Oq rangli kukun yoki g‘ovaksimon massa; gigroskopik. Tabiiy leykotsitar interferonga o‘xshash holda biologik faollikning uchta asosiy turlariga: immunomodulyator, antivirus va o‘smalarga qarshi faollikka ega.

immunostimullovchi vosita (interferon alfa-2b).

L03AB05.

Preparat quyidagi hollarda katta yoshdagi patsiyentlarni kompleks davolashda: o‘tkir va surunkali V virusli gepatitda (o‘rtacha og‘ir va og‘ir shakllarida);surunkali S gepatitida;virus tabiatga ega o‘tkir va surunkali septik kasalliklarda;turli lokalizatsiyaga ega gerpetik infektsiyalarda (o‘rab oluvchi temiratki, ko‘plab teri gerpetik toshmalari, genital gerpetik infektsiyada);hiqildoq papillomatozida;tarqoq sklerozda;xavfli melanoma, uveal melanoma, buyrak-hujayra kartsinomasi, qovuqning yuzaki chegaralangan raki, tuxumdon va ko‘krak bezi raki, OITV-infektsiya fonidagi Kaposhi sarkomasi, surunkali miyeloleykoz, tolasimon-hujayrali leykoz, noxodjkin limfomalari, bazal-hujayrali kartsinoma, T-hujayrali teri limfomasida (zamburug‘simon mikozda) qo‘llaniladi.

