dumaloq, ikki tomoni qavariq, pushti rangli to‘q-pushti va oq dog‘lari bo‘lgan bir tomonida bo‘linuvchi riskali qobiq bilan voplanmagan tabletkalar.

Nosteroid yallig‘lanishga qarshi vositalar.

M01AV55

Paratsetamol me’da-ichak yo‘llaridan tez so‘riladi va og‘iz orqali qabul qilingandan so‘ng 10-60 minut o‘tgach, plazmada cho‘qqi kontsentratsiyalari paydo bo‘ladi. Odatdagi terapevtik dozalarda qo‘llanganda plazma oqsillari bilan bog‘lanishi juda oz, ammo doza oshgani sayin oshib boradi. Asosan jigarda metabolizmga uchraydi va asosan buyrak orqali chiqariladi. Yarim chiqarilish davri (T1/2) 1 soatdan 3 soatgacha o‘zgarib turadi. 5% dan kamrog‘i o‘zgarmagan holda chiqariladi. Ibuprofen ham me’da-ichak yo‘llaridan tezda so‘riladi. Ibuprofenning zardobdagi cho‘qqi darajasiga, umuman olganda, qo‘llanganidan keyin bir yoki ikki soat davomida erishiladi. Metabolizmga uchraydi va siydik bilan chiqariladi. Qon zardobidagi T1/2 1,8 dan 2 soatgacha. Qo‘llanganidan so‘ng ibuprofen 24 soat davomida to‘liq chiqariladi. Bemorlarda o‘tkazilgan tadqiqotlarda, preparat qabul qilingandan keyin dozaning 45% dan 79% gacha qismi metabolit sifatida siydikda 24 soat davomida yana aniqlanganligi ko‘rsatilgan.

Preparat kelib chiqishi turlicha bo‘lgan o‘rtacha ifodalangan og‘riq sindromida (bosh va tish og‘rig‘i, nevralgiyalar, osteoxondrozda paydo bo‘ladigan beldagi og‘riqlarda, artralgiyada, mialgiyada, tendovaginitda, bursitda, jarohatlar natijasida kelib chiqadigan og‘riqlarda, -mushaklar, bog‘lamlar va paylarni cho‘zilishida) qo‘llanadi; shuningdek shamollashda va boshqa infektsion-yallig‘lanish kasalliklarida, shu jumladan yuqori nafas yo‘llarining, LOR-a’zolarining kasalliklarida oshgan tana haroratini pasaytirish uchun; artritda (revmatoid artrit, yuvenil artrit, ankilozlovchi spondiloartrit, revmatizm), dismenoreyada, adneksitda ishlatilishi mumkin.

Ichga, ovqatdan oldin yoki ovqatdan keyin 2-3 soat davomida (me’dada buzilishlari bo‘lgan bolalar uchun) qabul qilinadi. Bolalarga. Tabletka 5 ml (bir choy qoshiq) suvda suspenziya holiga keltiriladi. Sutkalik doza bolaning yoshi va vazniga qarab belgilanadi. 2-3 yoshda (tana vazni 11-15 kg) – sutkada 3 tabletka;4-5 yoshda (tana vazni 16-21 kg) – sutkada 4 tabletka;6-8 yoshda (tana vazni 22-26 kg) – sutkada 6 tabletkagacha buyuriladi. Preparatni shifokorning nazoratisiz, isitmani tushiruvchi sifatida 3 kundan ortiq va og‘riq qoldiruvchi vosita sifatida 5 kundan ortiq qabul qilmaslik kerak. Buyrak yoki jigar funktsiyasini buzilishlari bo‘lgan bolalarda preparatni qabul qilishlari orasidagi tanaffus kamida 8 soat bo‘lishi kerak.

Me’da-ichak yo‘llari tomonidan: ko‘ngil aynishi, qusish, anoreksiya, qorinda og‘riq, me’da-ichak yo‘llarining eroziv-yarali shikastlanishlari, qon ketishlari, diareya. Nerv tizimi tomonidan: bosh og‘rig‘i, bosh aylanishi, ko‘rishni buzilishi. Allergik reaktsiyalar: toshma, qichishish, eshakemi. Boshqa ta’sirlari: trombotsitopeniya, buyrak va jigar funktsiyasini buzilishlari (doza oshirib yuborilan hollarda yoki uzoq muddat qo‘llanganida).

Preparatning komponentlariga yuqori sezuvchanlik, me’da va o‘n ikki barmoq ichak yara kasalligining zo‘rayish bosqichi, me’da-ichakdan qon ketishlari, jigar yoki buyrak funktsiyasini yaqqol buzilishlari, bronxial astma (aspiringa bog‘liq bo‘lgan), ko‘rish nervini shikastlanishi, glyukoza-6-fosfatdegidrogenazaning genetik yo‘qligi va qon tizimining har qanday kasalliklari, 2 yoshgacha bo‘lgan bolalarda qo‘llash mumkin emas.

Kortikosteroidlarni ibuprofen bilan bir vaqtda qabul qilish me’da-ichak yo‘llariga bo‘lgan nojo‘ya ta’sirlari xavfini oshirishi mumkin. Antikoagulyantlar, geparin yoki trombolitik vositalarni bir vaqtda qabul qilish me’da-ichak yo‘llarining yaralarini hosil bo‘lishini va qon ketishini chaqirishi mumkin. Insulin va antidiabetik vositalarni bir vaqtda qabul qilish, oxirgilarining gipoglikemik ta’sirini kuchaytirishi mumkin. Ibuprofenni gipotenziv vositalar bilan bir vaqtda qabul qilish shish xavfini oshirishi mumkin. Ibuprofen va tsefalosporinlarni bir vaqtda qabul qilish qon yaratilishini buzilishi xavfini oshirishi mumkin. Bir vaqtda qo‘llanganida ibuprofen digoksin, tsiklosporin, litiy va metotreksatning plazmadagi kontsentratsiyasini oshirishi mumkin. Preparat va metoklopramid bir vaqtda qo‘llanganida paratsetamolni so‘rilish tezligi oshadi.

Quruq, yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: ko‘ngil aynishi, qusish, me’dada og‘riq, og‘ir hollarda jigar yetishmovchiligi va koma rivojlanadi. Davolash: zaharlanishni birinchi 4 soati davomida me’dani yuvish, adsorbentlarni buyurish, glutationni hosil bo‘lishini oshiruvchi vositalarni (birinchi 12 soatda atsetiltsisteinni vena ichiga yoki ichga yuborish) va simptomatik davolash o‘tkaziladi.

100 mg/125 mg qobiq bilan qoplanmagan tabletkalar kontur uyali o‘ramda.

5 yil.