oq suspenziya, turganida tiniq rangsiz yoki deyarli rangsiz cho‘kma ustki suyuqlik va oq rangli cho‘kmaga bo‘linadi.

inyektsiya uchun insulin va insulinning analoglari, tez ta’sir qiluvchi insulin bilan kombinatsiyalangan oraliq ta’sirli odam insulini.

A10AD01.

Insulinning qon oqimida yarim chiqarilish davri bir necha minutni tashkil qiladi. Va demak, insulin saqlovchi preparatning ta’sirini xususiyati uning aynan so‘rilish xarakteristikalari bilan belgilanadi. Ushbu jarayonga qator omillar (masalan, insulinning dozasi, yuborish usuli va joyi, teri osti yog‘ kletchatkasi qavatining qalanligi, diabetning turi) ta’sir ko‘rsatadi. Shunday qilib, insulin saqlovchi preparatlarning farmakokinetik xususiyatlariga shaxslarning ichidagi va shaxslararo o‘zgaruvchanlik ta’sir qiladi. So‘rilishi So‘rilish profili, preparat muvofiq ravishda tez va sekin so‘riladigan insulin preparatlarining aralashmasi ekanligi bilan bog‘liq. Tez ta’sirga ega insulinning qon plazmasidagi maksimal kontsentratsiyasiga teri ostiga yuborilganidan keyin kechi bilan 1,5-2,5 soatdan keyin erishiladi. Taqsimlanishi Qonda aylanib yuruvchi insulin antitelalaridan tashqari (agar ular bo‘lsa), plazma oqsillari bilan to‘liq bog‘lanishi kuzatilmaydi. Metabolizmi Ta’rifga ko‘ra odam insulini insulin proteazasi yoki insulinni parchalovchi fermentlar tomonidan, shuningdek oqsil-disulfidizomeraza tomonidan parchalanadi. Taxminlarga muvofiq insulinning molekulasida bir necha parchalanish (gidroliz) saytlari saqlanadi; parchalanganidan keyin hech qanday metabolitlar hosil bo‘lmaydi. Chiqarilishi Yarim chiqarilishining yakuniy davri teri osti to‘qimalaridan so‘rilish tezligi bilan belgilanadi. Yarim chiqarilishining yakuniy davri (tS), shunday qilib, insulinni plazmadan toza holda chiqarilishini emas, balki so‘rilishining ko‘rsatgichi hisoblanadi (qon oqimidagi insulinning tS bir necha minutni tashkil qiladi). Tekshirishlarga muvofiq tS taxminan 5-10 soatni tashkil qiladi.

1 va 2 tip qandli diabet;qandli diabeti bo‘lgan bemorlarda glikemik nazoratni buzilishi bilan birga kechuvchi shoshilinch holatlarda qo‘llanadi.

Mikstard® ikkilangan ta’sirga ega insulindir. Bu ikki fazali ta’sirga ega dori shaklidir, uning tarkibiga ham tez ta’sirga ega insulin, ham davomli ta’sirga ega insulin kiradi. Insulinning majmuaviy preparatlari, agarda boshlang‘ich tez va davomliroq samaralarni qo‘shilishi talab qilinsa, odatda kuniga bir yoki ikki marta yuboriladi. Tavsiya qilingan doza Doza har bir bemorning zaruratiga muvofiq shaxsiy ravishda belgilanadi. Insulinga bo‘lgan shaxsiy ehtiyoj odatda kuniga 0,3 dan 1,0 XB/kg gacha tebranib turadi. Insulinga bo‘lgan sutkalik ehtiyoj, insulinga rezistentligi bo‘lgan bemorlarda (masalan, jinsiy yetilish davri davomida yoki semirish sababli) yuqori va endogen insulini biroz qoldiq ishlab chiqarilishi bo‘lgan bemorlarda past. Qandli diabeti bo‘lgan bemorlarda optimallashtirilgan glikemik nazorat diabetning kechki asoratlarini paydo bo‘lish muddatini kechiktiradi. Shu sababli qonda glyukozaning darajasini sinchiklab nazorat qilish tavsiya qilinadi. Preparat ovqat qabul qilish yoki uglevodlar saqlovchi yengil taom tanovul qilishdan 30 minut oldin yuboriladi. Doza Yondosh kasalliklar, ayniqsa infektsion kasalliklar va isitmali holatlar odatda bemorning insulinga bo‘lgan ehtiyojini oshiradi. Buyrak va jigar yetishmovchiligi insulinga ehtiyojni pasaytirishi mumkin, shuningdek bemorning jismoniy faolligi yoki uning odatdagi ovqatlanishi o‘zgarganida ham dozani tanlashga zarurat tug‘ilishi mumkin. Dozani tanlash bemorni insulin saqlovchi bir preparatdan boshqasiga o‘tishda ham zarur bo‘lishi mumkin. Qo‘llash usuli Teri ostiga yuborish uchun. Insulin suspenziyalarini zinhor vena ichiga yuborish mumkin emas. Mikstard® teri ostiga songa yoki qorin devoriga yuboriladi. Shuningdek qulaylik uchun, preparatni dumba sohasiga yoki deltasimon mushakka yuborish mumkin. Qorin devoriga teri ostiga inyektsiya qilish, boshqa sohalarga qilingan inyektsiyaga qaraganda tezroq so‘rilishni ta’minlaydi. Barmoqlar bilan ushlab olingan teri burmasiga inyektsiya qilish, mushak ichiga behosdan inyektsiya qilish xavfini minimallashtiradi. Preparatning dozasini to‘liq yuborilishini ta’minlash uchun, igna kamida 6 sekund davomida teri ostida qolishi kerak. Lipodistrofiyaga (lipoatrofiya va lipogipertrofiya) yo‘l qo‘ymaslik uchun preparatni yuborish joyini anatomik soha chegarasida o‘zgartirish kerak. Mikstard® preparatiga, bu dori vositasini qo‘llash bo‘yicha yo‘riqnomasi bo‘lgan ilova-varaqa ilova qilinadi. Flakonlar birliklarning tegishli shkalasi bo‘lgan insulin shpritslari bilan qo‘llash uchun mo‘ljallangan.

