rangsiz yoki biroz sarg‘ish, tiniq, o‘ziga hos xidli qovushqoq suyuqlik.

tizimli qo‘llash uchun antigistamin vositalari.

R06AX17.

Bronxial astma, ayniqsa atopik astmani profilaktik davolash. Allergik xolatlarni, shu jumladan allergik rinit va kon’yunktivitni davolashda qo‘llanadi.

6 oylikdan 3 yoshgacha bo‘lgan bolalarga sirop 1 kg tana vazniga 0,25 ml (0,05 mg ketotifen) bir martalik dozada buyuriladi; qabul qilishlar soni – sutkada 2 marta (ertalab va kechqurun). Kerak bo‘lgan dozani dozalovchi qoshiq yordamida o‘lchanadi. Masalan, tana vazni 10 kg bo‘lgan bolaga 2,5 ml dan (dozalovchi qoshiqdagi belgiga qarab) sirop sutkada 2 marta (ertalabki va kechqurungi ovqat qabul qilish vaqtiga) buyuriladi. Bolalarga 3 yoshdan boshlab sirop 5 ml/1 mg ketotifendan (1 dozalovchi qoshiqdan) sutkada 2 marta (ertalab va kechqurun, ovqatlanish vaqtida) buyuriladi. Preparatning terapevtik ta’siri asta-sekin davolashni boshidan 2-4 haftadan keyin rivojlanadi, shuning uchun davolash kursi uzoq bo‘lishi kerak (2-3 oydan). Preparat bilan davolanishni 2-4 hafta davomida asta-sekin to‘xtatish kerak, lekin bu davrda astma belgilari qaytarilishi mumkin.

Terapevtik dozalar qo‘llanganda nojo‘ya reaktsiyalari kuchsiz namoyon bo‘ladi, odatda davolashni boshida paydo bo‘ladi va bir necha kun qabul qilingandan keyin o‘tib ketadi. Me’da-ichak yo‘llari tomonidan: og‘iz qurishi, ko‘ngil aynishi, qusish. Nerv tizimi tomonidan: sedativ samara (shu jumladan, uyquchanlik), bosh aylanishi, juda kam – tirishishlar. Ruhiy buzilishlar: qo‘zg‘alish, ta’sirchanlik, uyqusizlik, asabiylik (ko‘pincha bolalarda kuzatiladi) kabi kam hollarda MNT rag‘batlantiruvchi belgilar kuzatilgan. Allergik reaktsiyalar: terida toshmalar bo‘lishi mumkin; juda kam hollarda – ko‘p shaklli eritema, Stivens-Djonson sindromi va teri tomonidan og‘ir darajali reaktsiyalar. Laborator ko‘rsatkichlar: jigar fermentlari faolligini oshishi mumkin, trombotsitopeniya. Boshqalar: ba’zida ishtahani oshishi bilan bog‘liq tana vaznini oshishi kuzatiladi, dizuriya, tsistit; gepatit.

Ketotifenga yoki preparatning boshqa komponentlariga yuqori sezuvchanlikda qo‘llash mumkin emas.Ketotifen va peroral diabetga qarshi vositalarni (qaytuvchan trombotsitopeniyani rivojlanish xavfi bor) bir vaqtda qo‘llash, bu fenomen yetarlicha oxirigacha o‘rganilmagunicha mumkin emas.

Atropin (atropinga o‘xshash ta’sirga ega vositalar): siydik tutilishi, qabziyat, og‘iz qurishi kabi nojo‘ya ta’sirlarni paydo bo‘lish xavfi oshadi. Sedativ, uxlatuvchi vositalar: ketotifen markaziy nerv tizimini susaytiruvchi boshqa dori vositalarning samarasini potentsiallashi mumkin. Antigistamin vositalar: ular samarasini o‘zaro potentsiyalashiga olib kelishi mumkin. Etanol: ketotifenning markaziy nerv tizimiga depressiv samaralarini kuchaytiradi. Peroral diabetga qarshi vositalar: qayta trombotsitopeniyani chaqirishi mumkin. Ketotifen qo‘llaganda beta-adrenomimetik preparatlar, kortikosteroidlar va metilksantinni qo‘llashga ehtiyojni kamaytirishi mumkin.

