immunodepressiv vosita.

L04AA13.

So‘rilishi Preparatni so‘rilishi 82-95% ni tashkil etadi va ovqat qabul qilishga bog‘liq emas. plazmada A771726 ni maksimal kontsentratsiyasiga erishish vaqti o‘zgaruvchan – bir marta qabul qilingandan so‘ng 1 soatdan 24 soatgacha vaqtni tashkil etadi. Yarim chiqarilish davri 2 haftani tashkil etadi. Plazmada faol modda barqaror kontsentratsiyasiga samarani bir marom saqlab turuvchi dozalarda har kuni qabul qilinganida taxminan        2 oydan keyin erishiladi. Shu sababli, birinchi 3 kun davolash davomida preparatni 100 mg yuklama dozalarda qo‘llash, A771726 faol metabolitining plazmadagi kontsentratsiyasini muvozanat holatiga tez erishish imkonini beradi. A771726 ning farmakokinetik ko‘rsatkichlari 5 mg dan 25 mg gacha bo‘lgan dozalarda proportsional bog‘liqlikka ega. Sutkada 20 mg dozada qabul qilinganida A771726 ning plazmadagi o‘rtacha kontsentratsiyasi 35 mkg/ml ni tashkil etadi. Ko‘p marta qabul qilinganida preparatning qon plazmasidagi kontsentratsiyasi bir marta qabul qilingandagiga nisbatan 33-35 marta oshadi. Taqsimlanishi Plazmada A771726 oqsillari bilan tez va deyarli 100% ga bog‘lanadi (A771726 ning bog‘lanmagan fraktsiyasi 0,62% ni tashkil etadi. Revmatoid artrit va surunkali buyrak yetishmovchiligi bo‘lgan patsiyentlarda plazma oqsillari bilan bog‘lanishi pasayishi mumkin. Biotransformatsiyasi Leflunomid bitta asosiy (A771726) va bir qancha ikkilamchi metabolitlargacha, shu jumladan 4-triftorometilalaningacha metabolizmga uchraydi. Leflunomidni A771726 ga biotransformatsiyasi va keyinchalik A771726 o‘zining metabolizmi bir qancha fermentlar tomonidan nazorat qilinadi va mikrosomal va tsitozol hujayra fraktsiyalarida amalga oshadi. Tsimetidin (tsitoxrom R450 ni nospetsifik ingibitori) bilan o‘zaro ta’sirini o‘rganish bo‘yicha o‘tkazilgan tadqiqotlar, in vitro sharoitlarda CYP-enzimlari leflunomidning metabolizmida faqat biroz darajada ishtirok etishini ko‘rsatdi. Chiqarilishi A771726 ni organizmdan chiqarilishi sekin amalga oshadi va klirensi soatiga 31 ml ga tengligi bilan xarakterlanadi. Yarim chiqarilish davri taxminan 2 haftani tashkil etadi. Leflunomid axlat bilan biliar ekskretsiya hisobiga va siydik bilan chiqariladi. Siydikdagi asosiy metabolitlari leflunomid glyukuronidlari va A771726 hosilalari hisoblanadi. Axlatdagi asosiy metaboliti A771726 hisoblanadi. Buyrak yetishmovchiligi Surunkali ambulator peritoneal dializda bo‘lgan patsiyentlarda A771726 ning farmakokinetikasi sog‘lom ko‘ngillilardagi farmakokinetikasiga o‘xshash. Jigar yetishmovchiligi Jigar yetishmovchiligi bo‘lgan patsiyentlarda preparatning farmakokinetikasi yuzasidan ma’lumotlar yo‘q. Keksa yoshdagilar Keksa yoshdagi (65 yosh va undan katta) patsiyentlarda preparatning farmakokinetik ma’lumotlar o‘rta yoshdagilarga muvofiq keladi.

Quyidagilar bo‘lgan katta yoshdagi patsiyentlarni davolash: revmatoid artritni faol shaklida kasallikning simptomlarini kamaytirish va bo‘g‘imlarda struktur shikastlanishlar rivojlanishini kechiktirish maqsadida bazis vosita sifatida;psoriatik artritni faol shaklida qo‘llanadi.