Preparat eritma ko‘rinishida ishlatilishi lozim. Laferobion eritmasi vena ichiga (tomchilab), mushak ichiga, teri ostiga, teri ichiga, qorin bo‘shlig‘i ichiga, qovuq ichiga yuboriladi. Preparatdan foydalanilganda quyidagi davolash sxemasi tavsiya etiladi: o‘tkir virusli V gepatitida: mushak ichiga 1 mln XB (og‘ir hollarda – 2 mln XB) dan 10 kun davomida sutkada 2 marta yuboriladi; keyin esa bemorning klinik maqomini hisobga olgan holda preparatni yuborish yuqorida keltirilgan sxema bo‘yicha yoki 1 mln XB dan bir necha hafta davomida haftada 2 marta sxemasi bo‘yicha 2-3 haftagacha uzaytirilishi mumkin; surunkali virusli V gepatitida: mushak ichiga 3-4 mln XB dan 2 oy davomida haftada         3 marta yuboriladi; surunkali S gepatitida: teri ostiga 3 mln XB dan haftada 3 marta (kun ora) ribavirin bilan kombinatsiyada yoki monoterapiya sifatida (ribavirin bilan davolash mumkin bo‘lmagan yoki uni o‘zlashtira olmaslik mavjud bo‘lgan hollarda) yuboriladi; preparat      3-4 oy davomida qo‘llaniladi, undan keyin NSV RNK sini aniqlash kerak; so‘ngra esa NSV RNK si aniqlanmagan bo‘lsagina davolashni davom ettirish kerak; monoterapiyada davolash kursi 12 oydan 18 oygachani, ribavirin bilan majmuada 6 oyni tashkil etadi; virusning 1 genotipida va davolash boshlanishiga qadar virus DNK si miqdori yuqori bo‘lganida, davolashning 6 oyi oxiriga kelib qon zardobida NSV RNK si mavjud bo‘lmagan taqdirda, majmuaviy davolashni yana 6 oy davom ettirish mumkin, biroq bunda patsiyentning yoshi 40 dan oshganligi, erkak jinsidaligi, unda avj etib boruvchi fibroz mavjudligi kabi salbiy omillarni e’tiborga olish kerak; gerpetik infektsiyalar: o‘rab oluvchi temiratkida: har kuni 1 mln XB doza mushak ichiga + 2 mln XB doza 5 ml 0,9% li natriy xloridining fiziologik eritmasida toshma atrofidagi bir nechta nuqtalarga teri ostiga yuboriladi; davolash davomiyligi 5-7 kunni tashkil etadi; gerpetik teri toshmalarida: har kuni 2 mln XB dozada mushak ichiga yoki teri ostiga yuboriladi; davolashni germetik papulalarga mahalliy (applikatsiyalar) qo‘llash bilan olib borish mumkin; davolash kursini shifokor belgilaydi; genital gerpetik infektsiyada: har kuni 2 mln XB dozada mushak ichiga toshmalar bo‘lgan joyga lokal (applikatsiyalar ko‘rinishida) qo‘llash bilan birgalikda yuboriladi; davolash kursini shifokor belgilaydi; hiqildoq papillomatozida: 6 oy va undan ortiq vaqt davomida haftada 3 marta (kun ora) 3 mln XB/m2 dozada teri ostiga yuboriladi; dozaga preparat ta’sirini o‘zlashtira olishni inobatga olgan holda tuzatish kiritish kerak, davolashni o‘sma to‘qimasi jarrohlik (lazer) yo‘li bilan olib tashlangandan keyin boshlash kerak; tarqoq sklerozda: 10-15 kun davomida sutkada 2-3 marta 1 mln XB dozada mushak ichiga yuboriladi, undan keyin 6 oy mobaynida haftada 1 marta 1 mln XB dozada yuboriladi; xavfli melanomada: jarrohlik yo‘li bilan davolashga qo‘shimcha ravishda va remissiyani induktsiya qilish uchun 4 hafta davomida haftasiga 5 marta 20 mln XB/m2 dozada vena ichiga (infuziya 20 minut davomida) yuboriladi; samarani bir maromda ushlab turuvchi davolash 48 hafta davomida haftasiga 3 marta (kun ora) 10 mln XB/m2  dozada teri ostiga yuborish bilan amalga oshiriladi. Og‘ir nojo‘ya ta’sirlar rivojlanganda, ayniqsa granulotsitlar soni pasayganida (500/mm3 dan kam), ALT/AST oshganida (normaning yuqori chegarasidan 5 marta ko‘p bo‘lganida) preparatni qo‘llash ko‘rsatkichlar normaga kelguniga qadar to‘xtatilishi kerak. Davolashni to‘liq dozada qaytadan boshlash kerak. Agar preparat ta’sirini o‘zlashtira olmaslik saqlanib qolgan bo‘lsa, granulotsitlar soni esa 250/mm3 ga qadar pasaygan bo‘lsa yoki ALT va/yoki AST faolligi oshib borsa (normaning yuqori chegarasidan 10 marta ko‘p bo‘lsa), preparatni qo‘llash bekor qilinishi kerak; uveal melanomada (o‘smani fotodestruktsiya qilish va beta-applikatsiya bilan birgalikda davolangan holda) quyidagi davolash sxemasidan foydalanish mumkin: parabulbar ravishda 10 kun davomida har kuni 1 mln XB dozada (1 ml inyektsiya uchun suvda eritilgan) yuboriladi; takroriy 10 kunlik yuborilishlar 20 kundan keyin ikki marta o‘tkaziladi; umumiy davolash kursi 48 haftani tashkil etadi; 45 kundan keyin takroriy kurslar zarurati istisno qilinmaydi; buyrak-hujayrani kartsinomasi: mushak ichiga 10 kun davomida har kuni 3 mln XB dozada yuboriladi; umumiy davolash kursi – 30 mln XB, takroriy davolash kurslarini 6 oy davomida 3-5 hafta intervali bilan, so‘ngra esa yil davomida 1,5-2 oy intervali bilan o‘tkaziladi; induktsion davolash sifatida 10 mln XB/m2 dozada (sutkada 18 mln XB/m2 gacha) mushak ichiga yoki teri ostiga yuboriladi; avvalgi dozani har 3 kunda 3 mln XB/m2 dozaga oshirib borish (birinchi 3 kunda – 3 mln XB/m2 dozada, ikkinchi 3 kunda – 6 mln XB/m2 dozada, uchinchi 3 kunda – 9 mln XB/m2 dozada va shu tarzda 18 mln XB/m2 dozada yuborish) yo‘li bilan ko‘rsatilgan dozalarga erishilishi kerak; dozalarga preparat ta’sirini o‘zlashtira olishni inobatga olgan tuzatish kiritish kerak; preparat ta’sirini yaxshi o‘zlashtira olinganida maksimal doza 36 mln XB/m2 ni tashkil etadi; induktsion davolash davomiyligi – 3 oy, undan so‘ng preparat qo‘llanilishini bekor qilish yoki holat remissiya bo‘lganda yoki barqarorlashganda davolashni davom ettirish masalasini hal etish lozim; Samarani bir maromda saqlab turuvchi davolashda preparat ana shu dozalarda kamida 6 oy davomida haftada 3 marta yuborilishi kerak; Qovuqning yuzaki chegaralangan rakida: qovuq ichiga 8-12 hafta davomida har hafta 30 mln XB dan 50 mln XB gacha dozada yuboriladi; kartsinomada 12 hafta davomida har hafta instillyatsiyaga 60 mln XB – 100 mln XB dozada in situ yuboriladi; preparat yuborilgunga qadar patsiyent 8 soat davomida suyuqlikni ichishdan cheklanishi kerak; preparat yuborilishidan oldin qovuq bo‘shatilishi lozim; preparat steril shprits bilan kateter orqali qovuq bo‘shlig‘iga yuboriladi, u yerda preparat 2 soat davomida bo‘lishi kerak, bunda patsiyent tana holatini har 15 minutda (preparat qovuq shilliq qavati bilan yaxshi ta’sirda bo‘lishi uchun) o‘zgartirishi kerak; 2 soat o‘tgach qovuq bo‘shatilishi lozim; tuxumdon raki: qorin bo‘shlig‘i ichiga (drenajga) jarrohlik aralashuvi vaqtida va keyingi 5 kunda 5 mln XB dozada yuboriladi; keyin esa – mushak ichiga ximioterapiya kurslari oralig‘ida 10 kun davomida 3 mln XB dozada yuboriladi; umumiy kurs dozasi    90 mln XB ni tashkil etadi; keyingi kurslar (10 kun davomida har kuni 3 mln XB dozada) 1-1,5 yil davomida 2-3 oy interval bilan buyurilishi mumkin; ko‘krak bezi rakida: mushak ichiga 10 kun davomida har kuni 3 mln XB dozada yuboriladi; takroriy kurslar yil davomida 1,5-2 oy interval, so‘ngra 2-3 oy interval bilan (klinik holatiga bog‘liq ravishda) o‘tkazilishi kerak; laferobionoterapiya kurslarini kimyoterapiya (yoki nur bilan davolash) kurslari bilan galma-gal o‘tkazish maqsadga muvofiq; OITV-infektsiyasi fonida Kaposhi sarkomasida: quyidagi davolash sxemasidan foydalanish mumkin: mushak ichiga 10 kun davomida har kuni 3 mln XB dozada yuboriladi; davolashni prospidindan foydalangan holda ximioterapiya bilan birga olib boriladi; takroriy kurslar yarim yil davomida oyiga bir marta o‘tkaziladi;5 kun davomida ketma-ket yoki 1 kun interval bilan har kuni vena ichiga 30 minut davomida 50 mln XB (30 mln XB/m2) dozada tomchilab yuboriladi, undan keyin yangi 5 kunlik kurs boshlanishiga qadar kamida 9 kunlik tanaffus zarur; bunday tartibini kasallikning tezda rivojlanib borishi yoki preparat ta’sirini o‘zlashtira olmaslik yaqqol namoyon bo‘lgan hollardan tashqari, cheklanmagan holda qo‘llab turish mumkin;

