Dumaloq yassitsilindrik shaklli, och-sariq rangli 7,5 mg doza uchun riskasiz, 15 mg doza uchun riskali tablektalar. Tabletkani yuzasida biroz marmarlikka yo‘l qo‘yiladi.

Nosteroid yallig‘lanishga qarshi vositalar.

M01AS06

Me’da-ichak yo‘llaridan yaxshi so‘riladi, meloksikamning mutloq biokirishaolishligi – 89% tashkil qiladi. Ovqat bilan bir vaqtda qabul qilinishi so‘rilishini o‘zgartirmaydi. Preparat ichga 7,5 va 15 mg dozalarda qabul qilinganida, uning qondagi kontsentratsiyalari dozalarga proportsionaldir. Muvozanat kontsentratsiyalarga 3-5 kun davomida erishiladi. Preparat uzoq vaqt (1 yildan ortiq) qo‘llanganida, kontsentratsiyasi farmakokinetikasining turg‘un holatiga birinchi marta erishilgandan keyin aniqlangandagiga o‘xshash bo‘ladi. Plazma oqsillari bilan bog‘lanishi 99% ni tashkil qiladi. Preparat bir kunda bir marta qabul qilinganida uning maksimal va bazal kontsentratsiyalari orasidagi diapazon katta bo‘lmaydi va 7,5 mg dozada qabul qilinganida 0,4-1,0 mkg/ml, 15 mg doza qo‘llanilganida esa – 0,8-2,0 mkg/ml ni tashkil qiladi (muvofiq ravishda minimal kontsentratsiyalari (Smin) va maksimal kontsentratsiyalari (Cmax) ning qiymatlari keltirilgan). Meloksikam gistogematik to‘siqlardan o‘tadi, sinovial suyuqligidagi kontsentratsiyasi plazmadagi maksimal kontsentratsiyasini 50% ga yetadi. Jigarda deyarli to‘liq metabolizmga uchrab, farmakologik jihatdan nofaol bo‘lgan to‘rtta hosilalarni hosil qiladi. Asosiy metaboliti 5′-karboksimeloksikam (dozasining 60% tashkil qiladi), oraliq metaboliti 5′-gidroksimetilmeloksikamni oksidlanishi tufayli hosil bo‘ladi va kam miqdorda chiqariladi (dozasidan 9%). In vitro tadqiqotlar bu metabolik aylanishlarda CYP 2S9 ni muhim rol o‘ynashini, CYP 3A4 izofermenti esa qo‘shimcha ahamiyatga ega ekanligini ko‘rsatdi. Boshqa ikki metabolitini hosil bo‘lishida (ular preparatning dozasini muvofiq 16% va 4% ni tashkil qiladi) peroksidaza fermenti ishtirok etadi, uning faolligi, ehtimol shahsiy o‘zgaruvchan bo‘ladi. Asosan metabolitlar ko‘rinishida, ahlat va siydik bilan teng miqdorda chiqariladi. Qabul qilingan dozaning 5% dan kamroq miqdori o‘zgarmagan holda ahlat bilan chiqariladi, siydikda esa o‘zgarmagan holda preparat juda ham oz miqdorda aniqlanadi. Meloksikamning yarim chiqarilish davri (T1/2) 15-20 soatni tashkil qiladi. Plazma klirensi o‘rtacha minutiga 8 ml ni tashkil qiladi. Keksa yoshdagi shaxslarda preparatning klirensi pasayadi. Taqsimlanish xajmi past va o‘rtacha 11 l ni tashkil qiladi. O‘rtacha og‘irlik darajasidagi jigar yoki buyrak yetishmovchiligi meloksikamning farmakokinetikasiga jiddiy ta’sir ko‘rsatmaydi.

osteoartrozni simptomatik davolash;revmatoid artritni simptomatik davolash;ankilozlovchi spondiloartrit (Bexterev kasalligi) ni simptomatik davolashda qo‘llaniladi.

Preparat sutkada 7,5-15 mg dozada bir marta ovqatlanish vaqtida qabul qilinadi. Tavsiya etiladigan dozalash tartibi: – revmatoid artrit: sutkada 15 mg buyuriladi. Davolovchi samarasiga qarab, doza sutkada 7,5 mg gacha pasaytirilishi mumkin. – osteoartroz: sutkada 7,5 mg buyuriladi. Samarasiz bo‘lganida doza sutkada 15 mg gacha oshirilishi mumkin. – ankilozlovchi spondiloartrit: sutkada 15 mg buyuriladi. Maksimal sutkalik doza – 15 mg tashkil qiladi. Nojo‘ya ta’sirlar rivojlanish xavfi yuqori bo‘lgan, shuningdek og‘ir buyrak yetishmovchiligi bo‘lgan gemodializdagi patsiyentlarda preparatning dozasi sutkada 7,5 mg dan oshmasligi lozim.

