№3 o‘lchamdagi, oq rangli qattiq jelatin kapsulalar. Kapsula ichidagisi – oq yoki sarg‘ish tusli oq rangli kukun.

Diareyaga qarshi vosita.

Ichakdan oson so‘riladi. So‘rilish ko‘rsatkichi – 40% ni tashkil qiladi. Maksimal kontsentratsiyaga erishish vaqti – 2,5 soatni tashkil qiladi. Ta’siri tez boshlanadi va 4-6 soat davom etadi. Plazma oqsillari bilan bog‘lanishi – 97% ni tashkil qiladi. Jigarda kon’yugatsiya yo‘li bilan deyarli to‘liq metabolizmga uchraydi. Yarim chiqarilish davri (T1/2) 9-14 soatni tashkil qiladi. Asosan ahlat bilan chiqariladi. Preparat gematoentsefalik to‘siq orqali o‘tmaydi.

Turli genezli (allergik, emotsional, dori, nurlanish; ovqatlanish tartibi va ovqatning sifat tarkibini o‘zgarishi, metabolizm va so‘rilishni buzilishida; infektsion genezli diareyada yordamchi vosita sifatida) o‘tkir va surunkali diareyani simptomatik davolashda qo‘llanadi. Ileostomasi bo‘lgan bemorlarda ich kelishini (ahlatning miqdori va hajmini kamaytirish, hamda uni qattiqroq konsistentsiyada bo‘lishini) boshqarish uchun qo‘llanadi.

Ichga, kapsulalar chaynamasdan 100 ml suv bilan birga yutiladi. Kattalarga o‘tkir va surunkali diareyada birinchi marta 4 mg buyuriladi, so‘ngra har bir ichni suyuq kelishi holda 2 mg dan; maksimal sutkalik doza – 16 mg ni tashkil qiladi. Surunkali diareyada sutkada 4 mg boshlang‘ich dozada buyuriladi, so‘ngra doza ich kelishini sonini sutkada 1-2 martagacha kamaytirish uchun shaxsiy ravishda tanlanadi (odatda  kuniga 2 mg dan 12 mg gacha). 6 yoshdan katta bolalarga o‘tkir diareyada dastlab 2 mg buyuriladi; so‘ngra har bir suyuq ich kelishidan keyin 2 mg dan; surunkali diareyada – sutkada 2 mg dan, so‘ngra doza sutkada 4-6 mg gacha oshirilishi mumkin. Bolalar uchun maksimal sutkalik doza – 5 mg. Ich kelishi normalanganida, 12 soatdan ortiq ich kelmaganida yoki qorin dam bo‘lganida preparatni bekor qilish kerak.

Nojo‘ya ta’sirlari, odatda preparat uzoq muddat qabul qilinganida kuzatiladi. Bosh og‘rig‘i, epigastriya sohasida og‘riqlar va diskomfort, og‘izni qurishi, allergik reaktsiyalar (teri toshmalari) bo‘lishi mumkin. Kam  hollarda uyquchanlik yoki uyqusizlik, bosh aylanishi, ichak spazmi, ko‘ngil aynishi, qusish, qabziyat, meteorizm, juda kam hollarda – ichak o‘tkazmasligi kuzatiladi.

Ichak tutulishi; o‘tkir dizenteriya; keng ta’sir doirali antibiotiklarni qabul qilish oqibatida paydo bo‘lgan o‘tkir yarali kolit va soxtamembranoz kolit; homiladorlik, laktatsiya davri, 5 yoshgacha bo‘lgan bolalar; preparatga yuqori sezuvchanlikda qo‘llash mumkin emas.

Loperamning boshqa dori vositalari bilan klinik axamiyatli o‘zaro ta’siri aniqlanmagan.

Preparat 2 sutka davomida qo‘llanganidan keyin samarasi bo‘lmasa, tashxisni aniqlash va infektsion genezli diareyani istisno qilish kerak. Jigar faoliyatini buzilishi bo‘lgan bemorlarga preparat ehtiyotkorlik bilan  buyuriladi. Agar davolashda qabziyat yoki qorinni dam bo‘lishi rivojlansa, preparatni bekor qilish kerak. Jigar faoliyatini buzilishi bo‘lgan patsiyentlarda markaziy nerv tizimining toksik shikastlanishi belgilarini sinchiklab nazorat qilish kerak. Davolash davrida yo‘qotilgan suyuqlik va elektrolitlarni to‘ldirish kerak. Uyquchanlik yoki bosh aylanishi paydo bo‘lgan holda transport vositalarini boshqarish va mexanizmlar bilan ishlashdan saqlanish kerak. Preparatani bolalar ololmaydigan joyda saqlansin va uni yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

Simptomlari: stupor holati, harakat koordinatsiyasini buzilishi, uyquchanlik, mioz, mushaklar tonusini oshishi, ileus. Davolash: antidot sifatida nalokson qo‘llanadi. Bemor kamida 48 soat davomida shifokorning nazorati ostida bo‘lishi kerak.

Retseptsiz

10 ta kapsuladan PVX/alyumin folga kontur uyali o‘ramda. Kontur-uyali o‘ramlar qo‘llash bo‘yicha yo‘riqnomasi bilan birga karton qutiga joylangan.

2 yil.