ikki yoqlama qavariq yuzali, pushti tusli och-jigarrang rangli, qobiq bilan qoplangan tabletkalar.

surgi vositasi.

A06AV02.

Tasodifiy qabziyatlarni qisqa muddatli simptomatik davolash. Gipotonik va atonik qabziyat (shu jumladan keksalardagi; operatsiyalar va tug‘uruqlardan keyingi qabziyat). Ich kelishini boshqarish (gemorroy, proktit, orqa teshik yoriqlari). Jarrohlik operatsiyalarga, instrumental va rengenologik tekshiruvlarga tayyorlash.

Ichga, uyqudan oldin yoki nonushtadan 30 minut oldin. Kattalar: kuniga 1 yoki 2 tabletka (5-10 mg). 6 yoshdan 12 yoshgacha bo‘lgan bolalar: kuniga 1 tabletka (5mg). Surunkali qabziyatlari bo‘lgan 6 yoshdan 12 yoshgacha bo‘lgan bolalar dori vositasini faqat shifokorning kuzatuvi ostida qabul qilishlari kerak. Tonggi soatlarda surgi samarasiga erishish uchun dori vositasini oldingi kuni kechqurun qabul qilish kerak. Tabletkalarni yetarli miqdordagi suyuqlik bilan yutish kerak. Tabletkalarni chaynamasdan yutish kerak. Dori vositasining ichakda eruvchan qobig‘ini muddatidan avval erib ketishini oldini olish uchun sut, antatsidlar yoki proton pompasi ingibitorlari kabi me’da-ichak yo‘llarining yuqori bo‘limlarida kislotalikni pasaytiruvchi mahsulotlar bilan qabul qilmaslik kerak. Dori vositasini qabul qilish davomiyligini shifokor aniqlaydi.

Nojo‘ya reaktsiyalar paydo bo‘lish tez-tezligi ko‘rsatilgan quyidagi tasnifga muvofiq a’zolar tizimining sinfi bo‘yicha sanab o‘tilgan: juda tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10000 dan <1/1000 gacha), juda kam hollarda (<1/10000), noma’lum (tez-tezligi mavjud bo‘lgan ma’lumotlarga asosan baholash mumkin emas). Ko‘pincha qorinda og‘riq va diareyani paydo bo‘lishi to‘g‘risida xabar berilgan. Immun tizimi tomonidan: kam hollarda: anafilaktik reaktsiyalar, Kvinke shishi. Teri va teri osti kletkchatkasi tomonidan: kam hollarda: tarqalgan qichishish. Metabolizmi tomonidan: kam hollarda: degidratatsiya, noma’lum: gipokaliyemiya. Nerv tizimi tomonidan: tez-tez emas: bosh aylanishi; kam hollarda: xushdan ketish. Bisakodil qabul qilinganidan keyin paydo bo‘ladigan bosh aylanishi va xushdan ketish parasimpatik tomir qon reaktsiyalari (masalan, qorinda spazm, defekatsiya) bilan birga paydo bo‘ladi. Me’da-ichak yo‘llari tomonidan: tez-tez: qorinda og‘riq, diareya, tez-tez emas: to‘g‘ri ichakdan qon ketishi, anorektal diskomfort, anorektal sohada achishish va og‘riqlar; kam hollarda: kolit. Nojo‘ya reaktsiyalar, shu jumladan ushbu yo‘riqnomada ko‘rsatilmagan nojo‘ya reaktsiyalar paydo bo‘lgan hollarda dori vositasini qo‘llashni to‘xtatish va shifokorga murojaat qilish lozim.

Mutloq qarshi ko‘rsatmalar: – Bisakodilga yoki to‘ldiruvchilardan birontasiga yuqori sezuvchanlik; – elektrolit buzilishlari bilan kechuvchi og‘ir suvsizlanish; – ichakning yallig‘lanish kasalliklari, nospetsifik yarali kolit, Kron kasalligi; – o‘tkir qorin og‘rig‘i, qorinda kuchli og‘riq, ular ko‘ngil aynishi va qusish bilan birga kechadi; – kelib chiqishi turlicha bo‘lgan ichak tutilishi; – tug‘ma galaktozemiya, fruktozani nasliy o‘zlashtiraolmaslik, glyukoza va galaktozani so‘rilishini buzilishi, laktoza yoki saxaroza -izomaltaza tanqisligi (“Maxsus ko‘rsatmalar“ bo‘limiga qarang); – churrani qisilib qolishi; – peritonit; – me’da-ichak yo‘llaridan qon ketishlar; – bachadondan qon ketishlar; – tsistit; – spastik qabziyatlar; – o‘tkir proktit; – o‘tkir gemorroy; – 6 yoshgacha bo‘lgan bolalar. Nisbiy qarshi ko‘rsatmalar: – torsades de pointes turidagi aritmiyani rivojlanishini chaqirishi mumkin bo‘lgan dori vositalarini qabul qilish.

