Qandli diabetga qarshi vosita (peroral). Metformin sulfonilmochevina hosilalari bilan majmuada.

A10BD02

Metformin Metformin ichga qabul qilinganidan so‘ng MIYdan yetarli darajada to‘liq so‘riladi. Plazmada maksimal kontsentratsiyasiga 2,5 soat davomida erishiladi. Mutloq biokiraolishligi 50% dan 60% gacha qiymatni tashkil etadi. Metformin to‘qimalarga tez taqsimlanadi, plazma oqsillari bilan deyarli bog‘lanmaydi. Yarim chiqarilish davri (T1/2) davri o‘rtacha 6,5 soatni tashkil etadi. Juda kam darajada metabolizmga uchraydi va buyraklar orqali chiqariladi. Metforminning taxminan 20%-30% MIY orqali o‘zgarmagan holda chiqariladi. Glibenklamid Ichga qabul qilinganida MIYdan so‘rilishi 95% ko‘proq qiymatni tashkil etadi. Plazmada maksimal kontsentratsiyasiga taxminan 4 soat davomida erishadi. Taqsimlanish hajmi (Vd) taxminan 10 l ni tashkil etadi. Plazma oqsillari bilan bog‘lanishi – 99%. Glibenklamid jigarda deyarli butunlay metabolizmga uchrab, buyraklar orqali (40%) va safro bilan (60%) chiqariladigan ikkita nofaol metabolitlarni hosil qiladi. T1/2 4 soatdan 11 soatgacha bo‘lgan vaqtni tashkil etadi. Ayrim klinik holatlarda preparatning farmakokinetikasi Buyrak faoliyati buzilishi bo‘lganida kreatinin klirensi (KK) kabi buyrak klirensi ham pasayadi, bunda T1/2 oshadi, bu qon plazmasida metforminning kontsentratsiyasini oshishiga olib keladi. Metformin va glibenklamidni bir dori shaklida chiqarilganligi metformin yoki glibenklamidni alohida saqlovchi tabletkalar qabul qilinganida kuzatiladigan biokiraolishlikka ega. Metforminni glibenklamid bilan birgalikdagi biokiraolishligiga, glibenklamidning biokiraolishligiga ta’sir qilmagani kabi, ovqatlanish ta’sir qilmaydi. Biroq glibenklamidning so‘rilish tezligi ovqat iste’mol qilinganida oshadi.

Kattalarda qandli diabetning 2 tipi: diyetoterapiya, jismoniy mashqlar va metformin yoki glibenklamid bilan oldindan monoterapiya o‘tkazish samarasiz bo‘lganida;glikemiyaning darajasi barqaror bo‘lgan va yaxshi nazorat qilsa bo‘ladigan patsiyentlarda har ikkala preparat bilan (metformin va sulfonilmochevina hosilalari) oldindan davolashni almashtirish uchun qo‘llanadi.