Boshqa insulin saqlovchi preparatlar bilan bo‘lgani kabi, ko‘pchilik hollarda gipoglikemiya – bu eng ko‘p uchraydigan noxush samaradir. U, insulinning dozasi, insulinga bo‘lgan ehtiyojga nisbatan haddan tashqari yuqori bo‘lgan hollarda paydo bo‘lishi mumkin. Klinik tekshirishlarda va tijorat maqsadida ishlatish vaqtida uning paydo bo‘lish tez-tezligi bemorlarning guruhi va dozalash tartibiga qarab o‘zgarib turadi. Shunday qilib, gipoglikemiyaning tez-tezligi to‘g‘risida aniq ma’lumotlarni keltirishning imkoniyati yo‘q. Og‘ir gipoglikemiya xushdan ketishga va/yoki tirishishlarga olib kelishi mumkin, shuningdek miyaning faoliyatini vaqtinchalik yoki muntazam yomonlashishini yoki hatto o‘limni chaqirishi mumkin. Gipoglikemiyaning simptomlari sovuq ter, charchoqlik, diqqatni jamlashda qiyinchilik, uyquchanlik, haddan tashqari ochlik, ko‘rishni buzilishi, bosh og‘rig‘i, ko‘ngil aynishi, yurakning tez-tez urishini o‘z ichiga oladi. Quyida keltirilgan noxush reaktsiyalar, tez-tezligi va a’zolar tizimining sinfiga muvofiq tasniflangan. Tez-tezlik toifalari quyidagi shartli belgilarga muvofiq belgilangan: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hallarda (≥1/10000 dan <1/1000 gacha); juda kam hallarda (<1/10000) va noma’lum (mavjud ma’lumotlar bo‘yicha aniqlash mumkin emas). Nerv tizimi tomonidan buzilishlar Tez-tez emas – periferik neyropatiya. Qonda glyukozaning darajasi nazorat qilinganida tez yaxshilanish, odatda qaytuvchi bo‘lgan “o‘tkir og‘riqli neyropatiya” deb nomlanuvchi holat bilan bog‘liq bo‘lishi mumkin. Ko‘rish a’zolari tomonidan buzilishlar Juda kam hallarda – refraktsiyani buzilishi. Refraktsion anomaliyalar insulin bilan davolash boshlanganidan keyin uchrashi mumkin. Bu simptomlar, odatda, qisqa muddatli xarakterga ega. Tez-tez emas – diabetik retinopatiya. Qondagi qandni uzoq muddatli kuchli nazorati diabetik retinopatiyani rivojlanib borishi xavfini pasaytiradi. Biroq glikemik nazoratni keskin yaxshilanishi bilan insulinoterapiyani kuchaytirish, o‘zi bilan diabetik reaktsiyani vaqtinchalik yomonlashishiga olib kelishi mumkin. Teri va teri osti to‘qimalari tomonidan buzilishlar Tez-tez emas – lipodistrofiya. Preparatni yuborilishi bir sohaning turli joylariga emas, balki ayni bir joyga amalga oshirilgani tufayli, inyektsiya joyida lipodistrofiya (lipoatrofiya va lipogipertrofiya) rivojlanishi mumkin. Umumiy xarakterga ega asoratlar va yuborish joyidagi reaktsiyalar Tez-tez emas – yuborish joyida reaktsiya. Insulin bilan davolash yuborish joyida reaktsiyalarni (qizarish, shishish, qichishish, og‘riqlar va yuborish joyida gematoma) paydo bo‘lishi bilan kechishi mumkin. Reaktsiyalarning katta qismi vaqtinchalik xarakterga ega va keyinchalik davolash vaqtida yo‘qoladi. Tez-tez emas – shish. Insulinoterapiyaning boshida shish rivojlanishi mumkin. Odatda bu simptom vaqtinchalikdir. Immun tizimi tomonidan buzilishlar Tez-tez emas – eshakemi, toshma. Juda kam hallarda – anafilaktik reaktsiyalar. Umumiy yuqori sezuvchanlik simptomlari terida tarqoq toshma, qichishish, kuchli terlash, me’da-ichak yo‘llarini buzilishlari, angionevrotik shish, nafas olishni qiyinlashishi, yurakni tez urishi, qon bosimni pasayishi va xushdan ketishlar/es-xushni yo‘qotishni o‘z ichiga olishi mumkin. Umumiy yuqori sezuvchanlik reaktsiyalari hayot uchun potentsial xavf tug‘diradi.