Bisakodilni torsades de pointes turidagi aritmiyasini rivojlanishini chaqirishi mumkin bo‘lgan quyidagi dori vositalari bilan bir vaqtda qo‘llash tavsiya qilinmaydi: Antiaritmik vositalar: Amiodaron, Bretilium, Dizopiramid, Xinidin, Sotalol.Boshqa vositalar: Astemizol, Bepridil, vena ichiga yuborish uchun Eritromitsin, Galofantrin, Pentamidin, Sultoprid, Terfenadin, Vinkamin. Torsades de pointes turidagi aritmiyani rivojlanish omillari bo‘lib gipokaliyemiya, bradikardiya va QT intervalini uzayishi hisoblanadi. Ehtiyotkorlik talab etuvchi dorilarning majmualari: Yurak glikozidlari. Gipokaliyemiya angishvonagul preparatlarining toksik samaralarini oshiradi. Qonda kaliy darajasini monitoringi va zarurati tug‘ilgan hollarda EKG-nazoratini o‘tkazish lozim.Kaliyni chiqarilishiga olib keluvchi boshqa dori vositalari: kaliyuretik siydik haydovchi vositalar (alohida yoki majmuada), vena ichiga yuborish uchun Amfoteritsin V, kortikosteroidlar, Tetrakozaktid. Kaliyning qon zardobidagi darajasini nazorat qilish va zarurat bo‘lganida – uni muvofiqlashtirish talab qilinadi. Sut va ishqoriy mineral suv bilan bir vaqtda qabul qilish tavsiya qilinmaydi.

Noturg‘un suv muvozanati bo‘lgan patsiyentlarda (masalan, buyrak faoliyatini buzilishlari bo‘lgan patsiyentlar, keksa yoshdagi patsiyentlar) degidratatsiya xavfi yuqori bo‘lib, uning simptomlari oliguriya va chanqash hisoblanadi. Surgi vositalarini buyurishdan oldin suv muvozanatini tiklash, yetarli miqdorda suyuqlikni qabul qilinishini ta’minlash kerak. Qabziyatlarni dorilar bilan davolashdan oldin quyidagi chora tadbirlar: adekvat jismoniy faollik va ichimlik ichish tartibi, ozuqa tolalarini yetarli miqdorda istyemol qilish bo‘lishi kerak. Surgi vositalarini 10 kundan ortiq qo‘llash tavsiya qilinmaydi. Uzoq qo‘llanganda qaramlik rivojlanishi (dozani oshirishga zarurati va preparat bekor qilingandan keyin og‘ir qabziyatni rivojlanishi) mumkin. Bisakodil qabul qilingandan keyin bosh aylanishi va defekatsiya vaqtida hushdan ketish holatlari to‘g‘risida xabarlar kelib tushgan. Bolalarga surgi vositalarini ichakni bo‘shashish refleksini buzilish xavfi sababli, o‘ta ehtiyotkorlik bilan buyurish lozim. To‘g‘ri ichakdan qon ketish xollarida yoki surgi vositalarini qabul qilgandan keyin ich kelmasligi hollarida shifokorga murojaat qilish kerak. Qandli diabeti bo‘lgan patsiyentlarga ehtiyotkorlik bilan qo‘llash kerak. Homiladorlik va laktatsiya davrida qo‘llanishi Bisakodilni homiladorlik vaqtida qo‘llash tavsiya qilinmaydi, chunki klinik va klinika oldi tadqiqot ma’lumotlari yetarli emas. Bisakodil ko‘krak sutiga kiradi. Bisakodilni emizish vaqtida qo‘llash tavsiya qilinmaydi. Avtomobilni va murakkab mexanizmlarni boshqarish qobiliyatiga ta’siri Dori vositasini avtomombilni boshqarish va texnika bilan ishlash qobiliyatiga ta’sirini baholash bo‘yicha tekshirishlar o‘tkazilmagan. Biroq patsiyentlar parasimpatik qon tomir reaktsiyalari vaqtida (masalan, abdominal spazmlar), ularda bosh aylanishi va/yoki xushdan ketish bo‘lishi mumkinligi to‘g‘risida xabardor bo‘lishlari kerak. Agar patsiyentlar abdominal spazmlarni sezsalar, ular avtombilni yoki mexanizmlarni boshqarish kabi potentsial xavfli faoliyat turlari bilan shug‘ullanishdan saqlanishlari kerak. Preparatni bolalar ololmaydigan joyda saqlash va uni yaroqlilik muddati o‘tgach ishlatmaslik lozim.

Quruq, yorug‘likdan ximoyalangan joyda, 25ºS dan yuqori bo‘lmagan xaroratda saqlansin.

Dozani o‘tkir oshirib yuborilganda diareyani, qorinda spazmlarni rivojlanishi, suyuqlik, kaliy va boshqa elektrolitlarni yo‘qotilishi mumkin. Surunkali dozani oshirib yuborilishi diareya, qorinda og‘riq, gipokaliyemiya va mushak zaifligini rivojlanishiga olib kelishi mumkin. Dozani oshirib yuborilish simptomlari  paydo bo‘lgan hollarda dori vositasini qabul qilishni to‘xtatish va shifokorga murojaat qilish kerak. Elektrolit buzilishlarini muvofiqlashtirish va yo‘qotilgan suyuqlikni o‘rnini to‘ldirish kerak. Ushbu tadbirlar, ayniqsa keksa yoshdagi patsiyentlarda va bolalarda muhimdir. Shuningdek simptomtik davolash o‘tkaziladi.

Retseptsiz

10 tabletkadan kontur uyali o‘ramda. 1, 2, 3 yoki 5 kontur uyali o‘ram qo‘llash bo‘yicha yo‘riqnomasi bilan qutiga joylanadi.

3 yil.