Budekton 200 mkg: tarkibida oq yoki deyarli oq rangli kukun saqlagan, korpusi rangsiz, tiniq va qopqoqchasi och pushti rangli, №3 o‘lchamli qattiq jelatin kapsulalar. Budekton 400 mkg: tarkibida oq yoki deyarli oq rangli kukun saqlagan, korpusi rangsiz, tiniq va qopqoqchasi karamel rangli, №3 o‘lchamli qattiq jelatin kapsulalar.

Bronxial astmani davolash uchun ingalyatsion qo‘llanadigan boshqa preparatlar. Glyukokortikosteroidlar.

R03BA02

So‘rilishi Budesonid ingalyatsiya qilinganidan so‘ng tez va to‘liq so‘riladi, bunda qon plazmasida maksimal kontsentratsiyasiga ingalyatsiya boshlanganidan so‘ng 30 minutdan keyin erishiladi. Budesonid ingalyatsiya qilinganidan so‘ng mutloq biokiraolishligi preparatni og‘iz halqumning shilliq qavatiga qolishini inobatga olib, 73% ni tashkil etadi. Taqsimlanishi Taqsimlanish hajmi 3 l/kg ni tashkil etadi. Plazma oqsillari bilan bog‘lanishi 88% ni tashkil etadi. Ingalyatsion yo‘l bilan yuborilgan preparatning tizimli klirensi minutiga 0,5 l ni tashkil etadi. Metabolizmi Budesonid so‘rilganidan so‘ng jigarda jadal biotransformatsiyaga (90% dan ortiq) uchrab, past glyukokortikosteroid faollikka ega bo‘lgan metabolitlarni hosil qiladi. 6b-gidroksibudesonid va 16α-gidroksiprednizolon faol metabolitlarining glyukokortikosteroid faolligi budesonidning glyukokortikosteroid faolligini 1% dan kamroq qismini tashkil etadi. Budesonid yuqori tizimli klirens (taxminan minutiga 1,2 l) va qisqa yarim chiqarilish davriga (2,8 soat) ega. Budesonid asosan CYP3A4 fermenti ishtirokida metabolizmga uchraydi. Chiqarilishi Ichak orqali metabolitlar ko‘rinishida – 10%, buyraklar orqali – 70% chiqariladi. Budesonidning farmakokinetikasi yuborilgan preparatning dozasiga proportsionaldir. Ayrim klinik holatlardagi farmakokinetikasi Qon plazmasida budesonidning kontsentratsiyasi jigar kasalliklari bo‘lgan patsiyentlarda oshadi.

glyukokortikosteroidlar bilan samarani bir maromda saqlab turuvchi davolashni talab etuvchi bronxial astma;O‘pkani surunkali obstruktiv kasalligi (O‘SOK) ni davolash uchun qo‘llanadi.

Budekton ingalyatsion qo‘llash uchun mo‘ljallangan. Preparatni ichga qabul qilish mumkin emas. Preparat o‘ramining tarkibiga kiruvchi maxsus moslama yordamidagina qo‘llash mumkin bo‘lgan ingalyatsiya uchun kukundan tarkib topgan kapsuladan iboratdir. Kapsula parchalanishi tufayli qobig‘ining mayda bo‘laklari ingalyatsiya natijasida og‘iz bo‘shlig‘i va tomoqqa tushishi mumkin. Ushbu holatni minimal darajaga yetkazish uchun kapsulani bittadan ortiq teshish mumkin emas. Kapsulani blister o‘ramidan bevosita qo‘llashdan oldin olish kerak. Preparatning 1 dozasi (200 mkg yoki 400 mkg) 1 ingalyatsiyaga to‘g‘ri keladi. Dozasi kasallikning og‘irlik darajasi va patsiyentning reaktsiyasiga qarab, shaxsiy ravishda tanlanadi. Budektonning odatdagi tavsiya etilgan dozasi sutkada 200-1600 mkg ni tashkil etadi. Patsiyentning holati barqarorlashganidan so‘ng eng kichik samarali dozaga mos kelishi kerak bo‘lgan tutib turuvchi dozani tanlash kerak. Kattalar va 12 yoshdan boshlab bolalarga: budesonid 200 mkg dan sutkada 1-2 marta buyuriladi. Maksimal sutkalik doza – 1600 mkg budesonidni tashkil etadi. 6 yoshdan 12 yoshgacha bo‘lgan bolalarga: budesonid 200 mkg dan sutkada 1-2 marta buyuriladi. Maksimal sutkalik doza – 800 mkg budesonidni tashkil etadi, bir necha marta qo‘llashga bo‘linadi. Preparatni faqat katta odamlarning nazorati ostida qo‘llash kerak. Preparat yallig‘lanishga qarshi ta’sir ko‘rsatadi, shuning uchun uni, hatto patsiyentning ahvoli yaxshilangandan so‘ng ham, doimo va muntazam ravishda qo‘llash kerak. Odatda, Budekton uzoq muddatli davolash kursi uchun buyuriladi, shaxsiy ravishda aniqlanadi. Ba’zida bronxlar sekreti katta miqdorda ajralib chiqishi tufayli, preparatni yallig‘lanish o‘chog‘iga yetib borishida qiyinchilik tug‘ilishi mumkin. Bunday holatlarda peroral qo‘llanadigan GKS bilan qisqa muddatli davolash kursini oldindan o‘tkazish tavsiya etiladi. Ingalyatsiya peroral GKS ning dozasini asta-sekin pasaytirgandan so‘ng o‘tkaziladi. Agar patsiyent peroral qo‘llanadigan GKS qabul qilayotgan bo‘lsa, kasallikning stabil bosqichida u Budekton preparati bilan davolashga o‘zgartiriladi. GKS asta-sekin bekor qilinadi. 7-10 kun davomida GKS tanlangan dozada peroral qabul qilish va Budekton preparatini yuqori dozalarida (sutkada 1600 mkg) ingalyatsiya qilishni birga olib borish kerak. So‘ngra GKS ning dozasini har 1-2 haftada asta-sekin 2,5 mg prednizolonga pasaytiriladi. Nafas yo‘llarining o‘tkir respirator kasalliklari vaqtida klinik simptomatika zo‘rayganida antibiotiklar bilan davolashni buyurish kerak. Shuningdek Budekton preparatining dozasiga tuzatish kiritish yoki peroral GKS ni buyurish talab etilishi mumkin. O‘pkalarni surunkali obstruktiv kasalligi: budesonidning tavsiya etilgan dozasi 400 mkg ni tashkil etadi, sutkada 2 marta qo‘llanadi. Budekton bilan birinchi 3-6 oy davolash davomida davolashga nisbatan ijobiy reaktsiya kuzatilgan patsiyentlarga preparat uzoq muddat davomida qo‘llanadi.