Bageda preparati revmatoid artritni davolash tajribasiga ega bo‘lgan mutaxassislar tomonidan buyurilishi kerak. Preparat ovqatlanishdan qat’iy nazar, ichga, butun holda, yetarli miqdordagi suyuqlik bilan qabul qilinadi. Davolash 3 kun davomida 100 mg zarb dozani ichga bir marta qabul qilish bilan boshlanadi. Revmatoid artritda preparatning samarasini bir maromda saqlab turuvchi doza sifatida leflunomidni 10 mg dan 20 mg gacha bo‘lgan dozada sutkada bir marta, psoriatik artritda – 20 mg dozada sutkada 1 marta qabul qilish tavsiya etiladi. Terapevtik samarasi odatda 4-6 haftadan keyin namoyon bo‘ladi va keyinchalik 4-6 haftagacha kuchayib borishi mumkin. 65 yoshdan oshgan patsiyentlar uchun dozaga tuzatish kiritish talab etilmaydi.

Nojo‘ya samaralarning uchrash tez-tezligini aniqlash: juda tez-tez (≥1/10), tez-tez (≥1/100, ammo <1/10), tez-tez emas (≥1/1000, ammo <1/100), kam hollarda (≥1/10000, ammo <1/1000), juda kam hollarda (<1/10000), uchrash tez-tezligi noma’lum (mavjud bo‘lgan ma’lumotlar asosida uchrash tez-tezligini baholash imkoni yo‘q). Infektsiyalar: kam hollarda – og‘ir darajadagi infektsiyalar, shu jumladan fatal holatlarga olib kelishi mumkin bo‘lgan opportunistik infektsiyalar va sepsisni rivojlanishi. Kuzatilishi mumkin bo‘lgan infektsiyalar (xususan, rinit, bronxit va pnevmoniya) ning miqdori oshishi mumkin. Yurak-qon tomir tizimi tomonidan: tez-tez – arterial bosimni o‘rtacha darajada oshishi; kam hollarda – arterial bosimni yaqqol darajada oshishi. Me’da-ichak yo‘llari, jigar tomonidan: tez-tez – ich ketishi, ko‘ngil aynishi, qusish, anoreksiya, og‘iz bo‘shlig‘ining shilliq qavati kasalliklari (masalan, aftoz stomatit, lablarda yaralarni hosil bo‘lishi), qorin bo‘shlig‘ida og‘riq, “jigar” transaminazalari (ayniqsa ALT), GGT va IF ning faolligini oshishi, giperbilirubinemiya; juda kam hollarda – gepatit, sariqlik/xolestaz; juda kam hollarda – jigarni, fatal holatlarga olib kelishi mumkin bo‘lgan jigar yetishmovchiligi, o‘tkir jigar nekrozi kabi og‘ir darajadagi shikastlanishlari; pankreatit. Nafas tizimi va mediastinal buzilishlar: juda kam hollarda – interstitsial o‘pka jarayoni (shu jumladan interstitsial pnevmoniya), o‘lim bilan tugashi mumkin. Moddalar almashinuvi va oziqlanishni buzilishi: tez-tez – fosfokinazaning darajasini oshishi; tez-tez emas – gipokaliyemiya, giperlipidemiya, gipofosfatemiya; kam hollarda – laktatdegidrogenazaning darajasini oshishi; uchrash tez-tezligi noma’lum – gipourikemiya. Nerv tizimi tomonidan: tez-tez – bosh og‘rig‘i, bosh aylanishi, paresteziyalar, periferik neyropatiya. Tayanch-harakat apparati: tez-tez – tendovaginit; tez-tez emas – paylarni uzilishi. Teri va derivatlar: tez-tez – sochlarni tez to‘kilishi, ekzema, terini qurishi; juda kam hollarda – ko‘p shaklli eritema. Allergiya: tez-tez – yengil allergik reaktsiyalar, toshma (shu jumladan, makulopapulyoz toshma), qichishish; tez-tez emas – eshakemi; juda kam hollarda – jiddiy anafilaktik / anafilaktoid reaktsiyalar, Stivens-Djonson sindromi, Layell sindromi; uchrash tez-tezligi noma’lum – qizil yugurik, pustulyar psoriaz. Qon yaratish tizimi va limfatik tizim: tez-tez – leykopeniya (leykotsitlar > 2000/mkl); tez-tez emas – anemiya, katta bo‘lmagan trombotsitopeniya (trombotsitlar < 100000/mkl); kam hollarda – eozonofiliya, leykopeniya (leykotsitlar < 2000/mkl), pantsitopeniya (ehtimol, antiproliferativ ta’siri hisobiga); juda kam hollarda – agranulotsitoz. Potentsial miyelotoksik agentlarni yaqinda, yondosh yoki keyinchalik qo‘llanishi gematologik samaralarning yuqori xavf darajasi bilan assotsiatsiya bo‘lishi mumkin. Xavfli, ayniqsa limfoproliferativ kasalliklarni rivojlanish xavfi biron-bir immunodepressiv preparatlar qo‘llanganida oshadi. Reproduktiv tizimi: uchrash tez-tezligi noma’lum – spermaning kontsentratsiyasini, spermatazoidlarning umumiy miqdori va ularning harakatchanligini qaytuvchan kamayishi. Umumiy buzilishlar: tez-tez – anoreksiya, tana vaznini biroz yo‘qolishi, asteniya bo‘lishi mumkin.

