yassi tsilindrik, faskali, sariq rangli tabletkalar. 15 mg dozali tabletkalar bir tomonida riskasiga ega.

nosteroid yallig‘lanishga qarshi preparat (NYAQP).

M01AS06

Faollashgan artritlarni simptomatik qisqa muddatli davolash. Revmatoid artritni (surunkali poliartrit) yoki ankilozlanuvchi spondiloartritni simptomatik uzoq muddatli davolashda qo‘llaniladi.

Ichga, kuniga bir marta ovqat qabul qilish vaqtida bir stakan suv yoki boshqa suyuqlik bilan qabul qilinadi. Nojo‘ya reaktsiyalar paydo bo‘lish ehtimoli Meloksikamning dozasini va qabul qilish davomiyligini oshirish oqibatida oshishi tufayli, preparatning eng kichik samarali sutkalik dozasini eng qisqa vaqt davomida buyurish tavsiya etiladi. Maksimal sutkalik doza 15 mg dan oshmasligi kerak. Faollashgan artrozlarda: sutkada 7,5 mg (7,5 mg li 1 tabletka yoki 15 mg li ½ tabletka) dan buyuriladi. Terapevtik samara bo‘lmaganida dozani sutkada 15 mg gacha oshirish mumkin (7,5 mg li 2 tabletka yoki 15 mg li 1 tabletka). Revmatoid artrit, ankilozlanuvchi spondiloartritda: sutkada 15 mg (7,5 mg li 2 tabletka yoki 15 mg li 1 tabletka) dan buyuriladi. Terapevtik samaraga qarab dozani sutkada 7,5 mg gacha kamaytirish mumkin.

Yurak-qon tomir tizimi tomonidan: taxikardiya, arterial qon bosimini oshishi, “qizib  ketishlar” hissi. Markaziy va periferik nerv tizimi tomonidan: bosh og‘rig‘i, bosh aylanishi, quloqlarni shang‘illashi, dezoriyentatsiya, ongni chalkashishi, uyquni buzilishi, emotsional labillik. Ovqat hazm qilish tizimi tomonidan: ko‘ngil aynishi, qusish, kekirish, qorinda og‘riq, diareya, qabziyat, meteorizm, me’da-ichak yo‘llari (MIY) ning eroziv-yarali shikastlanishi, me’da yoki ichak perforatsiyasi, me’da-ichakdan qon ketishi (yashirin yoki yaqqol), “jigar fermentlari” faolligini oshishi, giperbilirubinemiya, gepatit, kolit, stomatit, og‘izni qurishi, ezofagit. Nafas tizimi tomonidan: bronxial astma xurujlari, yo‘tal. Siydik-jinsiy tizimi tomonidan: shishlar, interstitsial nefrit, buyrak medullyar nekrozi, proteinuriya, gematuriya, buyrak yetishmovchiligi, giperkreatinemiya va/yoki qon zardobida mochevinani oshishi. Ko‘z a’zolari: kon’yunktivit, ko‘rishni noaniqligi. Allergik reaktsiyalar: anafilaktoid reaktsiyalar (shu jumladan anafilaktik shok), lablar va tilni shishi, allergik vaskulit. Qon yaratish tizimi tomonidan: anemiya, leykopeniya, trombotsitopeniya. Dermatologik reaktsiyalar: qichishish, teri toshmasi, eshakemi, ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), yuqori fotosezuvchanlik. Boshqalar: isitma.

preparatning biron-bir komponentlariga o‘ta yuqori sezuvchanlik;atsetilsalitsil kislotasiga yoki boshqa NYAQP ga o‘ta yuqori sezuvchanlik;“aspirinli” bronxial astma;yaqinda o‘tkazilgan shu jumladan nosteroid yallig‘lanishga qarshi vositalar bilan ilgari davolanish bilan bog‘liq zo‘rayish bosqichidagi me’da va o‘n ikki barmoq ichak yara kasalligi/yarani perforatsiyasi,;me’da-ichakdan (o‘tkir va anamnezda), tserebrovaskulyar yoki boshqa qon ketishlari;og‘ir buyrak yetishmovchiligi (agar dializ o‘tkazilmasa);og‘ir jigar yetishmovchiligi;og‘ir yurak yetishmovchiligi;bolalar va 16 yoshgacha bo‘lgan o‘smirlar;homiladorlik va laktatsiya davrida qo‘llash mumkin emas.

Boshqa nosteroid yallig‘lanishga qarshi vositalari (shu jumladan salitsilatlar) va kortikosteroidlar bilan bir vaqtda qo‘llanganda me’da-ichak yo‘llarida eroziv-yarali shikastlanishlar va qon ketishlarni paydo bo‘lish xavfi oshadi. Gipotenziv preparatlar (beta-blokatorlar, diuretiklar, AAF ingibitorlari) bilan bir vaqtda qo‘llanganda gipotenziv preparatlarning samaradorligi kamayishi mumkin. Litiy preparatlari bilan bir vaqtda qo‘llanganda plazmada litiyning darajasi oshishi mumkin (qonda litiyni kontsentratsiyasini nazorat qilish tavsiya qilinadi). Metotreksat (haftada 15 mg dan yuqori dozada) bilan bir vaqtda qo‘llanganda metotreksatning gematotoksik ta’siri kuchayadi (umumiy qon tahlilini vaqti-vaqti bilan nazorat qilish kerak). Diuretiklar va tsiklosporin bilan bir vaqtda qo‘llanganda degidratatsiyasi bo‘lgan patsiyentlarda o‘tkir buyrak yetishmovchiligini rivojlanishining potentsial xavfi mavjud. Bachadon ichki kontratseptiv vositalari bilan bir vaqtda qo‘llanganda bachadon ichki kontratseptiv vositalarining samarodorligini kamayishi mumkin. Antikoagulyantlar (geparin, tilopidin, varfarin), shuningdek jumladan trombolitik preparatlar bilan bir vaqtda qo‘llanganda qon ketishlarni rivojlanish xavfi oshadi (qon ivish ko‘rsatkichlarini  vaqti-vaqti bilan nazorat qilish kerak).