Endokrin tizimi tomonidan: kam hollarda – buyrak usti bezlari po‘stloq qismi faoliyatini susayishi, Kushing sindromi, giperkortitsizm, bolalar va o‘smirlarni o‘sishdan orqada qolishi. Ko‘rish a’zolari tomonidan: kam hollarda – katarakta, glaukoma. Allergik reaktsiyalar: kam hollarda – o‘ta yuqori sezuvchanlik reaktsiyalari, toshma, eshakemi, angionevrotik shish, qichishish. Markaziy nerv tizimi tomonidan: kam hollarda – g‘ayrioddiy hatti-harakatlar, jumladan depressiya (bolalarda ta’riflangan). Suyak-mushak tizimi tomonidan: suyak to‘qimasining mineral zichligini pasayishi. Nafas tizimi tomonidan: tez-tez – yo‘tal; kam hollarda – paradoksal bronxospazm, og‘iz bo‘shlig‘i va xiqildoq shilliq qavati kandidozi, halqumni ta’sirlanishi, budesonid bilan davolash to‘xtatilganidan yoki preparatning dozasi pasaytirilganidan so‘ng yo‘qoladigan disfoniya.

preparatning har qanday komponentiga yuqori sezuvchanlikda;tuberkulyozni faol shaklida;6 yoshgacha bo‘lgan bolalarda qo‘llash mumkin emas.

Ingalyatsion yo‘l bilan yuborilganligi uchun qon plazmasidagi kontsentratsiyasi juda past bo‘lganligi sababli, umuman olganda boshqa dori vositalari bilan klinik ahamiyatli o‘zaro ta’sir qilish ehtimoli kam. Biroq preparatni CYP3A4 ingibitorlari (masalan, itrakonazol, ketokonazol, ritonavir, nelfinavir, amiodaron, klaritromitsin) bilan birga qo‘llash budesonidning metabolizmini pasayishiga va uning tizimli kontsentratsiyasini oshishiga olib kelishi mumkin. Budesonid CYP3A4 ingibitorlari bilan birga buyurilganida buyrak usti bezlari po‘stloq qismining faoliyatini muntazam ravishda nazorat qilish va zarurat bo‘lganida budesonidning dozasini o‘zgartirish kerak. Budesonid CYP3A4 ni induktsiya qiluvchi preparatlar (masalan, rifampitsin, fenobarbital, fenitoin) bilan birga qabul qilinganida budesonidning metabolizmi kuchayishi va uning tizimli kontsentratsiyasi pasayishi mumkin. Metandrostenolon, estrogenlar budesonidning ta’sirini kuchaytiradilar.

