pushti rangli aromatizatsiyalangan suspenziya.

antibakterial sintetik vosita (sulfanilamidlar guruhi).

J01EE01.

Terapevtik dozada ichga qabul qilinganidan so‘ng faol moddalar ingichka ichakning yuqori qismida tez va deyarli to‘liq (90%) so‘riladi va 60 minutdan keyin qon va to‘qimalarda 12 soat davomida saqlanib turadigan terapevtik kontsentratsiyalariga erishiladi. Qon plazmasida faol moddaning maksimal kontsentratsiyaga 1-4 soatdan keyin erishiladi. Plazma oqsillari bilan sulfametoksazolni bog‘lanishi 66% va trimetoprimniki 45% ni tashkil etadi. Preparat organizmda yaxshi taqsimlanadi. Preparat ko‘krak sutiga kiradi va yo‘ldosh to‘sig‘i orqali o‘tadi. Sulfametoksazol va trimetoprim jigarda metabolizmga uchraydi. Yarim chiqarilish davri 10 soatdan 12 soatgacha o‘zgarib turadi.

Preparatga sezgir mikroorganizmlar chaqirgan quyidagi infektsion-yallig‘lanish kasalliklarini: nafas yo‘llarining infektsiyalari: surunkali bronxit (zo‘rayishi), kattalar va bolalarda pnevmotsist pnevmoniya (davolash va oldini olish);sinusit, o‘tkir o‘rta quloq otiti;me’da-ichak yo‘llarining infektsiyalari: qorin tifi va paratif, bakterial dizenteriya (shigellyozlar), diareya, vabo;siydik-tanosil a’zolarning infektsiyalari: siydik chiqarish yo‘llarining infektsiyalari, yumshoq shankr;boshqa bakterial infektsiyalar (antibiotiklar bilan birga qo‘llash mumkin): nokardioz, brutsellyoz (o‘tkir), aktinomikoz, osteomiyelit (o‘tkir va surunkali), janubiy Amerika blastomikozi, toksoplazmoz (majmuaviy davolash tarkibida) ni davolash uchun qo‘llanadi.

Preparat og‘iz orqali ko‘p miqdordagi suyuqlik bilan ovqat vaqtida yoki ovqatdan keyin darhol qabul qilinadi. Qo‘llashdan oldin bir xil suspenziya hosil bo‘lgunicha chayqating. 5 ml suspenziya 200 mg sulfametaksazol va 40 mg trimetoprim saqlaydi. O‘ramiga o‘lchov chashkasi ilova qilinadi. Bolalarda, odatda sutkada 1 kg tana vazniga 24 mg dan 36 mg gacha Beybi Baktrin preparati qo‘llanadi.

Me’da-ichak yo‘llari tomanidan buzilishlari: ko‘ngil aynishi (qusish bilan yoki usiz), ishtahani yo‘qolishi, endogastrit, diareya, stomatit, qorinda og‘riq, jigarni parenximatoz yallig‘lanishi va soxta difterik enterokolitning ayrim hollari. Teri va teri osti to‘qimalarini buzilishlari: toshma, eshakemi, qichishish, yorug‘likka o‘ta yuqori sezuvchanlik. Juda kam hollarda ko‘p shaklli eritema, Stivens-Djonson sindromi va epiteliyni toksik nekrozi (Layell sindromi). Buyrak faoliyati va siydik chiqarish tizimini buzilishi: buyrakni shikastlanishi va buyrak yetishmovchiligi, kristalluriya hollari keltirilgan. Qon va limfa tizimini buzilishlari: leykopeniya, neytropeniya va trombotsitopeniya. Juda kam hollarda: agranulotsitoz, megaloblast anemiya, pantsitopeniya, eritremiya. Immunologik tizimni buzilishlari: juda kam hollarda o‘ta yuqori sezuvchanlik simptomlari. Isitma, qaltirash va angionevrotik shish ayrim hollarda kuzatilgan. Yurak tomonidan buzilishlar: juda kam hollarda allergik miokardit. Nafas tizimi, ko‘krak qafasi va ko‘ks oralig‘i tomonidan buzilishlar: o‘pka atsinuslarini eozinofil yoki ekzogen allergik yallig‘lanishida o‘pka to‘qimasidagi infiltratlar. Yo‘tal va nafas mushaklari qisqarishini chaqirishi mumkin. Nerv tizimi tomonidan buzilishlar: kam hollarda aseptik meningit yoki soxta meningit simptomlari; juda kam hollarda gallyutsinatsiyalar, bosh og‘rig‘i va bosh aylanishi, uyquni buzilishi, depressiya. Kam hollarda quloq shang‘illashi keltirilgan. Alohida xavf guruhiga kiruvchi patsiyentlarga buyrak faoliyatini buzilishi, jigar kasalliklari, yetarli ovqatlanmaydigan yoki Beybi Baktrin preparatining yuqori dozalarini qabul qiluvchi shaxslar kiradi.

