Bolnol Relaks rasmini ko'rish

Tarkibi:

Har bir tyubik quyidagilarni saqlaydi: faol moddalar: diklofenak dietilamin                               1%; zig‘ir moyi                                                     3%; metil salitsilat                                           10%; mentol                                                          5%; yordamchi moddalar: natriy metilgidroksibenzoati, natriy propilgidroksibenzoati, izopropil spirti, polisorbat-80, propilenglikol, karbomer 934R, benzil spirti, tozalangan suv.

Ta'sir etuvchi modda(XPN):

diklofenak dietilamin. zig‘ir moyi, metilsalitsilat, mentol.

Preparatning savdo nomi:

Bolnol Relaks

Farmakalogik guruhi:

mahalliy ta’sir qiluvchi yallig‘lanishga qarshi vosita.

Dori shakli:

sirtga qo‘llash uchun gel

oq rangli yumshoq gel.

mahalliy ta’sir qiluvchi yallig‘lanishga qarshi vosita.

M02AX.

Bolnol Relaks gelining teri orqali so‘riladigan miqdori u qo‘yilgan maydonga proportsional, shuningdek preparatning yig‘indi dozasi va terining gidratatsiyasi darajasiga bog‘liq. Preparat sirtga qo‘llanganida 6% dan ko‘p bo‘lmagan diklofenak so‘riladi. Metabolizmi asosan gidroksidlanish yo‘li orqali bir necha hosilalarining hosil bo‘lishi bilan amalga oshiriladi, ulardan ikkitasi farmakologik faol, lekin diklofenakka qaraganda ahamiyatli darajada kam. Diklofenak va uning metabolitlari asosan siydik bilan chiqariladi. Qon plazmasidagi diklofenakning umumiy tizimli klirensi o‘rtacha 263±56 ml/min, yarim chiqarilishning yakuniy davri esa – 1-3 soatni tashkil qiladi.

Paylarni cho‘zilishidagi shish va og‘riqni, bel, bo‘g‘imlar va mushaklardagi og‘riqni kamaytiradi. Tayanch-harakat apparatining og‘riq va yallig‘lanish bilan kechuvchi quyidagi kasalliklarida qo‘llanadi: yumshoq to‘qimalar va bo‘g‘imlarning posttravmatik yallig‘lanishi (cho‘zilishlar, zo‘riqishlar va lat yeyishlar oqibatidagi, sportdagi jarohatlar);yumshoq to‘qimalarning revmatik kasalliklari (tendovaginit, bursit, periartikulyar to‘qimalarning shikastlanishi va boshqalar);mushaklar va bo‘g‘imlarning kasalliklari bilan bog‘liq bo‘lgan og‘riq sindromi va shish (revmatoid artrid, osteoartroz, radikulitlar, lyumbago, ishias va boshqalar);Dyupley sindromi umurtqalararo diskni ko‘chishi.

Bolnol Relaks gel faqat sirtga qo‘llash uchun mo‘ljallangan. Terining shikastlangan sohalariga kuniga 3-4 marta surtiladi va gel yo‘qolgunicha ishqalanadi. Surtmani qo‘llash maydoniga qarab gelning optimal miqdori olinadi va ehtiyotkorlik bilan qo‘llanadi.

Bolnol Relaks kam hollarda nojo‘ya reaktsiyalar chaqiradi. Ba’zida gel qo‘yilgan sohada qizarish, qichishish yoki achishish hissi, papulalar, vezikulalar, terini ko‘chishi paydo bo‘ladi. Alohida patsiyentlarda fotosensibilizatsiya aniqlanishi mumkin. Juda kam hollarda o‘ta yuqori sezuvchanlik reaktsiyalari aniqlanadi (toshma, eshakemi, bronxial astma, angionevrotik shish).

teri qoplamalarining butunligini buzilishi;homiladorlikning III uch oyligi;laktatsiya davri (emizish);12 yoshgacha bo‘lgan bolalar;preparatning komponentlariga, atsetilsalitsil kislotasiga yoki boshqa NYAQV yuqori sezuvchanlik;patsiyentlarda aspirin qo‘zg‘atgan astmatik holatlarda qo‘llash mumkin emas.

O‘zaro ta’sirining paydo bo‘lish ehtimoli kam, chunki Bolnol Relaks geli sirtga qo‘llanganida tizimli so‘rilishi juda kam. Preparatni boshqa NYAQV bilan birga ehtiyotkorlik bilan qo‘llash kerak. Bolnol Relaks geli fotosensibilizatsiyani chaqiruvchi preparatlarning ta’sirini kuchaytirishi mumkin. Bolnol Relaks gelini mahalliy kosmetik vositalar bilan birga qo‘llash mumkin emas.

Bolnol Relaks gelini ochiq jarohatlarga tushishidan saqlanib, faqat shikastlanmagan teriga surtish kerak. Qo‘yilganidan keyin okklyuzion bog‘lov qo‘yish mumkin emas. Preparatni ko‘zga va shilliq qavatlariga tushishiga yo‘l qo‘ymaslik kerak. Bolnol Relaks jigar porfiriyasida (zo‘rayish bosqichida), me’da-ichak yo‘llari (MIY) ning eroziv–yarali shikastlanishlarida, jigar va buyraklar faoliyatining og‘ir buzilishlarida, surunkali yurak yetishmovchiligida, bronxial astmada, keksa yoshdagi patsiyentlarga ehtiyotkorlik bilan buyuriladi.

Bolnol Relaks gelini homiladorlikning III uch oyligida qo‘llash mumkin emas. Homiladorlikning I va II uch oyliklarida qo‘llash, faqat ona uchun foyda homila uchun potentsial xavfdan yuqori bo‘lgan holda mumkin. Diklofenak va uning metabolitlari ko‘krak sutiga o‘tadi, shuning uchun preparatni emizish davrida qo‘llash tavsiya etilmaydi.

25ºS dan yuqori bo‘lmagan haroratda saqlansin. Muzlatilmasin.

Dozani oshirib yuborilishini ehtimoli kam, chunki sirtga qo‘llanganida diklofenakning tizimli so‘rilishi juda kam. Preparat tasodifan ichga qabul qilinganida diklofenakning peroral shakllari uchun xarakterli bo‘lgan nojo‘ya samaralarni chaqirishi mumkin. Tizimli nojo‘ya samaralari paydo bo‘lgan holda me’dani yuvish va adsorbentni qabul qilish tavsiya etiladi. Davolash simptomatik.

Retseptsiz

30 g laminatsiyalangan tubada. Har bir tuba qo‘llash bo‘yicha yo‘riqnomasi bilan karton qutida.

3 yil.

Barcha yangi dorilar