Insukomb preparati ichga ovqat vaqtida qabul qilinadi. Preparatni har safar qabul qilish gipoglikemiyani rivojlanishini oldini olish uchun uglevodlarning miqdori yetarlicha yuqori bo‘lgan ovqatlarni iste’mol qilish bilan amalga oshirilishi kerak. Preparatning dozasini shifokor glikemiyaning darajasiga qarab har bir patsiyent uchun individual ravishda aniqlaydi. Insukomb preparatining boshlang‘ich dozasi 500 mg/2,5 mg yoki 500 mg/5 mg ni tashkil etadi, sutkada 1 marta qabul qilinadi. Gipoglikemiyadan saqlanish uchun boshlang‘ich dozasi, agar glibenklamid yoki metformin birinchi qator davolash sifatida qo‘llangan bo‘lsa, glibenklamid (yoki ilgari qabul qilingan boshqa sulfonilmochevina preparatining dozasiga ekvivalent) yoki metforminning sutkalik dozasini oshirmaslik kerak. Qonda glyukozaning miqdorini adekvat nazorat qilishga erishish uchun har 2 yoki undan ortiq haftada sutkada metforminning dozasini ko‘pi bilan 500 mg ga / glibenklamidning dozasini ko‘pi bilan 5 mg ga oshirish tavsiya etiladi. Metformin va glibenklamid bilan oldindan majmuaviy davolashni almashtirish: boshlang‘ich dozasi ilgari qabul qilingan metformin va glibenklamid (boshqa sulfonilmochevina preparatining dozasiga ekvivalent dozada) ning sutkalik dozasidan oshmasligi kerak. Davolash boshlanganidan so‘ng har 2 va undan ortiq haftada preparatning dozasiga glikemiyaning darajasiga qarab tuzatish kiritiladi. Maksimal sutkalik dozasi Insukomb 500 mg/5 mg preparatining 4 tabletkasini yoki Insukomb 500 mg/2,5 mg preparatining 6 tabletkasini tashkil etadi. Dozalash tartibi individual ravishda aniqlanadi. 500 mg/2,5 mg dozasi uchun: sutkada 1 marta, ertalab nonushta vaqtida – sutkada 1 tabletka buyurilganida; sutkada 2 marta, ertalab va kechqurun – sutkada 2 yoki 4 tabletka buyurilganida; sutkada 3 marta, ertalab, kunduzi va kechqurun – sutkada 3, 5 yoki 6 tabletka buyurilganida. 500 mg/5 mg dozasi uchun: sutkada 1 marta, ertalab nonushta vaqtida – sutkada 1 tabletka buyurilganida; sutkada 2 marta, ertalab va kechqurun – sutkada 2 yoki 4 tabletka buyurilganida; sutkada 3 marta, ertalab, kunduzi va kechqurun – sutkada 3 tabletka buyurilganida. Keksa yoshdagi patsiyentlar uchun preparatning dozasi buyraklar faoliyatining holatini hisobga olib belgilanadi. Boshlang‘ich dozasi Insukomb 500 mg/2,5 mg preparati 1 tabletkadan oshmasligi kerak. Buyrak faoliyatini muntazam ravishda baholash kerak.

Nojo‘ya samaralarni uchrash tezligini quyida keltirilgan ko‘rsatkichlari quyidagi tarzda aniqlangan: juda tez-tez (≥1/10); tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000); juda kam hollarda (<1/10000). Ovqat hazm qilish tizimi tomonidan: juda tez-tez – ko‘ngil aynishi, qusish, diareya, qorinda og‘riq va ishtahani yo‘qolishi. Ushbu simptomlar ko‘proq davolashni boshida kuzatiladi va ko‘pchilik hollarda o‘z-o‘zidan o‘tib ketadi. Ko‘rsatilgan simptomlarni rivojlanishini oldini olish uchun preparatni 2 yoki 3 marta qabul qilish tavsiya etiladi; preparatning dozasini asta-sekin oshirish ham uning o‘zlashtirilishini yaxshilaydi. Jigar tomonidan: juda kam hollarda – jigar faoliyatining ko‘rsatkichlarini buzilishi yoki davolashni to‘xtatishni talab etuvchi gepatit. Moddalar almashinuvi tomonidan: gipoglikemiya; tez-tez emas – o‘tkir jigar porfiriyasi va teri porfiriyasi; juda kam hollarda – laktatsidoz. Metformin uzoq muddat qo‘llanganida – B12 vitaminini so‘rilishini pasayishi, bu qon zardobida uning kontsentratsiyasini pasayishi bilan kechadi. Megaloblast anemiya aniqlanganida shunday etiologiyali bo‘lishi mumkinligini inobatga olish kerak. alkogol iste’mol qilinganida disulfiramsimon reaktsiya bo‘lishi mumkin. Qon va limfa tizimi tomonidan: kam hollarda – leykopeniya va trombotsitopeniya; juda kam hollarda – agranulotsitoz, gemolitik anemiya, suyak ko‘migi aplaziyasi, megaloblast anemiya va pantsitopeniya. Ushbu noxush ko‘rinishlar preparat bekor qilinganidan so‘ng yo‘qoladi. Sezgi a’zolari tomonidan: tez-tez – ta’m bilishni buzilishi (og‘izda metall ta’mi). Davolanish boshlanishida qonda glyukozaning miqdori pasayishi tufayli ko‘rish faoliyati vaqtinchalik buzilishi mumkin. Teri va teri osti kletchatkasi tomonidan: kam hollarda – qichishish, eshakemi, rozeolyoz toshma kabi teri reaktsiyalari; juda juda hollarda – teri yoki vistseral allergik vaskulit, ko‘p shaklli eritema, eksfoliativ dermatit, fotosensibilizatsiya, shokni rivojlanishiga olib keluvchi eshakemi. Laborator ko‘rsatkichlar: tez-tez emas – qon plazmasida mochevina va kreatininning darajasini o‘rtacha oshishi; juda kam hollarda – giponatriyemiya.

