rangsiz yoki biroz sarg‘ish rangli tiniq suyuqlik.

tuzli eritmalar.

Preparatni turli genezli, qusish, ich ketishi oqibatidagi degidratatsiyada, operatsiyadan keyingi davrda, kollapsda, shokda (turli qon o‘rnini bosuvchilari va shokka qarshi suyuqliklarning komopnenti sifatida), yo‘qotilgan suyuqlikning o‘rnini to‘ldirish uchun, operatsiya vaqtida va undan keyin qon plazmasi hajmini tutib turish uchun, organizmda uglevodlarni tanqisligining o‘rnini qoplash uchun, gemorragik diatezlarda, dezintoksikatsiya maqsadida infuzion davolash uchun, shuningdek boshqa preparatlarning eritmalarini tayyorlash uchun qo‘llanadi.

Vena ichiga (v/i) tomchilab yuboriladi. Yuborishdan oldin eritmani 36-38°S gacha isitish kerak. Preparatni yirik periferik venalarni ta’sirlanishini iloji boricha kamaytirish uchun kichik diametrli ignalar yordamida sekin yuborish tavsiya qilinadi. Eritmani qon tomirdan tashqari to‘qimaga tushishi oqibatida infiltratlarni hosil bo‘lishiga yo‘l qo‘yilmasin. Dozalash shifokorning ko‘rsatmasiga binoan amalga oshiriladi va patsiyentning yoshi, tana vazni, klinik holati va laborator tekshirishlarining ko‘rsatkichlariga bog‘liq bo‘ladi. Odatda sutkada 300-1500 ml dan, minutiga maksimal 80 tomchigacha, bolalarga soatiga 5 ml/kg tezlikda buyuriladi. Kattalar uchun maksimal sutkalik doza 2000 ml ni tashkil qiladi. Preparatni gematokrit va qondagi elektrolitlarning kontsentratsiyasini nazorati ostida o‘tkaziladi. Yuborilgan va yo‘qotilgan suyuqlik muvozanatini har 6 soatda aniqlanadi.

Preparat qo‘llanganda turli reaktsiyalar: febril reaktsiya (bosh og‘rig‘i, tana haroratini oshishi), inyektsiya qilingan joyda infektsiyalar, inyektsiya qilingan joydan boshlanadigan venalar trombozi yoki flebiti, ekstravazatsiya va gipervolemiya, ko‘ngil aynishi, qusish, qorinda og‘riq, diareya, terlash, isitma, taxikardiya, arterial gipertoniya, buyrak faoliyatini buzilishi, shishlar, hansirash, bezovtalik, holsizlik, mushaklarni tortishishi va gipertonusi paydo bo‘lishi mumkin. Eritmani katta miqdorda yuborish xloridli atsidozga, gipergidratatsiyaga, organizmdan kaliyni chiqarilishini oshishiga olib kelishi mumkin. Reaktsiyalar paydo bo‘lganida yuborishni to‘xtatish, patsiyent holatini baholash, muvofiq terapevtik qarshi choralarni o‘tkazish, shuningdek zarurati bo‘lganida qolgan suyuqlikni ekspertiza uchun saqlash zarur.

Gipernatriyemiya, gipergidratatsiya holati, giperglikemiya, qandli diabet, o‘pka, bosh miyani shishi xavfi bilan kechuvchi qon aylanishini buzilishlari, surunkali buyrak va yurak yetishmovchiligi, kortikosteroidlarning yuqori dozalari bilan davolash, preparatning komponentlariga yuqori sezuvchanlikda qo‘llash mumkin emas.

Preparatni glyukokortikosteroidlar bilan birga qo‘llanganda gipernatriyemiya kuchayadi. Shuning uchun uni kortikosteroidlar, kortikotropin bilan qo‘llanganda patsiyentlarga ehtiyotkorlik bilan buyurish lozim.

Denasol eritmasida natriy ionlari saqlanganligi sababli, uni zarurat tug‘ilganda dimlangan yurak yetishmovchiligi bo‘lgan bemorlarda, ayniqsa operatsiyadan keyingi patsiyentlarda va keksa odamlarda, og‘ir buyrak yetishmovchiligida, siydik chiqarish yo‘llarini obstruktsiyasida, gipervolemiyada, shuningdek natriyni tutilishi tufayli shishlar bilan kechadigan klinik holatlarda juda ehtiyotkorlik bilan qo‘llash lozim. Uzoq muddat parenteral davolashda glyukoza miqdorini o‘zgarishlarini, shuningdek qonda suyuqlik va elektrolitlarning muvozanatini laborator va klinik tekshirishlarni muntazam o‘tkazish yo‘li bilan kuzatish zarur. Bolalarga, ayniqsa chaqaloqlarga va chala tug‘ilgan chaqaloqlarga (buyrak faoliyati hali yetilmagan yoki suyuqlikni chiqarilish qobiliyati cheklangan bo‘lsa) v/i eritmani dozalash va preparatning infuziyasini tezligi giperkalemiya/gipoglikemiyani rivojlanishining yuqori xavfi, zardobni giperosmolyarligi va qon quyilishi ehtimoli tufayli ehtiyotkor-lik bilan tanlanishi kerak. Glyukozaning zardobdagi kontsentratsiyasini, suyuqlikni istyemol qilinishi, diurez va zardobdagi elektrolitlarning kontsentratsiyasi doimiy monitoringi talab qilinadi. Chaqaloqlarda va juda kichik bolalarda xatto suyuqlikning oz miqdori suv-tuz muvozanatiga ta’sir qilishi mumkin. Preparat glyukoza saqlaydi, shuning uchun uni yaqqol yoki subklinik qandli diabeti yoki uglevodlarga har qanday genezli tolerantlantligi bo‘lgan bemorlarga ehtiyotkorlik bilan qo‘llash lozim. Denasolni boshqa preparatlarning eritmalari bilan aralashtirganda yuz berishi mumkin bo‘lgan nomutanosiblikning xavfini iloji boricha minimumga yetkazish uchun, ushbu aralashmalar aralashtirilgandan keyinroq, yuborishdan oldin, shuningdek yuborish vaqtida loyqa yoki cho‘kma borligini aniqlash uchun vizual tekshirilishi lozim. Suyuqlik muvozanatini, elektrolitlarning kontsentratsiyasini o‘zgarishini va uzoq parenteral davolash vaqtida kislota ishqor muvozanatini kuzatish maqsadida, shuningdek zarur bo‘lganda bemorning holatiga ko‘ra vaqti-vaqti bilan klinik baholashni amalga oshirish va laborator tahlillarini o‘tkazish kerak. Preparatni homiladorlik va laktatsiyada qo‘llanishi bo‘yicha tadqiqotlar o‘tkazilmagan. Preparatni homilador ayollarga faqat juda zarur hollarda buyurish mumkin. Suyuqlik muvozanatini kuzatish, glyukoza va elektrolitlarning kontsentratsiyasini, shuningdek onada kislota ishqor muvozanatini vaqti-vaqti bilan kuzatib turish zarur. Yuborilgan suyuqlikning miqdori, chiqarilayotgan siydik va zardobdagi elektrolitlarning darajasini kuzatish lozim. Preparat bolalar ololmaydigan joyda saqlansin va uni yaroqlik muddati o‘tganidan keyin ishlatilmasin.

Yorug‘likdan himoyalangan joyda, 25°S dan yuqori bo‘lmagan haroratda saqlansin.

Retsept bo‘yicha

Infuziya uchun eritma, 100 ml, 200 ml, 250 ml, 400 ml yoki 500 ml dan shisha butilkalarda.

2 yil.