rangsiz, shakarsiz, qulupnay xidli suspenziya.

Nosteriod yallig‘lanishga qarshi vosita.

Peroral qo‘llangandan keyin ibuprofenning 80% dan ortig‘i ovqat-hazm qilish yo‘llaridan so‘riladi, qon plazmasidagi maksimal kontsentratsiyasiga (Smax) 1 soatdan keyin erishiladi. Preparatning 90% qon plazmasi oqsillari bilan (asosan albuminlar bilan) bog‘lanadi. Ibuprofen bo‘g‘im bo‘shliqlariga sekin kiradi. Qon plazmasidagi maksimal kontsentratsiyaga erishish vaqti (TSmax) och qoringa qabul qilinganda – 45 minut, ovqatdan keyin qabul qilinganda – 1,5-2,5 soat, sinovial suyuqlikda 2-3 soat, u yerda qon plazmasidagiga qaraganda yuqoriroq kontsentratsiyalarni hosil qiladi. Organizmda to‘planmaydi. Ibuprofen yarim chiqarilish davri (T1/2) 2-2,5 soat bo‘lgan chiqarilishining ikki bosqichli kinetikasiga ega. Asosan jigarda metabolizmga uchraydi. Tizim oldi va tizimdan keyingi metabolizmga uchraydi. So‘rilgandan keyin ibuprofenning farmakologik nofaol-R-shaklining taxminan 60%, sekin faol-S shakliga aylanadi. Preparatning 60-90% buyrak orqali metabolitlar shaklida va ularning glyukuron kislotasi bilan birikmalarining maxsulotlari shaklida, kam darajada safro bilan va ko‘pi bilan 1% o‘zgarmagan holda chiqariladi. Bir martalik dozani qabul qilingandan keyin preparat 24 soat davomida to‘liq chiqariladi.

Preparat bolalarda hayotining 3 oyligidan to 12 yoshigacha isitmani tushiruvchi vosita sifatida o‘tkir respirator kasalliklarda, grippda, bolalar infektsiyalarida, emlashdan keyingi reaktsiyalarda va tana haroratini oshishi bilan kechuvchi boshqa infektsion-yallig‘lanish kasalliklarida qo‘llanadi. Preparat og‘riq qoldiruvchi vosita sifatida kuchsiz yoki o‘rtacha jadallikdagi og‘riq sindromida, shu jumladan: bosh va tish og‘rig‘ida, migrenda, nevralgiyalarda, quloq va tomoq og‘rig‘ida, pay cho‘zilishdagi og‘riqda va boshqa turdagi og‘riqlarda qo‘llanadi. Shifokor shuningdek bu preparatni boshqa holatlarda ham tavsiya qilishi mumkin (bunday hollarda dozalash va qo‘llash tartibi bo‘yicha shifokorning tavsiyalarini bajaring).

Preparat bolalar uchun maxsus ishlab chiqarilgan. Preparatni qo‘llashdan oldin yo‘riqnomani diqqat bilan o‘qib chiqing. Preparat ichga qabul qilinadi. Ishlatishdan oldin flakonni yaxshilab chayqating. Preparatning dozasini aniq o‘lchash uchun o‘lchov stakani yoki qoshig‘i beriladi. Isitma va og‘riq: Bolalar uchun dozalash bolaning yoshi va tana vazniga bog‘liq bo‘ladi. Bir martalik doza bolaning tana vazniga 5-10 mg/kg ni tashkil qiladi, sutkada 3-4 marta yuboriladi. Maksimal sutkalik doza bola tana vazni kg ga sutkada 30 mg dan oshmasligi lozim. 3–6 oylik bolalarga (bolaning vazni 5 kg dan ortiq): 2,5 ml (50 mg) dan 24 soat davomida 3 marta, sutkada 150 mg dan oshmasligi kerak. 6-12 oylik bolalar (bolaning vazni 6-10 kg): 2,5 ml dan 24 soat davomida 3-4 marta, sutkada 200 mg dan oshmasligi kerak. 1-3 yoshli bolalar (bolaning o‘rtacha vazni 10-15 kg): 5 ml dan 24 soat davomida 3 marta, sutkada 300 mg dan oshmasligi kerak. 4-6 yoshli bolalar (bolaning o‘rtacha vazni 15-20 kg): 7,5 ml dan 24 soat davomida 3 marta, sutkada 450 mg dan oshmasligi kerak. 7-9 yoshli bolalar (bolaning o‘rtacha vazni 21-29 kg): 10 ml dan 24 soat davomida 3 marta, sutkada 600 mg dan oshmasligi kerak. 10-12 yoshli bolalar (bolaning o‘rtacha vazni 30-40 kg): 15 ml dan 24 soat davomida 3 marta, sutkada 900 mg dan oshmasligi kerak.

