Diovan® 40 mg: sariq rangli oval, biroz qavariq shaklli, chetlari kesilgan, qobiq bilan qoplangan tabletkalar; bir tomonida riskasi bo‘lgan, riskaning bir tomonida “D” va boshqa tomonida “O” yozuvlari, tabletkaning orqa tomonida “NVR” yozuvi bo‘lgan tabletkalar. Diovan® 80 mg: och-qizil rangli dumaloq, chetlari kesilgan, qobiq bilan qoplangan tabletkalar; bir tomonida riskasi bo‘lgan, riskaning bir tomonida “D” va boshqa tomonida “V” yozuvlari, tabletkaning orqa tomonida “NVR” yozuvi bo‘lgan tabletkalar. Diovan® 160 mg: kulrang-to‘q-sariq rangli oval, biroz qavariq shaklli, chetlari kesilgan, qobiq bilan qoplangan tabletkalar; bir tomonida riskasi bo‘lgan, riskaning bir tomonida “DX” va boshqa tomonida “DX” yozuvlari, tabletkaning orqa tomonida “NVR” yozuvi bo‘lgan tabletkalar.

angiotenzin II antagonistlarining oddiy preparatlari.

S09SA03

So‘rilishi. Valsartanni tabletkalar ko‘rinishida peroral qo‘llangandan keyin plazmadagi maksimal kontsentratsiyasiga 2-4 soat davomida erishiladi. O‘rtacha mutloq biokiraolishligi 23% ni tashkil qiladi. Garchi dozani qabul qilingandan keyin taxminan 8 soat o‘tgach valsartanning plazmadagi kontsentratsiyasi ovqat iste’mol qilganlar va och qolganlar guruhida bir xil bo‘lgan bo‘lsada, ovqat valsartanni ekspozitsiyasini (AUC bo‘yicha aniqlangan) taxminan 48% ga pasaytiradi. Biroq AUC ko‘rsatkichini pasayishi terapevtik samarani klinik sezilarli pasayishi bilan kechmaydi, shuning uchun valsartanni ham ovqat vaqtida, ham och qoringa qabul qilish mumkin. Taqsimlanishi. Valsartanni taqsimlanish hajmi muvozanat holatda vena ichiga yuborilgandan keyin, valsartan to‘qimalarda ekstensiv taqsimlanishiga ishora qilib, taxminan 17 litrni tashkil qiladi. Valsartan qon plazmasi oqsillari bilan, asosan qon zardobi albumini bilan sezilarli darajada (94-97%) bog‘lanadi. Biotransformatsiyasi. Valsartan sezilarli darajada biotransformatsiyaga uchramaydi, chunki faqat taxminan 20% gina metabolitlari ko‘rinishida chiqariladi. Gidroksimetabolit plazmada past kontsentratsiyalarda (valsartanning AUC 10% dan kamrog‘i) aniqlangan. Bu metabolit farmakologik faol emas. Chiqarilishi. Valsartanning farmakokinetik egri chizig‘i multieksponentsial xarakterga ega (T½α <1 soat va T½β taxminan 9 soat). Valsartan asosan safro orqali ahlat bilan (dozaning taxminan 83%) va buyrak orqali siydik bilan (dozaning taxminan 13%), asosan o‘zgarmagan holda chiqariladi. Yuborilgandan so‘ng valsartanning plazmadagi klirensi soatiga taxminan 2 l ni, buyrak klirensi esa – soatiga 0,62 l ni (umumiy klirensning taxminan 30%) tashkil etadi. Valsartanning yarim chiqarilish davri 6 soatni tashkil etadi. Alohida guruh patsiyentlaridagi farmakokinetikasi. Keksa yoshdagi patsiyentlar. Keksa yoshdagi ayrim patsiyentlarda valsartanning tizimli ta’siri yosh patsiyentlarga qaraganda biroz ko‘proq namoyon bo‘lgan, biroq buning biron-bir klinik ahamiyati ko‘rsatilmagan. Buyrak faoliyatini buzilishi bo‘lgan bemorlar. Buyrak faoliyati va valsartanning tizimli ta’sir orasida korrelyatsiya aniqlanmagan. Shuning uchun buyrak faoliyatini buzilishi bo‘lgan patsiyentlarda preparatning dozasiga tuzatish kiritish talab qilinmaydi. Gemodializdagi patsiyentlarda preparatning farmakokinetikasini o‘rganish bo‘yicha tekshirishlar hozircha o‘tkazilmagan. Biroq, valsartan plazma oqsillari bilan yuqori bog‘lanish darajasiga ega va shuning uchun uni gemodializda chiqarilishining ehtimoli kam. Jigar faoliyatini buzilishi bo‘lgan bemorlar. Preparatning so‘rilgan dozasini taxminan 70%, asosan o‘zgarmagan holda safro bilan chiqariladi. Valsartan ahamiyatli biotransformatsiyaga uchramaydi va kutilganidek valsartanning tizimli ta’siri jigar faoliyatini buzilish darajasi bilan mos kelmaydi. Shuning uchun biliar bo‘lmagan jigar yetishmovchiligi bo‘lgan patsiyentlarda va xolestaz bo‘lmaganida, valsartanning dozasiga tuzatish kiritish talab qilinmaydi. Jigarning biliar tsirrozi yoki safro chiqarish yo‘llarining obstruktsiyasi bo‘lgan patsiyentlarda valsartanning AUC ko‘rsatkichi taxminan ikki marta oshadi.