gipoglikemiya;odam insuliniga yoki har qanday yordamchi moddalariga yuqori sezuvchanlikda qo‘llash mumkin emas.

Ma’lumki, dori preparatlarining katta miqdori glyukozaning metabolizmga ta’sir ko‘rsatadi. Quyidagi moddalar patsiyentning insulinga bo‘lgan ehtiyojini pasaytirishi mumkin: Peroral diabetga qarshi preparatlar, monoaminoksidaza ingibitorlari (MAOI), beta-adrenergik retseptorlarning noselektiv blokatorlari, angiotenzin-I-aylantiruvchi ferment ingibitorlari, salitsilatlar, anabolik steroidlar va sulfamidlar. Quyidagi moddalar patsiyentning insulinga bo‘lgan ehtiyojini oshirishi mumkin: Peroral homilaga qarshi vositalar, tiazidlar, glyukokortikoidlar, tireoid gormonlar, simpatomimetik vositalar, o‘sish gormoni va danazol. Beta-blokatorlar gipoglikemiyaning simptomlarini yashirishi va gipoglikemiyani bartaraf qilishga to‘sqinlik qilishi mumkin. Oktreotid/lanreotid insulinga bo‘lgan ehtiyojni ham pasaytirishi, ham oshirishi mumkin. Alkogol insulinning gipoglikemik samarasini kuchaytirishi yoki susaytirishi mumkin. Nomutanosiblik. Insulin suspenziyalarini infuziya uchun eritmalarga qo‘shish mumkin emas.