sulfanilamidlar, trimetoprim va/yoki preparatning boshqa komponentlariga yuqori sezuvchanlik;glyukozo-6-fosfatdegidrogenaza yetishmovchiligi;jigar va buyrak faoliyatini yaqqol buzilishlari (kreatinin klirensi minutiga 15 ml dan kam)qonning morfologik manzarasida aniqlangan o‘zgarishlar;chala tug‘ilgan chaqaloqlar, yangi tug‘ilgan chaqaloqlar va 3 oylikkacha bo‘lgan bolalar;homiladorlik va laktatsiya davri;streptokokkli anginani davolashda qo‘llash mumkin emas.

Diuretiklar, ayniqsa tiazidlar guruhiga mansub diuretiklar bilan bir vaqtda qo‘llangan Beybi Baktrin, qon ketishi bilan kechuvchi trombotsitopeniyani namoyon bo‘lish xavfini oshiradi. Antikoagulyantlar (masalan, varfarin) qabul qilayotgan patsiyentlarda protrombin vaqtini uzaytirishi mumkin. Sulfonilmochevina hosilalari, antidiabetik vositalarining ta’sirini kuchaytiradi. Jigarda fenitoinning metabolizmini tormozlaydi (uning yarim parchalanish davrini 39% gacha oshiradi). Qon plazmasida erkin metotreksatning kontsentratsiyasini ham oshirishi mumkin (metotreksantni oqsillar bilan bo‘lgan birikmasidan ajralib chiqishini oshiradi). Digoksinning zardobdagi kontsentratsiyasini oshirishi mumkin, zardobda digoksinning kontsentratsiyasini nazorat qilish kerak. Beybi Baktrin bilan majmuada qo‘llanganda tritsiklik antidepressantlarning samaradorligi kamayishi mumkin. Buyrak ko‘chirib o‘tkazilgandan keyin Beybi Baktrin va tsiklosporin qabul qilayotgan bemorlarda buyrak faoliyatini, kreatinin miqdorini oshishi bilan namoyon bo‘luvchi, qaytuvchan buzilishi kuzatilishi mumkin. Suyak ko‘migida qon yaratilishini susaytiruvchi dori vositalari miyelosupressiya xavfini oshiradi. Beybi Baktrinni indometatsin bilan birga qo‘llanganda qonda sulfametoksazolning kontsentratsiyasi oshishi mumkin.

