Deksametazon Darnitsaretsept bilan rasmini ko'rish

Tarkibi:

1 ml eritma quyidagilarni saqlaydi: faol modda: 1 mg deksametazon natriy fosfati; yordamchi moddalar: borat kislotasi, natriy tetraborati, dinatriy edetati, benzalkoniy xloridi, inyektsiya uchun suv.

Ta'sir etuvchi modda(XPN):

deksametazon (dexamethasone)

Preparatning savdo nomi:

Deksametazon-Darnitsa

Farmakalogik guruhi:

Oftalmologiyada qo‘llaniladigan vosita. Yallig‘lanishga qarshi vositalar. Kortikosteroidlar, oddiy preparatlar.

Dori shakli:

ko‘z tomchilari, eritma

hidsiz, tiniq, rangsiz suyuqlik.

Oftalmologiyada qo‘llaniladigan vosita. Yallig‘lanishga qarshi vositalar. Kortikosteroidlar, oddiy preparatlar.

S01B A01

Flakon ochish nazorati bilan himoyalangan. Birinchi marta qo‘llaganda qalpoqchani burab, uni himoya xalqasidan ajratib olish kerak. Flakon o‘ziga xos tuzilishga ega, shuning hisobiga uning tagiga bosilganda, “bir bosim – bir tomchi” printsipi bo‘yicha eritmani dozalangan ajralishi yuz beradi. Flakon devorining qattiqligi preparatni oqib chiqishini ancha kamaytirib – ko‘z tomchilarining dozasini oshirib yuborilishining eng ko‘p sababini oldini oladi. Ko‘zni og‘ir yoki o‘tkir yallig‘lanishi: Boshlang‘ich davolash usuli sifatida shikastlangan ko‘z (-lar) ning kon’yunktiva bo‘shlig‘iga (-lariga) preparat 1-2 tomchidan har 30-60 minutda tomiziladi. Ijobiy samara kuzatilganda shikastlangan ko‘z(-lar) ning kon’yunktiva bo‘shlig‘i (-lariga) dozani 1-2 tomchigacha kamaytirib har 2-4 soatda qo‘llanadi. Keyinchalik agar shu doza yallig‘lanishni nazorat qilish uchun yetarli bo‘lsa, dozani 1 tomchidan kuniga 3-4 marta kamaytirish mumkin, Agar kutilayotgan natijaga 3-4 kun davomida erishilmasa qo‘shimcha ravishda tizimli yoki subkon’yunktival davolashni buyurish mumkin. Ko‘zni surunkali yallig‘lanishi: Shikastlangan ko‘z (ko‘zlar) kon’yuktival bo‘shliq (lar) ga preparat 1-2 tomchidan har 3-6 soatda yoki zarurati bo‘lsa, undan ham tez-tez tomizish kerak. Biroz yallig‘lanishi, allergiya: Kutilayotgan samaraga erishilgunicha shikastlangan ko‘z (lar) ning kon’yunktiva bo‘shliq (lar) ga preparatning 1-2 tomchisini har 3-4 soatda tomiziladi. Ko‘z ichki muntazam ravishda bosimini nazorat qilib turish tavsiya etiladi. Instillyatsiyadan keyin qovoqni ehtiyotlik bilan berkitish yoki burun ko‘z yoshi yo‘lini okklyuziya qilish tavsiya etiladi. Bu ko‘zga yuborilgan dorilarning tizimli so‘rilishini kamaytiradi va tizimli nojo‘ya samaralarni yuz berish ehtimolini kamaytiradi. Ko‘zga mahalliy qo‘llashga mo‘ljallangan bir nechta dori vositalarini bir vaqtda qo‘llanilganda, ularni qo‘llash orasidagi interval kamida 15 minutni tashkil etishi kerak. Ko‘z surtmalarini oxirgi navbatda qo‘llash kerak. Keksa yoshdagi patsiyentlarda Dozaga tuzatish kiritishga zarurat yo‘q. Jigar va buyrak faoliyatini buzilishi bo‘lgan patsiyentlar Deksametazon mahalliy qo‘llanilgandan keyin tizimli so‘rilish past bo‘lgani uchun dozaga tuzatish kiritishga zarurat yo‘q.

