oq rangli, dumaloq, ikki tomonlama qavariq, plyonka qobiq bilan qoplangan tabletkalar.

Gormon antagonistlari va unga o‘xshash moddalar. Antiandrogenlar.

L02BB03.

Peroral qo‘llanganda bikalutamid yaxshi so‘riladi. Preparatning biokiraolishligiga ovqatning klinik jihatdan sezilarli ta’siri to‘g‘risidagi dalillar mavjud emas. Bikalutamidning (S)-enantiomeri uning (R)-enantiomeriga nisbatan organizmdan tez chiqariladi, (R)-enantiomerning organizmdan yarim chiqarilish davri taxminan 1 haftani tashkil etadi. Bikalutamid har kuni qo‘llanganida (R)-enantiomer organizmdan uzoq vaqt chiqarilishi tufayli bikalutamidning taxminan 10 barobar to‘planishi yuz beradi. 50 mg bikalutamid har kuni qo‘llanganida (R)-enantiomerning plazmadagi muvozanat kontsentratsiyasi taxminan 9 mkg/ml ni tashkil etadi. Muvozanat holatida ayniqsa faol (R)-enantiomer qonda aylanib yurgan enantiomer umumiy miqdorining 99% ni tashkil etadi. (R)-enantiomerning farmakokinetikasiga patsiyentning yoshi, buyrak va/yoki jigar faoliyatini buzilishlari (yengil yoki o‘rtacha og‘irlikdagi) ta’sir etmaydi. Jigar faoliyatini og‘ir buzilishlari bo‘lgan bemorlarda (R)-enantiomer plazmadan sekinroq chiqariladi. Bikalutamid proteinlar bilan kuchli bog‘lanadi (ratsemat 96%, (R)-enantiomer >99%) va keng miqyosda (oksidlanishi va glyukuronizatsiya natijasida) metabolizmga uchraydi; uning metabolitlari buyrak orqali va safro bilan taxminan teng qismlarda chiqariladi.

Prostata bezining avj olayotgan rakini lyuteinlovchi gormonni ajratib chiqaruvchi gormon (LGACHG) analoglari bilan davolashni yoki jarrohlik kastratsiyasi bilan majmuada davolash uchun qo‘llaniladi.

Ichga qabul qilish uchun qo‘llaniladi. Katta yoshdagi erkaklar, shu jumladan keksa yoshdagi patsiyentlarga: kuniga bir marta bitta tabletkadan (50 mg) tayinlanadi. Bikalutamid bilan davolashni lyuteinlovchi gormonni ajratib chiqaruvchi gormon analoglari bilan davolashni boshlashdan kamida uch kun oldin yoki jarrohlik kastratsiyasi bilan bir vaqtda boshlash kerak. Pediatrik populyatsiyada: bikalutamidni bolalarda qo‘llash mumkin emas. Buyrak faoliyatini buzilishlarida: dozalarni tanlash shart emas. Jigar faoliyatini buzilishlarida: jigar faoliyati yengil buzilishlari va o‘rtacha og‘irlikdagi buzilishlari bo‘lgan patsiyentlarda dozalarni tanlash shart emas. Jigar faoliyatini og‘ir buzilishlari bo‘lgan patsiyentlarda organizmda preparatni to‘planishi oshishi mumkin. Agar Siz preparatning navbatdagi dozasini qabul qilishni o‘tkazib yuborgan bo‘lsangiz, uni darhol qabul qiling. O‘tkazib yuborilgan dozani o‘rnini qoplash uchun ikki barobar dozani qabul qilmang. Preparatni qabul qilishni shifokor tavsiyalariga muvofiq davom ettiring.

