Nosteroid yallig‘lanishga qarshi vositalar.

G04BE03

Mushak ichiga (m/i) yuborilganda plazmadagi maksimal kontsentratsiyasiga (Smax)               10-20 minutdan keyin erishiladi. Biokiraolishligi – 50%; jadal tizim oldi eliminatsiyasiga uchraydi. Plazma oqsillari bilan bog‘lanishi – 99% dan yuqori. To‘qimalar va sinovial suyuqlikka yaxshi o‘tadi; u yerda uning kontsentratsiyasi sekin o‘sadi, 4 soatdan keyin plazmadagiga nisbatan ahamiyatli darajadagi yuqoriroq kontsentratsiyalariga erishiladi. Taxminan 35% axlat bilan metabolitlari ko‘rinishida chiqariladi; taxminan 65% jigarda metabolizmga uchraydi va nofaol metabolitlari ko‘rinishida buyraklar orqali chiqariladi (o‘zgarmagan ko‘rinishda 1% kamroq chiqariladi). Plazmadan yarim chiqarilish davri (T1/2) – taxminan 2 soat, sinovial suyuqlikdan – 3-6 soat; qabullar orasidagi tavsiya qilingan intervalga rioya qilinganda to‘planmaydi.

Vena ichiga (v/i) yoki m/i, tomchilab infuziya ko‘rinishida. Parenteral qo‘llashning davomiyligi 2 sutkadan oshmasligi kerak. Davolashni uzaytirish zarurati bo‘lganida preparat patsiyentlarga tabletkalar yoki shamchalar ko‘rinishida buyuriladi. M/i inyektsiya: o‘tkir og‘riqlarda – 75 mg har kuni 1-5 kun davomida. Zarurati bo‘lganida (jigar yoki buyrak sanchig‘i) kundalik dozani 150 mg gacha (1 ampuladan kuniga 2 marta) oshirish mumkin. V/i infuziya: preparat infuziya ko‘rinishida tomchilab yuboriladi. Bevosita yuborishdan oldin 1 ampulaning ichidagisi (75 mg) ni 100-500 ml 0,9% NaCl eritmasida yoki 5% dekstroza eritmasida – (infuzion eritmalarga oldindan 0,5 ml 8,4% li yoki 1 ml 4,2% li natriy bikorbonat eritmasi oldindan quyiladi) suyultirish kerak. Infuziya uchun tayyorlangan eritmalar tiniq bo‘lishi kerak. Yaqqollik darajasi o‘rtacha va kuchli bo‘lgan operatsiyadan keyingi og‘riq sindromini davolashda preparat 75 mg dozada 30-120 minut davomida yuboriladi. Zarurati bo‘lganida bir necha soatdan keyin preparatni takroran yuborish mumkin. Biroq dozasi 24 soat davomida 150 mg dan oshmasligi kerak. Operatsiyadan keyingi og‘riqlarni oldini olish maqsadida infuziya “zarb dozada” –         25-50 mg 15-60 minut davomida o‘tkaziladi. Keyinchalik infuziya maksimal sutkalik dozasi 150 mg gacha yetgunicha 5 mg/soat tezlik bilan davom ettiriladi.

Ko‘ngil aynishi, anoreksiya, epigastral sohada og‘riq va nohush hislar, meteorizm, qabziyat, diareya. Ko‘pchilik hollarda bu simptomlar davolash jarayoniga ta’sir qilmaydi. Bosh aylanishi, bosh og‘rig‘i, qo‘zg‘alish, uyqusizlik, ta’sirchanlik, charchoqlik bo‘lishi mumkin; moyilligi bo‘lgan patsiyentlarda – shishlar. Kam hollarda – anemiya, leykopeniya, trombotsitopeniya, agranulotsitoz, sezuvchanlikni, ko‘rishni buzilishi (ko‘rishni noaniqligi, diplopiya), quloqlarda shovqin, tirishishlar, sochlarni to‘kilishi, buyrak yoki jigar funktsiyasini buzilishi. Preparat mushak ichiga yuborilgan joyda – achishish; alohida hollarda – infiltrat, abtsessni hosil bo‘lishi, yog‘ to‘qimalarni nekrozi kuzatilishi mumkin.

O‘ta yuqori sezuvchanlik (shu jumladan boshqa NYAQV larga), qon hosil bo‘lishini noaniq etiologiyali buzilishi, me’da va o‘n ikki barmoqli ichak yarasi, ichakni zo‘rayish bosqichidagi dekstruktiv-yallig‘lanish kasalliklari, “aspirinli” bronxial astma, bolalar, homiladorlikning oxirgi uch oyligida qo‘llash mumkin emas. Qo‘llashga cheklanishlar. Jigar va buyrak funktsiyasini buzilishi, yurak yetishmovchiligi, porfiriya, diqqatni yuqori jamlash talab qiladigan ish, homiladorlik, emizish (emizishni bekor qilish kerak).

Qonda litiy, digoksin, bilvosita antikoagulyantlar, oral diabetga qarshi preparatlar (ham gipo-, ham giperglikemiya bo‘lishi mumkin), xinolon hosilalarining kontsentratsiyalarini oshiradi. Metotreksat, tsiklosporinni toksikligini, glyukokortikoidlarning nojo‘ya samaralarini (me’da-ichakdan qon ketishi) rivojlanishi ehtimoli, kaliy saqlovchi diuretiklar fonida giperkaliyemiya xavfi oshiradi, diuretiklar samarasini kamaytiradi. Atsetilsalitsil kislotasi bilan qo‘llanganda plazmadagi kontsentratsiyasi pasayadi.

Uzoq muddatli davolashda qon formulasini va jigar funktsiyasini, yashirin qon mavjudligini axlat tahlilini davriy ravishda tekshirish kerak. Homiladorlikni birinchi 6 oyligida qat’iy ko‘rsatmalar bo‘yicha va eng kichik dozada qo‘llash kerak. Reaktsiya tezligini pasayishi mumkinligi tufayli, avtotransportni haydash va mexanizmlar bilan ishlash tavsiya qilinmaydi. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Simptomlari: bosh aylanishi, bosh og‘rishi, giperventilyatsiya, ongni chalkashishi, MIY buzilishlari (ko‘ngil aynishi, qusish, qorin sohasida og‘riq, qon ketishi), jigar va buyrak funktsiyasini buzilishlari. Davolash: AB oshishi, buyrak funktsiyasini buzilishi, tirishishlar, MIY ta’sirlanishi, nafasni susayishini bartaraf qilishga qaratilgan simptomatik davolash. Jadallashtirilgan diurez, gemodializning samarasi kam.

Retsept bo‘yicha

3 ml eritma ampulalarda, 5 ampula kontur uyali o‘ramda. 1 kontur uyali o‘ram qo‘llash bo‘yicha yo‘riqnomasi bilan birga karton qutida.

3 yil.