Preparatni quyidagi holatlarda: 18 yoshdan kichik bo‘lgan patsiyentlarda;leflunomidga yoki preparatning har qanday boshqa komponentiga o‘ta yuqori sezuvchanlikda (anamnezida Stivens-Djonson sindromi, toksik epidermal nekroliz, ko‘p shaklli eritema bo‘lgan patsiyentlarda);jigar faoliyatini buzilishlari bo‘lgan patsiyentlarda;og‘ir darajadagi immun tanqisligi (masalan, OITS) bo‘lgan patsiyentlarda;suyak ko‘migida qon hosil bo‘lishini ahamiyatli bzilishlari yoki biron-bir sabablarga ko‘ra (revmatoid va psoriatik artritdan tashqari) yaqqol anemiya, leykopeniya yoki trombotsitopeniya bo‘lgan patsiyentlarda;og‘ir darajadagi, nazorat qilib bo‘lmaydigan infektsiyalari bo‘lgan patsiyentlarda;o‘rtacha yoki og‘ir darajadagi buyrak yetishmovchiligi bo‘lgan patsiyentlarda (klinik kuzatishlar tajribasi kam bo‘lganligi sababli);og‘ir darajadagi gipoproteinemiyasi bo‘lgan patsiyentlarda (masalan, nefrotik sindromda);homilador ayollarga yoki ishonchli kontratseptsiyadan foydalanmaydigan tug‘ruq yoshidagi ayollarda;laktatsiya davrida qo‘llash mumkin emas.

Gepatotoksik (shu jumladan alkogol) yoki gematotoksik va immunosupressiv preparatlar yaqin vaqtda yoki yondosh qo‘llanganida yoki ushbu preparatlarni qabul qilish leflunomid bilan davolashdan so‘ng “yuvilib ketish” muolajasi bo‘lmasdan boshlanganida nojo‘ya ko‘rinishlarni kuchayishi ahamiyatga ega bo‘lishi mumkin. Revmatoid artrit bo‘lgan patsiyentlarda leflunomid (sutkada 10-20 mg) va metotreksat (haftada 10-25 mg) o‘rtasida hech qanday farmakokinetik o‘zaro ta’siri aniqlanmagan. Leflunomid qabul qilayotgan patsiyentlarga kolestiramin yoki faollashtirilgan ko‘mir berish tavsiya etilmaydi, chunki qon plazmasida A771726 (leflunomidning faol metaboliti) kontsentratsiyasini tez va ahamiyatli pasayishiga olib keladi. Bu holat jigarda va ingichka ichakda A771726 ni retsirkulyatsiyasini buzilishi va/yoki me’da-ichak dializini buzilishi bilan bog‘liq deb hisoblanadi. Agar patsiyent NYAQV va/yoki kortikosteroidlarni allaqachon qabul qilayotgan bo‘lsa, ularni leflunomid bilan davolash boshlangandan keyin ham davom ettirishi mumkin. Leflunomid va uning metabolitlarini metabolizmida ishtirok etadigan fermentlar ma’lum emas. In vitro sharoitlarida uni tsimetidin bilan (tsitoxrom R450 ni nospetsifik ingibitori) o‘zaro ta’sirini o‘rganish bo‘yicha o‘tkazilgan tadqiqotlar ahamiyatli o‘zaro ta’sir yo‘qligini ko‘rsatdi. Rifampitsinning (tsitoxrom R450 ni nospetsifik induktori) ko‘p martalik dozalarini qabul qilayotgan subyektlarga