Arterial gipertenziya. Yurak yetishmovchiligi (Nyu-York kardiologlar assotsiatsiyasi (NYHA) tasnifi bo‘yicha II-IV sinf). Infarktdan keyingi holatda (chap qorincha yetishmovchiligi va/yoki chap qorinchaning sistolik disfunktsiyasini belgilari, simptomlari va rentgenologik ma’lumotlari bo‘lgan klinik barqaror patsiyentlarda) qo‘llanadi.

Arterial gipertenziya. Diovan® ning tavsiya etiladigan dozasi sutkada 1 marta 80 mg yoki 160 mg ni tashkil qiladi. Antigipertenziv samaraga 2 hafta davomida erishiladi, maksimal samara esa 4 haftadan keyin boshlanadi. Nazorat qilib bo‘lmaydigan arterial bosimi bo‘lgan patsiyentlarga sutkalik dozani 320 mg gacha oshirish mumkin; qo‘shimcha ravishda diuretiklarni buyurish mumkin. Diovan® ni shuningdek boshqa antigipertenziv vositalar bilan birga buyurish mumkin. Yurak yetishmovchiligi. Diovan® ning tavsiya qilinadigan boshlang‘ich dozasi sutkada ikki marta 40 mg ni tashkil qiladi. Dozani sutkada ikki marta 80 mg gacha yoki 160 mg gacha maksimal dozagacha oshirish, patsiyent tomonidan preparatni o‘zlashtirilishiga qarab, amalga oshirilishi lozim. Yondosh qo‘llanayotgan diuretiklarning dozasini kamaytirish masalasini ko‘rib chiqish kerak. Klinik sinovlarda qo‘llangan maksimal sutkalik doza bir nechta qabulga bo‘lingan holda 320 mg ni tashkil qildi. Yurak yetishmovchiligi bo‘lgan patsiyentlarning holatini baholash doimo buyrak faoliyatini baholashni o‘z ichiga olishi kerak. Infarktdan keyingi holat. Davolash miokard infarktidan keyin 12 soat o‘tishi bilanoq boshlanishi mumkin. 20 mg dan sutkada ikki martalik boshlang‘ich dozadan keyin, valsartanning dozasini keyingi bir necha hafta davomida 40 mg, 80 mg va 160 mg gacha oshirish mumkin. Boshlang‘ich dozani olish uchun 40 mg li tabletka ikkiga bo‘linadi. Maksimal doza – 160 mg sutkada ikki marta. Umuman olganda, davolash boshlanganidan keyin ikki hafta davomida patsiyentlar sutkada ikki marta 80 mg li doza darajasiga erishishlari va dozani titrlash davrida patsiyentning valsartanni o‘zlashtiraolishidan kelib chiqib, rejali maksimal dozaga uch oy davomida erishishlari tavsiya qilinadi. Agar simptomatik arterail gipotenziya yoki buyrak disfunktsiyasi paydo bo‘lsa, dozani pasaytirish to‘g‘risidagi masalani ko‘rib chiqish kerak. Valsartan miokard infarktidan keyin tavsiya qilingan boshqa preparatlar (masalan, trombolitiklar, atsetilsalitsil kislotasi, β-blokatorlar va statinlar) bilan davolangan patsiyentlarda qo‘llanishi mumkin. Miokard infarktidan keyin patsiyentlarning holatini baholash doimo buyrak faoliyatini baholashni o‘z ichiga olishi kerak. Gipertenziyasi bo‘lgan va yurak-qon tomir xavfida glyukozaga tolerantlik buzilgan katta yoshdagi patsiyentlar. Diovan® ning tavsiya qilingan dozasi kuniga bir marta 80 yoki 160 mg ni tashkil qiladi. Davolashni 80 mg dan boshlaydigan patsiyentlar uchun dozani kuniga bir marta 160 mg gacha titrlash, patsiyent tomonidan preparatni o‘zlashtiraolinishiga qarab, amalga oshirilish lozim. Agar gipertenziyani nazorat qilishning iloji bo‘lmasa, unda davolashni Gipertenziya bandida ko‘rsatilganidek o‘tkaziladi. Barcha ko‘rsatmalar yuzasidan IZOH: buyrak faoliyatini buzilishi bo‘lgan patsiyentlarda yoki nobiliar kelib chiqishiga ega va xolestazsiz jigar yetishmovchiligi bo‘lgan patsiyentlarda preparatning dozasiga tuzatish kiritish talab qilinmaydi.

