tilindrik shaklli, qirralari yarim sferik, sariq rangli qattiq jelatin kapsulalar.

Tizimli qo‘llash uchun antibakterial vosita. Tetratsiklinlar.

J01AA02

Doksitsiklinga sezuvchan qo‘zg‘atuvchilar chaqirgan infektion kasalliklar. Dori vositasiga rezistentlikni rivojlanishini oldini olish va samaradorligini tutib turish uchun faqat doksitsiklinga sezuvchanligi isbotlangan (yoki taxmin qilingan) qo‘zg‘atuvchilar chaqirgan infektiyalarni davolash uchun qo‘llash lozim. Ajratib olingan qo‘zg‘atuvchi va uni antibiotiklarga nisbatan sezuvchanligini borligi to‘g‘risida ma’lumot bo‘lganida shifokor optimal antibiotikni tanlash uchun undan qo‘llanadi, bunday bo‘lmaganda antibakterial vositani empirik tanlovi mahalliy epidemiologik ma’lumotlarga va sezuvchanlik to‘g‘risidagi ma’lumotlarga asosan amalga oshiriladi. Doksitsiklinni quyidagi infektiyalarni davolash uchun qo‘llaniladi: Qoyali tog‘lar dog‘li isitmasi, toshmali tif va tifni boshqa turlari, Q-isitmasi, Kyu-garden dog‘li isitmasi, rikketsiyalar chaqirgan kana isitmasi; Mycoplasma pneumoniaye chaqirgan nafas yo‘llarining infektiyalari; Shlamydia trachomatis chaqirgan venerik limfogranulyoma; Chlamydophila psittaci chaqirgan psittakoz (ornitoz); Shlamydia trachomatis chaqirgan traxoma, infektion agent har doim bartaraf qilinsa ham, bu esa immunofluorestent tekshirishlarda tasdiqlanadi; Shlamydia trachomatis chaqirgan kon’yunktivit; Shlamydia trachomatis chaqirgan kattalardagi asoratlanmagan uretrit, tervikal kanal infektiyalari yoki rektal infektiyalar; Ureplasma urealyticum chaqirgan nogonokokk uretrit; Borrelia recurrentis chaqirgan qaytuvchan tif; Doksitsiklinni shuningdek quyidagi grammanfiy mikroorganizmlar chaqirgan infektiyalarni davolash uchun ham qo‘llanadi: Haemophilus ducreyi chaqirgan yumshoq shankr; Yersinia pestis chaqirgan o‘lat; Francisella tularensis chaqirgan tulyaremiya; Vibrio cholerae chaqirgan vabo; Campylobacter fetus chaqirgan kampilobakterioz; Brucella bakteriyasi turlari chaqirgan brutsellyoz (streptomitsin bilan birga); Bartonella bacilliformis chaqirgan bartonellyoz; Klebsiella granulomatis bakteriyalari chaqirgan chov granulyomasi. Doksitsiklinga chidamli mikroorganizmlarning ko‘pchilik shtammlari to‘g‘risida ma’lumotlarni borligi tufayli, ekma ekish va antibiotiklarga nisbatan sezuvchanlikni aniqlash tavsiya qilinadi. Agar bakteriologik tekshirishlar quyidagi grammanfiy mikroorganizmlarga: preparatga nisbatan sezuvchanligini tasdiqlagan bo‘lsa, preparatni Escherichia coli; Enterobacter aerogenes; Shigella species; Acinetobacter species; Haemophilus influenzae chaqirgan nafas yo‘llarining infektiyalarini va Klebsiella species chaqirgan siydik chiqarish yo‘llarining infektiyalarini davolash. Doksitsiklinni agar bakteriologik tekshirishlar quyida kelitirilgan grammusbat mikroorganizmlarni preparatga nisbatan sezuvchanligini borligini ko‘rsatsa, ular chaqirgan infektiyalarni davolash uchun ko‘rsatilgan: pnevmokokklar (Streptococcus pneumonia) chaqirgan yuqori nafas yo‘llarining infektiyalari; Bacillus anthacis chaqirgan, shu jumladan kuydirgining o‘pka shakli (to‘qnashuvdan keyin) Bacillus anthacis ni havo-tomchi ekspozitsiyasidan keyin kasallanishni yoki kasallanishni kuchayishini kamaytirish uchun qo‘llanadi. Penitsillinni qo‘llanishi mumkin bo‘lmaganda, doksitsiklin quyidagi infektiyalarni davolashda muqobil preparat hisoblanadi: Neisseria gonorrhoeae chaqirgan asoratlanmagan gonoreya; Treponema pallidum chaqirgan sifilis; Treponema pallidum, pertenue turi chaqirgan frambeziya; Listeria monocytogenes bilan bog‘liq listerioz; Fusobacterium fusiforme chaqirgan Vinsenta infektiyasi; Actinomyces israelii chaqirgan aktinomikoz; Clostridium spesies chaqirgan infektiyalar. Doksitsiklin o‘tkir ichak amebiozi, akneni og‘ir shaklini davolashda qo‘shimcha preparat sifatida foydali. Plasmodium falciparum chaqirgan bezgakni, uning xloroxinga va/yoki pirimetamin-sulfadoksinga rezistent shtammlari uchraydigan tumanlarda qisqa muddat davomida (< 4 oy) profilaktika qilish uchun qo‘llanadi.

