och to‘q sariq rangdan to‘q sariq ranggacha, oq va to‘q sariq dog‘lari bo‘lgan, bir tomonida riskali dumaloq yassi tabletkalar.

O‘RK belgilarini bartaraf qilish uchun vosita.

N02VЕ51

Paratsetamol uchun: so‘rilishi – ichga qabul qilingach, ichakning yuqori qismida to‘liq va tez so‘riladi, yuqori karbonsuvli ovqat qabul qilinganida esa – sekin. Odatdagi og‘riqni qoldiruvchi dozada oqsillar bilan kam bog‘lanadi. Taxminan 90-95% jigarda metabollanadi. Qondagi cho‘qqi kontsetratsiyasiga 30-90 minutdan so‘ng erishiladi. Yarimchiqarilish davri 1-4 soat, buyrak yetishmovchiligida o‘zgarmaydi, ammo jigar kasalliklarida va doza oshirib yuborilganida, chaqaloqlarda va qariyalarda uzayishi mumkin. Organizmdan buyraklar orqali chiqariladi. Fenilefrin gidroxloridi uchun: so‘rilishi – ichga qabul qilinganida jigardan birinchi o‘tishi hisobiga va monoaminooksidaza bilan me’dada parchalanishi natijasida biologik faolligi pasayadi. Biotransformatsiyasi me’da-ichak yo‘llarida va jigarda kechadi. Organizmdan buyraklar orqali chiqariladi. Xlorfeniramin maleati uchun: so‘rilishi – ichga qabul qilinganida me’da-ichak yo‘llaridan yaxshi so‘riladi. Oqsillar bilan bog‘lanishi yuqori (72%). Biotransformatsiyasi jigarda, hamda buyrakda kechadi. Yarimchiqarilish davri 14-25 soat. Organizmdan buyraklar orqali metabolitlar ko‘rinishida chiqariladi.

tumov, burunning bitishi (shilliq qavatining shishishi), bosh og‘rig‘i va haroratni ko‘tarilishi bilan kechadigan shamollash kasalliklarida;yuqori nafas yo‘llarining allergik kasalliklarida;burun oldi bo‘shliqlarining yallig‘lanishida qo‘llanadi.

Ichga. Kattalarga 1-2 tabletkadan kuniga 3-4 marta, 3 kun davomida buyuriladi.

Preparat jiddiy nojo‘ya ta’sirlar chaqirmaydi. Kamdan-kam hollarda: ko‘ngil aynishi, yuqori qo‘zg‘aluvchanlik, uyquchanlik, shilliq qavatlarni zichlashuvi, (ko‘pincha doza oshib ketganida), ko‘rishni xiralashuvi, hayajonlanish, siyishning qiyinlashuvi va og‘rishi, bosh aylanishi, og‘iz, burun yoki tomoqni qurishi, bosh og‘rig‘i, ishtahani pasayishi, yurak urishi, quloqlarni shang‘illashi, me’dada noxushlik va og‘riq, hamda terining allergik reaktsiyalari bo‘lishi mumkin.

Bronxial astma, siyishni qiyinlashuvi, qovuq bo‘ynining obstruktsiyasi, prostata bezining gipertrofiyasi, yurak-tomir kasalliklari (koronar arteriyalarning yaqqol aterosklerozi, gipertoniyaning og‘ir shakli, yurak ishemik kasalligi), qandli diabet, glaukoma, jigar (shu jumladan virusli gepatit), buyrak faoliyatini buzilishilari, qalqonsimon bezining giperfunktsiyasi (gipertireoz), psixozlar, alkogolizm, homiladorlik, laktatsiya, bolalarda va preparat komponentlariga yuqori sezuvchanlikda qo‘llash mumkin emas.

Siyishni qiyinlashishi, bronxial astma, ko‘z bosimni ko‘tarilishi, qalqonsimon bezining giperfunktsiyasi bo‘lgan patsiyentlarda ehtiyotkorlik bilan qo‘llash kerak. Preparat komponentlariga yuqori sezuvchanlik reaktsiyalari  paydo bo‘lganida qabul qilishni to‘xtatish kerak. Davolanish vaqtida, preparat uyqu va karaxtlik chaqirishi mumkinligi sababli, avtomobil yoki boshqa yuqori diqqatni talab etadigan faoliyat bilan shug‘ullanish mumkin emas. Homiladorlikda qo‘llashning xavfsizligi aniqlanmagan. Preparat qisman sut bilan chiqadi. Shuning uchun emizuvchi onalarga ishlatish tavsiya qilinmaydi. Agarda, preparatni qabul qilishga qaramasdan, 3 kun davomida kasallikning belgilari o‘tmasa, shifokorga murojaat qilish kerak. Preparat uzoq muddat qo‘llanganda nefrotoksik va gepatotoksik ta’sir ko‘rsatishi mumkin. Preparat bolalar ololmaydigan joyda saqlansin. Yaroqlilik muddati tugagandan keyin qo‘llanmasin.

Yorug‘likdan himoyalangan joyda, 25oS dan yuqori bo‘lmagan haroratda saqlansin.

Simptomlari: ko‘ngil aynishi, qusish, burun shilliq qavatini zichlashuvi, hayajonlanish, mushaklarni tortilishi (xatto tirishishgacha), markaziy nerv tizimining faoliyatini susayishi, uyquchanlik, koma. Chuqur tinchlanish yoki koma ko‘p terlash, gipotoniya va shok bilan kechishi mumkin. Jigar nekrozi natijasida o‘lim yuz berishi mumkin. Davolash: agarda qusish o‘z-o‘zidan bo‘lgan bo‘lsa ham, qusishni chaqirish, shundan keyin preparatning so‘rilishini kamaytirish uchun faollashtirilgan ko‘mir va surgi vositalari suv bilan birga beriladi. Agarda va qusishni chaqirib bo‘lmasa, dori qabulidan keyin 3 soat davomida yoki ko‘p miqdorda sut yoki krem iste’mol qilingan bo‘lsa kechroq bo‘lsa ham, me’dani yuvish ko‘rsatilgan. Ichga N-atsetiltsistein (atsetaminafen bilan zaharlangandagi maxsus zaharga qarshi vosita) va fentolamin (fenilefrin gidroxloridining antagonisti) buyuriladi.

4, 10 tabletkadan kontur uyali o‘ramda. 1, 2, 5, 10 kontur uyali o‘ramdan qo‘llash bo‘yicha yo‘riqnomasi bilan karton qutiga joylanadi.

3 yil. Dorixonalarda berish tartibi Retseptsiz. Ulashish: 2 96 Views