Preparat komponentlariga yuqori sezuvchanlikda; patsiyentda qalqonsimon bezni disfunktsiyasi mavjud bo‘lganida; Kaposhi sarkomasiga chalingan patsiyentlarda og‘ir vistseral buzilishlar mavjud bo‘lganida; og‘ir yurak-qon tomir kasalliklarida; psoriazda; sarkoidozda; jigar va/yoki buyrak faoliyatining yaqqol namoyon bo‘lgan buzilishlarida; tutqanoq va markaziy nerv tizimining boshqa kasalliklarida (shu jumladan funktsional kasalliklarida); avj etuvchi yoki dekompensatsiyalangan jigar tsirrozi fonida surunkali gepatitda; immunodepressantlar bilan davolanayotgan yoki yaqin orada davolangan (kortikosteroid bilan qisqa davolash kursi bundan mustasno) bemorlarda surunkali gepatitda; anamnezda autoimmun gepatit yoki boshqa autoimmun kasalliklarida preparatni qo‘llash mumkin emas.

Preparatni opioid dori vositalari, analgetiklar, uxlatuvchi va sedativ dori vositalari bilan bir vaqtda (potentsial holda miyelosupressiv ta’sir ko‘rsatadi) ehtiyotkorlik bilan qo‘llash lozim. Oksidlash yo‘li bilan metabolizmga uchraydigan preparatlar bilan (shu jumladan ksantin hosilalari – aminofillin va teofillin bilan) bir vaqtda qo‘llanilganida Laferobiona ni oksidlovchi metabolizm jarayonlariga ta’sir etishi mumkinligini inobatga olish lozim. Qon zardobida teofillin kontsentratsiyasini nazorat qilish va zarurat bo‘lganida dozalash tartibiga tuzatish kiritish zarur. Preparat ximoterapevtik preparatlari (tsitarabin, doksorubitsin, tenipozid, tsiklofosfamid) bilan majmuada qo‘llanganida hayot uchun xavf tug‘diruvchi toksik ta’sirlar rivojlanishi (ularning og‘irligi va davomiyligi) xavfi oshadi. Zidovudin preparati bilan bir vaqtda qo‘llanganida neytropeniya rivojlanishi xavfi oshadi.