Preparat qo‘llanganida nojo‘ya ta’sirlari kam kuzatiladi, ammo quyidagi nojo‘ya samaralarini paydo bo‘lishi mumkin: me’da-ichak yo‘llari tomonidan: ko‘ngil aynishi, qusish, epigastriyada diskomfort yoki og‘riq his qilish, surgi samarasi, eroziv-yarali shikastlanishlar, qon ketishlari paydo bo‘lishi mumkin.allergik reaktsiyalar: teri toshmasi, qichishish, eshakemi, bronxial astmani zo‘rayishi, angionevrotik shish, anafilaktoid reaktsiyalar, anafilaktik shok, bronxospazm, isitma, ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi);nerv tizimi tomonidan: bosh og‘rig‘i, bosh aylanishi, psixomotor qo‘zg‘alish, uyqusizlik;yurak-qon tomir tizimi tomonidan: taxikardiya, arterial bosimni oshishi;qon yaratish a’zolari tomonidan: anemiya, trombotsitopeniya, agranulotsitoz, leykopeniya;siydik chiqarish tizimi tomonidan: buyraklar faoliyatini buzilishi, tsistit. Shu yoki boshqa nojo‘ya samaralar paydo bo‘lganida preparatni qabul qilishni to‘xtatish va shifokorga murojat qilish kerak.

Preparatni quyidagilarda qo‘llash mumkin emas: ibuprofenga, atsetilsalitsil kislotasiga yoki boshqa NYAQV ga, shuningdek preparatning boshqa komponentlariga yuqori sezuvchanlikda;atsetilsalitsil kislotasi (salisilatlar) yoki boshqa NYAQV ni qabul qilish natijasida, qo‘zg‘algan bronxial astmada, eshakemida, rinitda;bolada me’da-ichak yo‘llarining yarali shikastlanishlarida;me’da-ichakdan faol qon ketishida;ichakning yallig‘lanish kasalliklarida;tasdiqlangan gipokaliyemiyada;qon kasalliklarida: gipokoagulyatsiyada, leykopeniyada, gemofiliyada;buyrak va/yoki jigar yetishmovchiligida;eshitishini pasayishida qo‘llash mumkin emas.

Preparatni (ibuprofen) antikoagulyantlar bilan bir vaqtda qo‘llash ularning ta’sirini kuchayishiga olib kelishi mumkin. Preparat digoksin, fenitoin, metotreksat, litiy preparatlari bilan bir vaqtda qo‘llanganida qon plazmasida ularning kontsentratsiyasini oshiradi. Preparat diuretiklar va antigipertenziv vositalar bilan birga qo‘llanganda ularning samaradorligini pasaytiradi. Mineralokortikosteroidlar va glyukokortikosteroidlarning nojo‘ya ta’sirlarini kuchaytiradi.

Preparatni bolaga berishdan oldin shifokor bilan maslahatlashish kerak, agar bola: boshqa og‘riq qoldiruvchi dorilarni qabul qilayotgan bo‘lsa;anamnezida me’da yara kasalligi, gastrit, yarali kolit, me’da-ichak yo‘llaridan qon ketishlari bo‘lsa;jigar yoki buyrak kasalliklari bilan xastalangan bo‘lsa;Helicobacter pylori mavjudligida;bilvosita antikoagulyantlar (qon ivishini pasaytiradigan, ichga qabul qilish uchun preparatlar), arterial bosimni pasaytiruvchi preparatlar, glyukokortikosteroidlar, antiagregantlar, diuretiklar (siydik chiqarilishini kuchaytiruvchi preparatlar), litiy preparatlari, metotreksat qabul qilayotgan bo‘lsa;bronxial astma, eshakemi bilan kasallangan bo‘lsa. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Yorug‘likdan himoyalangan joyda, 25ºS dan yuqori bo‘lmagan haroratda saqlansin.

Dozani oshirib yuborishning muammolari juda kam paydo bo‘ladi, ammo agar Siz tasodifan tavsiya qilingan dozani oshirib yuborgan bo‘lsangiz, darhol shifokorga murojat qiling. Dozani oshirib yuborish simptomlari: qorinda og‘riq, ko‘ngil aynishi, qusish, bosh og‘rig‘i, quloqlarda shovqin, metabolik atsidoz, koma, o‘tkir buyrak yetishmovchiligi, arterial bosimni pasayishi, bradikardiya, taxikardiya. Davolash: me’dani yuvish (faqat qabul qilingandan keyin 1 soat davomida), faollashtirilgan ko‘mir, ishqoriy suyuqliklar ichish, jadallangan diurez, simptomatik davolashni o‘tkazish kerak.

Retseptsiz

50 ml, 90 ml va 100 ml polimer flakonlarda.

3 yil.