Anamnezida me’da va o‘n ikki barmoq ichak yara kasalligi bo‘lgan patsiyentlarda, shuningdek antikoagulyatsion davo qabul qilayotgan patsiyentlarda me’da-ichak yo‘llarining eroziv-yarali kasalliklarini paydo bo‘lish xavfi yuqoridir. Yarali shikastlanishlar paydo bo‘lganida dori vositasini qabul qilishni to‘xtatish lozim. Keksa yoshdagi patsiyentlarda, qon aylanishini yetishmovchiligi bilan kechuvchi surunkali yurak yetishmovchiligi bo‘lgan patsiyentlarda, diuretik vositalarni, angiotenzin aylanuvchi ferment (AAF) ingibitori va angiotenzin retseptorlari blokatorlarini qabul qilayotgan patsiyentlarda, jigar tsirrozi bo‘lgan patsiyentlarda, shuningdek jarrohlik aralashuvlarini natijasidagi gipovolemiya aniqlangan patsiyentlarda preparatni qo‘llanganda suyuqlikni yetarli miqdorda tushishini ta’minlash lozim va ehtiyotkorlikka rioya qilish va buyrak funktsiyasi ko‘rsatkichlarini nazorat qilish lozim. Buyrak yetishmovchiligi bo‘lgan patsiyentlarda agar kreatinin klirensi minutiga 25 ml dan yuqori bo‘lsa, dozaga tuzatish kiritish talab qilinmaydi. Dializdagi patsiyentlar uchun doza sutkada 7,5 mg dan oshmasligi kerak. Agar davolash jarayonida allergik reaktsiyalar (qichishish, teri toshmasi, eshakemi, fotosensibilizatsiya) paydo bo‘lgan bo‘lsa, preparatni qabul qilishni to‘xtashish masalasi yuzasidan shifokorga murojaat qilish lozim. Dori vositasi laktoza saqlaydi, shuning uchun kamdan-kam uchraydigan nasliy galaktozani o‘zlashtiraolmaslik, Lapp-laktaza tanqisligi yoki glyukoza/galaktozani so‘rilishini buzilishi bo‘lgan patsiyentlar bu dori vositasini qabul qilmasliklari kerak. Anamnezida gipertoniyasi yengildan dekompensatsiyalangan darajasigacha va/yoki yurak yetishmovchiligi bo‘lgan patsiyentlarga muvofiq nazorat va shifokor maslahati talab qilinadi, chunki meloksikamni diuretiklar bilan birga qo‘llash natriy, kaliy va suvni ushlanib qolishiga olib kelishi, shuningdek siydik haydovchi vositalarni natriyuretik ta’sirini kamaytirishi mumkin. Buning natijasida bunga moyil patsiyentlarda yurak yetishmovchiligi yoki gipertenziya belgilari kuchayishi mumkin. Shuning uchun meloksikamni qabul qilishdan oldin arterial bosimni nazorat qilish kerak. Meloksikam boshqa NYAQP kabi, o‘limga olib kelishi mumkin bo‘lgan jiddiy yurak-qon tomir trombozlari, miokard infarkti, stenokardiya xurujlarini rivojlanish xavfini oshirishi mumkin. Bunday xavf, yuqori dozalarni qo‘llaganda va uzoq vaqt davolanganda, shuningdek anamnezida yuqorida ko‘rsatilgan kasalliklar bo‘lgan va bunday kasalliklarga (giperlipidemiya, qandli diabet, cheqish) moyiligi bo‘lgan patsiyentlarda oshadi. Tekshirilmagan yuqori arterial qon bosimi, yurak yetishmovchiligi, mavjud YUIK, periferik arterial kasalligi va/yoki tserebrovaskulyar kasalligi bo‘lgan patsiyentlarda foyda/xavf nisbatini sinchkov baholangandan keyin meloksikamni buyurish haqida qaror qabul qilish lozim. Homilador bo‘lishni hohlagan ayollarga meloksikamni qo‘llash tavsiya qilinmaydi chunki preparat fertillikka ta’sir qilishi mumkin. Ayollarda urug‘lanish qobiliyatini buzilishida yoki bepushtlik yuzasidan tekshiruvlar o‘tkazilganda meloksikamni bekor qilish to‘g‘risidagi masalani ko‘rib chiqish lozim. Homiladorlik va emizish davrida qo‘llanishi. Meloksikamni homiladorlik va laktatsiya (emizish) davrida qo‘llash mumkin emas. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan va namlikdan himoyalangan joyda, 25ºS yuqori  bo‘lmagan haroratda.

Siptomlari: ta’riflangan nojo‘ya samaralar kuchayishi mumkin. Davolash: spetsifik antidot yo‘q. Me’dani yuvish, faollashtirilgan ko‘mirni qabul qilish (yaqin soatlar ichida), simptomatik davolashni o‘tqazish lozim. Xolestiramin preparatni organizmdan chiqarilishini tezlashtiradi.

Retsept bo‘yicha

10 tabletkadan kontur uyali o‘ramda, o‘ramda №10x2, №10x3.

2 yil.