leflunomidning bir martalik dozasi yondosh yuborilgandan so‘ng, A771726 ning cho‘qqi darajasi taxminan 40% ga oshgan, ayni vaqtda kontsentratsiya-vaqt egri chizig‘i ostidagi maydon esa ahamiyatli darajada o‘zgarmagan. Ushbu samaraning mexanizmi aniq emas. In vitro sharoitlarida o‘tkazilgan tadqiqotlar, A771726 tsitoxrom R4502S9 (CYP2C9) ning faolligini susaytirishini ko‘rsatdi. Klinik tadqiqotlarda leflunomid va CYP2C9 tomonidan metabolizmga uchraydigan NYAQV birga yuborilganida hech qanday muammolar aniqlanmagan. Leflunomidni fenitoin, varfarin va tolbutamid kabi CYP2C9 yordamida metabolizmga uchraydigan, NYAQV hisoblanmaydigan boshqa dori vositalari bilan birga ayniqsa ehtiyotkorlik bilan berish kerak. Leflunomid va varfarin bir vaqtda buyurilganida protrombin vaqtini uzayganligi yuzasidan xabar berilgan. Leflunomid sog‘lom ayol ko‘ngillilarga tarkibida 30 mkg etinilestradiol saqlagan, homilaga qarshi uch fazali peroral vositalar bilan birga berilgan tadqiqotda tabletkalarning kontratseptiv samarasini hech qanday pasayishi aniqlanmagan, A771726 ning farmakokinetikasi esa butunlay mo‘ljallangan diapazonda bo‘lgan. Hozirgi vaqtda leflunomidni revmatologiyada qo‘llanadigan bezgakka qarshi preparatlar (masalan, xloroxin va gidroksixloroxin), oltin (Au) preparatlari (mushak ichiga yoki peroral), D-penitsillamin, azatioprin va boshqa immunodepressiv dori vositalari (metotreksatdan tashqari) bilan birga qo‘llashga nisbatan ma’lumotlar yo‘q. Ayniqsa uzoq muddat davolanganda majmuaviy davolash o‘tkazish bilan bog‘liq bo‘lgan xavf ma’lum emas. Bunday davolash qo‘shimcha yoki hatto sinergik toksiklikni (masalan, gepato- yoki gematotoksiklik) rivojlanishiga olib kelishi mumkinligi sababli, ushbu preparatni boshqa bazis preparatlari (masalan, metotreksat) bilan majmuada qo‘llash mumkin emas. Potentsial miyelotoksik preparatlarni yaqin vaqtda yondosh yoki keyinchalik qo‘llash gematologik ta’sirlarni rivojlanish xavfini yuqori darajasi bilan bog‘liq bo‘lishi mumkin. Immunodepressantlar infektsiyalarni, shuningdek xavfli, ayniqsa limfoproliferativ kasalliklarni rivojlanish xavfini oshiradi. Vaktsinatsiya Leflunomid bilan davolanish vaqtida emlashning ta’siri va xavfsizligiga nisbatan hech qanday klinik ma’lumotlar yo‘q. Shunday bo‘lsa ham, tirik vaktsinalar bilan emlash tavsiya etilmaydi. Bageda preparati bekor qilinganidan so‘ng tirik vaktsinalar bilan emlash rejalashtirilganida Bageda preparatining yarim chiqarilish davri davomiy ekanligini hisobga olish kerak.

