oq yoki deyarli oq rangli yassi tsilindrik shaklli, faskali tabletkalar. «Marmarlik»ni bo‘lishiga yo‘l qo‘yiladi.

peroral qo‘llash uchun II avlod sulfonilmochevina guruhi gipoglikemik vositasi.

A10VV09

Ichga qabul qilingandan keyin gliklazid me’da-ichak yo‘llaridan to‘liq so‘riladi. Ovqat qabul qilishi so‘rilishiga ta’sir qilmaydi. Ta’sir etuvchi moddaning kontsentratsiyasi qon plazmasida asta-sekin oshib boradi, maksimumiga yetadi va preparatni qabul qilingandan keyin 6-12 soatdan so‘ng platoga chiqadi. Individual o‘zgaruvchanligi nisbatan past. Qabul qilingan doza va preparatning qon plazmasidagi kontsentratsiyasi orasidagi o‘zaro bog‘liqlik vaqtga qarab bir tekis xarakterga ega. Plazma oqsillari bilan bog‘lanishi taxminan 95% ni tashkil qiladi. Jigarda metabolizmga uchraydi va asosan buyraklar orqali chiqariladi. Buyraklar orqali asosan metabolitlar ko‘rinishida chiqariladi, preparatning 1% dan kamrog‘i o‘zgarmagan holda chiqariladi. Plazmada faol metabolitlari yo‘q. Yarim chiqarilish davri taxminan 16 soat (12 soatdan 20 soatgacha) ni tashkil qiladi. Keksa yoshdagi shaxslarda farmakokinetik parametrlarning klinik ahamiyatli o‘zgarishlari kuzatilmaydi.

Parhez va jismoniy yuklamalarning samardorligi yetarli bo‘lmaganida diyetoterapiya bilan birga qandli diabetning II turini davolashda qo‘llanadi.

PRЕPARAT FAQAT KATTALARNI DAVOLASH UCHUN MO‘LJALLANGAN! 30 mg li ajralib chiqishi modifikatsiyalangan Diabetalong tabletkalari nonushta vaqtida kuniga 1 marta ichga qabul qilinadi. Ilgari davolanmagan patsiyentlar uchun (shu jumladan 65 yoshdan oshgan shaxslar uchun) boshlang‘ich doza 30 mg ni tashkil qiladi. So‘ngra dozani zarur terapevtik samaraga erishilgunicha shaxsiy ravishda tanlanadi. Dozani tanlashni davolash boshlanganidan so‘ng qondagi glyukoza darajasining ko‘rsatkichlariga muvofiq ravishda o‘tkazish lozim. Dozani har galgi keyingi o‘zgartirilishi kamida ikki haftalik davrdan keyin o‘tkazilishi mumkin. Preparatning kundalik dozasi 30 mg (1 tabletka) dan 90-120 mg (3-4 tabletka) gacha o‘zgarib turishi mumkin. Sutkalik doza 120 mg (4 tabletka) dan oshmasligi kerak. Diabetalong ajralib chiqishi odatdagidek bo‘lgan gliklazid tabletkalariga (80 mg) sutkada 1 tabletkadan 4 tabletkagacha dozalardagi preparatning o‘rniga qo‘llash mumkin. Preparatning bir yoki undan ortiq dozalarini o‘tkazib yuborilganda keyingi qabul qilishda (keyingi kuni) yuqoriroq dozasini qabul qilish mumkin emas. Boshqa gipoglikemik preparatni Diabetalong 30 mg tabletkalari bilan almashtirilganda qandaydir o‘tish vaqti talab etilmaydi. Avval boshqa preparatning sutkalik dozasini qabul qilishni tugatish va faqat keyingi kuni ushbu preparatni qabul qilishni boshlash kerak. Agar bemor shu paytgacha yarim chiqarilish davri uzoqroq bo‘lgan sulfonilmochevina preparatlari bilan davolangan bo‘lsa, unda avvalgi davolashning nojo‘ya samarasi oqibatidagi gipoglikemiyaga yo‘l qo‘ymaslik uchun, patsiyentni 1-2 hafta davomida sinchkovlik bilan kuzatish (qonda glyukoza darajasini nazorat qilish) lozim. Diabetalong tabletkalarini biguanidlar, alfa-glyukozidaza ingibitorlari yoki insulin bilan birga qo‘llash mumkin. Yengil va o‘rtacha og‘irlik darajasidagi buyrak yetishmovchiligi bo‘lgan patsiyentlarga preparat buyrak faoliyati normal bo‘lgan patsiyentlarga buyurilgandek dozalarda buyuriladi. Og‘ir darajadagi buyrak yetishmovchiligida Diabetalong tabletkalarini qo‘llash mumkin emas. Gipoglikemini rivojlanish xavfi bo‘lgan patsiyentlar Gipoglikemini rivojlanish xavfi bo‘lgan guruhga mansub patsiyentlarda (yetarli bo‘lmagan yoki muvozanatlanmagan ovqatlanish, og‘ir yoki yaxshi kompensatsiyalanmagan endokrin buzilishlar – gipofiz va buyrak usti bezi yetishmovchiligi, gipotireoz; glyukokortikosteroidlar (GKS) ni uzoq muddat va/yoki yuqori dozalarda qabul qilingandan keyin ularni bekor qilish yurak-qon tomir tizimining og‘ir kasalliklari (yurak ishemik kasalligi, uyqu arteriyalarining og‘ir aterosklerozi, tarqalgan ateroskleroz) Diabetalong preparatining minimal dozasini (30 mg) qo‘llash tavsiya qilinadi.