Arterial gipertenziyasi bo‘lgan katta yoshdagi patsiyentlarda o‘tkazilgan nazoratli klinik tadqiqotlarda nojo‘ya reaktsiyalarning umumiy soni platsebo bilan bir xil bo‘lgan va valsartanning farmakologiyasiga muvofiq bo‘lgan. Nojo‘ya reaktsiyalarni yuz berish tez-tezligi doza yoki davolash davomiyligi bilan bog‘liq emasligi aniqlangan, shuningdek jins, yosh yoki irq bilan bog‘liqlikni yo‘qligi ham ko‘rsatilgan. Klinik, postmarketing va laborator tadqiqotlarda qayd etilgan nojo‘ya reaktsiyalar, quyida a’zolarning tizim sinflari bo‘yicha ko‘rsatilgan. Noxush reaktsiyalarning paydo bo‘lish tez-tezligi quyidagicha baholanadi: juda tez-tez – ≥1/10, tez-tez – ≥1/100, <1/10, ba’zida – ≥1/1000, < 1/100, kam – ≥1/10000, <1/1000, juda kam – <1/10000. Postmarketing tadqiqotlarda va laborator ko‘rsatkichlar bo‘yicha qayd etilgan barcha nojo‘ya reaktsiyalar uchun, nojo‘ya reaktsiyalarning biron bir tez-tezligini ko‘rsatishning iloji yo‘q, demak, bunday reaktsiyalar “noma’lum” tez-tezligi ko‘rinishida qayd etiladi.

Valsartanga yoki preparatning har qanday komponentiga yuqori sezuvchanlik. Homiladorlik, emizish davri. Bolalar. Angiotenzin retseptorlari antagonistlari (ARA), shu jumladan valsartanni yoki angiotenzinga aylantiruvchi ferment ingibitorlari (AAFi) ni qandli diabetining 2 tipi bo‘lgan patsiyentlarda aliskiren bilan bir vaqtda qo‘llash mumkin emas.