preparatning komponentlariga yuqori sezuvchanlik;boshqa sulfonilmochevina hosilalariga yuqori sezuvchanlik;qandli diabetning I tipi;diabetik ketoatsidoz;diabetik prekoma, diabetik koma;buyrak yetishmovchiligi yoki buyrak faoliyatini buzilishi (KK minutiga 60 ml dan kam);buyrak faoliyatini o‘zgarishiga olib kelishi mumkin bo‘lgan o‘tkir holatlar: degidratatsiya, og‘ir infektsiya, shok, tarkibida yod saqlovchi kontrast vositalarni qon-tomir ichiga yuborish;to‘qimalar gipoksiyasi bilan kechadigan o‘tkir yoki surunkali kasalliklar: yurak yoki nafas yetishmovchiligi, yaqinda o‘tkazilgan miokard infarkti, shok;jigar yetishmovchiligi;porfiriya;mikonazolni bir vaqtda qabul qilish;yirik jarrohlik operatsiyalari;surunkali alkogolizm, o‘tkir alkogolli intoksikatsiyasi;laktatsidoz (shu jumladan, anamnezida);gipokaloriyali (sutkada 1000 kal dan kam) parhezga rioya qilish;homiladorlik;laktatsiya davrida qo‘llash mumkin emas.

