Oq rangli, dumaloq, ikki tomonlama qavariq, hidsiz, qobiq bilan qoplangan tabletkalar.

Antiagregant.

V01AS06

So‘rilishi. Preparatni ichga qabul qilingandan keyin atsetilsalitsil kislotasi me’da ichak yo‘llaridan deyarli to‘liq so‘riladi. Atsetilsalitsil kislotasining biokiraolishligi taxminan 70% ni tashkil qiladi, lekin bu kattalik me’da ichak yo‘llarini shilliq qavatlaridagi tizimoldi gidrolizi va jigarda fermentlar ta’sirida salitsil kislotasini hosil bo‘lishi tufayli, ahamiyatli individual o‘zgaruvchanligi bilan xarakterlanadi. Metabolizmi va chiqarilishi. Atsetilsalitsil kislotasining yarim chiqarilish davri – T1/2 taxminan 15 minutni tashkil qiladi, chunki u fermentlar ishtirokida ichakda, jigarda va qon plazmasida tezda salitsil kislotasiga  gidrolizlanadi. Salitsil kislotasining T1/2 – taxminan 3 soatni tashkil qiladi, ammo atsetilsalitsil kislotasini yuqori dozalarda (>3 g) qabul qilinganda, bu ko‘rsatkich ferment tizimlarini to‘yinishi natijasida sezilarli oshishi mumkin. Magniy gidroksidi (qo‘llanayotgan dozalarda) atsetilsalitsil kislotasining biokiraolishligiga ta’sir qilmaydi.

Xavf omillari (masalan, qandli diabet, giperlipidemiya, arterial gipertenziya, semizlik, chekish, keksalik yoshi) bo‘lganida tromboz va o‘tkir yurak yetishmovchiligi kabi yurak-qon tomir kasalliklarini birlamchi oldini olish. Takroriy miokard infarkti va qon tomirlarining trombozini oldini olish. Qon tomirlaridagi jarrohlik aralashuvlar (aortokoronar shuntlash, teri orqali translyuminal koronar angioplastika) dan keyin tromboemboliyani oldini olish uchun qo‘llaniladi. Nostabil stenokardiyada qo‘llaniladi.

Ichga, yetarli miqdordagi suv bilan ichib qabul qilinadi. Oldini olish vositasi sifatida (tromboz, o‘tkir yurak yetishmovchiligi) birinchi kuni  Magikor 150 mg bir tabletkani, keyinchalik Magikor 75 mg bir tabletkani kuniga bir marta qabul qilinadi. Qandli diabet, gipertenziya bilan og‘rigan, tana vazni oshgan, giperlipidemiyasi bo‘lgan, keksa yoshdagi va chekuvchi odamlarga qabul qilish tavsiya qilinadi. Miokard infarktini, qaytalanishlarini shuningdek tromb hosil bo‘lishini oldini olish uchun preparatni bir tabletkadan kuniga bir marta buyuriladi. Dozani kardiologning maslahatiga ko‘ra, shaxsiy ravishda tanlanadi. Operatsiyadan keyin qon tomirlarda tromblarni hosil bo‘lishini oldini olish uchun:  preparatni bir tabletkasini kuniga bir marta qo‘llanadi. Nostabil stenokardiyasi  bo‘lgan patsiyentlarga: preparatni bir tabletkasini  kuniga bir marta buyuriladi.

Allergik reaktsiyalar: tez-tez – eshakemi, Kvinke shishi, ba’zida – anafilaktik reaktsiyalar. Ovqat hazm qilish tizimi tomonidan: juda tez-tez – jig‘ildon qaynashi; tez-tez – ko‘ngil aynishi, qusish; ba’zida – qorin sohasida og‘riqni his qilish, me’da va o‘nikki barmoq ichak shilliq qavatining yaralari, me’da-ichak qon ketishlari; kam hollarda – me’da va o‘n ikki barmoq ichak yarasining perforatsiyasi, “jigar” fermentlari faolligini oshishi; juda kam hollarda–stomatit, ezofagit, me’da-ichak yo‘llarining yuqori bo‘limlarini eroziv shikastlanishi, strikturalar, kolit, ichakning ta’sirlanish sindromi. Nafas tizimi tomonidan: tez-tez – bronxospazm. Qon yaratish tizimi tomonidan: juda tez-tez –kuchli qon oquvchanlik; kam – anemiya; juda kam- gipoprotrombinemiya, trombotsitopeniya, neytropeniya, aplastik anemiya, eozinofiliya, agranulotsitoz. MNT tomonidan: ba’zida – bosh aylanishi, uyquchanlik; tez-tez – bosh og‘rig‘i, uyqusizlik; kam hollarda – quloqlarni shang‘illashi, bosh miyaga qon quyilishi.

