tiniq rangsiz suyuqlik.

kardiologiyada qo‘llanadigan periferik vazodilatator (antianginal vosita).

C01DA08.

Og‘iz bo‘shlig‘iga purkalganida preparat tez so‘riladi va 2-5 minutdan keyin gemodinamik va antianginal ta’sirni ko‘rsatishni boshlaydi (ya’ni stenokardiya hurujini bartaraf bo‘lishi preparat qabul qilinganidan so‘ng 2-5 minutdan keyin kuzatiladi, bu preparatning sublingval shakllarini ishlab chiqarilishining o‘ziga xosligi bilan bog‘liq). Plazmada faol moddaning maksimal kontsentratsiyasiga 5-6 minutdan keyin erishiladi. Izo-Mik preparati purkalganidan so‘ng maksimal samarasi 10-15 minutga kelib kuzatiladi. Preparatning terapevtik ta’sirini davomiyligi 60-120 minutni tashkil etadi. Bu dori shakli – qisqa muddatli ta’sirga ega. Izosorbid dinitratining yarim chiqarilish davri 5 soatni tashkil qilgan faol metabolit izosorbid-5-mononitrati, shuningdek yarim chiqarilish davri 2,5 soatni tashkil qilgan izosorbid-2-mononitratini hosil qilib metabolizmga uchraydi. Preparat sublingval qo‘llanganida izosorbid dinitratining yarim chiqarilish davri 1 soatni tashkil etadi. Yarim chiqarilish davri preparat kurs davomida qo‘llanganida uzayadi. Yuborilgan bir martalik dozasining 80% dan 100% gacha qismi 24 soat davomida siydik bilan asosan metabolitlar shaklida chiqariladi. Preparatning bu dori shakli izosorbid dinitratining tabletkalari ichga qabul qilinganida tizimli biokiraolishligi yomon bo‘lgan bemorlarda muhim ahamiyatga ega.

Stenokardiya xurujlarini oldini olish va davolash; o‘tkir miokard infarkti; o‘tkir chap qorincha yetishmovchiligi.

0,05 ml hajmdagi preparatning bir dozasida 1,25 mg izosorbid dinitrati saqlanadi. Sprey bilan nafas olmasdan, til ostiga purkaladi. Stenokardiya xurujlarini bartaraf qilish uchun individual tavsiyalar bo‘lmaganida yoki hurujni rivojlanishiga sabab bo‘lishi mumkin bo‘lgan jismoniy va emotsional zo‘riqishdan oldin, spreyni 30 sekund oraliq bilan 1-2 marta purkash kerak, bu vaqtda burun orqali bilan nafas olish kerak. O‘tkir miokard infarktida va o‘tkir yurak yetishmovchiligida 1-3 marta purkashdan boshlanadi. 5 minut davomida samarasi kuzatilmasa, shifokorning nazorati ostida takroran purkash mumkin. Agar bemorning holatini yaxshilanishi kuzatilmasa, navbatdagi 10 minut davomida arterial bosimni jiddiy nazorati ostida takroran purkash mumkin. Stenokardiya hurujlarini oldini olish uchun preparat odatda 1-2 purkashdan sutkada 3-4 marta buyuriladi. Davolash davomiyligi shaxsiy ravishda aniqlanadi. Nitratlarga bo‘lgan ehtiyoj yuqoriroq bo‘lganida Izo-Mik 10 mg yoki 20 mg li tabletkalarni ishlatish tavsiya etiladi.