Preparatni uzoq muddatga 3 mln  XB va undan yuqori dozalarda buyurishdan oldin qalqonsimon bez faoliyatini tekshirish tavsiya etiladi. Agar tireotrop gormoni darajasi norma chegarasida bo‘lsagina, preparatni qo‘llash boshlanishi mumkin. Agar tireotrop gormoni (TTG) darajasida biron-bir o‘zgarishlar bo‘lsa, tegishli davolashni o‘tkazish lozim va tireotrop gormoni miqdorini normal darajada ushlab turilishi sharti bilan Laferobion bilan davolashni boshlash mumkin. Davolash jarayonida ham tireotrop gormoni darajasini nazorat qilish maqsadga muvofiq. Davolash to‘xtatilganidan keyin preparat yuborilishi natijasida buzilgan qalqonsimon bez faoliyati tiklanmaydi. Barcha patsiyentlarda davolash boshlanishidan oldin va davolash vaqtida qon ko‘rsatkichlarini sifat va miqdor tekshirishlari o‘tkazilishi shart bo‘lgan holda periferik qonni kengaytirilgan tahlilini, shuningdek qonning biokimyoviy tahlilini o‘tkazish, shu jumladan elektrolitlar, kaltsiy, jigar enzimlari va kreatinin miqdorini aniqlash zarur. Miyeloma kasalligida buyrak faoliyatini davriy nazorat qilib borish zarur. Preparatni qabul qilgan barcha patsiyentlarda qon zardobida albumin darajasini va protrombin vaqtini sinchkovlik bilan nazorat qilish zarur. Anamnezda ketoatsidoz epizodlari bo‘lgan qandli diabet va o‘pkaning surunkali obstruktiv kasalliklari kabi kasalliklar mavjud bo‘lganida, qon ivishi buzilishlarida (shu jumladan o‘pka arteriyasi tromboflebitlarida), yaqqol namoyon bo‘lgan miyelosupressiyada preparatni ehtiyotkorlik bilan buyurish kerak. Preparat bilan davolashda organizmning addekvat gidratatsiyasini ta’minlash zarur; isitma paydo bo‘lganida uni yuzaga kelishning boshqa sabablarini istisno etish lozim. Preparatni antigistamin va haroratni tushiruvchi davolash fonida qo‘llash tavsiya etiladi. Darhol yuzaga keladigan turdagi o‘ta yuqori sezuvchanlik reaktsiyalari (eshakemi, angionevrotik shish, bronxospazm, anafilaksiya) rivojlanganida preparatni qo‘llashni darhol to‘xtatish va tegishli choralarni ko‘rish lozim. Og‘ir va o‘rtacha og‘ir nojo‘ya ta’sirlarni rivojlanishi dozaga tuzatish kiritish, ayrim hollarda esa preparat bilan davolashni bekor qilishni talab etadi. Preparatni qo‘llash quyidagi hollarda: qon ivishi vaqtini uzayishida (surunkali gepatit bilan kasallangan patsiyentlarda), o‘pka sindromi holatlari namoyon bo‘lganida va rentgen bilan infiltrat aniqlanganida yoki o‘pka faoliyati buzilganida, ko‘rishni buzilishlari paydo bo‘lganida yoki kuchayganida, qalqonsimon bez faoliyati buzilganida (TTG darajasi normadan chetga og‘ishida), qon zardobida albumin darajasi pasayganida va protrombin vaqti ko‘rsatkichlari pasayganida to‘xtatilishi lozim. Preparat tarkibida natriy va kaliy deyarli saqlamaydi.

Homiladorlik va laktatsiya davrida preparatni qo‘llash mumkin emas.

Yorug‘likdan himoya qilingan, 2oS dan 8oS gacha haroratda quruq joyda saqlansin.

Hozirgi kunga qadar Laferobion® preparati bilan dozani oshirib yuborilganligi holatlari haqida xabar qilinmagan. Biroq, har qanday dori moddasi bilan dozani oshirib yuborilganligi kabi hayot uchun muhim a’zolar faoliyatini monitoring qilgan va patsiyent holatini sinchkovlik bilan kuzatgan holda simptomatik davolashni amalga oshirish tavsiya etiladi.

Retsept bo‘yicha

Inyektsiya uchun eritma tayyorlash uchun liofilizat 1 000 000 XB yoki 3 000 000 XB dozalarda 10 tadan yoki 5 tadan flakonlarda. Flakonlar (ampulalar) blisterga joylangan. Preparat yoki erituvchi blister qutiga joylangan.

3 yil.