Gipoglikemiya (dozalash tartibini buzilishida va noadekvat parhezda): bosh og‘rig‘i, kuchli toliqish, ochlik hissi, kuchli terlash, keskin holsizlik, yurakni tez urib ketishi, aritmiya, arterial bosimni oshishi, uyquchanlik, uyqusizlik, ajitatsiya, tajavuzkorlik, xavotirlik, ta’sirchanlik, diqqatni jamlashni buzilishi, diqqat-e’tiborni jamlay olmaslik va reaktsiyani sekinlashishi, depressiya, ko‘rishni buzilishi, afaziya, tremor, parezlar, sensor buzilishlar, bosh aylanishi, yordamsizlik hissi, o‘zini nazorat qilaolishni yo‘qolishi, deliriy, tirishishlar, yuzaki nafas, bradikardiya, xushdan ketish, koma. Ovqat-hazm qilish tizimi tomonidan: ko‘ngil aynishi, qusish, diareya, abdominal og‘riq, qabziyat (bu simptomlarning yaqqoligi ovqat qabul qilish vaqtida pasayadi); kam hollarda – faoliyatini buzilishi (gepatit, xolestatik sariqlik – preparatni bekor qilish talab etiladi, “jigar” transaminazalari, ishqoriy fosfataza faolligini oshishi). Qon yaratish a’zolari tomonidan: suyak ko‘migida qon yaratilishini susayishi (anemiya, trombotsitopeniya, leykopeniya, granulotsitopeniya). Allergik reaktsiyalar: terini qichishishi, eshakemi, teri toshmasi, shu jumladan makulopapulez va bullez toshma, eritema. Boshqalar: ko‘rishni buzilishi. Sulfonilmochevina hosilalarining umumiy nojo‘ya samaralari: eritropeniya, agranulotsitoz, gemolitik anemiya, pantsitopeniya, allergik vaskulit; hayotga xavf tug‘diruvchi jigar yetishmovchiligi.

gliklazidga yoki preparatning yordamchi moddalaridan birontasiga sulfonilmochevinaning boshqa hosilalariga, sulfanilamidlarga yuqori sezuvchanlik;qandli diabetning I turi;diabetik ketoatsidoz, diabetik prekoma, diabetik koma;og‘ir jigar va/yoki buyrak yetishmovchiligi;homiladorlik va emizish davri;18 yoshgacha bo‘lgan bolalar;mikonazolni qabul qilish;laktozani tug‘ma o‘zlashtiraolmaslik, laktoza tanqisligi yoki glyukoza-galaktozani kam so‘rilish sindromi. Preparatni fenilbutazon yoki danazol bilan birga bir vaqtda qabul qilish tavsiya qilinmaydi. Ehtiyotkorlik bilan – keksalik yoshi, nomuntazam va/yoki balanslanmagan ovqatlanish, yurak-qon tomir tizimining og‘ir kasalliklari (shu jumladan YUIK, ateroskleroz), gipotireoz, buyrak usti bezi yoki gipofizar yetishmovchilik, gipopituitarizm, jigar va/yoki buyrak yetishmovchiligi, glyukokortikosteroidlar (GKS) bilan uzoq muddat davomida davolash, alkogolizm, glyukozo-6-fosfatdegidrogenaza yetishmovchiligida.

