och sariq rangli, dumaloq, ikki tomonlama qavariq, bir tomonidan tabletkani bo‘lish uchun chizig‘i bo‘lgan tabletkalar

Nosteroid yallig‘lanishga qarshi vosita (NYAQV).

M01AX17

Ichga qabul qilinganida so‘rilishi – yuqori (ovqat qabul qilish so‘rilish tezligini pasaytiradi, bunda so‘rilish darajasiga ta’sir qilmaydi). Maksimal kontsentratsiyasiga Cmax erishish vaqti 1,5-2 soatni tashkil etadi. Plazma oqsillari bilan bog‘lanishi – 95%, eritrotsitlar bilan – 2%, lipoproteinlar bilan – 1%, nordon alfa-1-glikoproteid bilan 1% ni tashkil etadi. Dozasini o‘zgartirish bog‘lanish darajasiga ta’sir qilmaydi. Cmax – 3,5-6,5 mg/l. Vd – 0,19-0,35 l/kg. Yallig‘lanish o‘chog‘ining nordon muhitiga (40%), sinovial suyuqlikka (43%) yaxshi o‘tadi. Gistogematik to‘siqlar orqali oson o‘tadi. Jigarda to‘qima monooksigenazalari bilan metabolizmga uchraydi. 4-gidroksinimesulid asosiy metaboliti (25%), o‘xshash farmakologik faollikka ega, ammo molekulalar o‘lchamini kichrayishi oqibatida TsOG-2 ning gidrofob kanali bo‘ylab metil guruhining faol bog‘lanish markaziga tez duffuziya qilishi mumkin. 4-gidroksinimesulid suvda eruvchan birikma hisoblanadi, uni chiqarilishi uchun glutation va metabolizmning II bosqich kon’yugatsiya reaktsiyasi (sulfat guruhini birikishi, glyukuron kislotasini birikishi va boshq.) talab etilmaydi. Nimesulidni T1/2 – 1,56-4,95 soat, 4-gidroksinimesulidniki – 2,89-4,78 soatni tashkil etadi. 4-gidroksinimesulid buyraklar orqali (65%) va safro bilan (35%) chiqariladi, enterogepatik retsirkulyatsiyaga uchraydi.

Revmatoid artrit, osteoartroz, turli etiologiyali artritlar, artralgiyalar, mialgiyalar, operatsiyadan va jarohatdan keyingi og‘riqlar, bursit, tendinit, algodismenoreya, tish og‘rig‘i va bosh og‘rig‘ida qo‘llanadi. Preparat simptomatik davolash uchun mo‘ljallangan, og‘riq va yallig‘lanishni preparatni qo‘llash vaqtida kamaytiradi, kasallikni zo‘rayishiga ta’sir qilmaydi.

Kattalar uchun nimesulidning odatdagi dozasi 100 mg dan kuniga ikki marta qabul qilishni tashkil etadi. 12 yoshgacha bo‘lgan bolalarga qo‘llash mumkin emas. O‘smirlar (12-18 yosh): dozasiga tuzatish kiritish talab etilmaydi. Nojo‘ya reaktsiyalarni rivojlanish havfini minimal darajaga yetkazish uchun, minimal samarali dozasi imkon boricha qisqa vaqt davomida buyurilishi kerak. Nimesulidni maksimal qabul qilish davomiyligi 15 kundan oshmasligi kerak.

Eshakemi, leykopeniya, qichishish, bosh og‘rig‘i, ko‘ngil aynishi, trombotsitopeniya. Preparatni qabul qilish to‘xtatilganidan so‘ng nojo‘ya samaralarning simptomlari kamayadi. Agar simptomlari saqlanib tursa, shifokor bilan maslahatlashing.

