preparat cho‘kma yoki yot aralashmalarni saqlamaydigan rangsiz tiniq suyuqlikdir.

diagnostik vosita.

V04CF01.

Preparat 0,1 ml da 2 TЕ yordamida teri ichki tuberkulinli Mantu sinamasini qo‘yish uchun mo‘ljallangan: tuberkulyozni diagnostikasi va latent tuberkulyoz infektsiyasi bo‘lgan xavf guruhini aniqlash uchun;aholini tuberkulyoz bilan infektsiyalanganligini (yoki agar ayni paytda o‘rin tutgan postvaktsinal allergiya infektsiyalanganlik haqida so‘z yuritishga asos bo‘lmasa, tuberkulinga yuqori sezuvchanlik holatini) aniqlash uchun;BTsJ revaktsinatsiyasi uchun kontingentni ajratib olish maqsadida qo‘llaniladi.

Yuborish usuli – teri ichiga 0,1 ml dan (Mantu bo‘yicha). Mantu sinamasini o‘tkazishdan oldin shifokor ko‘rigi va termometriyani o‘tkazish shart. Mantu sinamasi qat’iy aseptik holatda quyidagicha qo‘yiladi: bilakning o‘rta qismining ichki yuzasini terisi 70o etil spirti bilan ishlov beriladi va steril paxta bilan quritiladi. Tuberkulin diagnostikasini o‘tkazishdan oldin preparatli ampulalar sinchkovlik bilan ko‘rikdan o‘tkaziladi, chayqatiladi va 70° etil spirti bilan namlangan doka bilan artiladi, so‘ngra ampulaning bo‘yni skarifikator bilan arralanadi va sindiriladi. Preparatning kerakli miqdorini (0,2 ml) № 0,8x40 steril ignasi bo‘lgan, shkala bo‘linmasi 0,1 ml li 1 ml sig‘imga ega bir martalik shprits yordamida tortib olinadi. So‘ngra shpritsga teri ichiga yuborish uchun № 0,4x13 o‘lchamdagi steril igna o‘rnatiladi, preparatning ortiqcha miqdori steril tamponga chiqarib yuboriladi va teri ichiga 0,1 ml yuboriladi. Yuborish texnikasi to‘g‘ri bo‘lganida terida oqish rangli diametri 8 mm atrofida bo‘lgan infiltrat – “limon po‘stlog‘i” hosil bo‘ladi. Har bir tekshiriluvchi uchun alohida shprits va igna ishlatiladi. O‘zi bloklanadigan shpritslar bo‘lsa, shpritsga 0,1 ml tuberkulin eritmasini tortib olish mumkin. Ochilgan ampula aseptik sharoitda ko‘pi bilan 2 soat saqlanadi. Doza o‘lchami – 0,1 ml barqarorlashturvchi erituvchida saqlanuvchi 2 tuberkulin birlik (TB). Mantu tuberkulin sinamasini shifokor ko‘rsatmasi bo‘yicha qo‘yiladi. Mantu sinamasini qo‘yish va baholash shifokor tomonidan va shifokor nazorati ostida maxsus o‘qitilgan tibbiyot hamshirasi tomonidan amalga oshiriladi. Mantu sinamasining natijalari 72 soatdan keyin baholanadi. Papulaning o‘lchamini shaffof millimetrli lineyka yordamida o‘lchalanadi. Papulani maksimal ko‘ndalang diametri (qo‘l asosiga nisbatan) o‘lchanadi, bunda giperemiya zonasi hisobga olinmaydi. Igna sanchilgan joydek reaktsiya (0-1 mm) bo‘lganida reaktsiya manfiy; papulaning kattaligi  2 mm dan 4 mm gacha bo‘lganida yoki har qanday o‘lchamli giperemiyada – gumonli, 5 mm va undan ortiq o‘lchamli papula bo‘lganida esa – musbat hisoblanadi. Bolalar va o‘smirlarda 17 mm va undan katta papula, kattalarda 21 mm va undan katta papula hosil bo‘lganida, shuningdek papulaning o‘lchamidan qat’iy nazar, vezikulo-nekrotik reaktsiya, limfangoit va regionar limfadenit bo‘lganida reaktsiya giperergik hisoblanadi. Sinama patsiyent o‘tirgan holatida o‘tkaziladi. Sinama o‘tkazilganidan keyin patsiyent kamida 30 minut davomida shifokor (tibbiyot hamshirasi) kuzatuvi ostida bo‘lishi lozim.