Gliklazid antikoagulyantlar (varfarin) ning ta’sirini kuchaytiradi, antikoagulyantning dozasini to‘g‘rilash talab etilishi mumkin. Mikonazol (tizimli yuborilganda va gelni og‘iz bo‘shlig‘i shilliq qavatida ishlatilganda) preparatning gipoglikemik ta’sirini kuchaytiradi (gipoglikemiya komagacha rivojlanishi mumkin). Fenilbutazon (tizimli yuborilganda) preparatning gipoglikemik ta’sirini kuchaytiradi (plazma oqsillari bilan bog‘lanish joyidan siqib chiqaradi va/yoki organizmdan chiqarilishini sekinlashtiradi), ham fenilbutazonni qabul vaqtida, ham uni bekor qilingandan keyin qonda glyukoza darajasini nazorat qilish va gliklazidning dozasini to‘g‘rilash lozim. Etanol va etanol saqlovchi dori vositalari gipoglikemiyani kuchaytiradi, kompensator reaktsiyalarni ingibirlab, gipoglikemik komani rivojlanishiga olib kelishi mumkin. Boshqa gipoglikemik dori vositalar (insulin, akarboza, biguanidlar), beta-adrenoblokatorlar, flukonazol, angiotenzinga aylantiruvchi ferment ingibitorlari (kaptopril, enalapril), N2-gistamin retseptorlari blokatorlari (tsimetidin), monoaminooksidaza ingibitorlari, sulfanilamidlar va nesteroid yallig‘lanishga qarshi preparatlar (NYAQP) bilan bir vaqtda qo‘llanganda – gipoglikemik samarani kuchayishi va gipoglikemiya xavfi bo‘lishi mumkin. Danazol – diabetogen samara. Danazolni qabul vaqtida ham, uni bekor qilingandan keyin ham qonda glyukoza darajasini nazorat qilish va gliklazidning dozasini to‘g‘rilash lozim. Xlorpromazin yuqori (sutkada 100 mg dan ortiq) dozalarda insulin sekretsiyasini pasaytirib, qonda glyukoza miqdorini oshiradi. Xlorpromazinni qabul vaqtida ham, u bekor qilinganidan keyin ham, qonda glyukoza darajasini nazorat qilish va gliklazidning dozasini to‘g‘rilash lozim. GKS (tizimli, bo‘g‘im ichiga, sirtga, rektal qo‘llanganida) qonda glyukoza darajasini oshiradi, ketoatsidoz rivojlanishi mumkin (uglevodlarga tolerantlikni pasayishi yuz beradi). GKS ni qabul vaqtida ham, u bekor qilinganidan keyin ham, qonda glyukoza darajasini nazorat qilish va gliklazidning dozasini to‘g‘rilash lozim. Ritodrin, salbutamol, terbutalin (vena ichga yuborilganda) – qonda glyukoza miqdorini oshiradi. Qonda glyukoza miqdorini nazorat qilish va zarurat tug‘ilganda – patsiyentni insulin bilan davolashga o‘tkazish tavsiya qilinadi.