Atsetilsalitsil kislotasiga, preparatning yordamchi moddalariga va boshqa NYAQP yuqori sezuvchanlik, bosh miyaga qon qo‘yilishi; qon ketishiga moyillik (K vitamini yetishmovchiligi, trombotsitopeniya, gemorragik diatez); salitsilatlar va NYAQP ni qabul qilish bilan induktsiyalangan bronxial astma; me’da-ichak yo‘llarining eroziv-yarali shikastlanishi (zo‘rayish bosqichidagi); me’da-ichak qon ketishlari; og‘ir buyrak yetishmovchiligi (kreatinin klirensi-minutiga 10 ml dan kam); homiladorlik (I va III uch oyliklari); laktatsiya (emizish) davri; glyukoza-6-fosfatdegidrogenaza tanqisligi; metotreksat bilan bir vaqtda qabul qilish (haftada 15 mg dan ortiq dozada); 18 gacha bo‘lgan bolalar va o‘smirlarda qo‘llash mumkin emas.

Magikorni shifokor bilan oldindan maslahatlashmasdan qabul qilmaslik kerak. Atsetilsalitsil kislotasini bronxospazm, shuningdek astma xurujlarini keltirib chiqarish ehtimoli yuqoridir. Ayniqsa har qanday turdagi allergiya  va bronxial astma bilan og‘rigan odamlar ehtiyotkor bo‘lishlari kerak. Atsetilsalitsil kislotasi qon ivishini yomonlashtirishi mumkin, shuning uchun har qanday operatsiyalarda qon ketishini rivojlanish ehtimoli mavjud. Atsetilsalitsil kislotasini va trombolitiklarni, antikoagulyantlarni, antitrombotsitar vositalarni majmuaviy qo‘llash qon ivishini yanada kuchli yomonlashtiradi. Podagraga moyillik bo‘lganida Magikor, xatto uni oz miqdorda iste’mol qilinganda ham kasallikni keltirib chiqarishi mumkin. Preparat va metotreksatni majmuaviy qo‘llash qonni ishlab chiqarilishini ahamiyatli darajada yomonlashtiradi. Preparatni katta miqdorda  istyemol qilish qonda glyukoza miqdorini kamaytiradi, qonda qand miqdorini kamaytirish uchun qo‘llanadigan  preparatlarni qabul qiladigan qandli diabeti bo‘lgan patsiyentlar bu haqda bilishlari kerak. Shuning uchun majmuaviy davolashda oxirgining dozasini kamaytirish kerak, ularni qabul qilish tugagandan keyin atsetilsalitsil kislotasining dozasini oshirib yuborilish  ehtimoli mavjud. Ibuprofen atsetilsalitsil kislotasining hayotni davomiyligiga nisbatan yaxshi ta’sirini kamaytirishi tufayli, bu preparatlarni  majmuaviy qo‘llash mumkin emas. Preparatning dozasini yuqori darajagacha oshirish me’dadan  qon ketishiga olib kelishi mumkin. Keksa yoshdagi odamlar ayniqsa dozani oshirib yuborilishidan saqlanishlari lozim. Preparatni spirtli ichimliklar bilan majmuasi  ovqat hazm qilish tizimini holatiga  katta zarar keltirishi mumkin. Preparat reaktsiya tezligiga xecham ta’sir qilmaydi, shuning uchun uni xavfli ishlab chiqarishda ishlaydigan shaxslarda  va  transport  haydovchilariga buyurish mumkin.