Bageda preparati patsiyentlarga faqat sinchkov tibbiy tekshiruvdan o‘tganlaridan so‘ng buyurilishi mumkin. Bageda preparati bilan davolashni boshlashdan oldin, ilgari revmatoid artritni davolash uchun, gepato- va gematotoksik ta’sirlarga ega bo‘lgan boshqa bazis vositalar (masalan, metotreksat) ni qabul qilgan patsiyentlarda nojo‘ya samaralar sonini oshishi mumkinligini yodda tutish kerak. Leflunomidning faol metaboliti (A771726) odatda bir haftadan to‘rt haftagacha bo‘lgan vaqtdan tashkil topgan davomli yarim chiqarilish davri bilan xarakterlanadi. Leflunomidning faol metabolitini (A771726) yarim chiqarilish davri davomli bo‘lganligi sababli, hatto leflunomid bilan davolash to‘xtatilganida ham jiddiy noxush samaralar (masalan, gepatotoksiklik, gematotoksiklik yoki allergik reaktsiyalar) rivojlanishi va saqlanishi mumkin. Bunday holatda organizmdan “ajratib chiqarish” muolajasini o‘tkazish kerak. Klinik ko‘rsatmalarga qarab, muolajani takrorlash mumkin. Stivens-Djonson sindromi yoki Layell sindromi kabi og‘ir darajadagi immunologik / allergik reaktsiyalarga gumon qilinganida butunlay “ajratib chiqarish” o‘tkazish shart. Shuning uchun shunday zaharlanish hollari rivojlanganida yoki leflunomid bilan davolangandan so‘ng boshqa bazis preparat (masalan, metotreksat) ni qo‘llashga o‘tilganida “ajratib chiqarish” muolajasini o‘tkazish kerak. Jigarni tomonidan reaktsiyalar Leflunomidning faol metaboliti (A771726) oqsillar bilan bog‘langan va jigar metabolizmi orqali hamda safro bilan chiqarilganligi sababli, gipoproteinemiyasi bo‘lgan patsiyentlarda qon plazmasida A771726 ning miqdori oshishi mumkin deb taxmin qilinadi. Bageda preparatini og‘ir darajadagi gipoproteinemiyasi yoki jigar faoliyatini buzilishlari bo‘lgan patsiyentlarga qo‘llash mumkin emas. Leflunomid bilan davolanganda jigarni og‘ir darajada shikastlanishi rivojlanishi, ayrim hollarda o‘lim bilan tugagan juda kam holatlar haqida xabarlar berilgan. Ushbu holatlarning ko‘pchiligi davolashning birinchi olti oyi davomida kuzatilgan. Garchi ushbu noxush ko‘rinishlarni leflunomid bilan o‘zaro bog‘liqligi aniqlanmagan, va ko‘pchilik hollarda shubha tug‘diradigan bir qancha qo‘shimcha omillar mavjud bo‘lsa-da, davolashni nazorat qilish bo‘yicha tavsiyalarni aniq bajarish shart hisoblanadi. Leflunomid bilan davolashni boshlashdan oldin, so‘ngra birinchi 6 oy davolash davomida har 2 haftada, keyinchalik har 6-8 haftada bir marta ALT ning darajasini tekshirish kerak. ALT ning darajasini oshishini yaqqolligi va turg‘unligiga qarab, preparatning dozalash tartibiga tuzatish kiritish yoki qabul qilishni to‘xtatish bo‘yicha quyidagi tavsiyalar mavjud. ALT ning darajasi normaning yuqori chegarasidan 2-3 marta oshganligi tasdiqlanganida, preparatning dozasini 20 mg dan 10 mg gacha pasaytirish ushbu ko‘rsatkichni sinchkov nazorat qilish mumkin bo‘lgan sharoitda leflunomidni qabul qilishni davom ettirish imkonini berishi mumkin. Agar ALT ning darajasini normaning yuqori chegarasidan 2-3 marta oshishi saqlanib tursa yoki agar ALT ning darajasini normaning yuqori chegarasidan 3 martadan ko‘p oshganligi tasdiqlansa, leflunomidni qabul qilish to‘xtatish va “ajratib chiqarish” muolajasini boshlash kerak. Qo‘shimcha gepatotoksik samaralar bo‘lishi mumkinligi sababli, leflunomid bilan davolanish vaqtida alkogol iste’mol qilishdan saqlanish tavsiya etiladi. Gematologik reaktsiyalar Leflunomid bilan davolashni boshlashdan oldin, shuningdek davolashning birinchi 6 oyi davomida ham 2 haftadan va so‘ngra har 6-8 haftada qonni to‘liq klinik tahlili, shu jumladan leyotsitar formulani va trombotsitlar sonini aniqlash kerak. Ilgari anemiya, leykopeniya va/yoki trombotsitopeniyasi bo‘lgan patsiyentlarda, shuningdek