Insukomb preparati bilan bir vaqtda qo‘llanganida mikonazol gipoglikemiyani rivojlanishini qo‘zg‘atishi (hatto koma rivojlangunigacha) mumkin. Buyrak faoliyatiga qarab preparat qabul qilishni tarkibida yod saqlovchi kontrast moddalarni vena ichiga yuborishdan 48 soat oldin yoki keyin to‘xtatish kerak. Insukomb preparati bilan davolanish vaqtida alkogol va tarkibida alkogol saqlovchi dori vositalarni qabul qilishdan saqlanish kerak, chunki alkogol va glibenklamid bir vaqtda qabul qilinganida disulfiramsimon reaktsiya (alkogolni o‘zlashtirolmaslik) kuzatilishi (juda kam hollarda) mumkin. Alkogol iste’mol qilish gipoglikemik ta’sirini oshirishi (kompensator reaktsiyalarni ingibitsiya bo‘lishi orqali yoki metabolik faolsizlanishini sekinlashishi orqali) mumkin, bu gipoglikemik komani rivojlanishiga olib kelishi mumkin. O‘tkir alkogolli intoksikatsiyada, ayniqsa och qolgan holatda, yomon ovqatlanganda yoki jigar yetishmovchiligida laktatsidozni rivojlanish havfi oshadi. Fenilbutazon sulfonilmochevina hosilalarining gipoglikemik samarasini oshiradi (sulfonilmochevina hosilalarini oqsillar bilan bog‘langan joyini almashinadi va/yoki ularning eliminatsiyasini kamaytiradi). O‘zaro ta’sir qilish yaqqolligi kamligi bilan xarakterlanadigan boshqa yallig‘lanishga qarshi vositalarni ishlatish, yoki glikemiyaning darajasini mustaqil nazorat qilish kerakligi yuzasidan patsiyentni ogohlantirish afzal. Zarurat bo‘lganida yallig‘lanishga qarshi birga qo‘llanganida va uni qo‘llash to‘xtatilganidan so‘ng preparatning dozasiga tuzatish kiritish kerak. Bozentan glibenklamid bilan majmuada gepatotoksik ta’sir qilish havfini oshiradi. Ushbu preparatlarni bir vaqtda qabul qilishdan saqlanish tavsiya etiladi. Shuningdek glibenklamidning gipoglikemik samarasi kamayishi mumkin. Xlorpromazin yuqori dozalarda (sutkada 100 mg) glikemiyaning darajasini (insulin ajralib chiqishini pasaytirib) oshishini chaqiradi. Bir vaqtda qo‘llanganida qonda glyukozaning miqdorini mustaqil ravishda nazorat qilish kerakligi yuzasidan patsiyentni ogohlantirish kerak; zarurat bo‘lganida neyroleptikni bir vaqtda qo‘llash vaqtida va uni qo‘llash to‘xtatilganidan so‘ng gipoglikemik preparatning dozasiga tuzatish kiritish kerak. Glyukokortikosteroidlar (GKS) va tetrakozaktid qonda glyukozaning miqdorini oshiradi, ba’zida ketoz bilan kechadi (GKS glyukozaga bo‘lgan tolerantlikni pasaytiradi). Bir vaqtda qo‘llanganida qonda glyukozaning miqdorini mustaqil ravishda nazorat qilish kerakligi yuzasidan patsiyentni ogohlantirish kerak; zarurat bo‘lganida GKSni bir vaqtda qo‘llash vaqtida va uni qo‘llash to‘xtatilganidan so‘ng gipoglikemik preparatning dozasiga tuzatish kiritish kerak. Danazol giperglikemik ta’sir ko‘rsatadi. Danazol bilan davolash zarurati bo‘lganida va uni qabul qilish to‘xtatilganida glikemiyaning darajasini nazorati ostida Insukomb preparatining dozasiga tuzatish kiritish talab etiladi. β2-adrenomimetiklar β2-adrenoretseptorni stimulyatsiya bo‘lishi hisobiga qonda glyukozaning kontsentratsiyasini oshiradi. Bir vaqtda qo‘llanganida patsiyentni ogohlantirish va qonda glyukozaning miqdorini nazorat qilish kerak, insulin bilan davolashga o‘tkazish mumkin. Diuretiklar qonda glyukozaning miqdorini oshirishi mumkin. Bir vaqtda qo‘llanganida qonda glyukozaning miqdorini mustaqil ravishda nazorat qilish kerakligi yuzasidan patsiyentni ogohlantirish kerak; diuretiklar bilan bir vaqtda qo‘llash vaqtida va ularni qo‘llash to‘xtatilganidan so‘ng Insukomb preparatning dozasiga tuzatish kiritish talab etilishi mumkin. AAF ingibitorlari (kaptopril, enalapril) ni qo‘llash qonda glyukozaning miqdorini pasayishiga yordam beradi. Zarurat bo‘lganida AAF ingibitorlari bilan bir vaqtda qo‘llash vaqtida va ularni qo‘llash to‘xtatilganidan so‘ng Insukomb preparatining dozasiga tuzatish kiritish kerak. β-adrenoblokatorlar, klonidin, rezerpin, guanetidin va simpatomimetiklar gipoglikemiyaning ayrim simptomlari: yurak urishini his etish va taxikardiyani niqoblaydi; ko‘pchilik noselektiv β-adrenoblokatorlar gipoglikemiyani rivojlanish tezligi va og‘irligini oshiradilar. Qonda glyukozaning miqdorini, ayniqsa davolanishni boshida, mustaqil ravishda nazorat qilish kerakligi yuzasidan patsiyentni ogohlantirish kerak. Flukonazol bilan bir vaqtda qo‘llanganida gipoglikemiyaning ko‘rinishlari rivojlanishi mumkinligi bilan glibenklamidning T1/2 oshishi yuz beradi. Qonda glyukozaning miqdorini mustaqil ravishda nazorat qilish kerakligi yuzasidan patsiyentni ogohlantirish kerak; flukonazol bilan bir vaqtda davolash vaqtida va uni qo‘llash to‘xtatilganidan so‘ng Insukomb preparatning dozasiga tuzatish kiritish talab etilishi mumkin. Insukomb desmopressinning antidiuretik samarasini pasaytirishi mumkin. Glibenklamidni qo‘llash fonida antibakterial dori vositalari, sulfanilamid hosilalari, ftorxinolonlar, antikoagulyantlar (kumarin hosilalari), MAO ingibitorlari, xloramfenikol, pentoksifillin, fibratlar guruhiga mansub gipolipidemik preparatlar, dizopiramid buyurilganida gipoglikemiyani rivojlanish xavfi mavjud.