Preparatni  shifokor ko‘rsatmasidan keyin  qo‘llash  lozim. Atsetilsalitsil kislotasi bronxospazmni qo‘zg‘atishi, shuningdek bronxial astma xurujlarini va yuqori sezuvchanlikning boshqa reaktsiyalarini chaqirishi mumkin. Anamnezda bronxial astma, pichan isitmasi, burun polipozi, nafas tizimining surunkali kasalliklarini, shuningdek boshqa preparatlarga allergik reaktsiyalar (masalan, teri reaktsiyasi, qichishish, eshakemi) xavf omillari hisoblanadi. Atsetilsalitsil kislotasi jarrohlik aralashuvlari vaqtida va undan keyin yaqqolligi turli darajadagi qon ketishlarini chaqirishi mumkin. Atsetilsalitsil kislotasini antikoagulyantlar, trombolitiklar va antitrombotsitar preparatlar bilan birga qo‘llash qon ketishlarni rivojlanishini yuqori xavfi bilan birga kechadi. Atsetilsalitsil kislotasi past dozalarda moyil shaxslarda (siydik kislotasining  ekskretsiyasiga pasayganlarda) podagraning rivojlanishini  keltirib chiqarishi mumkin. Atsetilsalitsil kislotasini metotreksat bilan birga qo‘llash qon yaratish a’zolari tomonidan nojo‘ya samaralarni rivojlanishini yuqori tez-tezligi bilan kechadi. Atsetilsalitsil kislotasining yuqori dozalari gipoglikemik samara ko‘rsatadi, buni gipoglikemik vositalarni qabul qilayotgan qandli diabeti bo‘lgan patsiyentlarga buyurishda nazarda tutish kerak. Glyukokortikosteroidlar va salitsilatlar birga buyurilganida, davolash vaqtida qonda salitsilatlarning darajasini pasayishini, glyukokortikosteroidlar bekor qilinganidan keyin esa, salitsilatlarning dozasini oshirib yuborilishi mumkinligini unutmaslik kerak. Atsetilsalitsil kislotasini ibuprofen bilan birga qo‘llash tavsiya qilinmaydi, chunki oxirgi atsetilsalitsil kislotasini hayotning davomiyligiga bo‘lgan ijobiy ta’sirini yomonlashtiradi. Atsetilsalitsil kislotasining dozasini oshishi me’da-ichak qon ketishlarining xavfi bilan bog‘liq. Dozani oshirib yuborilishi, ayniqsa keksa patsiyentlar uchun xavfli. Atsetilsalitsil kislotasini alkogol bilan birga qo‘llanganda me’da-ichak yo‘llarining shilliq qavatini shikastlanish va qon ketishi vaqtini uzayish xavfi yuqori. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Homiladorlikning birinchi 3 oyligida salitsilatlarning katta dozalarini qo‘llash homilaning rivojlanish nuqsonlarining yuqori tez-tezligi bilan assotsiatsiyalanadi. Homiladorlikning II uch oyligida salitsilatlarni faqat xavf va foydani qat’iy hisobga olib buyurish mumkin. Homiladorlikning oxirgi uch oyligida salitsilatlarni yuqori (sutkada 300 mg dan ko‘p) dozada qo‘llash tug‘ruq faoliyatini tormozlanishini, homilada arterial yo‘lini muddatidan oldin bekilishini, ona va homilada kuchli qon oquvchanligini chaqiradi, tug‘ruq oldidan bevosita buyurish esa, ayniqsa chala tug‘ilgan bolalarda bosh miyaga qon quyilishini chaqirishi mumkin. Homiladorlikning oxirgi uch oyligida salitsilitlarni buyurish mumkin emas.

Quruq, yorug‘likdan himoyalangan joyda, 250Sdan yuqori bo‘lmagan haroratda saqlansin.

Og‘irlik darajasi o‘rtacha bo‘lgan dozani oshirib yuborilishining simptomlari: ko‘ngil aynishi, qusish, quloqlarni shang‘illashi, eshitishni yomonlashishi, bosh aylanishi, ongni chalkashishi. Davolash: me’dani yuvish, faollashtirilgan ko‘mirni buyurish, simptomatik davolashni o‘tkazish kerak. Og‘ir darajadagi dozani oshirib yuborilishining simptomlari: isitma, giperventilyatsiya, ketoatsidoz, respirator alkoloz, koma, yurak qon-tomir va nafas yetishmovchiligi, yaqqol gipoglikemiya. Davolash: shoshilinch davolashni o‘tkazish uchun darhol ixtisoslashtirilgan bo‘limlarga gospitalizatsiya qilish – me’dani yuvishni (lavaj) o‘tkazish, kislota-ishqor muvozanatini aniqlash, ishqoriy va kuchaytirilgan ishqoriy diurez, gemodializ, tuzli eritmalarni yuborish, faollashtirilgan ko‘mir, simptomatik davolash. Ishqoriy diurezni o‘tkazishda rN qiymatini 7,5 va 8,0 orasida bo‘lishiga erishish kerak. Salitsilatlarning plazmadagi kontsentratsiyasi kattalarda 500 mg/l (3,6 mmol/l) dan va bolalarda 300 mg/ml (2,2 mmol/l) dan ko‘proqni tashkil qilganida kuchaytirilgan ishqoriy diurezni o‘tkazish lozim.

Retseptsiz

10 tabletkadan PVX/alyumin folgali kontur uyali o‘ramda. Kontur-uyali o‘ramlar qo‘llash bo‘yicha yo‘riqnomasi bilan birga karton qutiga joylanadi.

2 yil.