Dori vositasini qo‘llashdan avval albatta davolovchi shifokor bilan maslahatlashish lozim. Dori vositasini ichga ovqatlanish vaqtida yoki undan keyin 1 stakan suv bilan birga ichgan holda qo‘llanadi. Qizilo‘ngachni ta’sirlanish va yaralanish xavfini kamaytirish uchun kapsulalarni o‘tirgan yoki tik turgan holatda va uyqudan ancha oldin, qo‘llanadi. Agar me’dada ta’sirlanish belgilari kuzatilsa, doksitsiklinni ovqat yoki sut bilan birga qo‘llash tavsiya qilinadi. Kattalar va 12 yoshdan katta tana vazni 45 kg dan ko‘p bo‘lgan bolalar uchun o‘tkir infektiyalarni davolash uchun odatdagi doza birinchi kuni 200 mg (2 kapsula) ni 1 yoki 2 qabulga, ikkinchi kundan – 100 mg (1 kapsula) ni kuniga 1 martani tashkil qiladi. Og‘ir infektiyalarda maksimal sutkalik doza sutkada 200 mg dan 1-2 qabulni (ayniqsa siydik-chiqarish yo‘llarining surunkali infektiyalarida) tashkil qiladi. Davolanish davomiyligi infektiyani turiga bog‘liq va u odatda 5-10 kunni tashkil qiladi. Laym kasalligida davolash 3-4 haftani, brutsellyozda – 1,5-6 oyni tashkil qiladi. Davolashni kasallik simptomlari yo‘qolgandan keyin kamida 24-48 soat davomida davom ettirish kerak. Streptokokkli infektiya hollarida davolanish davomiyligi revmatizm yoki glomerulonefritni profilaktika qilish uchun kamida 10 kun bo‘lishi kerak. Kattalarda asoratlanmagan gonokokkli infektiyada (erkaklarda anorektal infektiyadan tashqari): 100 mg dan kuniga 2 marta 7 kun davomida qo‘llanadi. Muqobil variant sifatida: boshlang‘ich doza 300 mg, bir soatdan keyin qayta doza 300 mg ni tashkil qiladi. Kattalarda C. trachomatis chaqirgan asoratlanmagan uretritda, endotservitsitda yoki to‘g‘ri ichakning infektiyasida: 100 mg dan kuniga 2 marta 7 kun davomida qo‘llanadi. trachomatis yoki U. urealyticum chaqirgan nogonokokkli uretritda: 100 mg dan kuniga 2 marta 7 kun davomida buyuriladi. Erta sifilis: 100 mg dan kuniga 2 marta 2 hafta davomida (penitsillinlarga allergiyasi bo‘lgan homilador bo‘lmagan patsiyentlar uchun) qo‘llanadi. Bir yildan ko‘p muddat davom etayotgan sifilisda: 100 mg dan kuniga 2 marta 4 hafta davomida (penitsillinlarga allergiyasi bo‘lgan homilador bo‘lmagan patsiyentlar uchun) buyuriladi. gonorrhoeae yoki C. trachomatis chaqirgan o‘tkir epididimoorxit: 100 mg dan kuniga 2 marta kamida 10 kun davomida qo‘llanadi. Xusnbuzar toshmasini davolashda: sutkada 50 mg dan 6-12 hafta davomida buyuriladi. Xlorxinga rezistent P. falciparum chaqirgan bezgakni davolash: sutkada 200 mg dan kamida 7 kun davomida qo‘llanadi. Infektiyani potential og‘irligini hisobga olib, doksitsiklin bilan bir vaqtda tez ta’sir qiluvchi shizontitsid dori vositalarini: