tiniq, rangsiz, deyarli zarrachalarsiz eritma.

majmuaviy oftalmologik vositalar, beta-adrenoblokatorlar – timolol.

S01ED51

Latanoprost Latanoprost nofaol izopropil efir bo‘lib, u ko‘zning shox pardasidagi esterazalar ishtirokida yuz beradigan latanoprost kislotasigacha gidrolizga uchraydi va biologik faol bo‘lib qoladi. Latanoprost kislotasining efirlari shox parda tomonidan yaxshi so‘riladi va u orqali o‘tish jarayonida to‘liq gidrolizlanadi. Odamlarda o‘tkazilgan tadqiqotlar, dori preparatining ko‘z suyuqligidagi deyarli 15-30 ng/ml bo‘lgan maksimal kontsentratsiyasiga, latanoprost mahalliy qo‘llanganidan keyin taxminan 2 soat o‘tgach erishilishini ko‘rsatdi. Maymunlarga kon’yunktiva bo‘shlig‘iga mahalliy yuborilganidan keyin, latanoprostni taqsimlanishi birinchi navbatda ko‘zning oldi segmentida, kon’yunktivada va ko‘z qovoqlarida yuz beradi. Latanoprost kislotasining plazma klirensi tana vazniga 0,4 l/soat/kg ni tashkil qiladi, taqsimlanish hajmi esa katta bo‘lmay, 0,16 l/kg ni tashkil qiladi, bu preparatning yarim chiqarilish davrini 17 minutgacha pasaytiradi. Preparat mahalliy qo‘llanganidan keyin latanoprost kislotasining tizimli biokiraolishligi 45% ni tashkil qiladi. Latanoprost kislotasi plazma oqsillari bilan 87% ga bog‘lanadi. Latanoprost ko‘z to‘qimalarida deyarli biotransformatsiyaga uchramaydi. Biotransformatsiya asosan jigarda kechadi. Latanoprostning asosiy metabolitlari 1,2-dinor va 1,2,3,4-tetranor hayvonlardagi tekshirishlarda biologik faollikka ega emas yoki ahamiyatsiz faollikka ega va asosan siydik bilan chiqariladi. Timolol Timololning ko‘z suyuqligidagi maksimal kontsentratsiyasiga mahalliy qo‘llanganidan keyin 1 soat o‘tgach erishiladi. Dozaning bir qismi qonga o‘tadi va plazmadagi 1 ng/ml ga teng maksimal kontsentratsiyasiga esa, har bir ko‘zga bir tomchidan sutkada bir marta (300 mkg/sutka) instillyatsiya qilinganidan keyin 10-20 minut o‘tgach erishiladi. Preparatning yarim chiqarilish davri taxminan 6 soatni tashkil qiladi. Timolol jigarda biotransformatsiyaga uchraydi. Timololning metabolitlari preparatning o‘zgarmagan bir qismi siydik bilan chiqariladi. Ksaloptik Kombi, ko‘z tomchilari, eritma Latanoprost va timololning farmakokinetik o‘zaro ta’siri aniqlanmagan. Yagona farqi, monoterapiyaga nisbatan latanoprost va timolol saqlovchi ko‘z tomchilarini instillyatsiya qilingan paytdan boshlab 1-4 soat o‘tgach, latanoprostning ikki marta yuqori kontsentratsiyalarini saqlanib qolishiga tendentsiya hisoblanadi.

Ochiq burchakli glaukomasi va yuqori oftalmotonusi bo‘lgan patsiyentlarda, beta-adrenoblokatorlar yoki prostaglandinlarning analoglari bilan davolash samarasiz bo‘lganida, ko‘zning yuqori ichki bosimini pasaytirish uchun qo‘llanadi.

