och sariq yoki yashil-sariq rangli tiniq eritma.

Antibakterial sintetik vosita (ftorxinolonlar guruhi).

S01 AE05

Ko‘zga instillyatsiya qilinganidan so‘ng levofloksatsin ko‘z yoshi suyuqligida yaxshi saqlanib turadi. Sog‘lom ko‘ngillilarda o‘tkazilgan tadqiqotlarda, preparat mahalliy qo‘llanganidan so‘ng 4 va 6 soatdan keyin ko‘z yoshida aniqlangan levofloksatsinning o‘rtacha kontsentratsiyasi muvofiq ravishda 17,0 mkg/ml va 6,6 mkg/ml ni tashkil etganligini ko‘rsatdi. Sinovdagilarning oltitasidan beshtasida levofloksatsin instillyatsiya qilinganidan so‘ng uning kontsentratsiyasi 2 mkg/ml va undan yuqori qiymatni tashkil etgan. Sinovdagilarning oltitasidan to‘rttasida ushbu kontsentratsiya instillyatsiyadan so‘ng 6 soatdan keyin ham saqlanib turgan. Lkvofloksatsin ko‘z/quloq tomchilari 15 kun davomida qo‘llanganida 15 nafar katta yoshdagi sog‘lom ko‘ngillilarning qon plazmasida levofloksatsinning o‘rtacha kontsentratsiyasi aniqlangan. Preparat qo‘llanganidan so‘ng 1 soatdan keyin plazmada levofloksatsinning o‘rtacha kontsentratsiyasi 1-sutkada 0,86 ng/ml dan 15-sutkaga kelib 2,05 ng/ml gacha bo‘lgan qiymatni tashkil qilgan. Plazmada levofloksatsinning 2,25 ng/ml ga teng bo‘lgan maksimal kontsentratsiyasi preparat har 2 soatda sutkada 8 martagacha 2 kun davomida qo‘llanganidan so‘ng 4-sutkaga kelib aniqlangan. Levofloksatsinning 15-kunga kelib erishilgan maksimal kontsentratsiyasi levofloksatsinning standart dozalari peroral qabul qilingandan so‘ng kuzatiladigan kontsentratsiyasidan 1000 marta kam bo‘lgan.

Oftalmologiyada: 1 yosh va undan oshgan patsiyentlarda levofloksatsinga sezgir mikroorganizmlar chaqirgan, ko‘zning yuza bakterial infektsiyalarini davolash;bakterial kon’yunktivit;shox pardani yiringli yaralari;kattalarda ko‘zlarni gonoreyali va xlamidiyali kasalliklari;ko‘zlarni jarrohlik va lazer yordamida o‘tkazilgan operatsiyalaridan keyingi asoratlarni oldini olish uchun qo‘llanadi. Otologiyada: tashqi quloq otiti;o‘tkir va surunkali o‘rta quloq otiti;jarrohlik aralashuvlaridan oldin va keyin, quloq jarohatlarida, tashqi quloq yo‘lidan quloqning to‘qimalarini shikastlanishi bilan kechuvchi yot jismni olib tashlanganida kuzatiladigan infektsion otitlarni oldini olish uchun qo‘llanadi.

Faqat mahalliy qo‘llash uchun mo‘ljallangan. Oftalmologiyada: Kattalar hamda 1 yosh va undan oshgan bolalar Birinchi ikki sutka davomida eritma har ikkala shikastlangan ko‘zga 1-2 tomchidan har 2 soatda, sutkada 8 martagacha instillyatsiya qilinadi. 3-7 sutkalar davomida har 4 soatda (sutkada 4 martagacha) tomiziladi. Davolash davomiyligi kasallikning og‘irlik darajasi va klinik hamda bakteriologik zararlanishni rivojlanish darajasiga bog‘liq bo‘lib, odatda 7 sutkani tashkil etadi. Mahalliy qo‘llash uchun mo‘ljallangan bir necha oftalmologik preparatlar bir vaqtda qo‘llanganida instillyatsiyalar o‘rtasida 15-minutlik intervalga rioya qilish kerak. Tomchilagich uchligi bilan eritmani zararlanishidan saqlanish uchun qovoqlarga va ko‘zning atrofidagi to‘qimalarga tegmasligi kerak. Otologiyada: Tashqi quloq otitlarida: Kattalarga Shikastlangan quloqqa 10 tomchidan kuniga 1 marta 7 kun davomida tomiziladi. 1 yoshdan 12 yoshgacha bo‘lgan bolalar Shikastlangan quloqqa 5 tomchidan kuniga 1 marta 7 kun davomida tomiziladi. Surunkali yiringli o‘rta quloq otitlarda (nog‘ora parda perforatsiyasi bo‘lganida): 12 yosh va undan oshgan patsiyentlar: Shikastlangan quloqqa 10 tomchidan kuniga 2 marta 14 kun davomida tomiziladi. Infektsion otitlarni oldini olish uchun: Shikastlangan quloqqa 5 tomchidan kuniga 2 marta 10 kun davomida tomiziladi. «Levofloksatsin-ASP»  tomchilarini quloqqa tomizishdan oldin tashqi eshituv yo‘lini sanatsiya qilish kerak. Eritma eshituv yo‘liga tomizilishi kerak. Patsiyent shikastlangan qulog‘ini yuqoriga qaratib yotishi va preparat tomizilgandan so‘ng shunday holatda kamida 5 minut davomida qolishi kerak. Preparat tomizilgandan so‘ng quloqning quloqning yumshoq qismi pastga va orqaga tortib, tomchilarni eshituv yo‘liga tushishiga imkon berish kerak. Tashqi eshituv yo‘liga paxtali turunda qo‘yish mumkin. Eritmani tomizishdan oldin flakonni 1-2 minut davomida qo‘lda ushlab ilitish tavsiya etiladi.