masalan, xininni qo‘llash lozim, ularni tavsiya qiladigan dozalari turli hududlarda farq qiladi. Bezgakni profilaktika qilish: kattalarda sutkada 100 mg, 12 yoshdan katta bolalarda preparatni 2 mg/kg dozada sutkada 1 martadan buyuriladi; dozani kattalardagi dozagacha yetkazish mumkin. Profilaktika qilishni bezgak uchraydigan hududga safar qilishdan 1-2 kun oldin boshlash mumkin. Uni hamma safar davrida davom ettirish mumkin. Yapon daryo isitmasini profilaktika qilish: 200 mg dan ichga buyuriladi. Kattalarda sayohatchilar diareyasini profilaktika qilish: kattalarda safarni birinchi kuni 200 mg (bir marta yoki 100 mg dan har 12 soatda), keyin esa sutkada 100 mg dan hududda bo‘lishning hamma davri davomida qo‘llanadi. Dori vositasini profilaktik 21 kundan ko‘p qo‘llanganligi to‘g‘risida ma’lumotlar yo‘q. Leptospirozni profilaktika qilish: 200 mg dan ichga haftada 1 marta hududda bo‘lganda butun davr davomida va safar oxirida 200 mg qo‘llanadi. Dori vositasini profilaktik 21 kundan ko‘p qo‘llanganligi to‘g‘risida ma’lumotlar yo‘q. Kuydirgining o‘pka shakli (ekspozitsiyadan keyin): kattalarga 100 mg dan ichga sutkada 2 marta 60 kun davomida: tana vazni 45 kg dan kam bo‘lgan bolalarga ichga 2,2 mg/kg dan sutkada 2 marta 60 kun davomida buyuriladi. Tana vazni 45 kg dan katta bo‘lgan bolalarga kattalar uchun odatdagi dozada qo‘llanadi. Kelib chiqishi kana va bitdan bo‘lgan qaytuvchan tifida doksitsiklinni muvaffaqiyat bilan bir marta 100 mg yoki 200 mg dozada infektiyani og‘irligiga ko‘ra qo‘llanadi. Kelib chiqishi kanadan bo‘lgan qaytuvchan tifni doimiy davom etuvchi yoki qaytalanish xavfini kamaytirish maqsadida doksitsiklinni 100 mg dan har 12 soatda 7 kun davomida qo‘llash tavsiya qilinadi. Keksa patsiyentlar: dozaga tuzatish kiritish talab qilinmaydi. Jigar funktiyasini buzilishi: doksitsiklinni jigar yetishmovchiligi bo‘lgan patsiyentlarga yoki potential gepatotoksik dori vositalarini qabul qilayotgan shaxslarga ehtiyotkorlik bilan qo‘llash lozim. Buyrak funktiyasini buzilishi: o‘tkazilgan tekshirishlar doksitsiklinlarni buyrak funktiyasini buzilishi bo‘lgan bemorlarda odatdagi tavsiya qilinadigan dozalarda qo‘llanganda antibiotikni haddan ziyod to‘planishiga olib kelmasligini ko‘rsatgan. Buyrak yetishmovchiligida dozaga tuzatish kiritish talab qilinmaydi. Agar preparat shifokor buyurgan vaqtda aniq qabul qilinmagan bo‘lsa, uni iloji boricha tezroq qabul qilish kerak (agar preparatni navbatdagi qabul vaqtigacha uzoq vaqt bo‘lsa) yoki preparatni muntazam qabul qilishni davom ettirish kerak. O‘tkazib yuborilganni to‘ldirish maqsadida ikki barobar dozani qabul qilish kerak emas.