Katta patsiyentlarda (shu jumladan keksa yoshdagi patsiyentlarda) tavsiya qilingan dozalash: Patologik jarayon bilan shikastlangan bir yoki ikkala ko‘zning kon’yunktiva bo‘shlig‘iga 1 tomchidan sutkada bir marta tomizish tavsiya qilinadi. Doza o‘tkazib yuborilganda davolashni, keyingi odatdagi dozani instillyatsiya qilib davom ettirish kerak. Patologik jarayon bilan shikastlangan bir yoki ikkala ko‘zning kon’yunktiva bo‘shlig‘iga 1 tomchidan sutkada bir marta dozani oshirmaslik kerak. Qo‘llash usuli Agar burun ko‘z yoshi yo‘lini berkitilsa yoki ko‘zlarni 2 minutga yumilsa, dori preparatini tizimli so‘rilishi pasayadi, buning natijasida tizimli nojo‘ya samaralarni rivojlanish xavfi pasayadi va mahalliy faollik oshadi. Tomchilarni instillyatsiya qilishdan oldin kontakt linzalarni yechish kerak; ularni muolajadan keyin 15 minut o‘tgach yana taqish mumkin. Agar boshqa mahalliy oftalmologik preparatlar qo‘llanayotgan bo‘lsa, ularni applikatsiyalari orasida kamida 5 minutli interval qilish kerak. Bolalar va o‘smirlar: Bolalar va o‘smirlarda preparatni qo‘llash xavfsizligi va samaradorligi aniqlanmagan.

Quyida latanoprost va timolol saqlovchi ko‘z tomchilari qo‘llanganida, klinik tadqiqotlarda aniqlangan nohush samaralari keltirilgan. Nohush samaralari paydo bo‘lish tez-tezligi bo‘yicha quyidagicha guruhlangan: juda tez-tez (≥ 1/10), tez-tez (≥ 1/100 < 1/10 gacha), tez-tez emas (≥ 1/1000 < 1/100 gacha), kam (≥ 1/10000 < 1/1000 gacha), juda kam (< 1/10000), tez-tezligi noma’lum (mavjud bo‘lgan ma’lumotlar asosida tez-tezligini aniqlash mumkin emas). Nerv tizimi tomonidan buzilishlar: Tez-tez emas: bosh og‘rig‘i. Ko‘rish a’zosi tomonidan buzilishlar: Juda tez-tez: rangdor pardaning pigmentatsiyasini kuchayishi. Tez-tez: ko‘zlarni ta’sirlanishi (sanchiq, achishish hissi va qichishish), ko‘zda og‘riq. Tez-tez emas: kon’yunktivani giperemiyasi, kon’yunktivit, noaniq ko‘rish, ko‘z yoshini oqishini kuchayishi, blefarit, shox parda kasalliklari. Teri va teri osti to‘qimalari tomonidan buzilishlar: Tez-tez emas: toshma, qichishish. Yuz berishi mumkin bo‘lgan boshqa noxush samaralari klinik tadqiqotlarda, postmarketing tadqiqotlarda qayd qilingan yoki mavjud ilmiy adabiyotlarda aniqlangan bo‘lib, ular preparatning ta’sir etuvchi moddalari uchun xosdir.

Ksaloptik Kombi ko‘z tomchilari eritmasini quyidagi patsiyentlarda qo‘llash mumkin emas: nafas yo‘llarining reaktiv kasalliklari, shu jumladan bronxial astma yoki uni anamnezda bo‘lganligi, o‘pkaning og‘ir surunkali obstruktiv kasalligisinusli bradikardiya, II va III darajali bo‘lmacha-qorincha blokadasi, yaqqol yurak yetishmovchiligi, kardiogen shokta’sir etuvchi moddaga yoki har qanday yordamchi moddaga yuqori sezuvchanlikhomiladorlik va laktatsiya davri18 yoshgacha bo‘lgan bolalar.

Ksaloptik Kombi preparati bilan dorilarning o‘zaro ta’siriga taalluqli sinchkov tadqiqotlar o‘tkazilmagan. Prostaglandinlarning ikki analogi bir vaqtda yuborilganidan keyin ko‘z ichki bosimini oshishining paradoksal reaktsiyalarini paydo bo‘lishi to‘g‘risida xabarlar bor. Shuning uchun ikki yoki undan ortiq prostaglandinlarni, analoglarini yoki prostaglandinlarning hosilalarini qo‘llash tavsiya qilinmaydi. Ksaloptik Kombini boshqa peroral beta-adrenoblokatorlar bilan bir vaqtda qo‘llash ko‘z ichki bosimini yaqqol pasayishiga yoki beta-adrenergik blokadaning ma’lum tizimli ta’siriga olib kelishi mumkin. Ikki yoki undan ortiq mahalliy ta’sir qiluvchi beta-adrenoblokatorlarni qo‘llash tavsiya qilinmaydi. Timolol va adrenalin bir vaqtda qo‘llanganida midriazning yakka hollari kuzatilgan. Timolol saqlovchi ko‘z tomchilari kaltsiy kanallarini bloklovchi peroral preparatlar, guanetidin yoki beta-blokatorlar bilan, antiaritmik preparatlar, angishvonagul glikozidlari yoki parasimpatomimetiklar bir vaqtda qo‘llanganida gipotenziya va (yoki) yaqqol bradikardiyaga olib keluvchi ta’sirni kuchayishi yuz berishi mumkin. Klonidinni keskin bekor qilinishi natijasidagi arterial bosimni oshishi beta-adrenoblokatorlar qo‘llanganida kuchayishi mumkin. Beta-adrenoblokatorlar gipoglikemik preparatlarning ta’sirini kuchaytirishi mumkin. Beta-adrenoblokatorlar gipoglikemiyaning subyektiv va obyektiv simptomlarini niqoblashi mumkin.