Ovqat hazm qilish tizimi tomonidan: 1% dan ortiq hollarda – dispepsiya, shu jumladan ko‘ngil aynishi, qusish, abdominal og‘riqlar, qabziyat, meteorizm, diareya; 0,1-1% hollarda – “jigar” transaminazalari faolligini o‘tkinchi oshishi, giperbilirubinemiya, kekirish, ezofagit, gastroduodenal yara, me’da-ichak yo‘llaridan qon ketishi (shu jumladan yashirin), stomatit; 0,1% dan kam hollarda – me’da-ichak yo‘llarini perforatsiyasi, kolit, gepatit, gastrit. Qon yaratish a’zolari tomonidan: 1% dan ortiq hollarda – anemiya, 0,1-1% hollarda – qon formulasini o‘zgarishi, shu jumladan leykopeniya, trombotsitopeniya. Teri qoplamalari tomonidan: 1% dan ortiq hollarda – qichishish, teri toshmasi; 0,1-1% hollarda – eshakemi; 0,1% dan kam hollarda – fotosensibilizatsiya, bullyoz toshmalar, ko‘p shaklli eritema, shu jumladan Stivens-Djonson sindromi, toksik epidermal nekroliz. Nafas tizimi tomonidan: 0,1% dan kam hollarda – bronxospazm. Nerv tizimi tomonidan: 1% dan ortiq hollarda – bosh aylanishi, bosh og‘rig‘i; 0,1-1% hollarda – vertigo, quloqlarni shang‘illashi, uyquchanlik; 0,1% dan kam hollarda – ongni chalkashishi, dezoriyentatsiya, emotsional labillik. Yurak-qon tomir tizimi tomonidan: 1% dan ortiq hollarda – periferik shishlar; 0,1-1% hollarda – arterial bosimni oshishi, yuz terisiga «oqib kelishlar» hissi. Siydik-chiqarish tizimi tomonidan: 0,1-1% hollarda – giperkreatininemiya va/yoki qon zardobida mochevina miqdorini oshishi; 0,1% dan kam hollarda – o‘tkir buyrak yetishmovchiligi; meloksikamni qabul qilinishi bilan bog‘liqligi aniqlanmagan – interstitsial nefrit, albuminuriya, gematuriya. Sezgi a’zolari tomonidan: 0,1% dan kam hollarda – kon’yunktivit, ko‘rishni buzilishi, shu jumladan noaniq ko‘rish. Allergik reaktsiyalari: 0,1% dan kam hollarda – angionevrotik shish, anafilaktoid/anafilaktik reaktsiyalar.

– meloksikamga yoki preparatning yordamchi moddalariga o‘ta yuqori sezuvchanlik; preparatning tarkibiga laktoza kiradi, shuning uchun galaktozani o‘zlashtira olmaslik, laktoza tanqisligi yoki glyukozo-galaktoznaya malabsorbtsiya sindromi kabi kam uchraydigan nasliy kasalliklari bo‘lgan patsiyentlar preparatni qabul qilmasliklari kerak; – aortokoronar shuntlash operatsiyasini o‘tkazgandan keyingi holat; – kompensatsiyalanmagan yurak yetishmovchiligi; – bronxial astma, burun pollinozi va atsetilsalitsil kislotasi va boshqa NYAQP o‘zlashtira olmaslikni to‘liq yoki noto‘liq birga qo‘shilishi; – me’da va 12-barmoq ichakning shilliq qavatini eroziv-yarali o‘zgarishlari, me’da-ichakdan faol qon ketishlari; – ichakning yallig‘lanish kasalliklari (yarali kolit, Kron kasalligi); – tserebrovaskulyar yoki boshqa turdagi qon ketishlar; – og‘ir jigar yetishmovchiligi yoki jigarning faol kasalligi; – dializga duchor bo‘lmagan, surunkali buyrak yetishmovchiligi (kreatinin klirensi (KK) minutiga 30 ml dan kam) bo‘lgan bemorlar, buyrakning avj oluvchi kasalliklari, shu jumladan tasdiqlangan giperkaliyemiya; – homiladorlik, emizish davri; – 12 yoshgacha bo‘lgan bolalarda qo‘llash mumkin emas.