Doksitsiklinni qilgan patsiyentlarda quyidagi nojo‘ya reaktiyalar kuzatilgan: nerv tizimi tomonidan: bosh og‘rig‘i, xavfsiz bosh miya ichki gipertenziyasi (simptomlar ko‘rish noaniqligini, skotoma va diplopiyani o‘z ichiga oladi; ko‘rishni doimiy yo‘qotish hollari qayd etilgan); eshitish a’zolari tomonidan: quloqlarni (shovqin) shang‘illashi; yurak-qon tomir tizimi tomonidan: taxikardiya, shishlar, perikardit, gipotenziya; ovqat hazm kilish tizimi tomonidan: ko‘ngil aynishi, qusish, qabziyat va diareya, qorinda og‘riq, glossit, disfagiya, ezofagit (shu jumladan eroziv), gastrit, me’da va o‘n ikki barmoq ichakni yaralanishi, dispepsiya, enterokolit (rezistent stafilokokk shtammlarini proliferatsiyasi hisobiga), soxtamembranoz kolit, pankreatit, qizilo‘ngachni yarasi; moddalar almashinuvini buzilishi: anoreksiya; immun tizimi tomonidan: allergik reaktiyalar, shu jumladan anafilaktik shok, anafilaksiya, anafilaktoid reaktiyalar, angionevrotik shish, hansirash, tizimli qizil yugurikni zo‘rayishi, zardob kasalligi, periferik shishlar, eshakemi; teri tomonidan: makulopapulyoz toshma, terini qichishishi, terini qizarishi, fotoonixolizis, eksfoliativ dermatit, ko‘pshaklli eritema, Stivens-Djonson sindromi, DRESS-sindromi, toksik epidermal nekroliz, fotosensibilizatsiya; qon yaratish a’zolari tomonidan: gemolitik anemiya, trombotsitopeniya, neyropeniya, eozinofiliya, porfiriya; buyrak funktiyasini buzilishi: qon zardobida mochevina kontentratsiyasini oshishi; skelet-mushak apparati: artralgiya, mialgiya; gepatobiliar tizimi tomonidan: sariqlik, gepatit, gepatotoksiklik (jigar funktial holati ko‘rsatkichlarini tranzitor oshishi), jigar yetishmovchiligi (yakka hollarda); boshqalar: superinfektiya, tish emalini rangini turg‘un o‘zgarishi, anogenital sohada yallig‘lanish, kandidoz (vaginit, glossit, stomatit, proktit), disbakterioz, quyilishlar, qalqonsimon bezi funktiyasini buzilishisiz bo‘lgan qalqonsimon bezi to‘qimasini rangini mikroskopik o‘zgarishi. Sanab o‘tilgan nojo‘ya reaktiyalar, shuningdek ilova-varaqada ko‘rsatilmagan reaktiyalar paydo bo‘lganida shifokorga murojaat qilish kerak.

Doksitsiklinga va boshqa tetratsiklinlarga o‘ta yuqori sezuvchanlik; preparatning yordamchi komponentlariga yuqori sezuvchanlik; 12 yoshgacha bo‘lgan bolalar; homiladorlik va emizish davri; leykopeniya; porfiriya; jigar va buyrak funktiyasini og‘ir buzilishlarida qo‘llash mumkin emas.