suyak ko‘migi faoliyatini buzilishlari yoki shunday buzilishlarni rivojlanish xavfi bo‘lgan patsiyentlarda gematologik buzilishlarni rivojlanish xavfi oshadi. Shunday ko‘rinishlar rivojlanganida qon plazmasida A771726 ning darajasini pasaytirish uchun “ajratib chiqarish” muolajasidan foydalanish kerak. Jiddiy gematologik reaktsiyalar, shu jumladan pantsitopeniya rivojlanganida Bageda preparatini va suyak ko‘migida qon hosil bo‘lishini susaytiruvchi boshqa har qanday yondosh preparatni qabul qilishni to‘xtatish va “ajratib chiqarish” muolajasini boshlash kerak. Boshqa davolash turlari bilan birga qo‘llash Hozirgi vaqtda leflunomid preparatini revmatologiyada qo‘llanadigan, mushak ichiga yuboriladigan yoki peroral qabul qilinadigan bezgakka qarshi preparatlar (masalan, xloroxin va gidroksixloroxin), oltin preparatlari, D-penitsillamin, azatioprin va boshqa immunodepressiv vositalar (metotreksatdan tashqari) bilan birga qo‘llashga nisbatan ma’lumotlar yo‘q. Ayniqsa uzoq vaqt davomida majmuaviy davolash bilan bog‘liq bo‘lgan xavf ma’lum emas. Bunday davolash qo‘shimcha yoki hatto sinergik toksiklikni (masalan, gepato- yoki gematotoksiklik) rivojlanishiga olib kelishi mumkinligi sababli, ushbu preparatni boshqa bazis preparatlari (masalan, metotreksat) bilan birga qo‘llash mumkin emas. Boshqa davolash turlariga o‘tish Leflunomid organizmda uzoq muddat saqlanib turganligi sababli, “ajratib chiqarish” muolajasini yondosh ravishda o‘tkazmasdan boshqa bazis preparatni (masalan, metotreksat) qabul qilishga o‘tish, hatto o‘tilgandan so‘ng uzoq muddatdan keyin ham qo‘shimcha xavf (masalan, kinetik o‘zaro ta’sir, organotoksiklik) ni rivojlanish ehtimolini oshirishi mumkin. Analogik tarzda yaqin vaqtda gepatotoksik yoki gematologik preparatlar (masalan, metotreksat) bilan davolanish nojo‘ya ko‘rinishlarni rivojlanish sonini oshishiga olib kelishi mumkin, shuning uchun leflunomid bilan davolanishni boshlashdan oldin, ushbu preparatni qabul qilish bilan bog‘liq bo‘lgan barcha ijobiy va salbiy tomonlarini yaxshilab ko‘rib chiqish kerak. Teri reaktsiyalari Yarali stomatit rivojlanganida leflunomid qabul qilishni to‘xtatish kerak. Leflunomid qabul qilgan patsiyentlarda Stivens-Djonson sindromi yoki toksik epidermal nekrolizni juda kam rivojlanish hollari yuzasidan xabar berilgan. Teri reaktsiyalari yoki shilliq qavatlar tomonidan reaktsiyalar rivojlanganida Bageda preparatini va u bilan bog‘liq bo‘lgan har qanday boshqa preparatni qabul qilishni bekor qilish va zudlik bilan “ajratib chiqarish” muolajasini boshlash kerak. Organizmdan preparatni butunlay chiqarilishiga erishish kerak. Bunday holatlarda preparatni takroran buyurish mumkin emas. Infektsiyalar Ma’lumki, leflunomidga o‘xshash va immunosupressiv hususiyatlarga ega bo‘lgan preparatlar patsiyentlarni turli infektsiyalarga, shu jumladan opportunistik infektsiyalarga (immunitet pasaygan sharoitdagina infektsiyalarni rivojlanishiga olib kelishi mumkin bo‘lgan zamburug‘lar va mikroorganizmlar chaqirgan infektsiyalar) nisbatan yanada sezuvchan qiladilar. Rivojlangan infektsion kasalliklar odatda og‘ir kechadi va erta va jadal davolashni talab etadi. Og‘ir infektsion kasallik rivojlanganida leflunomid bilan davolashni to‘xtatish va “ajratib chiqarish” muolajasini boshlash talab etilishi mumkin. Tuberkulyozni qayta faollashuv xavfi borligi tufayli, tuberkulinga nisbatan reaktsiyasi musbat bo‘lgan patsiyentlarni yaxshilab kuzatish kerak. Nafas yo‘llari tomonidan reaktsiyalar Leflunomid bilan davolanish vaqtida interstitsial o‘pka jarayonini juda kam hollari aniqlangan. Yo‘tal va dispnoe kabi bunday simptomlar leflunomidni leflunomidni qabul qilishni to‘xtatishga sabab bo‘lishi mumkin.