Mazkur bo‘limda nojo‘ya ta’sirlar quyidagicha aniqlangan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10000 dan <1/1000 gacha), juda kam hollarda (<1/10 000), noma’lum (mavjud ma’lumotlar asosida aniqlash mumkin emas). Qon va limfa tizimi tomonidan buzilishlar: juda tez-tez – anemiya. Immun tizimi tomonidan buzilishlar: kam hollarda – yuqori sezuvchanlik reaktsiyalari, angioedema va eshakemi. Modda almashinuvi va ovqatlanish tomonidan buzilishlar: tez-tez – ishtahani pasayishi. Ruhiy buzilishlar: tez-tez – jinsiy maylni susayishi, depressiya. Nerv tizimi tomonidan buzilishlar: juda tez-tez – bosh aylanishi; tez-tez – uyquchanlik. Yurak tomonidan buzilishlar: tez-tez – miokard infarkti (o‘lim holatlari to‘g‘risida ma’lumotlar olingan)1, yurak yetishmovchiligi1. Qon tomirlari tomonidan buzilishlar: juda tez-tez – qizib ketishlar. Nafas olish tizimi, ko‘krak va ko‘ks oralig‘i tomonidan buzilishlar: tez-tez emas – o‘pkaning interstitsial kasalligi2 (o‘lim holatlari to‘g‘risida ma’lumotlar olingan). Me’da-ichak yo‘llari tizimi tomonidan buzilishlar: juda tez-tez –qorindagi og‘riqlar, qabziyat, ko‘ngil aynishi; tez-tez – dispepsiya, gazlarni to‘planishi. Jigar va/yoki o‘t chiqarish tizimi tomonidan buzilishlar: tez-tez – gepatotoksiklik, sariqlik, transaminazlar miqdorini oshishi3; kam hollarda – jigar yetishmovchiligi4 (o‘lim holatlari to‘g‘risida ma’lumotlar olingan). Teri va teri osti yog‘ to‘qimalari tomonidan buzilishlar: tez-tez – alopetsiya, girsutizm/sochlarni o‘sib ketishi, terini qurishi, qichima, toshma, terlash. Buyrak va siydik chiqarish yo‘llari tomonidan buzilishlar: juda tez-tez – gematuriya. Reproduktiv tizim tomonidan buzilishlar va ko‘krak kasalliklari: juda tez-tez – ginekomastiya va ko‘krak bezlarini sezuvchanligi; tez-tez – erektsiyani buzilishi. Umumiy buzilishlar va yuborish joyidagi reaktsiyalar: juda tez-tez – asteniya, shish; tez-tez – ko‘krakda og‘riqlar. Tekshiruvlar: tez-tez – tana vaznini oshishi. 1 Prostata rakini davolashda qo‘llaniladigan agonistlar va antagonistlar bilan lyuteinlovchi gormonni ajratib chiqaruvchi gormon birga qo‘llab o‘tkazilgan farmakoepidemiolik tadqiqotda kuzatiladi. Xavf bikalutamidni lyuteinlovchi gormonni ajratib chiqaruvchi gormon agonistlari bilan qo‘llanilganda ortadi. 2 Nojo‘ya ta’siri postregistratsion ma’lumotlar sharhida ta’riflanadi. Chastotasi interstitsial pnevmoniya holatlari asosida aniqlanadi, ushbu holatlar haqida prostataning ilk rakida (ERC – Early Prostate Cancer) 150 mg li doza bilan davolash davrida randomizatsiyalangan tadqiqotlarida ta’riflanadi. 3 Jigar faoliyatidagi o‘zgarishlar kam hollarda og‘ir va ko‘pincha – o‘tkinchi bo‘ladi. Keyingi davolash davomida va davolash to‘xtatilganidan keyin ular yo‘qoladi yoki kamayadi. 4 Nojo‘ya ta’siri postregistratsion ma’lumotlar sharhida ta’riflanadi. Chastotasi jigar yetishmovchiligi holatlari asosida 150 mg li doza qo‘llangani ERC ochiq tadqiqotdagi guruh patsiyentlarida aniqlanadi. 5 Bir vaqtda jarrohlik kastratsiyasi o‘tkazilgan holda kamaytirish mumkin. Keltirilgan nojo‘ya reaktsiyalar paydo bo‘lganida, shuningdek yo‘riqnomada qayd etib o‘tilmagan nojo‘ya reaktsiya paydo bo‘lganida shifokorga murojaat qilish zarur.

Bikalutamidga yoki preparatning yordamchi moddalaridan birontasiga yuqori sezuvchanlik. Terfenadin, astemizol yoki tsisaprid bilan bir vaqtda qo‘llash. Ayollar. 18 yoshgacha bo‘lgan bolalar.

Bikalutamid va lyuteinlovchi gormonni ajratib chiqaruvchi gormon analoglari o‘rtasida farmakodinamik yoki farmakokinetik o‘zaro ta’sirga oid dalillar mavjud emas. In vitro tadqiqotlarining natijalari R-bikalutamid CYP 2C9, 2C19 va 2D6 larning faolligiga kuchsiz susaytiruvchi ta’sirga ega bo‘lgan CYP 3A4 ning ingibitori ekanligidan dalolat beradi. Garchi R450 (CYP) tsitoxromi faolligining markeri sifatida antipirinni qo‘llash yuzasidan klinik tadqiqotlarning natijalari preparatlarning bikalutamid bilan o‘zaro ta’sirini ko‘rsatmasa-da, midazolam va bikalutamidni bir vaqtda qo‘llagandan keyin 28 kun o‘tgach, midazolamning o‘rtacha ta’siri (AUG) 80% ga oshgan. Tor terapevtik indeksli dorilarga nisbatan bunday oshish sezilarli bo‘lishi mumkin. Shuning uchun bikalutamidni terfenadin, astemizol va tsisaprid bilan bir vaqtda qo‘llash mumkin emas. Bikalutamidni tsiklosporin va kaltsiy kanallarining blokatorlari kabi moddalar bilan bir vaqtda qo‘llanilganida ehtiyotkorlikka rioya qilish lozim. Ushbu dorilarning dozalarini, ayniqsa ularning ta’siri yoki nojo‘ya ta’sirlari kuchayishi kuzatilgan hollarda kamaytirish zarur bo‘lishi mumkin. Tsiklosporinni bikalutamid bilan davolash boshlanishidan keyin va tugashidan keyin qo‘llanilganida plazmada uning kontsentratsiyasini va bemorning klinik holatini sinchkovlik bilan nazorat qilish tavsiya etiladi. Bikalutamidni dorilarni jigarda oksidlanish jarayonini ingibitsiya qilishi mumkin bo‘lgan boshqa dorilar, masalan, tsimitidin va ketokonazol bilan buyurilganida ehtiyotkorlikka rioya qilinishi lozim (bikalutamidning nojo‘ya ta’sirlari tez-tezligi va/yoki jadalligi oshishi mumkin). In vitro tadqiqotlarida bikalutamid kumarin tipidagi antikoagulyant varfarinni proteinlar bilan bog‘lanish joyidan siqib chiqarishi mumkinligi isbotlangan. Shuning uchun kumarin tipidagi antikoagulyantlarni qabul qilayotgan patsiyentlarga bikalutamid qo‘llanilgan hollarda protrombin vaqtini sinchkovlik bilan nazorat qilish kerak.