Preparatning muvofiq bo‘lmagan dozasi yoki davolashni to‘xtatish, ayniqsa I tip diabetda, giperglikemiyani rivojlanishiga olib kelishi mumkin. Odatda, giperglikemiyaning birinchi simptomlari bir necha soat yoki bir necha kun davomida, asta-sekin paydo bo‘ladi. Ularga chanqoqlik, siyish tez-tezligini oshishi, ko‘ngil aynishi, qusish, uyquchanlik, terini giperemiyasi va qurishi, og‘izni qurishi, ishtahani yo‘qolishi, shuningdek nafasda atseton hidi kiradi. I tur diabetda davolash bo‘lmaganida, giperglikemiya holati oxir-oqibat o‘lim bilan yakun topish ehtimoli bo‘lgan ketoatsidozning rivojlanishiga olib keladi. Ushbu bemor uchun insulinning haddan tashqari yuqori dozasi yuborilganida gipoglikemiya rivojlanishi mumkin. Ovqat qabul qilishni o‘tkazib yuborish yoki rejalashtirilmagan jadal jismoniy zo‘riqish gipoglikemiyaga olib kelishi mumkin. Qondagi glyukozaning darajasini sinchkovroq nazorati belgilanganidan keyin, masalan insulin bilan jadalroq davolashda, bemorlarda gipoglikemiyani rivojlanishining odatdagi simptomlarini o‘zgarishi kuzatilishi mumkin, va ular tegishli tavsiyalar olishlari kerak. Gipoglikemiyani rivojlanishining odatdagi bo‘lmagan simptomlari ko‘p yillik diabeti bo‘lgan bemorlarda yo‘qolishi mumkin. Bemorni boshqa turdagi insulin preparatiga yoki brendga o‘tishi qat’iy shifokor kuzatuvi ostida amalga oshirilishi lozim. Ta’sir qiluvchi moddaning miqdorini brendni (ishlab chiqaruvchini), turini (tez ta’sirga ega insulin va hokazo), kelib chiqishi (hayvon, odam insulini, odam insulini analogi) va/yoki ishlab chiqarish usulini (rekombinant DNK texnologiyasi yoki hayvonlardan olinadigan) o‘zgarishi dozani o‘zgartirishni talab qilishi mumkin. Agarda bemorni Mikstard® ga o‘tishida dozani tanlashning zarurati tug‘ilsa, u birinchi inyektsiyani yuborishda yoki birinchi bir necha hafta yoki oy davomida bo‘lishi mumkin. Insulin bilan davolashning boshqa turlarida bo‘lgani kabi, preparatni yuborish joyida reaktsiyalarni, shu jumladan og‘riq, qichishish, allergik toshma, shish va yallig‘lanishni paydo bo‘lish ehtimoli bor. Yuborish joylarini ushbu soha chegarasida uzluksiz almashtirib turish, bu reaktsiyalarni kamaytirish yoki bartaraf qilishga yordam berishi mumkin. Odatda, reaktsiyalar bir necha kundan bir necha haftagacha bo‘lgan muddatda o‘tib ketadi. Kam hollarda preparatni yuborish joyidagi reaktsiyalar Mikstard® preparati bilan davolashni to‘xtatishni talab qilishi mumkin. Gipoglikemik reaktsiyalarni o‘tkazgan bir necha bemorlar hayvonlardan olingan insulindan o‘tganlaridan keyin, gipoglikemiyani rivojlanishining erta simptomlari kamroq yaqqollikka ega bo‘lgani yoki insulinning avvalgi turi bilan davolanish vaqtida ularda paydo bo‘lganlaridan farq qilishi to‘g‘risida xabar berishgan. Agarda patsiyent, mintaqalarini o‘zgarishi bilan kechuvchi safarga tayyorlanayotgan bo‘lsa, u shifokor bilan maslahatlashishi kerak, chunki bu bemor insulin va ovqatni boshqa vaqtda qabul qilishga majbur bo‘lishini bildiradi. Insulin suspenziyalari insulinli infuzion dozatorlarda ishlatish uchun mo‘ljallanmagan. Homiladorlik va laktatsiya Insulinni yo‘ldosh to‘sig‘i orqali o‘tmasligi tufayli, homiladorlik davrida diabetni insulin saqlovchi preparatlar bilan davolashga qarshi ko‘rsatmalar yo‘q. Diabetni yetarli darajada nazoratsiz davolashda rivojlanishi mumkin bo‘lgan ham gipoglikemiya, ham giperglikemiya rivojlanish nuqsonlarini va homilaning ona qornida nobud bo‘lish xavfini oshiradi. Shu sababdan homiladorlik davrida va homiladorlikni rejalashtirishda ayollarga diabetni davolashda kuchaytirilgan nazorat tavsiya qilinadi. Odatda, insulinga bo‘lgan ehtiyoj birinchi uch oylikda pasayadi va ikkinchi va uchinchi uch oyliklar davomida ketma-ket oshib boradi. Tug‘ruqdan keyin insulinga ehtiyoj, homiladorlik boshlangunicha bo‘lganiga tezda qaytadi. Emizish davrida ayollarni insulinoterapiyasi bola uchun xavf tug‘dirmaydi. Biroq Mikstard® preparatining dozasini, ovqatlanishini yoki uni ham buni ham boshqarish kerak. Avtomobilni boshqarish va mexanizmlar bilan ishlash qobiliyatiga ta’siri Gipoglikemiya oqibatida patsiyentning diqqatni jamlash va reaktsiya qobiliyati buzilishi mumkin. Bu ushbu qobiliyatlar o‘ziga xos ahamiyatga ega bo‘lgan vaziyatlarda (masalan, transport vositalarini boshqarishda yoki turli mexanizmlarni ishlatishda) xavf tug‘dirishi mumkin. Transport vositalarini boshqarishda gipoglikemiyani paydo bo‘lishiga yo‘l qo‘ymaslik uchun patsiyentlarga ehtiyotkorlik choralarini ko‘rish tavsiya qilinadi. Bu gipoglikemiyaning belgilari paydo bo‘lish hissiyoti pasaygan yoki bo‘lmaganlarda yoki gipoglikemiya tez-tez uchraydiganlarda o‘ziga xos ahamiyatga ega. Bunday hollarda transport vositalarini boshqarish maqsadga muvofiqligini ko‘rib chiqish kerak. Xavfsizlikning klinika oldi tekshirishlarining ma’lumotlari Noklinik ma’lumotlar xavfsizlik bo‘yicha standart farmakologik tekshirishlar, takroriy dozaning zaharliligini, genotoksiklikni, kantserogen potentsialni, reproduktiv faoliyati uchun toksiklikni tekshirishlar asosida hech qanday spetsifik xavfni aniqlamagan. Preparatni yo‘q qilishda va u bilan muomala qilishdagi maxsus ehtiyotkorlik choralari Insulin saqlovchi preparatlarni muzlatilganidan keyin ishlatish mumkin emas. Mikstard® preparati bo‘lgan flakonni qo‘llashdan oldin, uni sovutgichdan olish va xona haroratigacha isishiga qo‘yish, so‘ngra preparatni birinchi marta ishlatish uchun yo‘riqnomasiga muvofiq insulinni resuspenziyalash tavsiya qilinadi. Agarda qayta suspenziyalashdan keyin insulinning suspenziyasi bir xil va oq loyqa ko‘rinmasa, uni ishlatishdan voz kechish kerak. Ishlatilmagan preparat va qoldiqlar mahalliy talablarga muvofiq yo‘qotilishi kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Sovutgichda 2oS-8oS saqlansin Sovutuvchi elementga tegishiga yo‘l qo‘yilmasin. Muzlatilmasin. Yorug‘likdan himoya qilish uchun flakon karton qutida saqlansin. Mikstard® preparatiga haddan tashqari issiqlik va quyosh nurlarining ta’siriga yo‘l qo‘yish mumkin emas. Birinchi ochilganidan keyin yoki zaxira bloki sifatida ishlatilganida sovutgichda saqlash tavsiya qilinmaydi. Qo‘llash bo‘yicha yo‘riqnomasiga muvofiq aralashtirilsin. Preparatni issiqlik va quyosh nurlarining ta’siridan himoya qilish kerak. Har bir inyektsiyadan keyin ignani tashlash kerak!

