oq jelatinli qattiq kapsulalar. Kapsula tarkibi – oq yoki sariq tusdagi oq rangli kukun.

Diareyaga qarshi vosita.

Ichga qabul qilinganida so‘rilishi 40% tashkil qiladi. Plazmadagi maksimal kontsentratsiyasiga kapsula qabul qilinganidan keyin 2,5 soat o‘tgach erishiladi. Plazma oqsillari bilan bog‘lanishi (ko‘proq albuminlar bilan) – 97%. Gematoentsefalik to‘siqdan o‘tmaydi. Jigardan kon’yugatsiya yo‘li bilan deyarli to‘liq metabolizmga uchraydi. Yarim chiqarilish davri – 9-14 soat (o‘rtacha 9,8 soat). Ko‘proq safro orqali, oz qismi buyraklar orqali chiqariladi (kon’yugatsiyalangan metabolitlari ko‘rinishida).

Turli genezli o‘tkir va surunkali diareyani simtomatik davolash (allergik, emotsional, dorili, nurli; ovqatlanish tartibini va ovqatning tarkibini sifati o‘zgarganida, metabolizm va so‘rilish buzilganida; infektsion genezli diareyada yordamchi vosita sifatida). Ileostomali patsiyentlarda ich kelishini boshqarishda qo‘llanadi.

Ichga, chaynamasdan, suv bilan birga qabul qilinadi. Kattalarga o‘tkir diareyada dastlab 2 kapsula (4 mg) loperamid buyuriladi, so‘ngra suyuq ahlat holida 1 kapsuladan (2 mg) har defekatsiyadan keyin. Yuqori sutkalik doza – 8 kapsula (16 mg). Kattalarga surunkali diareyada sutkada 4 mg dan buyuriladi. Maksimal sutkalik doza – 16 mg. 6 yoshdan oshgan bolalarga o‘tkir diareyada boshlang‘ich doza 2 mg, so‘ngra suyuq ahlat holida 2 mg dan har defekatsiyadan keyin. Maksimal sutkalik doza – 4 kapsula (8 mg). 6 yoshdan oshgan bolalarga surunkali diareyada loperamid 2 mg sutkalik dozada buyuriladi. Maksimal sutkalik doza – 6 mg 20 kg ga. Ich kelishi normallashganidan keyin yoki ich kelishi 12 soatdan ko‘proq vaqtda bo‘lmasa, preparatni qo‘llashni to‘xtatish kerak.

Odatda, faqat preparat uzoq vaqt qabul qilinganida kuzatiladi. Allergik reaktsiyalar (teri toshmasi), uyquchanlik, bosh aylanishi, gipovolemiya, elektrolit buzilishlar, og‘izni qurishi, ichak sanchig‘i, gastralgiya, qorinda og‘riq yoki diskomfort, ko‘ngil aynishi, qusish, meteorizm kuzatilishi mumkin. Kam hollarda – siydikni tutilishi, juda kam hollarda – ichak tutilishi.

O‘ta yuqori sezuvchanlik, ichak tutilishi, o‘tkir yarali kolit, divertikulez, o‘tkir soxtamembranoz enterokolit fonidagi diareya, dizenteriya va me’da-ichak yo‘llarining boshqa infektsiyalarida. Homidorlik (I uch oyligi), laktatsiya davri, 2 yoshgacha bo‘lgan bolalarda (loperamid kapsulalari 6 yoshgacha bolalarga buyurilmaydi) qo‘llash mumkin emas.

Preparatning boshqa dori vositalari bilan o‘zaro ta’sirlari aniqlanmagan.

Loperamid 2 sutka qo‘llanganidan keyin samara bo‘lmaganida tashxisni aniqlash va diareyaning infektsion genezini istisno qilish kerak. 6 yoshdan kichik bolalarga kapsulalarda buyurish tavsiya qilinmaydi. Agar davolayotganda qabziyat yoki qorinni dam bo‘lishi rivojlansa, loperamidni bekor qilish kerak. Jigar faoliyatini buzilishlari bo‘lgan patsiyentlarda markaziy nerv tizimini toksik shikastlanishining belgilarini diqqat bilan nazorat qilish kerak. Diareyani davolash davrida suyuqlik va elektrolitlarning yo‘qotilishini to‘ldirish kerak. Davolash vaqtida transport vositalarini boshqarish va potentsial xavfli, diqqatni yuqori jamlashni va psixomotor reaktsiyalar tezligini talab qiluvchi faoliyat turlari bilan shug‘ullanishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Simptomlari: markaziy nerv tizimining faoliyatini susayishini belgilari (stupor, harakat koordinatsiyasini buzilishi, uyquchanlik, ko‘z qorachig‘ini torayishi (mioz), skelet mushaklarining tonusini oshishi, nafasni susayishi), ichak tutilishi. Davolash: maxsus antidoti sifatida nalokson ishlatiladi. Loperamidning ta’sir qilish vaqti naloksonga qaraganda ko‘proqligini hisobga olib, noloksonni takror yuborish mumkin. Simptomatik davolash: me’dani yuvish, faollashtirilgan ko‘mir qabul qilish (preparat qabul qilinganidan keyingi birinchi 3 soatda), o‘pkaning sun’iy ventilyatsiyasi.

Retseptsiz

10 kapsuladan kontur uyali o‘ramda. 1, 2, 3, 10 kontur uyali o‘ram qo‘llash bo‘yicha yo‘riqnomasi bilan birga karton qutida.

2 yil.