Diabetalong bilan davolashni past kaloriyali, uglevodlarni kam miqdorda saqlovchi parhez bilan birga o‘tkaziladi. Qonda glyukozaning miqdorini nahorga va ovqatdan keyin, ayniqsa preparat bilan davolashning birinchi kunlari muntazam nazorat qilish kerak. Diabetalong tabletkalari faqat, albatta nonushtani o‘z ichiga oluvchi va uglevodlarni yetarli miqdorda organizmga tushishini ta’minlovchi taomlarni muntazam qabul qiluvchi patsiyentlarga buyurilishi mumkin. Preparatni buyurganda, sulfonilmochevina hosilalarini qabul qilish oqibatida gipoglikemiya rivojlanishi, ayni paytda ba’zi hollarda – gospitalizatsiyani va glyukozani bir necha kun davomida yuborishni talab etuvchi og‘ir va davomli ko‘rinishda rivojlanishi mumkin. Gipoglikemiya ko‘pincha past koloriyali parhezda, davomli yoki jadal jismoniy mashqlardan keyin, alkogolni iste’mol qilgandan keyin yoki bir nechta gipoglikemik preparatlarni bir vaqtda qabul qilish vaqtida rivojlanadi. Gipoglikemiyani rivojlanishiga yo‘l qo‘ymaslik maqsadida dozalarni sinchkov va individual tanlash, shuningdek taklif qilinayotgan davolash to‘g‘risida patsiyentga to‘liq ma’lumotni taqdim etish lozim. Jismoniy va emotsional zo‘riqishda, ovqatlanish tartibi o‘zgarganda Diabetalong tabletkalarining dozasini to‘g‘rilash lozim. Gipoglikemik preparatlarning ta’siriga ayniqsa: keksa yoshdagi shaxslar; muvozanatlanmagan ovqat qabul qilgan, umumiy holsizlangan patsiyentlar; gipofizar-buyrak usti bezi yetishmovchiligi bilan xastalangan bemorlar sezuvchandirlar. Beta-adrenoblokatorlar, klonidin, rezerpin, guanetidin gipoglikemiyaning klinik ko‘rinishlarini niqoblashi mumkin. Etanolni, nosteroid yallig‘lanishga qarshi preparatlarini qabul qilgan hollarda, ochlikda gipoglikemiyani yuz berish xavfini yuqori bo‘lishi to‘g‘risida patsiyentlarni ogohlantirish kerak. Etanol (alkogol) qabul qilingan hollarda disulfiramsimon sindrom (qorin og‘rig‘i, ko‘ngil aynishi, bosh og‘rig‘i) ham rivojlanishi mumkin. Katta jarrohlik aralashuvlari, va jarohatlar, katta kuyishlar, isitma sindromi bilan kechuvchi infektsion kasalliklar peroral gipoglikemik dori vositalarni bekor qilishni va insulin bilan davolashni buyurishni talab etishi mumkin. Doriga ikkilamchi rezistentlik rivojlanishi mumkin (buni birlamchidan farqlash kerak, unda dori vositasi birinchi marta buyurilgandayoq kutilgan samarani bermaydi). Diabetalong tabletkalari bilan davolash fonida bemor alkogolni va/yoki etanol saqlovchi preparatlar va oziq-ovqat mahsulotlarini iste’mol qilishdan voz kechishlari lozim. Diabetalong tabletkalari bilan davolanish vaqtida patsiyentda qonda glyukoza va glikozillangan gemoglobin darajasini, siydikda glyukoza miqdorini muntazam aniqlab turish lozim. Davolanish davrida avtotransportni haydash va diqqatni yuqori jamlanishi va psixomotor reaktsiyalarning tezligini talab etuvchi boshqa potentsial xavfli faoliyat turlari bilan shug‘ullanishda ehtiyotkorlikka amal qilish lozim. Homiladorlik va emizish davrida qo‘llanishi Gliklazidni homiladorlik vaqtida qo‘llash tajribasi yo‘q. Sulfonilmochevinaning boshqa hosilalarini homiladorlik vaqtida qo‘llash to‘g‘risida ma’lumotlar cheklangan. Laborator hayvonlarda o‘tkazilgan tadqiqotlarda gliklazidning teratogen samaralari aniqlanmagan. Tug‘ma nuqsonlarni rivojlanish xavfini kamaytirish uchun qandli diabetni optimal nazorat qilish (tegishli davolashni o‘tkazish) lozim. Peroral gipoglikemik preparatlar homiladorlik davrida qo‘llanmaydi. Homiladorlik davrida qandli diabetni davolash uchun tanlov preparati insulindir. Homiladorlik rejalashtirilayotgan hollarda xam, preparatni qabul qilish fonida homiladorlik yuz bergan hollarda xam, insulinoterapiyani peroral gipoglikemik preparatlarni qabul qilishga almashtirish lozim. Emizish davri Gliklazidni ko‘krak sutiga tushishi to‘g‘risidagi ma’lumotlarning yo‘qligini va neonatal gipoglikemiyani rivojlanish xavfini e’tiborga olib, preparat bilan davolash vaqtida emizishni to‘xtatish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25oS dan yuqori bo‘lmagan haroratda.

Simptomlari: gipoglikemiya, ongni buzilishi, gipoglikemik koma. Davolash: agar patsiyent hushida bo‘lsa, shakar qabul qilishi kerak. Koma, tirishishlar yoki boshqa nevrologik buzilishlar bilan og‘ir gipoglikemik holatlar rivojlanishi mumkin. Bunday simptomlar paydo bo‘lganida tez tibbiy yordam ko‘rsatish va patsiyentni darhol gospitalizatsiya qilish lozim. Agar gipoglikemik koma shubha qilinsa yoki aniqlansa, bemorga tezda vena ichiga 40% li dekstroza (glyukoza) eritmasining 50 ml yuboriladi. So‘ngra vena ichiga 5% li dekstroza (glyukoza) eritmasini qonda glyukozaning tegishli darajasini tutib turish uchun tomchilab yuboriladi. Bemor hushiga kelganidan keyin bemorga yengil hazm bo‘ladigan, uglevodlarga boy (gipoglikemiyani qayta rivojlanishidan saqlanish uchun) ovqat berish kerak. Qonda glyukoza darajasini sinchkov nazoratini va patsiyentni kuzatishni xech bo‘lmaganda keyingi 48 soat davomida o‘tkazish lozim. Ushbu davr o‘tganidan keyin bemorning ahvoliga qarab, davolovchi shifokor keyingi kuzatuvning zarurati to‘g‘risidagi masalani xal etadi. Gliklazidni plazma oqsillari bilan kuchli bog‘lanishini tufayli dializ samarasizdir.

Retsept bo‘yicha

Ajralib chiqishi modifikatsiyalangan 30 mg li tabletkalar. 10 tabletkadan kontur uyali o‘ramlarda. 10, 20 tabletkadan polimer bankalarda. Har bir bankani, 1, 2, 3, 6 kontur uyali o‘ramlar qo‘llash yo‘riqnomasi bilan birga karton qutiga joylangan.

3 yil.