Deyarli oq rangli, kuchsiz hidli, tiniq bo‘lmagan, bir xil krem.

Antiseptik vositalar. D08AC52

So‘rilishi Dekspantenol shikastlangan teri orqali tez so‘riladi. Teri xujayralarida dekspantenol pantotenat kislotasiga tez aylanadi va endogen pantotenat kislotasining zahirasini to‘ldiradi. Kattalarda xlorgeksidinni shikastlanmagan teri orqali so‘rilishi xususida ma’lumotlar yo‘q. Go‘daklarning terisiga xlorgeksidin glyukonatning 4% li eritmasi surtilganda uning qondagi kontsentratsiyasi past bo‘lgan (1 mkg/ml). Taqsimlanishi Pantotenat kislotasi qon plazmasi oqsillari bilan (s β-globulin va albumin bilan) bog‘lanadi. Sog‘lom katta odamlarda qondagi uning kontsentratsiyasi muvofiq ravishda taxminan 500–1000 mkg/ml ni, qon zardobida esa  taxminan 100 mkg/ml ni tashkil qiladi. Xlorgeksidin teri orqali juda oz darajada so‘rilishi tufayli, uni a’zo va to‘qimalarda taqsimlanishi haqida ma’lumot ko‘p emas. Xlorgeksidin (300 mg) peroral yuborilganda sog‘lom katta odamdagi qon plazmasida 0,2 mkg /ml li maksimal darajasiga 30 minutdan keyin erishiladi. Chiqarilishi Pantotenat kislotasi organizmdan o‘zgarmagan holda chiqariladi. Peroral qabul qilingandan keyin 60-70% siydik bilan, qolgan qismi ahlat bilan chiqariladi. Xlorgeksidin teri orqali deyarli so‘rilmaydi. Xlorgeksidin peroral yuborilganda organizmdan ahlat bilan deyarli to‘liq chiqariladi. Qo‘llanilishi Terining infektsiyalanish xavfi mavjud bo‘lgan kichik jarohatlar, shilingan, kesilgan, tirnalgan, kuygan, chaqqan joylari kabi yuza shikastlanishlarida qo‘llaniladi. Kichik invaziv jarroxlikda mahalliy antiseptik vosita sifatida qo‘llanadi.

Kremni oldindan tozalangan jarohat yuzasiga yoki yallig‘langan teri sohalariga sutkada bir yoki, ehtiyojga ko‘ra, bir necha marta surtiladi. Zarurati bo‘lganida bog‘lovlarni qo‘llash mumkin.

Quyida keltirilgan noxush samaralar spontan ma’lumotlar asosida ko‘rsatilgan, ularning har birini uchrash tez-tezligini aniq aniqlash mumkin emas. Immun tizimi, teri va teri osti to‘qimalari tomonidan: allergik reaktsiyalar, shu jumladan terining allergik reaktsiyalari: kontakt dermatit, allergik dermatit, qichishish, eritema, ekzema, toshma, eshakemi, terini ta’sirlanishi, pufakchali toshma;o‘ta yuqori sezuvchanlik, anafilaktik reaktsiyalar, muvofiq laborator va klinik ko‘rinishlar bilan, shu jumladan astma simptomlari bilan kechuvchi anafilaktik shok, yengil darajadan o‘rtacha darajagacha terini shikastlanishlari, nafas yo‘llari, me’da-ichak yo‘llari, yurak-qon tomir va nafas yetishmovchiligi. Yuqorida keltirilgan nojo‘ya reaktsiyalar, shuningdek ushbu ilova-varaqada ko‘rsatilmagan reaktsiyalar paydo bo‘lgan hollarda, preparatni qabul qilishni to‘xtatish va shifokor bilan maslaxatlashish kerak.

Dekspantenol va/yoki xlorgeksidinga yoki preparatning komponentlaridan birontasiga yuqori sezuvchanlikda qo‘llash mumkin emas. Quloqning teshilgan nog‘ora pardasiga surtish mumkin emas.

Homiladorlik va laktatsiya davrida kremni qo‘llashni cheklash zarurati haqidagi dalillar yo‘q.

25ºS dan yuqori bo‘lmagan haroratda, bolalar ololmaydigan joyda saqlansin. Yaroqlilik muddati 3 yil. O‘ramida ko‘rsatilgan yaroqlilik muddati o‘tgach qo‘llanmasin.

Bepanten Plyus katta dozalarda ham yaxshi o‘zlashtiriladi, dozani oshirib yuborilish xavfi yo‘q. Og‘izga tasodifan tushgan hollarda ham, hech qanday maxsus choralarni ko‘rish talab etilmaydi. Tasodifan ko‘zga tushsa, biroz qichishtirishi mumkin, bu suv yoki fiziologik eritma bilan yuvilganda bartaraf bo‘ladi.Terining zararlangan bir sohasiga preparat tez-tez ko‘p marta qo‘llanganida terini ta’sirlanishiga olib kelishi mumkin. Ogohlantirish choralari Preparatni terining katta jarohat sohalariga qo‘llash mumkin emas, preparat terining kichik jarohatlari uchun mo‘ljallangan. Kremni quloqqa, ko‘zga yoki shilliq qavatlarga tushishidan saqlanish kerak. Bepanten Plyus preparatini infektsiyalanish ehtimoli yuqori bo‘lmagan terini ta’sirlanishiga (masalan, quyosh nuridan kuyish) ishlov berish uchun qo‘llash tavsiya etilmaydi Boshqa dori vositalari bilan o‘zaro ta’siri Xlorgeksidin yuvuvchi sovun moddalar va boshqa anion birikmalar bilan nomutanosib. Bepanten Plyusni boshqa antiseptiklar bilan, ularning o‘zaro ta’sirini oldini olish uchun bir vaqtda qo‘llash tavsiya etilmaydi (ta’sir antagonizmi yoki inaktivatsiya).

Retseptsiz

30 g tuba. Tuba ilova-varaqasi bilan karton qutiga joylangan.