ARA, AAF ingibitorlari yoki aliskiren bilan renin-angiotenzin tizimini (RAT) ikki yoqlama blokadasi: ARB, shu jumladan Diovan® ni RAT ga ta’sir qiluvchi boshqa moddalar bilan bir vaqtda qo‘llanishi, monoterapiyaga nisbatan gipotenziyalar, gipokaliyemiyalar holatini oshishi va buyrak faoliyatini o‘zgarishi bilan kechishi mumkin. Diovan® va RAT ga ta’sir qiluvchi boshqa moddalarni qabul qilayotgan bemorlarda arterial bosimni, buyrak faoliyatini va elektrolitlar darajasini nazorat qilish tavsiya qilinadi. Og‘ir buyrak yetishmovchiligi (kreatinin klirensi <30 ml/min) bo‘lgan patsiyentlarda ARB, shu jumladan valsartanni, yoki aliskiren bilan AAF ingibitorlarini bir vaqtda qo‘llashdan saqlanish kerak. 2 tip qandli diabeti bo‘lgan bo‘lgan patsiyentlarda ARB, shu jumladan Diovan® ni, yoki aliskiren bilan AAF ingibitorlarini bir vaqtda qo‘llash mumkin emas. Preparatning boshqa dori vositalari bilan klinik ahamiyatga ega o‘zaro ta’sirlari qayd etilmagan. Klinik sinovlarda o‘rganilgan preparatlarga quyidagilar kiradi: tsimetidin, varfarin, furosemid, digoksin, atenolol, indometatsin, gidroxlortiazid, amlodipin va glibenklamid. Valsartan sezilarli darajada metabolizmga uchramasligi tufayli, u uchun metabolizmi tsitoxrom R450 tizimini qo‘zg‘atishi yoki susaytirishi oqibati darajasidagi boshqa dori vositalari bilan klinik ahamiyatli o‘zaro ta’sirining ehtimoli kam. Valsartanni qon plazmasi oqsillari bilan ahamiyatli darajada bog‘lanishiga qaramay, in vitro sharoitdagi tekshirishlar ushbu darajada plazma oqsillari bilan yuqori bog‘lanish xususiyatiga ega bo‘lgan qator molekulalar, ayniqsa, diklofenak, furosemid va varfarin bilan biron-bir o‘zaro ta’sirini aniqlamadi. Kaliy. Kaliyni tejovchi diuretiklar (spironolakton, triamteren, amilorid), kaliy qo‘shimchalari, kaliy saqlovchi tuz o‘rinbosarlarini yoki kaliy darajasini oshiruvchi boshqa preparatlarni (geparin va boshq.) birga qo‘llanishi qon zardobida kaliyning darajasini oshishiga va yurak yetishmovchiligi bo‘lgan patsiyentlarda qon zardobida kreatinin miqdorini oshishiga olib kelishi mumkin. Bunday majmuaviy davolash zarur bo‘lgan hollarda ehtiyotkorlikka amal qilish lozim. Nosteroid yallig‘lanishga qarshi preparatlar (NYAQP), shu jumladan TsOG-2 ning selektiv ingibitorlari. Angiotenzin II antagonistlarini NYAQP bilan bir vaqtda qo‘llanganda antigipertenziv samarani susayishi yuz berishi mumkin. Bundan tashqari, angiotenzin II antagonistlarini NYAQP bilan bir vaqtda qo‘llanishi buyrak faoliyatini yomonlashish xavfini va qon zardobida kaliy darajasini oshishiga olib kelishi mumkin. Shuning uchun davolashni  boshida, shuningdek davolashni o‘zgartirishda bunday patsiyentlarda buyrak faoliyatini nazorat qilish  tavsiya qilingan. Litiy. Litiyni AAF ingibitorlari yoki angiotenzin II retseptori antagonistlari, shu jumladan Diovan® bilan birga qo‘llanganda qon zardobida litiyning kontsentratsiyasini va uning toksikligini qaytuvchan oshishi to‘g‘risida xabar berilgan. Demak, birga qo‘llanganda litiyning zardobdagi kontsentratsiyasini sinchkov monitoringi tavsiya qilinadi. Agar diuretik xam ishlatilsa, unda Diovan® bilan litiyning toksiklik xavfi ehtimol oshishi mumkin. Transporterlar. Odam jigari to‘qimasida in vitro sharoitida o‘tkazilgan tadqiqot natijalari, valsartan jigarda qamrab olish transporteri OATP1B1 substrati va jigardan qon oqib chiqishi transporteri MRP2 substrati ekanligidan dalolat beradi. Qamrab olish transporteri ingibitorlarini (rifampitsin, tsiklosporin) yoki qon oqib chiqishi transporteri (ritonavir) ni bir vaqtda buyurilishi valsartanning tizimli ta’sirini oshirishi mumkin.