Nimesulidga va preparatning boshqa komponentlariga o‘ta yuqori sezuvchanlik, atsetilsalitsil kislotasiga va boshqa NYAQV ga o‘ta yuqori sezuvchanlik (shu jumladan anamnezida), jumladan bronxial astma, eshakemi yoki rinit kabi ko‘rinishlar, anamnezida qaytalanuvchi yara kasalligi yoki MIY dan qon ketishi, anamnezida tserebrovaskulyar qon quyilishlari, qon ivishini og‘ir darajadagi buzilishlari, og‘ir darajadagi buyrak yetishmovchiligi, og‘ir darajadagi yurak yetishmovchiligi, me’da va o‘n ikki barmoq ichakni zo‘rayish bosqichidagi yara kasalligi, jigar yetishmovchiligi, alkogolizm, dorilarga qaramlik, anamnezida nimesulidga nisbatan gepatotoksik reaktsiyalar, boshqa gepatotoksik dori vositalari bilan bir vaqtda buyurish, tana haroratini ko‘tarilishi va/yoki grippsimon simptomlar, homiladorlik va emizish davrida, 12 yoshgacha bo‘lgan bolalarga qo‘llash mumkin emas.

Nimesulid litiy preparatlari bilan bir vaqtda qo‘llanganida litiyning klirensini oshishi bilan uning plazmadagi kontsentratsiyasi va toksikligi oshadi; monitoring o‘tkazish talab etiladi; diuretiklar bilan, xususan furosemid bilan – nimesulid furosemidning natriyuretik ta’sirini vaqtinchalik kuchaytiradi va kaliyni chiqarilishiga kamroq darajada ta’sir qiladi; metotreksat bilan – agar nimesulid metotreksatni qo‘llashdan 24 soat oldin yoki 24 soat davomida ishlatilsa, ehtiyotkorlikka rioya qilish kerak, chunki metotreksatning zardobdagi darajasi oshishi mumkin, bu o‘z navbatida uning toksikligini muvofiq ravishda oshishiga olib keladi. Nimesulid CYP2C9 ni ingibitsiya qiladi. Ushbu ferment ta’sirida metabolizmga uchraydigan quyida keltirilgan dori vositalar: antikoagulyantlar (atsenokumarol, varfarin); tutuqanoqqa qarshi dori vositalar (tolbutamid, glipizid, gliburid, glimepirid, nateglipid); NYAQP (diklofenak, naproksen, meloksikam, piroksikam, flurbiprofen, tselekoksib); N1-retseptorlarning blokatorlari (kandesartan, lozartan, irbesartan); boshqalar (fluvastatin, torsemid) larning kontsentratsiyasi nimesulid bilan birga qo‘llanganida oshishi mumkin.

Homiladorlik va laktatsiya davrida qo‘llash tavsiya etilmaydi. Buyrak faoliyatini buzilishi: yengil va o‘rtacha darajadagi buyrak yetishmovchiligida (kreatinin klirensi minutiga 30-80 ml) preparatning dozasiga tuzatish zaruriyati yo‘q. Og‘ir darajadagi buyrak yetishmovchiligida (kreatinin klirensi < 30 ml/min) nimesulidni qo‘llash mumkin emas. Jigar faoliyatini buzilishi: preparatni qo‘llash mumkin emas. Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati tugaganidan so‘ng ishlatilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Nimesulid tavsiya etilgan dozadan ancha yuqori dozada qabul qilinganida NYAQV ning barcha vakillari uchun xos bo‘lgan dozani oshirib yuborilish simptomlari: bosh aylanishi, ko‘ngil aynishi, qusish, epigastriyda og‘riqni kutish mumkin, ular odatda tutib turuvchi davolashda orqaga qaytuvchan bo‘ladi. Me’da-ichakdan qon ketishi mumkin. Kam hollarda gipertenziya va o‘tkir buyrak yetishmovchiligi kuzatiladi. Anafilaktik reaktsiyalar rivojlanishi mumkin. Davolash: simptomatik va tutib turuvchi davolash o‘tkaziladi; spetsifik antidotlari yo‘q. Gemodializ, shuningdek jadallashtirilgan diurez, siydikning rN ni kislotali muhitga o‘zgarishi yoki gemoperfuziya nimesulidni qon oqsillari bilan bog‘lanish darajasi yuqori (97,5% gacha) bo‘lganligi sababli samarasiz bo‘lishi mumkin.

Retsept bo‘yicha

10 tabletkadan blisterda tibbiyotda qo‘llash bo‘yicha yo‘riqnomasi bilan birga karton qutiga joylangan.

3 yil.