– boshqa nosteroid yalig‘lanishga qarshi preparatlar bilan (shuningdek atsetilsalitsil kislotasi bilan) bir vaqtda qo‘llanganida eroziv-yarali shikastlanishlar va me’da-ichak yo‘llaridan qon ketishlarni paydo bo‘lish xavfi oshadi; – gipotenziv preparatlar bilan bir vaqtda qo‘llanganida oxirgilarining ta’siri samarasini pasayishi mumkin; – litiy preparatlari bilan bir vaqtda qo‘llanganida, litiyni kumulyatsiyasi va uning zaharli ta’siri oshishi mumkin (qondagi litiy kontsentratsiyasini nazorat qilish tavsiya etiladi); – metotreksat bilan bir vaqtda qo‘llanganida, oxirgisining qon yaratish tizimiga bo‘lgan nojo‘ya ta’siri kuchayadi (anemiya, leykopeniyani rivojlanish xavfi oshadi, qonning umumiy taxlilini vaqti-vaqti bilan nazorat qilish ko‘rsatilgan); – diuretiklar va tsiklosporin bilan bir vaqtda qo‘llanganida buyrak yetishmovchiligini rivojlanish xavfi oshadi; – bachadon ichi kontratseptiv vositalari bilan bir vaqtda qo‘llanganida oxirgilarining samarasini pasayishi mumkin; – antikoagulyantlar (geparin, tiklopidin, varfarin), shuningdek trombolitik preparatlar (streptokinaza, fibrinolizin) bilan bir vaqtda qo‘llanganida, qon ketish xavfi oshadi (qonning ivishi ko‘rsatkichlarini vaqti-vaqti bilan nazorat qilish kerak); – kolestiramin bilan bir vaqtda qo‘llanganida preparatni me’da-ichak yo‘llaridan chiqarilishi kuchayadi; – serotoninni qayta qamrab olinishini selektiv ingibitorlari bilan bir vaqtda qo‘llanganda me’da-ichak yo‘llaridan qon ketishni rivojlanish xavfi oshadi.

– anamnezida me’da va 12-barmoq ichak yara kasalligi bo‘lgan patsiyentlarda, shuningdek antikoagulyant davo olayotgan bemorlarda preparatni qo‘llaganda ehtiyotkorlikka rioya qilish kerak. Bunday patsiyentlarda me’da-ichak yo‘llarida eroziv-yarali kasalliklarni paydo bo‘lish xavfi yuqori bo‘ladi; – keksa yoshli patsiyentlarda, qon aylanishini yetishmovchiligini ko‘rinishlari bilan kechuvchi surunkali yurak yetishmovchiligi bo‘lgan patsiyentlarda, jigar tsirrozi bo‘lgan patsiyentlarda, shuningdek xirurgik aralashuvlari oqibatida gipovoliyemiya rivojlangan patsiyentlarda, preparatni qo‘llashda ehtiyotkorlikka rioya qilish va buyraklar faoliyatining ko‘rsatkichlarini nazorat qilish lozim; – buyrak faoliyati biroz yoki o‘rtacha pasaygan (KK minutiga 30 ml dan ortiq) bo‘lgan patsiyentlarda preparatning dozasini to‘g‘rilash talab etilmaydi; – bir vaqtda meloksikam va siydik haydovchi vositalar qabul qilayotgan patsiyentlar, yetarli miqdorda suyuqlik qabul qilishlari lozim; – agar davolanish jarayonida allergik reaktsiyalar (qichishish, teri toshmasi, eshakemi, fotosensibilizatsiya) paydo bo‘lsa, preparatni qo‘llashni to‘xtatish masalasini hal qilish maqsadida shifokorga murojaat qilish lozim; – meloksikam ham, barcha NYAQP kabi, infektsion kasalliklarning simptomlarini niqoblashi mumkin; – meloksikamni qo‘llash prostaglandinlar sintezini bloklovchi boshqa preparatlarni qo‘llash kabi, fertillikka ta’sir etishi mumkin, shuning uchun preparat homilador bo‘lmoqchi bo‘lgan ayollarga tavsiya etilmaydi; Transport vositalarini boshqarish, mexanizmlar va mashinalarga xizmat ko‘rsatish Preparatni qo‘llanishi bosh og‘rig‘i va bosh aylanishi, uyquchanlik ko‘rinishidagi noxush ta’sirlar chaqirishi mumkin, shuning uchun uni qabul qilish vaqtida diqqatni yuqori jamlashni talab etuvchi transportni boshqarish va mexanizmlar bilan ishlash kabi faoliyatlardan voz kechish kerak. Preparat bolalar ololmaydigan joyda saqlansin va uni yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

Simptomlari: ongni buzilishi, ko‘ngil aynishi, epigastriy sohasida og‘riqlar, me’da-ichakdan qon ketishlari, o‘tkir buyrak yetishmovchiligi, jigar yetishmovchiligi, nafasni to‘xtashi, asistoliya. Davolash: spetsifik antidoti yo‘q; doza oshirib yuborilganida me’dani yuvish, faollashtirilgan ko‘mirni qabul qilishni buyurish (yaqin soatlar davomida), simptomatik terapiya o‘tkaziladi. Jadal diurez, siydikni ishqorlashtirish, gemodializ – preparatni qon oqsillari bilan yuqori bog‘lanishi tufayli samarasizdir.

Retsept bo‘yicha

Tabletkalar 7,5 mg, 15 mg. 1 yoki 2 kontur uyali o‘ram 10 tabletkadan qo‘llash bo‘yicha yo‘riqnomasi bilan birga karton qutili o‘ramlarga joylangan.

5 yil.