mineral preparatlar.

Allergik kasalliklarda (zardob kasalligi, eshakemi, angionevrotik shish, pichan isitmasi va boshqalar) va dorilarni qabul qilish bilan bog‘liq bo‘lgan allergik asoratlarda organizmdan kaltsiyni chiqarilishini kuchayishida, (bu bemorlarni uzoq  vaqt immobilizatsiya holatida, homiladorlikda alohida o‘rin tutishi mumkin), gemorragik vaskulitda, nurlanish kasalligining ko‘rinishlarida, yallig‘lanish va ekssudativ jarayonlarida (pnevmoniyada, plevritda, pleksitda, endometritda va boshqalarda); teri kasalliklarida (qichima, ekzema, psoriaz va boshqalarda), qalqonsimon bezi oldi bezlarining yetishmovchiligida (tetaniyada); raxitda (spazmofiliyada), parenximatoz gepatitda, jigarning toksik shikastlanishlarida, nefritda, eklampsiyada, paroksizmal mioplegiyaning giperkaliyemik shaklida qo‘llaniladi. Shuningdek qon ketishini to‘xtatuvchi vosita sifatida o‘pka, me’da-ichak, burun, bachadondan qon ketishlarida; qon ivishini oshirish maqsadida operativ aralashuvlar oldidan ham qo‘laniladi. Magniy tuzlari, shovul kislotasi va uning eruvchi tuzlari, zaharlanishga qarshi vosita sifatida hamda ftor kislotasining eruvchan tuzlari bilan zaharlanganda qo‘llanadi (kaltsiy xloridi bilan o‘zaro ta’sirlashganda dissotsiatsiya bo‘lmaydigan va zaharli bo‘lmagan oksalat va kaltsiy ftoridi hosil bo‘ladi). Tug‘ruq faoliyatini rag‘batlantirish maqsadida boshqa usullar va vositalar bilan birga qo‘llanadi.

Preparatni v/i tomchilab yoki oqim bilan (juda-sekin!) buyuriladi. Preparatning 10% li eritmasini 5-10 ml 100-200 ml natriy xloridining izotonik yoki 5% li glyukoza eritmasida suyultirib, v/i tomchilab minutiga 60 tomchidan yuboriladi. V/i oqim bilan 5 ml 10% li eritma (3-5 minut davomida) yuboriladi. Kaltsiy kanallari blokatorlari bilan zaharlanganda v/i oqim bilan tana vazniga 2-4 mg/kg hisobidan yuboriladi.

V/i yuborilganida bradikardiya, arterial bosimni pasayishi, dastlab og‘iz bo‘shlig‘ida, so‘ngra butun tanada qizish hissi paydo bo‘lishi mumkin. Teri ostiga (t/o) yoki mushak ichiga(m/i) yuborish mumkin emas, chunki u inyektsiya joyida to‘qimalarning kuchli ta’sirlanishiga va nekroziga olib keladi.

Trombozlarga moyillikda, og‘ir aterosklerozda va giperkaltsiyemiyada, yurak qorinchalarining fibrillyatsiyasida, preparatga yuqori sezuvchanlikda qo‘llash mumkin emas. Sarkoidozda, buyrak yoki yurak yetishmovchiligida, yurak glikozidlarini qabul qilayotgan bemorlarda, shuningdek nafas yetishmovchiligida (kaltsiy xloridning atsidoz chaqirish qobiliyatini hisobga olib) ehtiyotkorlik bilan qo‘llash lozim.

Boshqa dori preparatlari bilan bir shpritsda yuborish mumkin emas! Kaltsiy xloridini yurak glikozidlarini inyektsiyasidan yoki qabul qilgandan keyin, aritmiyaning rivojlanishidan saqlanishi uchun, darhol yuborish mumkin emas, chunki bu preparatlarning inotrop va zaharli samaralari sinergik. Kaltsiy xloridi birga qo‘llanganida tetratsiklin qatori antibiotiklari bilan komplekslar hosil qiladi, shu bilan ularning antibakterial samarasini neytrallaydi.

Preparatni t/o yoki m/i yuborish mumkin emas, chunki u inyektsiya joyida to‘qimalarning kuchli ta’sirlanishini va nekrozini chaqiradi. Teri ostiga yoki mushakka tushgan hollarda kaltsiy xloridini iloji boricha shprits yordamida so‘rib olish, inyektsiya qilingan joyga   10 ml 25% li natriy sulfati yoki 5-10 ml 25% li magniy sulfati eritmasini yuborish kerak. Rezorbtiv ta’sirini yo‘qotish uchun difengidramin (dimedrol), giperkaltsiyemiyada-etilendiamintetrasirka kislotasi buyuriladi. Eritma yurak mushagiga tushganida koronar arteriyalarni shikastlanishi, yurak tamponadasi yoki pnevmotoraks rivojlanishi mumkin. Kaltsiyning qon zardobidagi kontsentratsiyasini tez oshishidan va uni atrofidagi to‘qimalarga o‘tib keyin ularni nekrozga uchrashidan saqlanish uchun preparatni yirik venaga ingichka igna yordamida yuborish tavsiya qilinadi. V/i tez yuborilganida qorinchalarning fibrillyatsiyasi va yurakni to‘xtab qolishi paydo bo‘lishi mumkin. Preparat bolalar ololmaydigan joyda saqlansin va uni yaroqlilik muddati o‘tgach qo‘llanilmasin.

250S dan yuqori bo‘lmagan haroratda saqlansin.

Retsept bo‘yicha

Birlamchi o‘ram: 10 ml eritma sindirish nuqtasi bo‘lgan rangsiz shisha ampulada (I tip, AQSH.F.). Ikkilamchi o‘ram: 10 ampula plastik poddonda karton qutida (qo‘llash bo‘yicha yo‘riqnomasi bilan birga).

3 yil.