Insulinning dozasini oshirib yuborilishining spetsifik belgilarini aniqlashning iloji yo‘q. Biroq gipoglikemiyaning rivojlanishi ketma-ket bosqichlar orqali o‘tadi: Yengil gipoglikemik holatlarni glyukozani yoki qand saqlovchi mahsulotlarni peroral qabul qilish bilan tuzatish mumkin. Shu sababdan diabeti bo‘lgan bemorlarga o‘zlari bilan bir necha qand bo‘laklari, konfetlar, pechenye yoki qandli meva sharbatini doimo olib yurish tavsiya qilinadi.Og‘ir gipoglikemik holatlar, bemor xushini yo‘qotganida, tegishli tayyorgarlikni o‘tgan shaxs tomonidan glyukagonni (0,5 dan 1 mg gacha) mushak ichiga yoki teri ostiga yuborish bilan yoki tibbiyot xodimi tomonidan vena ichiga glyukozani yuborish bilan davolash mumkin. Shuningdek glyukozani vena ichiga quyish, bemor glyukagonning inyektsiyasiga kechi bilan 10-15 minut o‘tgach javob bermagan hollarda qo‘llanadi. Bemor xushiga kelganidan keyin, qaytalanishni oldini olish uchun, unga karbonsuvlarni saqlovchi mahsulotlarni iste’mol qilish tavsiya qilinadi.

Retsept bo‘yicha

Inyektsiya uchun suspenziya 100 XB/ml flakonlarda. 10 ml dan preparat rezina (brombutil/poliizopren) disk bilan berkitilgan, alyumin qalpoqcha bilan yopilgan va plastik ximoya qopqoqcha bilan berkitilgan flakonda (1 tur shisha). 1 va 5 flakonlar x 10 ml. Sotuvda chiqarilishining barcha shakllari bo‘lmasligi mumkin.

2,5 yil. Ochilgan flakonlar uchun: 30oS dan yuqori bo‘lmagan haroratda 5 hafta davomida yoki 25oS dan yuqori bo‘lmagan haroratda 6 hafta davomida saqlansin. Sovutgichda saqlash tavsiya qilinmaydi.