Og‘ir jismoniy ishlarni bajaradigan 60 yoshdan oshgan shaxslarga preparatni qo‘llash tavsiya etilmaydi, bu ularda laktatsidozni rivojlanish havfi yuqoriligi bilan bog‘liq. Isitma sindromi, buyrak usti bezlari yetishmovchiligi, gipofizning oldingi bo‘lagi gipofunktsiyasi, qalqonsimon bezning faoliyatini kompensatsiyalanmagan buzilishi bo‘lgan kasalliklarda preparatni ehtiyotkorlik bilan qo‘llash kerak. Insukomb preparati bilan davolanish vaqtida qondagi glyukozaning darajasini och qoringa va ovqatdan keyin muntazam ravishda nazorat qilish kerak. Laktatsidoz Laktatsidoz juda kam uchraydigan, ammo metforminni kumulyatsiyasi tufayli rivojlanishi mumkin bo‘lgan jiddiy (shoshilinch davolash ko‘rsatilmasa, o‘lim yuqori bo‘ladi) asorat hisoblanadi. Metformin qabul qilgan patsiyentlarda laktatsidoz holatlari yaqqol ifodalangan buyrak yetishmovchiligi bo‘lgan qandli diabet bilan xastalangan bemorlarda rivojlangan. Nazorat qilish yomon bo‘lgan qandli diabet, ketoz, uzoq muddat och qolish, alkogolni haddan tashqari ko‘p iste’mol qilish, jigar yetishmovchiligi va yaqqol gipoksiya bilan bog‘liq bo‘lgan har qanday holatlar kabi boshqa olib kelishi mumkin bo‘lgan havf omillarni ham hisobga olish kerak. Dispeptik ko‘rinishlar, qorinda og‘riq va kuchli lohaslik bilan kechuvchi mushaklarni tirishishlari kabi nospetsifik belgilar paydo bo‘lganida laktatsidozni rivojlanish havfini inobatga olish kerak. Og‘ir holatlarda atsidotik hansirash, gipoksiya, gipotermiya va koma kuzatilishi mumkin. Diagnostik laborator ko‘rsatkichlari: qonning rN ko‘rsatkichi past, plazmada laktatning kontsentratsiyasi 5 mmol/l dan yuqori, anion intervali va laktat/piruvat nisbati yuqori hisoblanadi. Gipoglikemiya Insukomb glibenklamid saqlaydi, shuning uchun preparatni qabul qilish patsiyentda gipoglikemiyani rivojlanish havfi bilan kechadi. Davolash boshlanganidan so‘ng preparatning dozasini asta-sekin titrlash gipoglikemiyani rivojlanishini oldini olish mumkin. Bunday davolash faqat muntazam ovqatlanish (shu jumladan, nonushta) tartibiga rioya qiladigan patsiyentga buyurilishi mumkin. Uglevodlarni muntazam iste’mol qilish muhimdir, chunki gipoglikemiyani rivojlanish havfi kech ovqatlanganda, uglevodlar yetarli darajada iste’mol qilinmaganda yoki muvozanatlashtirilmagan holda iste’mol qilinganida oshadi. Gipoglikemiyani rivojlanish ehtimoli ko‘proq gipokaloriyali parhezda, jadal yoki davomli jismoniy harakatlardan so‘ng, alkogol iste’mol qilinganida yoki gipoglikemik vositalar majmuasi qabul qilinganida eng yuqori bo‘ladi. Gipoglikemiya chaqirgan kompensator reaktsiyalar tufayli, terlash, qo‘rquv, taxikardiya, arterial gipertenziya, yurakni urishini his etish, stenokardiya va aritmiya rivojlanishi mumkin. Agar gipoglikemiya sekin rivojlansa, vegetativ nevropatiyada yoki β-adrenoblokator, klonidin, rezerpin, guanetidin yoki simpatomimetiklar bir vaqtda qabul qilinganida, oxirgi simptomlari bo‘lmsligi mumkin. Qandli diabet bilan xastalangan bemorlarda gipoglikemiyaning boshqa simptomlari bosh og‘rig‘i, ochlik, ko‘ngil aynishi, qusish, kuchli toliqish, uyquni buzilishi, qo‘zg‘aluvchanlik holati, agressiya, diqqatni jamlashni va psixomotor