Ko‘rish a’zolari tomonidan: keratit, kon’yunktivit, Sikka keratokon’yunktiviti, ko‘z qovoqlari ptozi, shox pardani bo‘yalishi, fotofobiya, ko‘rishni xiralashishi, midriaz, ko‘zda og‘riq, ko‘zlarni ta’sirlanishi, ko‘zlarda yot jism hissi, ko‘zlarda odatiy bo‘lmagan hislar, qovoqlar chekkalarida po‘stloqlarni paydo bo‘lishi; Tomizilgandan keyin tez orada: ko‘zlarda qisqa muddatli achishish, sanchish, diskomfort, ko‘zda qichishish va giperemiya, ko‘z yoshining ko‘p ajralishi yuz berishi mumkin; Uzoq muddat qo‘llanilganda – keyinchalik ko‘rish nervini shikastlanishi bilan ko‘z ichki bosimini oshishi, ko‘rish o‘tkirligini pasayishi, ko‘rish maydonini buzilishi, orqa subkapsulyar kotaraktani shakllanishi, glaukoma, shox parda eroziyalari, shox parda yoki sklerani yupqalashishiga olib keluvchi kasalliklarda – ularni perforatsiya xavfini oshish kuzatiladi (Maxsus ko‘rsatmalar bo‘limiga qaralsin). Nerv tizimi tomonidan: disgevziya (ta’m bilish qobiliyatining buzilishi), bosh og‘rig‘i, bosh aylanishi. Immun tizimi, teri, teri osti qavati tomonidan: yuqori sezuvchanlik; benzalkoniy xloridiga yuqori sezuvchanlik bo‘lgan patsiyentlarda allergik blefarit yoki kon’yunktivit rivojlanishi mumkin. Glyukokortikosteroidlar infektsiyalarga nisbatan rezistentlikni pasaytirish mumkin.

Ta’sir etuvchi moddaga yoki preparatning boshqa komponentlariga nisbatan yuqori sezuvchanlik. Ko‘zning o‘tkir, davolanmagan bakterial infektsiyalari Ko‘zning zamburug‘li infektsiyalari Ko‘zning mikobakterial infektsiyalari Ko‘zning shox pardasi va kon’yunktivaning virusli infektsiyalari (herpes simplex, sigir chechagi va suvchechak chaqirgan o‘tkir yuza keratit; herpes zoster tomonidan chaqirilgan kreatitdan tashqari) da qo‘llash mumkin emas.

Ko‘zga mahalliy qo‘llashga mo‘ljallangan bir nechta dori vositalarini bir vaqtda qo‘llanganda, ularni qo‘llash orasidagi interval kamida 15 minutni tashkil etishi kerak. Ko‘z surtmalarini oxirgi navbatda qo‘llash kerak. Preparatni atropin, boshqa antixolinergik vositlar va midriatiklar bilan bir vaqtda qo‘llanganda ko‘z ichki bosimi oshishi mumkin. Boshqa dori vositalari bilan o‘zaro ta’siri to‘g‘risida ma’lumotlar yo‘q.