Agar Siz bironta boshqa dori vositalarini qabul qilayotgan bo‘lsangiz, albatta shifokorni xabardor qiling, agar mustaqil davolansangiz-dori vositasini qo‘llash mumkinligi bo‘yicha shifokor bilan maslaxatlashing. Doksitsiklinni alyuminiy, kaltiy, magniy saqlagan antatsidlar va boshqa tarkibiga bu kationlar kirgan preparatlar, shuningdek rux, temir yoki vismut tuzlari bilan bir vaqtda qabul qilganda uni so‘rilishi buzilishi mumkin. Bu dori vositalarini maksimal mumkin bo‘lgan vaqt oralig‘ida bo‘lib qabul qilish kerak. Doksitsiklin ichak florasini bostirilishi va K vitamini sintezini pasayishi hisobiga bilvosita antikoagulyantlar ta’sirini kuchaytiradi. Tetratsiklinlar plazma protrombin faolligini pasaytiradi, birga qo‘llanadigan antikoagulyantlarni dozasini ham kamaytirish talab qilinishi mumkin. Doksitsiklin estrogen saqlagan oral kontratseptivlar samaradorligini kamaytiradi va “shiddatli qon ketishi”ni rivojlanish tezligini oshiradi. Jigar mikrosomal fermentlarini induktiya qiladigan dori vositalari (barbituratlar, fenitoin, karbamazepin, rifampitsin) doksitsiklinni metabolizmini kuchaytiradi va uni qonda kontentratsiyasini kamaytiradi. Doksitsiklinni sutkalik dozasini oshirish talab qilinishi mumkin. Penitsillinlar va doksitsiklin bir-birini mikroblarga qarshi ta’sirini susaytiradi. Shuning uchun bu antibiotiklarni birga qo‘llashdan saqlanish lozim. Kolestiramin va kolestipol doksitsiklinni ichakda so‘rilishini kamaytiradi. Retinoid izotretinoin doksitsiklinni neyrotoksik ta’sirini kuchaytiradi va bosh miya ichki gipertenziyasini rivojlanish ehtimolini oshiradi. Doksitsiklin tiklosporinni plazmadagi kontentratsiyasini oshirishi mumkin. Bu dori vositalarini birga buyurishni faqat shifokorni nazorati ostida amalga oshirish kerak. Tetratsiklinlarni va metoksifluranni (ingalyatsion narkoz uchun vosita) birga qo‘llash og‘ir buyrak yetishmovchiligini (shu jumladan letal yakunlar) rivojlanishiga olib kelishi mumkin. Sut doksitsiklinni so‘rilish darajasi va tezligini kamaytiradi. Alkogolni muntazam iste’mol qilish doksitsiklinni yarim chiqarilish davrini kamaytiradi va uni chiqarilishini tezlashtiradi.

Dori preparatini tarkibiga sariq xinolin Ye104 va sariq quyosh shafag‘i Ye110 bo‘yovchilari, paraben (metilparagidrosibenzoat Ye218 va propilparagidrosibenzoat Ye216) kiradi, ular allergik reaktiyalarni chaqirishi mumkin. Dori preparati laktoza saqlaydi, shuning uchun nasliy galaktozani o‘zlashtiraolmaslik, glyukoza-galaktoza malabsorbtiya sindromi va Lapp laktaza tanqisligi bo‘lgan patsiyentlarga bu dori vositasini qo‘llash mumkin emas. Jigar funktiyasini buzilishi bo‘lgan patsiyentlarda qo‘llanishi. Doksitsiklinni jigar yetishmovchiligi bo‘lgan patsiyentlarga yoki potential gepatotoksik dori vositalarini qabul qilayotgan shaxslarga ehtiyotkorlik bilan qo‘llash lozim. Tetratsiklinlarni, shu jumladan doksitsiklinni peroral yoki parenteral qabul qilish bilan bog‘liq jigar funktiyasini buzilishi to‘g‘risida juda kam xabar qilingan. Buyrak funktiyasini buzilishi bo‘lgan patsiyentlarda qo‘llanishi. Buyrak funktiyasi normal bo‘lgan shaxslarda doksitsiklinni buyraklar orqali ekskretsiyasi 72 soatda taxminan 40% ni tashkil qiladi. Bu diapazon og‘ir buyrak yetishmovchiligi bo‘lgan shaxslarda (kreatinin klirensi (KK) minutiga 10 ml dan kam) 72 soatda 1-5% gacha pasayishi mumkin. Tadqiqotlar buyrak