Davolashni mutaxassisning qattiq nazorati ostida boshlash kerak. Bikalutamid jigarda keng metabolizmga uchraydi. Tadqiqotlar natijalari shundan dalolat beradiki, jigar faoliyatini og‘ir buzilishlari bo‘lgan patsiyentlarda uni chiqarilishi sekinroq kechishi mumkin, va bu organizmda bikalutamidni ortiqcha to‘planishini keltirib chiqarishi mumkin. Shuning uchun jigar faoliyatining o‘rtacha og‘irlikdagi buzilishlari yoki og‘ir buzilishlari bo‘lgan patsiyentlarda bikalutamidni ehtiyotkorlik bilan qo‘llash lozim. Jigar shikastlanishlarini rivojlanishi mumkinligi tufayli jigarning funktsional holatini vaqti-vaqti bilan nazorat qilish lozim. O‘zgarishlar asosan bikalutamid bilan o‘tkaziladigan davolashning birinchi olti oyi davomida kutiladi. Bikalutamidni qo‘llash natijasida jigarni og‘ir shikastlanishlari va jigar yetishmovchiligi kamdan-kam kuzatiladi (o‘lim holatlari to‘g‘risida xabarlar olingan). Og‘ir o‘zgarishlar yuz bergan hollarda bikalutamid bilan davolash to‘xtatilishi lozim. Lyuteinlovchi gormonni ajratib chiqaruvchi gormon agonistlarini qabul qilayotgan erkaklarda glyukozani tolerantligini kamayishi kuzatiladi. Bu qandli diabeti bo‘lgan patsiyentlarda diabet yoki glikemiya nazoratini yo‘qolishi ko‘rinishida namoyon bo‘lishi mumkin. Shuning uchun, lyuteinlovchi gormonni ajratib chiqaruvchi gormoni agonistlari bilan majmuada bikalutamidni qabul qilayotgan patsiyentlarda qonda glyukoza darajasini nazoratini baholash lozim. Bikalutamid R450 (CYP 3A4) tsitoxromlarini susaytirishi isbotlangan, shuning uchun uni CYP 3A4 ni metabolizmga uchratuvchi preparatlar bilan bilan bir vaqtda qo‘llanganida ehtiyotkorlikka rioya etilishi lozim. Ushbu preparatni galaktozani kam uchraydigan tug‘ma o‘zlashtira olmaydigan, Lapp laktaza tanqisligi bo‘lgan yoki glyukoza-galaktoza malabsorbtsiyali patsiyentlarga qo‘llash mumkin emas.

Bikalutamidni ayollarda,  homiladorlarda yoki emizikli onalarda qo‘llash mumkin emas.

25oS dan yuqori bo‘lmagan haroratda saqlansin.

Odamlarda bikalutamidning dozasini oshirib yuborilgan holatlar to‘g‘risida ma’lumotlar yo‘q. Maxsus antidot mavjud emas, davolash simptomatik amalga oshiriladi, shu jumladan hayotiy muhim faoliyatlar ko‘p nazorat qilinadi. Bikalutamidning proteinlar bilan yaqqol bog‘lanishi va o‘zgarmagan holda siydikdan ajratib olish mumkin emasligi tufayli dializ samarasizdir.

Retsept bo‘yicha

10 tabletkadan polivinilxlorid plyonka va alyumin folgali kontur uyali o‘ramda yoki polivinilidenxlorid qoplamali polivinilxlorid plyonka va alyumin folgali kontur uyali o‘ramda. 3 kontur uyali o‘ramdan davlat va rus tillarida preparatni qo‘llash bo‘yicha yo‘riqnoma bilan birga karton qutiga joylangan.

4 yil.