – uyquchanlik (davolashni boshida), bosh og‘rig‘i va bosh aylanishi (kuniga 2 g dan yuqori dozalar qabul qilinganda; doza kamaytirilganda nojo‘ya ta’sir yaqqolligi kamayadi). Me’da-ichak yo‘llari tomonidan buzilishlar: Noma’lum – ko‘ngil aynishi (davolashni boshida). Jigar va o‘t chiqarish yo‘llari tomonidan buzilishlar: Noma’lum –– gepatotoksiklik (uzoq dozalarda uzoq vaqt qo‘llanganida). Teri va teri osti to‘qimalari tomonidan buzilishlar: Kam hollarda– allergik reaktsiyalar (teri toshmasi, qichishish). Bolalarda dori vositasini noto‘g‘ri qo‘llaganda emotsional beqarorlik va uyquni buzilishi mumkinligi haqida ma’lumotlar bor. Agar Sizda ushbu yo‘riqnomada ko‘rsatilmagan biron-bir nojo‘ya ta’sirlar paydo bo‘lsa yoki ko‘rsatilgan nojo‘ya ta’sirlardan birontasi ayniqsa kuchli namoyon bo‘lsa, iltimos shifokorga murojaat eting.

Preparatning ta’sir etuvchi moddasi yoki yordamchi moddalariga yuqori sezuvchanlik. Homiladorlik va laktatsiya davri. 3 yoshgacha bo‘lgan bolalarda qo‘llash mumkin emas. Noofen® 500 kukunining tarkibiga shakarning o‘rinbosari aspartam kiradi, u fenilalaninning manbai hisoblanadi. Fenilketonuriyasi bo‘lgan bemorlarda aspartamni qo‘llash mumkin emas.

O‘zaro ta’sirni kuchaytirish maqsadida Noofen preparati va u bilan birga qo‘llanadigan dori vositalarining dozasini kamaytirib, Noofenni psixotrop preparatlar bilan birga qo‘llash mumkin. Noofen uxlatuvchi, neyroleptik, tirishishga qarshi va parkinsonizmga qarshi vositalarning ta’sirini kuchaytiradi va uzaytiradi.

Quruq joyda, 250S dan yuqori bo‘lmagan haroratda saqlansin.

Preparat kam zaharli. Dozani oshirib yuborilish hollari to‘g‘risida ma’lumotlar ma’lum emas. Simptomlari: uyquchanlik, ko‘ngil aynishi, qusish, bosh aylanishi. Yuqori dozalarda uzoq vaqt qo‘llanganida eozinofiliya, arterial gipotenziya, buyrak faoliyatini buzilishi, jigarning yog‘li distrofiyasi (7 g dan ortiq qabul qilganda) rivojlanishi mumkin. Davolash: me’dani yuvish, faollashtirilgan ko‘mirni qabul qilish, hayotiy muhim faoliyatlarni tutib turish. Spetsik antidoti noma’lum.

Retsept bo‘yicha

Birlamchi o‘ram: kukun laminat paketchada. Ikkinchi o‘ram: 15 laminat paketcha qo‘llash bo‘yicha yo‘riqnomasi bilan birga karton qutida.

2 yil.