Ko‘pincha davolanishni boshida preparatni qabul qilinganidan keyin odatda bir necha kundan so‘ng o‘tib ketadigan bosh og‘rig‘i (“nitratlar oqibatidagi bosh og‘rig‘i”) paydo bo‘lishi mumkin. Preparat birinchi marta ishlatilganida yoki dozasi oshirilganida ba’zida (1-10% patsiyentlarda) arterial bosimni pasayishi va/yoki tananing holati o‘zgartirilganida bosh aylanishi kuzatiladi. Bu uyquchanlik, yurak urishlari sonini reflektor oshishi va holsizlik hissi bilan kechishi mumkin. Arterial bosim sezilarli pasayganida preparatni zudlik bilan bekor qilish kerak. Agar bu simptomlar o‘z-o‘zidan o‘tib ketmasa, tegishli choralarni ko‘rish kerak (patsiyentning boshini pastga va oyoqlarini yuqoriga ko‘targan holda gorizontal holatga keltiriladi; aylanayotgan qon hajmini oshiradigan preparatlar yuboriladi). Kam hollarda (1% dan kam hollarda) ko‘ngil aynishi, qusish, shuningdek terini qizarishi va allergik reaktsiyalar (masalan, toshma) rivojlanishi mumkin, ba’zida ular yetarlicha og‘ir darajada bo‘ladi. Ayrim hollarda eksfoliativ dermatit kuzatiladi. Juda kam hollarda Stivens-Djonson sindromi rivojlanishi mumkin. Organik nitratlar ishlatilganida ko‘ngil aynishi, qusish, bezovtalik hissi, teri rangini oqarishi va kuchli terlash bilan kechuvchi og‘ir gipotenziv reaktsiyalar haqida xabarlar berilgan. Juda kam hollarda kollaps (ba’zida pulsni sekinlashishi bilan kechadi) rivojlanishi mumkin. Arterial bosim ancha pasayganida juda kam hollarda stenokardiya simptomlari kuchayishi mumkin. Nitratlarni ta’siri oqibatida, ehtimol sfinkterni bo‘shashishi bilan bog‘liq bo‘lgan jig‘ildon qaynashi haqida bir qancha ma’lumotlar mavjud. Preparat og‘izga purkalganida patsiyentlar tilni biroz achishishini his qilishlari mumkin. Spreyni ishlatilishi alveolyar zonalarga qon oqimini nisbiy qayta taqsimlanishi tufayli gipoventilyatsiya oqibatidagi vaqtinchalik gipoksemiyani chaqirishi mumkin. Bu yurak ishemik kasalligi bo‘lgan bemorlarda miokardni vaqtinchalik gipoksiyasiga olib kelishi mumkin.

Preparatni quyidagilarda qo‘llash mumkin emas: izosorbid dinitratiga, boshqa nitrat birikmalariga, preparatning boshqa komponentlariga yuqori sezuvchanlikda;o‘tkir qon tomir yetishmovchiligi (shok, qon tomir kollapsi);kardiogen shokda, tegishli choralar yordamida chap qorinchaning yakuniy diastolik bosimini to‘g‘rilash imkoni bo‘lmaganida;og‘ir darajadagi gipotenziyada (sistolik bosim 90 mm.sm.ust. dan past);gipertrofik obstruktiv kardiomiopatiyada;konstriktiv perikarditda;yurak tamponadasi;anemiya;bolalar. Nitratlar bilan davolash vaqtida fosfodiesteraza ingibitorlari (masalan, sildenafil) ni qo‘llash mumkin emas.

Boshqa vazodilatatorlar, kaltsiy kanallarining blokatorlari, beta-adrenoblokatorlar, tritsiklik antidepressantlar, etanol va etanol saqlovchi preparatlar bilan bir vaqtda qo‘llanganida izosorbid dinitratining gipotenziv ta’siri kuchayadi. Simpatomimetiklar (adrenalin, efedrin, noradrenalin, naftizin, mezaton) izosorbit dinitratining antianginal ta’sirini pasaytirishi mumkin. Sildenafil bilan bir vaqtda qo‘llanganida og‘ir darajadagi arterial gipotenziya va miokard infarktini rivojlanish xavfi kuzatiladi.