Organizmning spetsifik reaktivlik darajasiga bog‘liq: spetsifik reaktivlik holati bo‘lmagan hollarda mahalliy va umumiy ko‘rinishlar kuzatilmaydi, preparatga reaktsiya manfiy hisoblanadi;infektsiya qo‘shilganida yoki postvaktsinal allergiya bo‘lgan hollarda infiltrat (papula) va giperemiya ko‘rinishidagi mahalliy reaktsiya kuzatiladi. Ayrim hollarda tuberkulinga yuqori allergik darajasi bo‘lgan shaxslarda mahalliy reaktsiyalar, katta papula va giperemiya bilan bir qatorda limfangaitlar va limfadenitlar bilan kechishi mumkin. Tuberkulinni yuborilganda keltirilgan nojo‘ya ta’sirlar: mahalliy ko‘rinishlar (> 1/100) – og‘riq, inyektsiyadan keyin o‘sha zahoti inyektsiyani yuborish joyida og‘riq sezuvchanligi yoki diskomfort;umumiy ko‘rinishlar (< 1/100) – bosh og‘rig‘i, lohaslik, tana haroratini oshishi;ba’zida kuzatiladigan reaktsiyalar (< 1/1000) – allergik reaktsiyalar.

teri kasalliklari;o‘tkir, surunkali infektsion va zo‘rayish bosqichidagi somatik kasalliklar;allergik holatlar (bronxial astma, yaqqol teri ko‘rinishlari bilan kechuvchi idiosinkraziyalar, o‘tkir va o‘tkir osti fazasidagi revmatizm);tutqanoq;bolalar jamoasida yuqumli kasallik yuzasidan karantin bo‘lgan hollarda qo‘llash mumkin emas. Mantu diagnostik sinamasi yuqorida ko‘rsatilgan klinik simptomlar yo‘qolganidan keyin va bolalar jamoasida yuqumli kasallik yuzasidan karantin tugaganidan keyin kamida 1 oydan so‘ng o‘tkaziladi.

Profilaktik emlash va Mantu biologik diagnostik sinamasi orasidagi tanaffuz kamida 1 oyni tashkil etishi lozim. Rejali emlashlarni Mantu sinamasini hisobga olgandan keyin – 72 soatdan so‘ng o‘tkazish mumkin. Qo‘llash mumkin bo‘lmagan holatlarni aniqlash maqsadida shifokor tuberkulin sinamalarini o‘tkazish kuni tuberkulinodiagnostikasi o‘tkazilishi lozim bo‘lgan shaxslarda anamnezni yig‘ish va tibbiy ko‘rikni o‘tkazishni amalga oshiradi. Tuberkulinodiagnostikani amalga oshirish uchun maxsus tayyogarlikdan o‘tgan va tuberkulinodiagnostikani tashkil etish qoidalarini biladigan va o‘tkazish texnikasiga ega, shuningdek reaktsiyalar/asoratlar rivojlangan hollarda shoshilinch yordam ko‘rsatish ko‘nikmalariga ega bo‘lgan tibbiyot xodimlari (shifokor, feldsher, tibbiy ma’lumotga ega kichik mutaxassis) jalb etilishi mumkin. Mantu diagnostik sinamasini o‘tkazishdan oldin shifokor albatta preparatning qo‘llash bo‘yicha yo‘riqnomasi bilan tanishib chiqishi, shuningdek tuberkulinodiagnostikasini o‘tkazgandan keyin noxush oqibatlar yuz berishi mumkinligi to‘g‘risida patsiyentni (bolaning ota-onasi yoki uning boshqa qonuniy vakillarini) oldindan xabardor qilishi kerak. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

2 S dan 8 S gacha haroratda saqlansin. Muzlatilmasin.

Davolash-profilaktika muassasalari uchun

2 TЕ/doza faollikka ega 0,6 ml (6 doza) dan, 2 TЕ/doza faollikka ega 1,0 ml (10 doza) dan, 2 TЕ/doza faollikka ega 3,0 ml (30 doza) dan 10 ampula o‘ramda. Yoki komplekt: 2 TЕ/doza faollikka ega 0,6 ml (6 doza) dan, tortib olish uchun ignali 3 ta shprits, yuborish uchun 3 ta igna bilan o‘ramda. Yoki komplekt: 2 TЕ/doza faollikka ega 1,0 ml (10 doza) dan, tortib olish uchun ignali 5 ta shprits, yuborish uchun 5 ta igna bilan o‘ramda. Har bir o‘ramga qo‘llash bo‘yicha yo‘riqnoma va skarifikator joylanadi. Sindirish xalqasi yoki nuqtasi bo‘lgan ampulalar o‘ramiga skarifikator joylanmaydi.

2 yil.