rangsiz, tiniq eritma.

Oftalmologiyada qo‘llanadigan vositalar. Midriatiklar va tsikloplegiklar. Antixolinergiklar.

S01FA06

Ko‘z kon’yunktivasiga mahalliy qo‘llanadigan tropikamid to‘qimalar bilan atropin kabi bog‘lanmaydi. Karbaxolga nisbatan javob reaktsiyasini yarim tiklanish davri pigmentlanmagan rangdor parda uchun 15 minutdan kam muddatni va pigmentlangan rangdor parda uchun 30 minutni tashkil etishi namoyish etilgan.

fundoskopiya va tsikloplegik refraktsiya uchun diagnostika maqsadlarida;qisqa muddat ta’sir qiluvchi midriatiklarni qo‘llash zarurati bo‘lganida, operatsiyadan oldingi va keyingi holatlarda qo‘llanadi.

Mahalliy qo‘llash uchun mo‘ljallangan. Fundoskopiya: 0,5% li eritma kon’yunktivaga 1-2 tomchidan tekshirishdan 15-20 minut oldin tomiziladi. Tsiploplegik refraktsiya: 1% li eritma kon’yunktivaga 1-2 tomchidan 5 minutlik interval bilan tomiziladi. Samarasini uzaytirishi zarurati bo‘lganida 20-30 minutdan keyin preparat yana bir tomchidan qo‘shimcha tomiziladi. Bolalarda qo‘llanishi Tropikamid bolalarda yetarli darajada tsikloplegik ta’sir ko‘rsatmasligi mumkin, shu sababli atropin kabi yanada kuchliroq tsikloplegik vosita talab etilishi mumkin. Bolalarga, shu jumladan emizikli bolalarga tropikamid faqat 0,5% li eritma ko‘rinishida qo‘llanadi.

Tropikamid qo‘llanganidan so‘ng quyidagi nxush reaktsiyalar qayd etilgan. Ko‘rsatilgan reaktsiyalarni uchrash tezligi mavjud bo‘lgan ma’lumotlar asosida baholanishi mumkin emas. Nerv tizimi tomonidan: ba’zan – bosh aylanishi, bosh og‘rig‘i. Ko‘rish a’zolari tomonidan: ko‘rishni xiralashishi, yorug‘likdan qo‘rqish, ko‘zlarda og‘riq, ko‘zni ta’sirlanishi, ko‘z giperemiyasi. Qon-tomirlar tomonidan: gipotenziya, xushdan ketish. Me’da-ichak yo‘llari tomonidan: ko‘ngil aynishi. Teri va teri osti to‘qimalari tomonidan: toshma. Umumiy buzilishlar va yuborilgan joydagi buzilishlar: preparatning samarasini uzayishi (midriaz). Tsikloplegiklar ko‘z ichki bosimini oshirishi va moyilligi bo‘lgan patsiyentlarda yopiq burchakli glaukomani chaqirishi mumkin. Antixolinergik preparatlar qo‘llanganida ayniqsa bolalarda psixotik reaktsiyalar, xulq-atvor buzilishlari va yurak-o‘pka kollapsini rivojlanganligi haqida xabarlar berilgan. Go‘daklarda qorin dam bo‘lishi mumkin. Antixolinergik preparatlarning boshqa toksik ko‘rinishlari terini qizarishi va qurishi, og‘izni qurishi, shilliq qavatlarni qurishi, bradikardiya keyinchalik yurak urishini his etish va aritmiya bilan kechuvchi taxikardiya, ter bezlari sekretsiyasini pasayishi, me’da-ichak yo‘llarining harakatini pasayishi va qabziyat, qusish, siyishga qistovlar, chayqalib yurish, nazal, bronxial va ko‘z yoshi bezlari sekretsiyasini pasayishidan iborat bo‘lishi mumkin. Ko‘z ichki bosimini oshishi, qorachiqlarni kengayishiga nisbatan ikkilamchi bo‘lgan yorug‘likka sezuvchanlik va o‘tkinchi achishish bo‘lishi mumkin. Uzoq muddat qo‘llash mahalliy ta’sirlanish, giperemiya, shish va kon’yunktivitga olib kelishi mumkin.

tropikamidga yoki preparatning biror-bir komponentiga o‘ta yuqori sezuvchanlik;glaukoma yoki glaukomaga moyillik bo‘lganida preparatni qo‘llash mumkin emas.

Antixolinergik preparatlarning samarasi antixolinergik hususiyatlarga ega bo‘lgan boshqa preparatlar, masalan amantadin, ayrim antigistamin vositalar, antipsixotik vositalar, fenotiazin va tritsiklik antidepressantlar bilan yondosh qo‘llanganida kuchayishi mumkin.