funktiyasi normal va buzilishi bo‘lgan shaxslarda doksitsiklinni qon zardobidan yarim chiqarilish davri bo‘yicha ahamiyatli farqini aniqlamagan. Gemodializ dori vositasini qon zardobidan yarim chiqarilish davriga ta’sir qilmaydi. Tetratsiklinlarni antianabolik ta’siri qonda mochevinani darajasini oshishiga olib kelishi mumkin. Buyrak funktiyasini buzilishi bo‘lgan patsiyentlarda doksitsiklin qo‘llanganda antianabolik ta’sir namoyon bo‘lmagan. Doksitsiklin bilan uzoq vaqt davolanganda buyrak funktiyasini nazorat qilish zarur. Superinfektiya xavfi. Boshqa antibakterial vositalarini qo‘llash hollari kabi doksitsiklinni qo‘llash sezuvchan bo‘lmagan mikroorganizmlarni shu jumladan zamburug‘larni haddan ziyod o‘sishiga ham, olib kelishi mumkin. Superinfektiya rivojlanganda doksitsiklinni qo‘llashni to‘xtatish va muvofiq davolashni boshlash kerak. Antibiotik bilan assotsiatsiyalangan kolit. Deyarli hamma antibakterial vositalarni, jumladan doksitsiklinni ham qo‘llanganda kolitni rivojlanishi mumkinligi to‘g‘risida xabarlar qilingan. Bu asoratni og‘irligi yengildan hayot uchun xavf tug‘diradigan darajaga qadar o‘zgargan. Bu tashxisni antibakterial vositalari qo‘llanishi oqibatida yuzaga keladigan diareya bo‘yicha murojaat qilgan patsiyentlarda ko‘rib chiqish zarur. Clostridium difficile bilan assotsiatsiyalangan diareyani (CDAD) rivojlanish hollari to‘g‘risida xabarlar bo‘lib, uning og‘irligi yengil diareyadan o‘limga olib keladigan kolitga qadar o‘zgarishi mumkin. Antibakterial vositalar bilan davolash ichakni normal florasini o‘zgartiradi, bu esa C. Difficille o‘limga olib keladi. C. Difficille A va B toksinlarni ishlab chiqaradi, ular CDAD ni rivojlanishiga yordam beradi. C. Difficille ni shtammlari sintez qiladigan gipertoksin kasallanishni va o‘limni oshishiga olib keladi, chunki bu infektiyalar antimikrob davoga chidamli bo‘lishi mumkin. Ezofagit. Tetratsiklinlar sinfi dori vositalarini, shu jumladan doksitsiklinni kapsula yoki tabletka shaklida qabul qilgan patsiyentlarda ezofagit va qizilo‘ngach yarasi holatlari qayd etilgan. Bu patsiyentlarning ko‘pchiligi dori vositasini bevosita uyqudan oldin yoki yetarli bo‘lmagan miqdorda suyuqlik bilan qabul qilganlar. Porfiriya. Tetratsiklinlarni qabul qilgan patsiyentlarda kam hollarda porfiriyani paydo bo‘lishi kuzatilgan. Bosh miya ichki gipertenziyasi (BMIG, bosh miyaning soxta o‘smasi). Tetratsiklinlarni, shu jumladan doksitsiklinni qabul qilgan patsiyentlarda BMIG hollari qayd etilgan. BMIG klinik belgilari bosh og‘rig‘ini, ko‘rishni xiralashishini, diplopiyani, ko‘rishni yo‘qolishini va ko‘ruv nervini diskini shishini (ko‘z tubini tekshirilganda) o‘z ichiga oladi. Haddan ziyod tana vazniga ega va anamnezida BMIG bo‘lgan tug‘ruq yoshidagi ayollar tetratsiklinlar bilan bog‘liq BMIG ni rivojlanishi bo‘yicha bo‘lgan xavf guruhiga kiradi. Izotretinoin va doksitsiklinni bir vaqtda qo‘llashdan saqlanish lozim, chunki izotretinoinni bosh miyani shishini chaqirishi ma’lum. Odatda BMIG davolash to‘xtatilgandan keyin yo‘q bo‘lsada, ko‘rishni doimiy yo‘qotish xavfi mavjud. Agar davolanish vaqtida ko‘rishni buzilishi yuz bersa, oftalmologni maslahati tavsiya qilinadi. Chunki bosh miyaning ichki bosimi preparat bilan davolash to‘xtatilgandan keyin bir necha hafta davomida oshgan holda qolishi mumkin. Shuning uchun holat barqarorlashgunicha