Umumiy ta’siri: Boshqa mahalliy oftalmologik preparatlar kabi, Ksaloptik Kombi ko‘z tomchilarining ta’sir etuvchi moddalari ham qon aylanish tizimiga so‘rilishi mumkin. Preparatning ingrediyenti beta-adrenoblokator – timolol yurak-qon tomir va nafas tizimi tomonidan xuddi beta-adrenoblokatorlar tizimli qo‘llanganida bo‘lgani kabi noxush samaralarni chaqirishi mumkin. Timolol bilan davolashni boshlashdan oldin mavjud bo‘lgan yurak yetishmovchiligini barqarorlashtirish kerak. Anamnezida og‘ir yurak yetishmovchiligi bo‘lgan patsiyentlarda yurak yetishmovchiligi simptomlarining ko‘rinishlarini diqqat bilan kuzatish va pulsni nazorat qilish kerak. Timolol qo‘llanganidan keyin nafas tizimi va yurak tomonidan reaktsiya hollari, shu jumladan bronxial astmasi bo‘lgan bemorlarda bronxospazm sababli o‘lim hollari,  shuningdek kam hollarda yurak yetishmovchiligi sababli o‘lim hollari aniqlangan. Beta-adrenoblokatorlarni spontan gipoglikemiyasi bo‘lgan yoki qandli diabeti labil kechuvchi bemorlarda ehtiyotkorlik bilan qo‘llash kerak, chunki ular o‘tkir gipoglikemiya simptomlarini niqoblashi mumkin. Beta-adrenoblokatorlar gipotireoz simptomlarini niqoblashi va vazospastik stenokardiyani (Printsmetal stnokardiyasini) zo‘rayishini, markaziy va periferik qon aylanishining og‘ir buzilishlarini va shuningdek gipotenziyani chaqirishi mumkin. O‘ta yuqori sezuvchanlik reaktsiyalari β-adrenergik retseptorlarning ingibitorlari bilan davolanish vaqtida atopik kasalligi yoki anamnezda turli allergenlarga og‘ir anafilaktik reaktsiyalari bo‘lgan patsiyentlar, anafilaktik reaktsiyalarni davolashda odatda qo‘llanadigan adrenalinning dozalariga reaktsiya qilmasliklari mumkin. Majmuaviy davolash Timolol boshqa dori mahsulotlari bilan o‘zaro ta’sirga kirishishi mumkin – dorilarning o‘zaro ta’sirlari bo‘limiga qarang. Ksaloptik Kombini boshqa peroral beta-adrenoblokator bilan bir vaqtda qo‘llash, ko‘z ichki bosimini yaqqol pasayishiga yoki beta-adrenergik blokadaning ma’lum tizimli ta’siriga olib kelishi mumkin. Ikki mahalliy ta’sir qiluvchi beta-adrenoblokatorlarni yoki mahalliy qo‘llash uchun ikki prostaglandinlarni majmuada qo‘llash tavsiya qilinmaydi. Ko‘zga ta’siri: Latanoprost rangdor pardada jigarrang pigmentning miqdorini oshirishi hisobiga ko‘zning rangini asta-sekin o‘zgarishini chaqirishi mumkin. Latanoprost bilan bo‘lgani kabi, latanoprost va timolol saqlovchi ko‘z tomchilarini bir yildan kamroq vaqt davomida qo‘llagan 16-20% patsiyentlarda rangdor pardada pigmentning miqdorini oshishi (fotografiyalarni baholash bo‘yicha) aniqlangan. Shunday o‘zgarish, asosan rangdor pardasi aralash rangli patsiyentlarda o‘zgarishlar kuzatilgan, masalan, yashil-jigarrang, sarg‘ish-jigarrang, ko‘kish-jigarrang, kulrang-jigarrang, rangni o‘zgarishi esa rangdor pardaning stromal melanotsitlarida melaninning miqdorini oshishi bilan bog‘liq bo‘lgan. Odatda, jigarrang pigmentatsiya davolangan ko‘zning qorachig‘i atrofida periferiyaga qarab kontsentrik tarqaladi, biroq rangdor parda yoki uning qismlari yana ham jadalroq jigarrang tus olishi yuz berishi mumkin. Klinik tadqiqotlar vaqtida, latanoprost bilan ikki yil davomida davolangan ko‘zning moviy, kulrang, yashil yoki jigarrang pigmentatsiyasi bo‘lgan patsiyentlarda bunday o‘zgarishlar kam kuzatilgan. Rangdor pardaning rangini o‘zgarishi ko‘pchilik hollarda ahamiyatsiz bo‘lib, ko‘pincha bir necha oydan bir yilgacha vaqt davomida klinik jihatdan aniqlanmasligi mumkin va rangdor pardaning rangini o‘zgarishini boshqa simptomlar yoki patologik o‘zgarishlar bilan kechishi isbotlanmagan. Davolash to‘xtatilganidan keyin rangdor pardaning