Beybi Baktrinni qo‘llanganda xayot uchun xavfsiz bo‘lgan teri reaktsiyalari: Stivens-Djonson sindromi va toksik epidermal nekroliz hollari (juda kam hollarda) ta’riflangan. Patsiyentlar reaktsiyalarning belgilari va simptomlari haqida ogohlantirilgan bo‘lishlari kerak va teri reaktsiyalarini diqqat bilan kuzatishlari kerak. Stivens-Djonson sindromi yoki toksik epidermal nekrolizni rivojlanishining eng yuqori xavfi davolashning birinchi haftasida kuzatiladi. Stivens-Djonson sindromi yoki toksik epidermal nekroliz simptomlari va belgilari (masalan, teri qoplamalari va shilliq qavatlarda avj olib boruvchi toshma, ko‘pincha pufakchalar bilan) paydo bo‘lganida davolash darhol to‘xtatilishi kerak. Stivens-Djonson sindromi va toksik epidermal nekrolizni rivojlanishini prognozi erta diagnostika qo‘yilishiga bevosita bog‘liq bo‘lib, gumon qilinayotgan preparatni qabul qilishni darhol to‘xtatishni talab etadi. Patsiyentda Stivens-Djonson sindromi yoki toksik epidermal nekroliz rivojlanishda butun umr davomida preparatni qo‘llash mumkin emas. Jigar yoki buyrak faoliyatini yetishmovchiligida folat kislotasining tanqisligida, og‘ir darajali allergiya simptomlari bo‘lgan shaxslar, bronxial astmasi bo‘lgan bemorlarda preparatni ehtiyotkorlik bilan qo‘llash kerak. Agar preparat yuqori dozalarda 14 kundan ortiq qo‘llansa, qon manzarasini vaqti-vaqti bilan nazorat qilish kerak. Qon manzarasida o‘zgarishlar aniqlanganida folat kislotasini buyurishni e’tiborga olish kerak. Uzoq muddatli davolash kurslarida (ayniqsa buyrak yetishmovchiligida) muntazam ravishda siydikning umumiy taxlilini o‘tkazish va buyrak faoliyatini nazorat qilish kerak. Kristalluriyani oldini olish uchun ajralayotgan siydik xajmini yetarli miqdorda tutib turish kerak. Sulfanilamidlarning toksik va allergik asoratlarini rivojlanish ehtimoli buyrakning filtratsion faoliyati pasayganida oshadi. Teri toshmasining birinchi belgilari yoki har qanday og‘ir darajali nojo‘ya reaktsiyaning belgilari to‘satdan paydo bo‘lishida preparatni bekor qilish kerak. Yo‘tal va hansirashni to‘satdan paydo bo‘lishi yoki kuchayishida bemorni takroran tekshirish va preparat bilan davolashni to‘xtatish masalasini ko‘rib chiqish kerak. Laborator tekshirishlar natijalariga ta’siri Beybi Baktrin kreatinning darajasini taxminan 10% ga oshirishi mumkin.

Preparatni homiladorlik va emizish davrida qo‘llash mumkin emas, chunki dori vositasi yo‘ldosh orqali o‘tadi va ko‘krak suti bilan ajraladi. Preparatni homiladorlikda faqat, ona uchun potentsial foyda homila uchun kuzatilishi mumkin bo‘lgan xavfdan ustun bo‘lgan hollardagina buyurish mumkin. Preparatni laktatsiya davrida buyurish zarurati bo‘lganida emizishni to‘xtatish masalasini hal qilish kerak.

Quruq va yorug‘likdan himoyalangan joyda, 30oS dan yuqori bo‘lmagan haroratda saqlansin.

Simptomlari: ko‘ngil aynishi, qusish, ichak sanchig‘i, bosh aylanishi, bosh og‘rig‘i, uyquchanlik, depressiya, hushdan ketish, ongni chalkashishi, isitma, gematuriya, kristalluriya. Doza uzoq muddat oshirib yuborilganida – trombotsitopeniya, leykopeniya, megaloblast anemiya, sariqlik kuzatiladi. Davolash: me’dani yuvish, jadallashtirilgan diurez, siydikning kislotaligini oshirish trimetoprimni chiqarilishini oshiradi, mushak ichiga – sutkada 5-15 mg kaltsiy folinati (suyak ko‘migiga trimetoprimning ta’sirini bartaraf qiladi) yuboriladi, zarurati bo‘lganida – gemodializ o‘tkaziladi.

Retsept bo‘yicha

60 ml suspenziya qahrabo rangli PET flakonda. Har bir flakon qo‘llash bo‘yicha yo‘riqnomasi va o‘lchov qalpoqchasi bilan birga karton qutiga joylangan.

3 yil.