patsiyentlarni bir necha hafta kuzatish lozim. Tizimli qizil yugurik. Tetratsiklinlar tizimli qizil yugurik zo‘rayishini chaqirishi mumkin. Miasteniya gravis. Tetratsiklinlar guruhi dori vositalari sust neyro-mushak blokadasini chaqirishi mumkin, shuning uchun miasteniya gravisi bo‘lgan patsiyentlarda doksitsiklinni ehtiyotkorlik bilan qo‘llash lozim. Venerik kasalliklar. Yondosh sifilisga shubha bo‘lgan venerik kasalliklarni davolashda tegishli diagnostik muolajalar, shu jumladan qorong‘u maydonda va boshqa tahlillar qo‘llanishi kerak. Bunday holatlarda har oylik serologik testlar (kamida 4 oy) o‘tkazilishi kerak. Metoksifluran. Doksitsiklin va metoksifluranni birga qo‘llanganda ehtiyotkorlikka rioya qilish lozim. Metoksifluranni tetratsiklinlar bilan bir vaqtda qo‘llash fatal nefrotoksiklikka olib keladi. Doksitsiklin qonda Plasmodium ning jinssiz shakli shtamlarini to‘liq bo‘lmasada, sezilarli darajada bostiradi. Doksitsiklinni profilaktik qabul qilgan shaxslar baribir endemik sohadan tashqarida chivinlardan olingan infektiyalarni tashuvchilari bo‘lishi mumkin. Qo‘llashdagi ehtiyotkorliklar. Fotosensilibilizatsiya rivojlanishi mumkinligi sababli davolanish vaqtida va undan keyin 4-5 kun davomida insolyatsiyani cheklanish kerak. Qizilo‘ngachni eroziv-yarali shikastlanishini rivojlanishini oldini olish uchun doksitsiklinni ko‘p miqdordagi suv bilan ichish tavsiya qilinadi (200-300 ml). Doksitsiklinni uzoq qo‘llash zarurati bo‘lganda. Vaqti-vaqtida qonni periferik ko‘rsatkichlarini, jigar va buyrak funktiyasini nazorat (5-7 kunda kamida 1 marta) qilish lozim. Laboratoriya ko‘rsatkichlariga ta’siri. Doksitsiklin bilan davolashda siydikdagi katexolaminlar miqdorini fluorestent usuli bilan aniqlanganda soxtamusbat natijalar paydo bo‘lishi mumkin. Doksitsiklinni uzoq vaqt olgan shaxslarda qalqonsimon bezining bioptati tekshirilganda, ularni jigarrangga bo‘yalishi mumkin, bu patologik holat ekanligini ko‘rsatmaydi. Pediatriyada qo‘llanilishi. 12 yoshgacha bo‘lgan bolalarda qo‘llanmaydi, chunki doksitsiklin ularda skeletni, tishlarni shakllanishini buzilishiga olib kelishi, tish emalini gipoplaziyasini va ularni sariq-kulrang-jigarranggacha qaytmas bo‘yalishni chaqirishi mumkin. 12 yoshdan katta tana vazni 45 kg gacha bo‘lgan bolalarda dori vositasini boshqa dori shaklida qo‘llash kerak. Homiladorlik. Hayvonlardagi eksperimentlarda doksitsiklinni homilada skeletni rivojlanishini kechikishini chaqirishi ko‘rsatilgan. Uni homiladorlik vaqtida qo‘llash mumkin emas. Laktatsiya davri. Doksitsiklinni ko‘krak sutiga tushishi sababli davolanish vaqtida emizishni to‘xtatiladi. Avtotransportlarni yoki boshqa mexanizmlarni boshqarish qobiliyatiga ta’siri. Doksitsiklinni avtotransportni yoki boshqa mexanizmlarni boshqarish qobiliyatiga ta’siri to‘g‘risida ma’lumotlar yo‘q. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Yorug‘dan va namdan himoyalangan joyda, 25°S dan yuqori bo‘lmagan haroratda.

Dozani oshirib yuborilish hollarida dori vositasini qabul qilishni to‘xtatish va simptomatik davolashni boshlash lozim. Dializ qon zardobidan yarim chiqarilish davriga ta’sir qilmaydi va dozani oshirib yuborilish hollarida samarasiz.

Retsept bo‘yicha

10 kapsula PVX li plyonka va alyuminiy folgali kontur uyali o‘ramda. 1 yoki 2 kontur uyali o‘ramlar ilova-varaqa bilan birga karton qutiga joylanadi.

3 yil.