Ayrim patsiyentlarda, ayniqsa keksa yoshdagi patsiyentlarda tashxis qo‘yilmagan glaukoma bo‘lishi mumkin. Midaks ko‘z tomchilarini qo‘llashdan oldin glaukomani aniqlash maqsadida bunday patsiyentlarni tekshirish (ko‘z ichki bosimini o‘lchash, oldingi kameraning chuqurligini baholash) kerak, chunki tropikamid ko‘z ichki bosimini oshirishi mumkin. Antixolinergik preparatlarga sezuvchanligi yuqori bo‘lgan patsiyentlarda tropikamid tomonidan induktsiya qilingan psixotik reaktsiyalar va xulq-atvor buzilishlari rivojlanishi mumkin. Belladonna alkaloidiga sezuvchanligi yuqori bo‘lgan patsiyentlar va bolalarni davolashda Midaks preparatini ehtiyotkorlik bilan qo‘llash kerak, chunki tizimli zaharlanishni rivojlanish havfi oshadi. Ko‘zning yallig‘lanish kasalliklarida Midaks preparatini ehtiyotkorlik bilan qo‘llash kerak, chunki giperemiyada preparatni kon’yunktiva orqali tizimli so‘rilish tezligi oshadi. Tizimli so‘rilishini kamaytirish uchun preparat instillyatsiya qilinganidan so‘ng 2 minut davomida ko‘z yoshi qopchasi sohasini barmoq bilan yengil bosish tavsiya etiladi. Benzalkoniy xloridi yumshoq kontakt linzalarni rangsizlantirishi mumkin, shuning uchun preparatni qo‘llashdan oldin kontakt linzalarni yechish va instillyatsiya qilingandan so‘ng kamida 15 minutdan keyin yana o‘rnatish mumkin. Bir qancha oftalmologik preparatlar bir vaqtda qo‘llanganida ularni tomizishlar o‘rtasidagi kamida 5 minutlik intervalga rioya qilish kerak, ko‘z surtmasini oxirgi navbatda qo‘llash kerak. Bolalarda qo‘llanishi Tropikamid markaziy nerv tizimi tomonidan, go‘daklar va bolalarning hayotiga havf tug‘dirishi mumkin bo‘lgan buzilishlarni chaqirishi mumkin. Tizimli zaharlanish havfi yuqori bo‘lganligi sababli, go‘daklar, chala tug‘ilgan chaqaloqlar yoki rivojlanishdan orqada qolgan bolalar, shuningdek Daun sindromi bilan xastalangan bolalar, spastik falaj va bosh miyani shikastlanishi bo‘lgan bolalarda preparatni ehtiyotkorlik bilan qo‘llash kerak. Preparat ichga qabul qilinganida preparatning potentsial toksik ta’siri xaqida ota-onalarni ogohlantirish va preparat har safar instillyatsiya qilinganidan so‘ng o‘zingizni qo‘lingizni va bolaning qo‘llarini yuvish kerakligini tavsiya etish lozim. Homiladorlik va laktatsiya davrida qo‘llanishi Homiladorlik Homiladorlik davrida preparatning havfsizligi yuzasidan ma’lumotlar yetarli emas. Homiladorlik vaqtida preparatni buyurishga maqsadga muvofiqligini shifokor belgilaydi. Laktatsiya Emadigan bola uchun havfni istisno qilish mumkin emas, chunki tropikamid yoki uning metabolitlarini ko‘krak sutiga o‘tishi noma’lum. Emizishni to‘xtatishga qaror qilinganida yoki tropikamid bilan davolash bekor qilinganida bola uchun emizishdan kutiladigan foyda va ona uchun davolashdan kutiladigan foydani e’tiborga olish kerak. Fertillik Tropikamidni erkaklar va ayollarning fertilligiga ta’siri yuzasidan ma’lumotlar yo‘q. Pediatriyada kullanishi Bolalarga, shu jumladan emizikli bolalarga tropikamid faqat 0,5% li eritma ko‘rinishida qo‘llanadi. Avtotransportni haydash va mexanizmlarni boshqarish qobiliyatiga ta’siri Tropikamidni qo‘llash uyquchanlik, ko‘rishni xiralashishi va yorug‘likka sezuvchanlikni chaqirishi mumkin, shuning uchun diqqatni jamlash va psixomotor reaktsiyalar tezligini talab etuvchi potentsial havfli faoliyat turlarini bajarishdan saqlanish kerak. Preparatning ta’siri oqibatlarini to‘liq tiklanishi uchun 6 soatgacha bo‘lgan muddat talab etilishi mumkin. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Yorug‘likdan himoyalangan joyda, 25°S dan yuqori bo‘lmagan haroratda saqlansin. Muzlatilmasin. Flakon ochilganidan so‘ng preparat 28 kun davomida ishlatilsin.

Preparat instillyatsiya ko‘rinishida qo‘llanganida dozani oshirib yuborilishi rivojlanganida preparatning ortiqcha miqdori iliq suv bilan yuvib tashlanishi mumkin. Tizimli zaharlanishning tipik simptomlari bo‘lib terini qizarishi va qurishi (bolalarda toshma bo‘lishi mumkin), isitma, go‘daklarda qorinni dam bo‘lishi, ko‘rishni xiralashishi, tezlashgan nomuntazam puls, gallyutsinatsiyalar, tirishishlar, nerv-mushak koordinatsiyasini yo‘qolishi hisoblanadi. Davolash simptomatik va samarani tutib turuvchi bo‘ladi. Kichik yoshdagi bolalarda teri qoplamlari yuzasini namlab turish kerak. Preparat bexosdan ichga qabul qilinganida qusishni chaqirish yoki me’dani yuvish kerak.

Retsept bo‘yicha

Ko‘z tomchilari 10 ml dan tiqin-tomchilagichli va himoya halqasi bilan jihozlangan buraluvchi himoya qalpoqchali plastik flakonda. Flakon qo‘llash bo‘yicha yo‘riqnomasi bilan birga karton qutida.

3 yil.