reaktsiyalarni buzilishi, depressiya, ongni chalkashishi, nutqni buzilishi, ko‘rishni buzilishi, titrash, falaj, paresteziyalar, bosh aylanishi, deliriy, tirishishlar, uyquchanlik, xushsiz holat, yuzaki nafas va bradikardiya bo‘lishi mumkin. Preparatni ehtiyotkorlik bilan buyurish, preparatning dozasini tanlash va patsiyent uchun qo‘llash bo‘yicha yo‘riqnomasi gipoglikemiyani rivojlanish havfini pasaytirish uchun muhim hisoblanadi. Agar patsiyentda og‘ir darajadagi gipoglikemiyaning takroriy hurujlari rivojlansa, boshqa davolash variantlarni qo‘llash ehtimolini qayta ko‘rib chiqish kerak. Gipoglikemiyani rivojlanishiga olib keluvchi omillar: bir vaqtda alkogol iste’mol qilish, ayniqsa och qolganda;patsiyentni shifokor bilan o‘zaro muloqot qilish imkoniyatini yo‘qligi yoki rad etishi (ayniqsa keksa yoshdagi patsiyentlarga tegishli) va qo‘llash bo‘yicha yo‘riqnomasida keltirilgan tavsiyalarga rioya qilmasligi;sifatsiz ovqatlanish, muntazam ravishda ovqatlanmaslik, och qolish yoki parhezdagi o‘zgarishlar;jismoniy harakatlar va uglevodlarni qabul qilish o‘rtasida muvozanatni buzilishi;buyrak yetishmovchiligi;og‘ir darajadagi jigar yetishmovchiligi;Insukomb preparatining dozasini oshirib yuborilishi;ayrim endokrin buzilishlar: qalqonsimon bez, gipofiz va buyrak usti bezlari faoliyatini yetishmovchiligi;ayrim dori vositalarni bir vaqtda qabul qilish. Buyrak va jigar yetishmovchiligi Jigar yetishmovchiligi yoki og‘ir darajadagi buyrak yetishmovchiligi bo‘lgan patsiyentlarda preparatning farmakokinetikasi va/yoki farmakodinamikasi o‘zgarishi mumkin. Bunday patsiyentlarda rivojlanadigan gipoglikemiya davomli bo‘lishi mumkin, bunday holatda muvofiq davolashni boshlash kerak. Qonda glyukozaning miqdorini beqarorligi Jarrohlik aralashuvini o‘tkazish rejalashtirilganida yoki qandli diabetning dekompensatsiyasini boshqa sabablari bo‘lganida, insulin bilan davolashga vaqtinchalik o‘tishni ko‘rib chiqish tavsiya etiladi. Giperglikemiyaning simptomlari tez-tez siyish, kuchli chanqash, terini qurishi hisoblanadi. Rejali jarrohlik aralashuvi yoki tarkibida yod saqlovchi rentgenokontrast vositani vena ichiga yuborishdan 48 soat oldin Insukomb preparatini qabul qilishni to‘xtatish kerak. Davolashni 48 soatdan keyin va buyrak faoliyati baholangandan va normal deb tan olingandan keyingina qayta boshlash tavsiya etiladi. Buyrak faoliyati Metformin buyraklar orqali chiqarilganligi tufayli, davolashni boshlashdan oldin va keyinchalik muntazam ravishda qon zardobida kreatininning miqdorini va/yoki KK aniqlash kerak: buyrak faoliyati normal bo‘lgan patsiyentlarda yiliga kamida 1 marta va keksa yoshdagi patsiyentlarda yiliga 2-4 marta, shuningdek KK normaning yuqori chegarasida bo‘lgan patsiyentlarda aniqlash kerak. Buyrak faoliyatini buzilishi mumkin bo‘lgan holatlarda, masalan, keksa yoshdagi patsiyentlarda yoki antigipertenziv davolash, diuretiklar yoki NYAQV ni qabul qilish boshlanganida ayniqsa ehtiyotkorlikka rioya qilish tavsiya etiladi. Boshqa ehtiyotkorlik choralari Patsiyent bronxo‘pka infektsiyasi yoki siydik-tanosil a’zolarining infektsion kasalliklari paydo bo‘lganligi yuzasidan shifokorga xabar berishi kerak.