Preparat bronxial astma xurujini shoshilinch davolash uchun mo‘ljallanmagan! Ketotifen preparatini qabul qilinganda bronxial astmasi bo‘lgan bemorlarda glyukokortikosteroidlar va bronxolitiklarga bo‘lgan ehtiyoj kamayishi mumkin. Ketotifen preparati bilan davolashni boshida, buyrak usti bezi yetishmovchiligi rivojlanishi mumkinligi sababli, astmaga qarshi preparatlarni, ayniqsa glyukokortikosteroidlarni to‘satdan bekor qilish mumkin emas. Bunday hollarda stressga gipotalama-gipofizar buyrak usti bezlari reaktsiyasini normaga qaytish davri 1 yilgacha davom etishi mumkin. Jigar faoliyati buzilishlari bo‘lgan patsiyentlarda ketotifenni qo‘llaganda ehtiyotkorlikka rioya qilish kerak. Preparatning terapevtik ta’siri asta-sekin, davolash boshlanganidan 2-4 haftadan keyin boshlanadi, shuning uchun davolash kursi uzoq muddatli (2-3 oydan ortiq) bo‘lishi kerak. Preparat bilan davolashni asta-sekin, 2-4 hafta davomida to‘xtatish kerak, bunda bu davrda astma simptomlari qaytalanishi mumkin. Sedativ samarani oldini olish uchun preparatni qabul qilishni birinchi kunlari yarim dozadan boshlash mumkin. Uglevodlarga tolerantlikni buzilishlari (masalan, glyukoza – galaktoza malabsorbtsiyasi) bo‘lgan odamlarga qandli diabeti bo‘lgan bemorlar preparatning tarkibiga uglevodlar (1 ml sirop 0,06 g uglevod saqlaydi) saqlanishini inobatga olishlari kerak. Siropning tarkibida suyuq sorbitol mavjud. Kam uchraydigan nasliy fruktozani o‘zlashtiraolmasligi bo‘lgan patsiyentlar bu preparatni qabul qilishlari mumkin emas. Siropni tez-tez va uzoq muddatli qo‘llash tishlar uchun zararli (kariyes rivojlanishi) bo‘lishi mumkin. Diabetga qarshi dori vositalari bilan bir vaqtda qabul qilinganda periferik qonda trombotsitlar sonini nazorat qilish kerak (tranzitor trombotsitopeniya bo‘lishi mumkin). Tirishishlarga moyilligi (masalan, tutqanoqda) bo‘lgan shaxslar ketotifenni ehtiyotkorlik bilan qo‘llashlari kerak, chunki preparat tirishishga tayyorlik bo‘sag‘asini pasaytirishi mumkin. Ketotifenni qo‘llash tajribasi keksa yoshli shaxslar uchun maxsus tavsiyalar talab qilinmasligidan dalolat beradi. Klinik kuzatishlar farmakokinetik xususiyatlari bilan mos keladi va bolalarda optimal natijaga erishish uchun kattalarga nisbatan tana vaznining 1 kg uchun yuqoriroq doza talab qilinadi. Bunday yuqori dozalar minimal dozalar kabi bolalar tomonidan yaxshi o‘zlashtiriladi. Ketotifen bilan davolash vaqtida alkogolni qabul qilishdan saqlanish kerak! Homiladorlik yoki emizish davrida qo‘llanishi. Preparatni homiladorlik vaqtida faqat kutilayotgan foyda, homila uchun potentsial xavfdan yuqori bo‘lgandagina qo‘llash mumkin. Ketotifen ona sutiga ajralib chiqadi, shuning uchun preparatni qabul qilish vaqtida emizishni to‘xtatish kerak. Bolalar. Preparat bolalarga 6 oyligidan boshlab qo‘llanadi. Avtotransportni boshqarish yoki boshqa mexanizmlar bilan ishlashda reaktsiya tezligiga ta’sir qilish xususiyati. Preparat avtotransportni boshqarish yoki boshqa mexanizmlar bilan ishlashda reaktsiya tezligiga, ayniqsa qabul qilishning birinchi kunlari salbiy ta’sir qilishi mumkin. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Original o‘ramda, 25oS dan yuqori bo‘lmagan haroratda saqlansin.

Simptomlari. Og‘ir darajali sedativ ta’sir (shu jumladan, yaqqol uyquchanlik) loxaslik, ongni chalkashishi, dezoriyentatsiya, nistagm, bosh og‘rig‘i, taxikardiya, bradikardiya, aritmiya, nafas markazini susayishi, arterial gipotenziya, komatoz xolat bilan namoyon bo‘lishi mumkin; markaziy nerv tizimini rag‘batlanishi simptomlari (ayniqsa bolalarda) bo‘lishi mumkin: yuqori qo‘zg‘aluvchanlik, tirishishlar. Davolash. Simptomatik davolash amalga oshiriladi: me’dani yuvish (agar preparat yaqinda qabul qilingan bo‘lsa), faollashtirilgan ko‘mirni qo‘llash kerak. Zarurati bo‘lgan hollarda yurak-qon tomir tizimi xolatini nazorat qilinadi, qo‘zg‘alish yoki tirishishlarda qisqa ta’sirga ega barbituratlar yoki benzodiazepinlar buyuriladi.

Retsept bo‘yicha

50 ml dan flakonlarda, 100 ml dan flakonlarda va bankalarda dozalangan qoshiqchasi bilan birga qutida.

3 yil.