Miyada qon aylanishini buzilishlari, aortal va/yoki mitral stenozi bo‘lgan patsiyentlar; ortostatik gipotenziyaga moyilligi bo‘lgan patsiyentlar; turli qon tomir havzalarida arterial bosimni pasayishi fonida rivojlanadigan ishemiya simptomlari bo‘lgan bemorlarni davolash uchun preparat ehtiyotkorlik bilan qo‘llanadi. Davolanish vaqtida, ayniqsa doza asta-sekin oshirilgan hollarda, arterial bosim va yurak qisqarishlar sonini nazorat qilish kerak. Preparatning yuqori dozalarini tez-tez qabul qilish “nitrat” ga tolerantlikni rivojlanishiga olib kelishi mumkin. Izosorbid dinitratiga bo‘lgan tolerantlikni yengish uchun (nitratlarni bekor qilish imkoni bo‘lganida) preparatning dozasi yoki qabul qilishlar sonini oshirmaslik, 24-36 soat davomida uni qabul qilishdan saqlanish, bu vaqtda uni boshqa antianginal vositalarga o‘zgartirish, so‘ngra esa davolashni odatdagi dozalarda monoterapiya holida yoki boshqa preparatlar bilan birga davom ettirish tavsiya etiladi. Preparat muntazam ravishda qabul qilinganida 4-6 haftadan so‘ng tanaffus qilish tavsiya etiladi. Davolanishni boshida “nitratli” bosh og‘rig‘ini rivojlanishini preparatning dozasini asta-sekin oshirish yoki validol va nonarkotik analgetiklar (atsetilsalitsil kislotasi, paratsetamol, analgin, kaptopril) ni buyurish bilan oldini olish mumkin. Preparat bilan davolanish vaqtida alkogol iste’mol qilishdan saqlanish kerak. Homiladorlik va emizish davrida qo‘llanishi. Izo-Mik preparatini homiladorlik va emizish davrida faqat ona uchun kutilgan foyda homila yoki bola uchun potentsial xavfdan ustun bo‘lgan holdagina qo‘llash mumkin. Bolalar. Pediatriya amaliyotida preparatni qo‘llash bo‘yicha tadqiqotlar o‘tkazilmagan. Transport vositalarini boshqarishda yoki boshqa mexanizmlar bilan ishlashda reaktsiya tezligiga ta’sir qilish xususiyati Davolanish vaqtida transport vositalarini boshqarish va boshqa potentsial xavfli faoliyat turlarini bajarish tavsiya etilmaydi, chunki izosorbid dinitrati muntazam qo‘llanganda diqqatni jamlash qobiliyati va psixomotor reaktsiyalar tezligi pasayadi. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

30oS dan yuqori bo‘lmagan haroratda saqlansin.

Dozani oshirib yuborilishi oqibatida barcha organik nitratlar qo‘llangandagi kabi, qon tomir tonusini boshqarilishning ortostatik buzilishlari va reflektor taxikardiya yuz berishi mumkin. Buning oqibatida bosh og‘rig‘i, holsizlik, bosh aylanishi, yurakni urib ketishi, ko‘ngil aynishi, qusish, arterial gipertenziya va qotib qolish holatlari kuzatilishi mumkin. Metgemoglobin hosil bo‘lishi mumkin, bu taxipnoe, xavotirlik hissi, xushni yo‘qolishi, yurakni to‘xtab qolishi bilan kechadi. Davolash choralari asosan qon bosimini oshirishga qaratilishi kerak, xususan, arterial bosim biroz pasayganida, patsiyentni yotqizish va oyoqlarini yuqoriga ko‘tarish kifoyadir. Og‘irroq hollarda, kollaptoid holatlarda shokka qarshi choralarni o‘tkazish kerak. Aylanayotgan qon hajmini tiklash kerak (qon o‘rnini bosuvchi vositalar yoki 0,9% li natriy xloridi eritmasi infuziya qilinadi); og‘ir hollarda noradrenalin va/yoki dopaminni infuziya qilish mumkin. Metgemoglobin hosil bo‘lganida, shifokor patsiyentning holatini og‘irligiga qarab, metgemoglobinemiyani davolash uchun quyidagi antidotlarni buyurishi mumkin, S vitamini – 1 g og‘iz orqali qabul qilinadi; metilen ko‘ki –1% eritma 50 ml gacha vena ichiga yuboriladi; toluidin ko‘ki – avval 1 kg tana vazniga 2-4 mg faqat vena ichiga yuboriladi; kislorod bilan davolash (zarurat bo‘lganida), gemodializ.

Retsept bo‘yicha

15 ml dan flakonlarda.

4 yil.