jigarrang pigmentatsiyasini jadalligini keyinchalik oshishi kuzatilmaydi, biroq rangni o‘zgarishi qaytmas bo‘lishi mumkin. Davolashgacha rangdor pardada nevuslar yoki lentigo aniqlanganida davolash jarayonida ularni o‘zgarishi aniqlanmagan. Klinik tadqiqotlarda kollagen tolalarning to‘rida yoki ko‘z kamerasining burchagida yoki ko‘zning old kamerasini boshqa har qanday qismida pigmentni to‘planishi kuzatilmagan. Biroq patsiyentlar tekshiruvlardan muntazam o‘tib turishlari lozim va, agar buni klinik holat talab qilsa, unda davolashni to‘xtatish kerak. Davolashni boshlashdan oldin ko‘zning rangini qaytmas o‘zgarishi mumkinligi to‘g‘risida patsiyentni xabardor qilish kerak. Faqat bir ko‘zni davolash doimiy geteroxromiyaga olib kelishi mumkin. Latanoprostni yallig‘langan, neovaskulyar glaukomada yoki surunkali yopiq burchakli glaukomada yoki tug‘ma glaukomada, psevdoafaksiyali patsiyentlardagi ochiq burchakli glaukomada va pigmentar glaukomada klinik qo‘llashning tajribasi cheklangandir. Latanoprost qorachiqqa ta’sir ko‘rsatmaydi yoki u ta’sir ahamiyatsiz bo‘lishi mumkin, biroq yopiq burchakli glaukomaning o‘tkir xurujida qo‘llash tajribasi yo‘q. Preparatni bunday patologik holatda yuborish vaqtida, to‘liqroq klinik ma’lumotlar olinguncha ehtiyotkorlikka rioya qilish kerak. Latanoprost bilan davolanganda makulyar shishni, shu jumladan tsistoid shaklini paydo bo‘lishi kuzatilgan. Latanoprostni afakiyali, ko‘z gavharining orqa kapsulasi shikastlangan psevdoafakiyali patsiyentlarda yoki ko‘zning old kamerasiga implantatsiya qilingan linzalari bo‘lgan, shuningdek tsistoid makulyar shishni rivojlanishi xavfi bo‘lgan guruhga mansub patsiyentlarda qo‘llash vaqtida ehtiyotkorlikka rioya qilish kerak. Ko‘z suyuqligini ishlab chiqarilishini susaytiruvchi dori preparatlarini (masalan, timolol, atsetazolamid) yuborilganida, filtratsiya operatsiyasini o‘tkazgandan keyin to‘r pardani ko‘chish hollari ta’riflangan. Kontakt linzalarni qo‘llanishi Ksaloptik Kombi ko‘z tomchilari oftalmologik muolajalarda ko‘pincha konservant sifatida ishlatiladigan benzalkoniy xloridini saqlaydi. Benzalkoniy xloridi nuqtali keratopatiyani va (yoki) toksik yarali keratopatiyani rivojlanishini chaqirgan. Quruq ko‘z sindromi yoki shox pardani shikastlanishi bilan kechuvchi kasalliklari bo‘lgan, Ksaloptik Kombi dori mahsulotini ko‘p yoki uzoq vaqt qo‘llayotgan patsiyentlarni sinchkovlik bilan nazorat qilish kerak. Kontakt linzalar benzalkoniy xloridini absorbtsiya qilishi mumkin, shuning uchun Ksaloptik Kombi preparatini qo‘llashdan oldin linzalarni yechish va 15 minut o‘tmasdan taqmaslik kerak. In vitro tadqiqotlar preparatni tiomersal saqlovchi ko‘z tomchilari bilan aralashtirilganida cho‘kma tushishini ko‘rsatadi. agar tiomersal saqlovchi preparatlarni qo‘llash kerak bo‘lsa, bu preparatni instillyatsiya qilingan paytdan va Ksalptik Kombini qo‘llash orasida kamida 5 minutli tanaffusga rioya qilish kerak. Homiladorlik va emizish Ksaloptik Kombini homilador ayollar va emizayotgan ayollar tomonidan qabul qilinmasligi kerak. Avtotransportni boshqarish va mexanizmlar bilan ishlash qobiliyatiga ta’siri Ko‘z tomchilari qo‘llanganida, ba’zida noaniq ko‘rishning o‘tkinchi davri yuz berishi mumkin. Bu simptomlar yo‘qolguncha transport vositalarini boshqarish mumkin emas. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Sovutgichda (2°S dan 8°S gacha) saqlansin va tashilsin. O‘ramni birinchi ochilishidan keyingi saqlash muddati: 28 kun. Birinchi ochilishidan keyingi saqlash muddati: 25°S dan yuqori haroratda saqlanmasin. Original o‘ramida saqlansin, yorug‘likdan himoyalansin.