Preparat bronxial astmaning hurujlarini bartaraf qilish uchun emas, balki hatto uning simptomlari bo‘lmaganida ham, oldini olish uchun har kuni muntazam ravishda qo‘llash kerakligi yuzasidan bemorlarga ma’lumot berish kerak. Paradoksal bronxospazm rivojlanganida Budekton preparatini qo‘llashni zudlik bilan to‘xtatish, patsiyentning ahvolini baholash va zarurat bo‘lganida boshqa dori preparatlarini buyurish kerak. Paradoksal bronxospazmni qisqa vaqt davomida ta’sir qiluvchi b2-adrenomimetik yordamida zudlik bilan bartaraf qilinishi kerak. Patsiyentlar har doim qo‘llarida bronxial astmani keskin zo‘rayishini bartaraf qilish uchun qisqa vaqt davomida ta’sir qiluvchi b2-adrenomimetik bo‘lishi kerak. Patsiyentlarning ahvoli yomonlashganida (qisqa vaqt davomida ta’sir qiluvchi bronxodilatatorlarga bo‘lgan talab oshganida, hansirash hurujlari kuchayganida) shifokorga murojaat qilish kerakligi yuzasidan ogohlantirilgan bo‘lishlari kerak. Bunday holatlarda patsiyentni tekshirish va ingalyatsion yoki peroral GKS ning dozalarini oshirish mumkinligi haqidagi masalani ko‘rib chiqish kerak. Og‘iz bo‘shlig‘i va halqumda kandidozli infektsiyani rivojlanish havfini pasaytirish uchun patsiyent preparat har safar ingalyatsiya qilinganidan so‘ng og‘iz bo‘shlig‘ini yaxshilab chayishi kerak. Og‘iz bo‘shlig‘i va halqumni kandidozli infektsiyasi rivojlanganida Budekton preparati bilan davolashni to‘xtatmasdan zamburug‘larga qarshi mahalliy davolash o‘tkazish mumkin. Ingalyatsion GKS bilan uzoq muddat davolanayotgan bolalar va o‘smirlarning o‘sish dinamikasini muntazam ravishda nazorat qilish kerak. O‘sishdan orqada qolganida ingalyatsion GKS ning dozasini pasaytirish (minimal samarali dozada buyurish) va bolani allergologga maslahat uchun jo‘natish zaruriyatini ko‘rib chiqish kerak. Ingalyatsion GKS bilan davolanayotgan bolalarda o‘sishni kechikishini ancha vaqtdan keyin kuzatiladigan asoratlari (katta odamni oxirigacha o‘sishiga ta’siri) o‘rganilmagan. Ingalyatsion GKS yuqori dozalarda yoki uzoq vaqt davomida buyurilganida tizimli noxush ko‘rinishlar rivojlanishi mumkin (ammo peroral GKS qo‘llangandagiga nisbatan kamroq). Patsiyentlar tizimli GKS dan Budekton bilan ingalyatsion davolashga o‘tkazilganida allergik rinit, ekzema, tormozlanish, mushaklar va bo‘g‘imlarda og‘riq, ba’zida ilgari tizimli GKS ni qabul qilish orqali bostirilgan ko‘ngil aynishi va qusish kabi reaktsiyalar namoyon bo‘lishi mumkin. Ko‘rsatilgan reaktsiyalarni antigistamin preparatlar yoki mahalliy GKS bilan davolash kerak. Homiladorlik va laktatsiyada qo‘llanishi Ushbu patsiyentlar toifasida preparatni ona uchun davolashdan kutilgan foyda homila yoki emizikli bola uchun potentsial havfdan ustun bo‘lgan holdagina qo‘llash mumkin. Pediatriyada qo‘llanishi Preparatni 6 yoshgacha bo‘lgan bolalarga buyurish tavsiya etilmaydi. Avtotransportni haydash va mexanizmlarni boshqarish qobiliyatiga ta’siri Avtotransport va/yoki boshqa mexanizmlarni boshqarish qobiliyatiga Budekton preparatini ta’siri yuzasidan ma’lumotlar yo‘q. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Namlikdan himoyalangan joyda, 25oS dan yuqori bo‘lmagan haroratda saqlansin.

Qo‘llash bo‘yicha yo‘riqnomasiga muvofiq qo‘llanganida Budekton preparatining dozasini, bartaraf qilish bo‘yicha choralarni talab qiladigan, o‘tkir oshirib yuborilishi deyarli mumkin emas. Preparatning katta miqdorini bir marta ingalyatsiya qilish gipotalamo-gipofizar-buyrak usti bezlari tizimining faoliyatini vaqtinchalik susayishiga olib kelishi mumkin, bu shoshilinch davolashni talab etadi. Budesonidning dozasi oshirib yuborilganida, davolashni terapevtik samarani tutib turish uchun yetarli dozalarda davom ettirish mumkin.

Retsept bo‘yicha beriladi

Ingalyatsiya uchun kukunli kapsulalar. 10 kapsul blisterda. 6 blister qo‘llash bo‘yicha yo‘riqnomasi va ingalyatsiya uchun moslamasi bilan birga karton qutiga joylangan.

3 yil.