Organizmda natriy va/yoki aylanayotgan qon hajmining (AQH) tanqisligi bo‘lgan patsiyentlar. Organizmda natriy va/yoki aylanayotgan qon hajmining (AQH) tanqisligi bo‘lgan bemorlarda, masalan diuretiklarning yuqori dozalarini qabul qilayotgan bemorlarda kam hollarda Diovan® bilan davolashning boshida simptomatik gipotenziya paydo bo‘lishi mumkin. Diovan® bilan davolashni boshlashdan oldin organizmda natriy va/yoki aylanayotgan qon hajmining miqdorini to‘g‘rilashni, masalan diuretikning dozasini kamaytirish yo‘li bilan o‘tkazish kerak. Gipotenziya rivojlangan hollarda patsiyentni yotqizish va zarurat bo‘lganida venaga fiziologik eritma bilan infuziyani o‘tkazish kerak. Davolashni arterial bosim barqarorlashgandan keyinoq darhol davom ettirish mumkin. Buyrak arteriyasining stenozi. Buyrak arteriyasining bir tomonlama stenozi tufayli ikkilamchi rivojlangan renovaskulyar gipertenziyali 12 nafar bemorda Diovan® ni qisqa muddatli kursda qo‘llanishi, buyrak gemodinamikasi, qon zardobida kreatinin yoki qonda mochevina azoti darajasining hech qanday jiddiy o‘zgarishlariga olib kelmagan. Biroq, renin-angiotenzin-aldosteron tizimiga (RAAT) ta’sir qiluvchi boshqa dori vositalari buyrak arteriyasining bir yoki ikki tomonlama stenozi bo‘lgan bemorlarda qon zardobida mochevina va kreatinin darajalarini oshishini chaqirishi mumkinligini hisobga olib, ehtiyotkorlik chorasi sifatida ushbu ko‘rsatkichlarni muntazam ravishda nazorat qilish tavsiya qilinadi. Buyrak faoliyatini buzilishlari. Buyrak faoliyatini buzilishi bo‘lgan bemorlarda preparatning dozasiga tuzatish kiritish talab qilinmaydi. Biroq, yaqqol buzilishlarda (kreatinin klirensi <10 ml/min bo‘lganida) ehtiyotkorlikka rioya qilish tavsiya etiladi, chunki bunday hollarda preparatni qo‘llash tajribasi yo‘q. Angitenzin retseptorlari antagonistlari (ARA), shu jumladan valsartanni yoki AAF ingibitorini aliskiren bilan birga og‘ir buyrak yetishmovchiligi (kreatinin klirensi <30 ml/min) bo‘lgan patsiyentlarda qo‘llanishidan saqlanish kerak. Jigar faoliyatini buzilishi. Jigar yetishmovchiligi bo‘lgan patsiyentlarda preparatning dozasiga tuzatish kiritish talab qilinmaydi. Valsartan asosan o‘zgarmagan holda safro bilan chiqariladi. O‘t chiqarish yo‘llarining obstruktsiyasi bo‘lgan bemorlarda valsartan klirensining pasayganligi kuzatilgan. Shuning uchun Valsartanni o‘t chiqarish yo‘llarining obstruktsiyasi bo‘lgan patsiyentlarga buyurilganida o‘ziga xos ehtiyotkorlikka rioya qilish lozim. Yurak yetishmovchiligi/Infarktdan keyingi holat. Yurak yetishmovchiligi bo‘lgan yoki infarktdan keyingi holatdagi, Diovan® ni odatdagi dozalarda qabul qilayotgan patsiyentlarda, arterial bosimni biroz pasayishi aniqlanadi, lekin uzoq muddatli simptomatik gipotenziya tufayli davolashni to‘xtatish, agar preparatni dozalashga taalluqli yo‘riqnomaga amal qilinsa, odatda kerak emas. Davolashni boshlayotgan yurak yetishmovchiligi bo‘lgan yoki infarktdan keyingi holatdagi patsiyentlarda ehtiyotkorlik zarur. Renin-angiotenzin-aldosteron tizimini (RAAT) susayishi tufayli, yuqori sezuvchanlikka ega patsiyentlarda buyrak faoliyatini buzilishlari bo‘lishi mumkin. Buyrak faoliyati renin-angiotenzin-aldosteron tizimining faolligiga bog‘liq og‘ir yurak yetishmovchiligi bo‘lgan patsiyentlarda, AAF ingibitorlari va angiotenzin retseptorlari antagonistlari bilan davolash oliguriya va/yoki azotemiyani avj olishi bilan kechishi va (kam) o‘tkir buyrak yetishmovchiligi va/yoki o‘lim bilan yakunlanishi mumkin. Yurak yetishmovchiligi bo‘lgan yoki infarktdan keyingi holatdagi patsiyentlarning holatini baholash doimo buyrak faoliyatining holatini o‘z ichiga olishi kerak. Yurak yetishmovchiligi bo‘lgan patsiyentlarda AAF ingibitorlari, beta-blokatorlar va valsartanning uch tomonlama majmuasini qo‘llaganda ehtiyotkorlikka rioya qilish lozim. Angionevrotik shish Valsartan qabul qilgan patsiyentlarda angionevrotik shish to‘g‘risida, shu jumladan nafas yo‘llari obstruktsiyasiga va/yoki yuz, lab, tomoq va/yoki tilni shishiga olib keluvchi xiqildoq va tovush boylamlari shishi to‘g‘risida xabar berilgan; bu patsiyentlarning ayrimlari boshqa preparatlarni, shu jumladan AAF ingibitorlarini qabul qiliganlarida ilgari Kvinke shishidan aziyat chekkanlar. Kvinke shishi rivojlangan hollarda Diovan® preparati bilan davolash darhol to‘xtatilishi lozim va preparat takror buyurilmasligi kerak. Renin-angiotenzin tizimini (RAT) ikki yoqlama blokadasi ARA, shu jumladan valsartanni, AAF ingibitori yoki aliskiren kabi RAT ni bloklovchi boshqa vositalar bilan birga qo‘llangan vaqtda ehtiyotkorlikka amal qilish lozim.