Latanoprost va timolol saqlovchi ko‘z tomchilarini odamlarda dozasini oshirib yuborilishi bo‘yicha ma’lumotlar yo‘q. Timololning dozasini oshirib yuborilishidan keyingi simptomlar: bradikardiya, arterial gipotenziya, bronxospazm va yurakni to‘xtashi. Bu simptomlar to‘xtaganidan keyin tutib turuvchi va simptomatik davolashni boshlash kerak. O‘tkazilgan tadqiqotlarda timolol organizmdan dializ yo‘li bilan chiqarilmasligi aniqlandi. Shilliq qavatini ta’sirlanishi va kon’yunktiva giperemiyasidan tashqari, lataprostning dozasini oshirib yuborilishining boshqa simptomlari kuzatilmagan. Latanoprost tasodifan ichga qo‘llangan holda quyidagi ma’lumotlar foydali bo‘lishi mumkin: Davolash: Agar bu zarur bo‘lsa, unda me’dani yuvishni o‘tkazish kerak. Simptomatik davolash: Latanoprost asosan jigar orqali birinchi o‘tish vaqtida biotransformatsiyaga uchraydi. Sog‘lom ko‘ngillilarga tana vazniga 3 mikrogramm/kg ni vena ichiga yuborilishi nojo‘ya ta’sirni chaqirmagan, ayni paytda tana vazniga 5,5 dan 10 mikrogramm/kg gacha doza – ko‘ngil aynishi, qorinda og‘riq, bosh aylanishi, toliqish, issiqlik quyilishi va terlashni chaqirgan. Ushbu simptomlar o‘rtacha darajagacha yengil bo‘lgan va vena ichiga infuziya qilinganidan keyin 4 soat davomida davolashsiz yo‘qolgan.

Retsept bo‘yicha

Tomchilagichli dozator va buraladigan qopqoqli (HDPE) va polietilen himoyali uchlikli (LDPE) 5 ml hajmli polietilen (LDPE) flakonda. Har bir flakon 2,5 ml ko‘z tomchilari eritmasini saqlaydi. Dori preparatini birinchi marta ishlatishdan oldin uchlikni yechish kerak.

2 yil.