tiniq rangsiz yoki och-sariq rangli suyuqlik.

Mineral preparat.

V05XA01

– Qandli diabet, davomli diareya, qusish, ayrim diuretiklarni qo‘llash (tiazidli, tiazidsimon, xalqali), glyukokortikosteroidlar, yurak glikozidlari, gepotenziv preparatlar bilan davolash fonida paydo bo‘lgan gipokaliyemiyani davolash va oldini olish. – Digitalis intoksikatsiyasini davolash va oldini olish. – Kelib chiqishi turli bo‘lgan aritmiyalar (elektrolit buzilishlari va mutloq yoki nisbiy gipokaliyemiya bilan bog‘liq bo‘lgan). Miokard infarkti bo‘lgan bemorlarda (o‘tkir davrda) aritmiyani oldini olish uchun qo‘llanadi.

Vena ichiga oqim bilan yoki tomchilab yuboriladi. 50 ml 40 mg/ml kaliy xloridining eritmasi izotonik eritma olish uchun inyektsiya uchun suvda 10 marta (500 ml gacha) suyultiriladi va vena ichiga tomchilab (minutiga 20-30 tomchi) yuboriladi. Tomchilab yuborish uchun eritma 500 ml natriy xloridining izotonik eritmasida yoki 5% li dekstroza eritmasida 2,5 g gacha kaliy xloridi hisobidan tayyorlash mumkin.

Ovqat hazm qilish tizimi tomonidan: ko‘ngil aynishi, qusish, diareya, meteroizm, abdominal og‘riqlar, me’da-ichak yo‘llari shilliq qavatida yara paydo bo‘lishi, me’da-ichak yo‘llaridan qon ketishi, ichak perforatsiyasi va ichakni tutilishi. Nerv tizimi tomonidan: paresteziyalar, mushaklarning kuchsizligi, ongni chalkashishi. Yurak-qon tomir tizimi tomonidan: arterial qon bosimni pasayishi, aritmiyalar, hatto to‘liq AV blokadasi paydo bo‘lgunicha atrioventrikulyar o‘tkazuvchanlikni sekinlashishi, yurakni to‘xtashi (doza oshirib yuborilganida). Boshqalar: giperkaliyemiya, allergik reaktsiyalar.

Preparatning tarkibiga kiruvchi komponentlarga o‘ta yuqori sezuvchanlik. O‘tkir va surunkali buyrak yetishmovchiligi, to‘liq atrioventrikulyar blokada, buyrak usti bezlarining yetishmovchiligi, kaliy tejovchi diuretiklar bilan yondosh davolash, giperkaliyemiya, metabolik buzilishlar (atsidoz, giponatriyemiyali gipovoliyemiya), me’da-ichak yo‘llarining eroziv-yarali kasalliklari, homiladorlik va laktatsiya davri, 18 yoshgacha bo‘lgan bolalarda (samarasi va xavfsizligi aniqlanmagan) qo‘llash mumkin emas.

Yurak glikozidlarining eritmalari bilan farmatsevtik mutanosib (ularning o‘zlashtirilishini yaxshilaydi). Aritmiyaga qarshi dori vositalarining salbiy dromo- va batmotrop ta’sirini kuchaytiradi. Qutblovchi aralashma tarkibida (dekstroza va insulin bilan birga) miokard infarktida, ektopik aritmiyalarda va yurak glikozidlari bilan dozani oshirib yuborilishida, yurak ritmini me’yorlashuviga yordam beradi. Beta-adrenoblokatorlar, tsiklosporin, geparin, kaliy tejovchi diuretiklar, kaliy preparatlari, AAF ingibitorlari, nosteroid yallig‘lanishga qarshi vositalar giperkaliyemiyani rivojlanish xavfini oshiradi. Xinidinning ta’sirini, dizopiramidning nojo‘ya ta’sirlarini kuchaytiradi.

I-II darajali atrioventrikulyar blokadada ehtiyotkorlik bilan qo‘llash kerak. Davolash davrida qon zardobida kaliyning miqdorini, EKG ni nazorat qilish, gipokaliyemiyani davolashda kislota-ishqor holatini nazorati zarur. O‘limga olib keluvchi giperkaliyemiya tez va simptomsiz rivojlanishi mumkinligini hisobga olish kerak. Bolalarda kaliy xloridini qo‘llashning xavfsizligi va samaradorligi aniqlanmagan. Homiladorlik va emizish davrida qo‘llanishi: Homiladorlikda qo‘llashning zarurati bo‘lganida ona uchun kutiladigan foyda va homila uchun potentsial xavfni taqqoslash lozim. Laktatsiya davrida emizishni to‘xtatish masalasi hal qilinishi kerak. Tibbiyotda qo‘llash uchun dori preparatini transport vositalarini va mexanizmlarni boshqarish qobiliyatiga mumkin bo‘lgan ta’siri haqida ma’lumotlar. Avtomobilni va diqqatni jamlash va psixomotor reaktsiyalar tezligini talab qiluvchi boshqa faoliyat turlariga preparatning noxush ta’siri haqida xabar berilmagan. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

Simptomlari: giperkaliyemiya (qon zardobida kaliy ionlarining kontsentratsiyasini 5,5 mekv/l dan oshib ketishi) va quyidagilar uning belgilari xisoblanadi: mushak gipotonusi, oyoq-qo‘llarning paresteziyasi, atrioventrikulyar o‘tkazuvchanligi sekinlashishi, aritmiyalar, yurakni to‘xtashi. Elektrokardiogrammadagi erta o‘zgarishlar – qon zardobida kaliy ionlari 5,5-6,5 mekv/l gacha oshganida V2-V4 ko‘krak ko‘rsatgichlarida juda yaqqol namoyon bo‘lgan cho‘qqisi uchli va asosi tor uzun T tishchasi. Quyidagilar o‘rtacha giperkaliyemiyaning (qon zardobidagi kaliy ionlarining kontsentratsiyasi 6,5-8,0 mekv/l) elektrokardiografik belgilaridir: R tishcha amplitudasini kamayishi, PQ, QRS oralig‘ini uzayishi, R tishcha amplitudasini kaltalashishi va ekstrosistoliyalar. Giperkaliyemiyaning og‘irroq simptomlari – mushaklarning falaji va yurakni to‘xtashi (EKG dagi o‘zgarishlar – sekinlashgan yoki tezlashgan idioventrikulyar ritm, qorinchalar fibrilyatsiyasi, asistoliya) qon zardobida kaliy ionlarining kontsentratsiyasi 9-14 mekv/l bo‘lganida rivojlanadi. Davolash: ichga yoki vena ichiga natriy xloridining eritmasi yuboriladi; vena ichiga 1000 ml da 10-20 TB insulin bo‘lgan 300-500 ml dekstroza eritmasi; zarurati bo‘lganida – gemodializ va peritoneal dializ o‘tkaziladi.

Retsept bo‘yicha

Inyektsiya uchun eritma 4%. 10 ml dan neytral shisha ampulalarda. 10 ampuladan qo‘llash bo‘yicha yo‘riqnomasi bilan birga karton qutiga joylanadi.

3 yil.