Homiladorlikda preparatni qo‘llash mumkin emas. Insukomb preparati bilan davolanish vaqtida ayol patsiyent homilador bo‘lishni rejalashtirayotgani haqida va homilador bo‘lganligi haqida shifokorga xabar berishi kerakligi yuzasidan ogohlantirilgan bo‘lishi kerak. Homiladorlik rejalashtirilganida, shuningdek Insukomb preparatini qabul qilish vaqtida homiladorlik kuzatilganida preparatni qo‘llashni bekor qilish va insulin bilan davolashni buyurish kerak. Emizish davrida Insukomb preparatini qo‘llash mumkin emas, chunki preparatning faol moddalarini ko‘krak sutiga o‘tish hususiyati yuzasidan ma’lumotlar yo‘q.

25°S dan yuqori bo‘lmagan haroratda saqlansin.

Simptomlari: preparatning tarkibida glibenklamid borligi tufayli, gipoglikemiya rivojlanishi mumkin. Dozani uzoq muddat oshirib yuborilishi yoki aloqador havf omillarini bo‘lishi laktatsidozni rivojlanishini qo‘zg‘atishi mumkin, chunki preparatning tarkibiga metformin kiradi. Davolash: xushni yo‘qolishi va nevrologik ko‘rinishlarsiz kechuvchi gipoglikemiyaning yengil va o‘rtacha simptomlari zudlik bilan qand iste’mol qilish bilan to‘g‘rilanishi mumkin. Preparatning dozasiga tuzatish kiritish va/yoki ovqatlanish tartibini o‘zgartirish kerak. qandli diabet bilan xastalangan bemorlarda koma, paroksizm yoki boshqa nevrologik buzilishlar bilan kechuvchi og‘ir darajadagi gipoglikemik reaktsiyalarni rivojlanishi shoshilinch tibbiy yordam ko‘rsatishni talab etadi. Patsiyent shifoxonaga tushgunicha gipoglikemiyaga shubha tug‘ilgan yoki tashxis qo‘yilgan zahoti dektroza eritmasini vena ichiga yuborish kerak. Patsiyentning xushi tiklanganidan so‘ng bemorga yengil o‘zlashtiriladigan uglevodlarga boy bo‘lgan ovqatlarni (gipoglikemiya takroran rivojlanishidan saqlanish uchun) berish kerak. Laktatsidoz shoshilinch tibbiy yordamni talab etuvchi holat hisoblanadi; laktatsidozni davolash kasalxona sharoitida o‘tkazilishi kerak. Laktat va metforminni organizmdan chiqarib yuborish imkonini beradigan eng samarali davolash usul gemodializ hisoblanadi. Qon plazmasida glibenklamidning klirensi jigar kasalliklari bo‘lgan patsiyentlarda oshishi mumkin. Glibenklamid qondagi oqsillar bilan faol bog‘langanligi sababli, preparat dializda eliminatsiya bo‘lmaydi.

Retsept bo‘yicha beriladi

Plyonka qobiq bilan qoplangan tabletkalar. 15 tabletka blisterda. 2 yoki 4 blister qo‘llash bo‘yicha yo‘riqnomasi bilan birga karton qutiga joylangan.

3 yil.