Preparat faqat oftalmologiyada qo‘llash uchun mo‘ljallangan. Preparat tomizilganidan aniqlanadigan nojo‘ya ta’sirlar 5-15 sekunddan keyin yo‘qolib ketadi va bekor qilish uchun ko‘rsatma bo‘lib hisoblanmaydi. Preparatni tomizilgandan keyin yuz berishi mumkin bo‘lgan tizimli so‘rilishini oldini olish uchun ko‘z yoshi kanallarini barmoqlar bilan 2-3 minut davomida bosib turish kerak. Preparatni qo‘llayotganda preparatni ifloslanishini oldini olish uchun tomchilagich uchiga tegmaslik kerak. Kortikosteroidlarni uzoq vaqt davomida mahalliy qo‘llanganda keyinchalik ko‘rish nervi shikastlanishi, ko‘rish o‘tkirligini kamayishi va ko‘rish maydonining buzilishiga, shuningdek orqa subkapsulyar kataraktani hosil bo‘lishi bilan olib kelishi mumkin bo‘lgan ko‘z gipertenziyasi va/yoki glaukoma rivojlanishi mumkin. Preparatni uzoq vaqt qo‘llaganda muntazam ravishda ko‘z ichki bosimini nazorat qilib turish kerak. Ko‘zga mahalliy qo‘llanilayotgan kortikosteroidlar ko‘zning shox pardasi yaralari bitishini sekinlashtirishi mumkin, shox parda yoki sklerani yupqalashishi bilan kechadigan kasalliklari bo‘lganida esa, ularning perforatsiyasiga olib kelishi mumkin. Preparatni qo‘llaganda shox pardaning holatini tekshirib turish kerak (fluorestsin sinamasini o‘tkazish krak). Kortikosteroidlar bakterial, virusli yoki zamburug‘li infektsiyalarga nisbatan rezistentlikni kamaytirishi, bunday infektsiyalarni aniqlashga halaqit berishi va ularning klinik belgilarini niqoblab, antibiotiklarning samarasizligini aniqlashga qarshilik qilishi mumkin. Ko‘zning shox pardasini yarasi turg‘un paydo bo‘lganida patsiyentlarda kortikosteroidlar bilan davolash o‘tkazilganligi yoki o‘tkazilayotganligi natijasida zamburug‘li infektsiya rivojlanishi mumkinligini hisobga olish kerak. Zamburug‘li infektsiya rivojlangan hollarda preparat bilan davolashni to‘xtatish kerak. Herpes simplex tomonidan chaqirilgan stromal kreatit yoki uveitni davolaganda preparatni ehtiyotkorlik bilan qo‘llash va faqat antivirus davolash bilan birga qo‘llash kerak. Tirqishli lampani qo‘llagan holda vaqti-vaqti bilan biomikroskopiyani amalga oshirish lozim. Ko‘z yallig‘lanishini davolayotgan paytda kontakt linzalarni taqish tavsiya etilmaydi. Zarurat tug‘ilganida, preparatni qo‘llashdan oldin yumshoq kontakt linzalarni yechish va preparat tomizilgandan so‘ng kamida 15 minutdan keyin yana taqish kerak. Preparat benzalkoniy xloridni saqlaydi, u ko‘zni ta’sirlanishini chaqirishi mumkin va bundan tashqari yumshoq kontakt linzalarni rangsizlantiradi. Preaparatni yumshoq kontakt linzalariga tushishiga yo‘l qo‘ymaslik kerak.

Preparatni homiladorlik davrida qo‘llash tavsiya etilmaydi. Preparatni ko‘krak sutiga kirishi ma’lum bo‘lmaganligi sababli, uni qo‘llash zarurati tug‘ilganida emizishni to‘xtatish kerak.

Orginal o‘ramda, 15oS dan yuqori bo‘lmagan haroratda saqlansin. Muzlatilmasin.

Flakonning maxsus konfiguratsiyasi, preparatning dozasini tasodifan oshirib yuborilishining ehtimolini kamaytiradi. Dozani oshirib yuborilishi holatlari to‘g‘risida ma’lumotlar yo‘q. Mahalliy qo‘llanganda, dozani oshirib yuborilgan hollarda preparatning ortiqcha qismini ko‘zlar (ko‘z) dan iliq suv bilan yuvib tashlash kerak.

Retsept bo‘yicha

Flakonda 5 ml yoki 10 ml dan; pachkada 1 tadan flakon.

2 yil.