3% gacha hollarda – ko‘zni qisqa muddatli achishishi, ko‘rish o‘tkirligini pasayishi, cho‘ziluvchan shilliqni paydo bo‘lishi, 1% dan kam hollarda – qovoqlarni yopishishi, xemoz, papillyar kon’yunktivit, qovoqlarni shishi, ko‘zda noxush hislar, qichishish, og‘riq, kon’yunktivani qizarishi, kon’yunktivada follikulalarni paydo bo‘lishi, quruq ko‘zlar sindromi, qovoqlarni eritemasi, ko‘z yoshini oqishi, yorug‘likdan qo‘rqish bo‘lishi mumkin.

levofloksatsinga yoki preparatning boshqa komponentlariga o‘ta yuqori sezuvchanlik;xinolon qatori preparatlariga o‘ta yuqori sezuvchanlik;homiladorlik;laktatsiya davrida qo‘llash mumkin emas.

Preparat mahalliy qo‘llanganidan so‘ng plazmada levofloksatsinning maksimal kontsentratsiyasi peroral qabul qilingandagiga nisbatan 1000 marta kam, shuning uchun boshqa dori vositalari bilan o‘zaro ta’sir qilish ehtimoli kam. «Levofloksatsin-ASP»  ko‘z/quloq tomchilarini o‘zaro ta’sirini o‘rganish yuzasidan maxsus tadqiqotlar o‘tkazilmagan.

Levofloksatsin-ASP  ko‘z/quloq tomchilarini subkon’yunktival yuborish mumkin emas, ko‘zning bevosita oldingi kamerasiga instillyatsiya qilishdan saqlanish kerak. Tizimli qo‘llash uchun mo‘ljallangan ftorxinolonlar hatto bir marta qo‘llanganidan so‘ng ham yaqqol ifodalangan allergik reaktsiyalarni chaqirishi mumkin. Levofloksatsinga nisbatan allergik reaktsiya paydo bo‘lganida ko‘z/quloq tomchilarini qo‘llashni to‘xtatish kerak. Levofloksatsinni ko‘z/quloq tomchilari ko‘rinishida uzoq muddat qo‘llash chidamli mikroorganizmlar, shuningdek zamburug‘larni ko‘payishiga olib kelishi mumkin. Kasallikning klinik manzarasi yomonlashganida yoki yaxshilanishi kuzatilmaganida dori preparatini bekor qilish va muqobil davolashga o‘tish kerak. Levofloksatsin-ASP  ko‘z/quloq tomchilari linzada to‘planishi va ko‘zga salbiy ta’sir ko‘rsatishi mumkin bo‘lgan benzalkoniy xloridi konservantini saqlaydi. Preparatni qo‘llashdan oldin linzalarni olib tashlash va instillyatsiyadan so‘ng kamida 15 minutdan keyin qo‘yish kerak. Bakterial kon’yunktivitning simptomlari bo‘lganida har qanday turdagi kontakt linzalardan foydalanish mumkin emas. Ijobiy davolash samarasiga erishish uchun tomchilarni mikroblarga qarshi tizimli davolash bilan birga (yengil holatlar bundan mustasno) qo‘llash kerak. Eritma va tomchilagichni zararlanishdan saqlash kerak. Homiladorlik va laktatsiya davrida qo‘llanishi «Levofloksatsin-ASP»  ko‘z/quloq tomchilarini homiladorlikda qo‘llash mumkin emas. Laktatsiya davrida preparatni qo‘llash zarurati bo‘lganida emizish to‘xtatish masalasini hal qilish kerak. Pediatriyada qo‘llanishi 1 yoshgacha bo‘lgan bolalarda preparatni qo‘llash samaradorligi va havfsizligi o‘rganilmagan. Avtotransportni haydash va mexanizmlarni boshqarish qobiliyatiga ta’siri Ko‘rish o‘tkirligini, preparat tomizilgan zahoti rivojlanadigan buzilishlari borligi tufayli, ko‘rish o‘tkirligi normal holatga qaytgunicha avtomobil hamda potentsial havfli mexanizmlarni boshqarishdan saqlanish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

25ºC dan yuqori bo‘lmagan haroratda saqlansin. Flakon ochilganidan so‘ng preparatni 4 xafta davomida qo‘llash mumkin.

Preparatni ko‘z/quloq tomchilar ko‘rinishida dozasini oshirib yuborilishi ehtimoli kam. Dozani oshirib yuborilish simptomlari preparatning nojo‘ya samaralari bilan bir xil bo‘ladi. Levofloksatsin-ASP ko‘z/quloq tomchilarini ortiqcha dozasi mahalliy qo‘llanganidan so‘ng ko‘zlarni xona haroratidagi toza suv (vodoprovod) bilan yuvish kerak. Yaqqol ifodalangan nojo‘ya samaralari bo‘lganida shifokorga murojaat qilish kerak. Shuningdek ichga ataylab yoki bexosdan qabul qilinganida, simptomlari nojo‘ya samaralari bilan o‘xshash bo‘lishi mumkin. Ko‘z/quloq tomchilarini bir flakonida saqlangan levofloksatsinning umumiy miqdori, hatto ichga bexosdan qabul qilingandan so‘ng nojo‘ya reaktsiyalarni chaqirishi uchun juda kam.

Retsept bo‘yicha beriladi

0,5 % ko‘z va quloq tomchilari, 5 yoki 10 ml dan himoya xalqasi bilan ta’minlangan tiqin-tomizgich va buraladigan himoya qalpoqchasi bo‘lgan plastik flakonda. 1 flakon qo‘llash bo‘yicha yo‘riqnomasi bilan birga karton penalda.

3 yil.