Tug‘ruq yoshidagi ayollar “Renin-angiotenzin-aldosteron” tizimiga (RAAS) bevosita ta’sir qiluvchi har qanday boshqa preparat kabi, Diovan® ni xam homiladorlikni rejalashtirayotgan ayollarda buyurish mumkin emas. RAAS ga ta’sir qiluvchi har qanday dori vositalar buyurilganda tug‘ruq yoshidagi ayollarni homiladorlik vaqtida bu vositalarning potentsial xavfi to‘g‘risida ogohlantirish kerak. Homiladorlik “Renin-angiotenzin-aldosteron” tizimiga (RAAS) bevosita ta’sir qiluvchi har qanday boshqa preparat kabi, Diovan® ni xam homiladorlik vaqtida buyurish mumkin emas. Angiotenzin II antagonistlarining ta’sir mexanizmini hisobga olib, homila uchun xavfni inkor qilish mumkin emas. Angiotenzin-aylantiruvchi ferment (AAF) ingibitorlarining bachadonga ta’siri, ularni homiladorlikning II va III uch oyliklarida buyurilganida, rivojlanayotgan homilaning shikastlanishi va o‘limiga olib kelishi to‘g‘risida xabar berilgan. Bundan tashqari, retrospektiv ma’lumotlarda, AAF ingibitorlarini homiladorlikning birinchi uchoyligida ishlatilishi tug‘ma nuqsonlarning potentsial xavfi bilan bog‘liq bo‘lgan. Homilador ayollar behosdan valsartan qabul qilganlarida, spontan abort, yangi tug‘ilgan chaqaloqlarda kamsuvlik va buyrak disfunktsiyasi hollari to‘g‘risida xabarlar mavjud. Agar preparat bilan davolanish davrida homiladorlik aniqlansa, Diovan® preparatni qabul qilishni darhol to‘xtatish kerak. Emizish davri Valsartanni odamning ko‘krak sutiga o‘tishi noma’lum. Ayollarda emizish davrida Diovan® ni qo‘llash tavsiya qilinmaydi. Fertillik Diovan® ni odamlarda fertillikka ta’sir qilishi to‘g‘risida ma’lumotlar yo‘q.

30oS dan yuqori bo‘lmagan haroratda saqlansin. Namlik ta’siridan himoya qilinsin.

Diovan® ning dozasini oshirib yuborilishi oqibatida yaqqol gipotenziya rivojlanishi mumkin, bu ongni susayishiga, kollapsga va/yoki shokka olib kelishi mumkin. Agar preparat yaqinda qabul qilingan bo‘lsa, qusishni chaqirish kerak. Arterial gipotenziyada odatdagi davolash usuli, vena ichiga tuzli eritmani yuborish hisoblanadi. Valsartanni gemodializ yordamida organizmdan chiqarish mumkinligining ehtimoli kam.

Retsept bo‘yicha

40 mg, 80 mg va 160 mg dan №14, №28 dan qobiq bilan qoplangan tabletkalar.

3 yil.