oq yoki oq-sarg‘ish rangli, tsilindrik-konik shaklli suppozitoriylar.

ginekologik kasalliklarni davolash uchun antiseptiklar va mikroblarga qarshi preparatlar.

G01AX.

Intravaginal qo‘llanganida metronidazolning biokiraolishligi taxminan 20% ni tashkil qiladi. Jigarda metabolizmga uchraydi. Gidroksil metabolitlari faol. Metronidazolning yarim chiqarilish davri 6-11 soatni tashkil qiladi. Buyraklar (taxminan 20% o‘zgarmagan holda) va ichak orqali chiqariladi. Klotrimazol – dozaning taxminan 3-10% so‘riladi. Jigarda faol bo‘lmagan metabolitlargacha tez biotransformatsiyaga uchraydi hamda buyraklar va ichak orqali chiqariladi. Qin sekretida yuqori kontsentratsiyalari va qonda past kontsentratsiyalari 48-72 soat davomida saqlanib turadi. Neomitsin – shilliq qavatlar orqali o‘tmaydi.

– bakterial, trixomonadali, zamburug‘li yoki aralash etiologiyali, sezgir mikroflora chaqirgan vaginitlar -invaziv muolajalar va ginekologik operatsiyalar (abort, bachadon bo‘ynining diatermokoagulyatsiyasi, gisterografiya, bachadon ichki spiralini o‘rnatish) dan oldin va keyin, kortikosteroidlar, immunosupressorlar, tsitostatiklar, antibiotiklar bilan davolashda qin superinfektsiyasini oldini olish uchun qo‘llanadi.

Intravaginal buyuriladi. O‘tkir vaginitlarda: 1 suppozitoriy sutkada 2 marta (ertalab va kechqurun), 1-2 kun davomida, so‘ngra 6-8 kun davomida 1 suppozitoriydan kechqurun. Surunkali vaginitlarda: 8-10 kun davomida 1 suppozitoriydan kechqurun. Ginekologik operatsiyalar va invaziv muolajalardan oldin va keyin: bir suppozitoriydan tunda. Kortikosteroidlar, immunosupressorlar, tsitostatiklar, antibiotiklar bilan davolashda profilaktika maqsadida: 1 suppozitoriydan, har 7-10 kunda davolash davri davomida kechqurun. Suppozitoriylarni qo‘llash usuli Suppozitoriy yotgan holatda qinga iloji boricha chuqur yuboriladi. Suppozitoriylarni qismlarga bo‘lish mumkin emas, chunki preparatni saqlash sharoitlarini bunday o‘zgarishi faol moddaning taqsimlanishini buzilishiga olib kelishi mumkin.

Mahalliy reaktsiyalar: achishish, qichishish, ayniqsa davolashning boshida, biroq ular davolashni to‘xtatishni talab qilmaydi va qinning ta’sirlangan shilliq qavatiga preparatning ta’siri bilan belgilanadi. Me’da-ichak yo‘llari tomonidan: qorin og‘rig‘i yoki spazmlari, metall ta’mi, og‘izni qurishi, qabziyat, diareya, ishtahani yo‘qolishi, ko‘ngil aynishi, qusish; Nerv tizimi tomonidan: bosh og‘rig‘i, harakat buzilishlari (ataksiya), bosh aylanishi, psixoemotsional buzilishlar, periferik nevropatiya (preparat uzoq muddat qabul qilinganida), tirishishlar; Qon yaratish tizimi tomonidan: leykopeniya; Allergik reaktsiyalar: teri toshmalari, shu jumladan eshakemi.

Preparatning komponentlariga o‘ta yuqori sezuvchanlik, homiladorlikning I uch oyligi, laktatsiya davri, 18 yoshgacha bo‘lgan bolalar (qiz bolalar)da qo‘llash mumkin emas.

Bir vaqtda qo‘llanganida metronidazol bilvosita antikoagulyantlarning ta’sirini kuchaytiradi; disulfiram bilan – markaziy nerv tizimi (MNT) tomonidan buzilishlar kuzatilishi mumkin; litiy preparatlari bilan – litiy preparatlarining toksikligi oshishi mumkin; fenobarbital bilan – metronidazolning qondagi darajasi pasayadi; tsimetidin bilan – metronidazolning qondagi darajasi oshishi mumkin.

Jigar faoliyatini og‘ir buzilishlarida, qon yaratilishini buzilishida (leykopeniya) va nerv tizimining kasalliklarida ehtiyotkorlik bilan buyuriladi. Preparat qo‘llanganida jinsiy aloqadan saqlanish lozim. Suppozitoriylarni qo‘llash, suppozitoriylarning asosini lateks yoki kauchuk bilan o‘zaro ta’siri hisobiga, mexanik kontratseptsiya (prezervativlar, vaginal diafragmalar) ning ishonchliligini kamaytirishi mumkin. Takroriy infektsiyalanishni oldini olish maqsadida jinsiy sherikni xam bir vaqtda davolash, trixomonadli vaginitlarda esa – ichga qabul qilish uchun preparatlar bilan birga davolash lozim. Davolanish vaqtida va davolash kursi tugaganidan keyin 24-48 soat davomida alkogolni o‘zlashtiraolmaslik rivojlanishi mumkinligi tufayli, alkogolni iste’mol qilishdan saqlanish lozim (disulfiramga o‘xshash reaktsiyalar bo‘lishi mumkin). Pediatriyada qo‘llanishi: preparatni 18 yoshgacha bo‘lganlarga (qiz bolalarga) buyurish mumkin emas. Homiladorlik va laktatsiya Preparatni homiladorlikning I uch oyligida qo‘llash mumkin emas. Homiladorlikning II va III uch oyliklarida faqat, agar ona uchun potentsial foyda, homila uchun bo‘lishi mumkin bo‘lgan xavfdan ustun bo‘lgandagina qo‘llash mumkin. Preparatni laktatsiya davrida qo‘llashning zarurati tug‘ilganida emizish to‘xtatish kerak. Emizishni davolash tugagandan keyin 24-48 soat o‘tgach boshlash mumkin. Mexanizmlarni haydash va boshqarish qobiliyatiga ta’siri Avtomashinalarni haydash va murakkab mexanizmlarni boshqarish qobiliyatiga salbiy ta’sirini istisno qilib bo‘lmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Quruq, yorug‘likdan himoyalangan joyda, 25˚S gacha bo‘lgan haroratda saqlansin. Muzlatilmasin.

Preparatning dozasini oshirib yuborish hollari to‘g‘risida xabar berilmagan. Bo‘lishi mumkin bo‘lgan simptomlar: ko‘ngil aynishi, qusish, qorin og‘rig‘i, diareya, qichishish, og‘izda metall ta’mi, ataksiya, bosh og‘rig‘i, bosh aylanishi, paresteziyalar, tirishishlar, leykopeniya, siydikni to‘q rangga bo‘yalishi (metronidazolning dozasini oshirib yuborilishi bilan bog‘liq). Davolash: simptomatik davolash, ichga tasodifan qabul qilinganida – me’dani yuvish.

Retsept bo‘yicha

500 mg metronidazol, 200 mg neomitsin sulfati, 150 mg klotrimazol saqlovchi vaginal suppozitoriylar. 5 suppozitoriydan PVX/PE plyonkali kontur uyali o‘ramda. 2 kontur uyali o‘ramdan qo‘llash bo‘yicha yo‘riqnomasi bilan birga karton qutida.

2 yil.