Leflunomid preparatini homilador yoki ishonchli kontratseptsiyadan foydalanmaydigan tug‘ruq yoshidagi ayollarga buyurish mumkin emas. Hayz ko‘rish tsiklini kechikishi boshlangan zahoti yoki agar homiladorlik kuzatilganligiga taxmin qiladigan boshqa sabab bo‘lsa, patsiyentlar homiladorlikka sinama o‘tkazish uchun zudlik bilan shifokorga xabar berish kerakligi to‘g‘risida ma’lumot olgan bo‘lishlari kerak; homiladorlikni aniqlash sinamasi musbat bo‘lganida shifokor ushbu homiladorlikka ta’sir qiladigan xavfni patsiyent bilan muhokama qilishi kerak. Quyida ta’riflangan, preparatni organizmdan chiqarish muolajasi yordamida qonda faol metabolitining darajasini tez pasaytirish, hayz ko‘rish tsikli birinchi marta kechikkanida leflunomidni homilaga nisbatan ta’sir xavfini pasaytirishga yordam beradi. Leflunomid qabul qilayotgan va homilador bo‘lishni istagan ayollarga, A771726 ning toksik kontsentratsiyasi (nazorat kontsentratsiyasi 0,02 mg/l dan past) homilaga ta’sir qilmasligiga ishonch hosil qilish uchun quyida keltirilgan muolajalardan biriga rioya qilish tavsiya etiladi. Kutish davri Qon plazmasida A771726 ning kontsentratsiyasi uzoq muddat davomida 0,02 mg/l dan yuqori bo‘lishi mumkinligini kutish mumkin. Uning kontsentratsiyasi leflunomid bilan davolash to‘xtatilganidan so‘ng 2 yildan keyin 0,02 mg/l dan kam bo‘lishi mumkin, deb hisoblanadi. Qon plazmasida A771726 ning  kontsentratsiyasi birinchi marta ikki yil davomida kutish davri tugaganidan so‘ng o‘lchanadi. Shundan so‘ng qon plazmasida A771726 ning kontsentratsiyasini kamida 14 kundan so‘ng o‘lchash kerak. Agar ikki safar o‘lchanganida ham ko‘rsatkich 0,02 mg/l dan kam bo‘lsa, hech qanday teratogen xavf kutilmaydi. “Ajratib chiqarish” muolajasi Leflunomid bilan davolash to‘xtatilganidan so‘ng 8 g kolestiramin kuniga 3 marta 11 kun davomida yuboriladi. Muqobil vosita sifatida 50 g kukun qilib maydalangan faollashtirilgan ko‘mirni kuniga 4 marta 11 kun davomida yuboriladi. Tanlangan “ajratib chiqarish” muolajasidan qat’iy nazar, kamida 14 kunlik oraliq bilan ikkita alohida sinamalar bilan tekshirish o‘tkazish va plazmada preparatning kontsentratsiyasi, tuxum hujayra urug‘lanishidan oldin, birinchi marta 0,02 mg/l dan past ko‘rsatkich qayd etilgan vaqtdan boshlab bir yarim oy kutish kerak. Tug‘ruq yoshidagi ayollarga, homilador bo‘lishga harakat qilishlari mumkin bo‘lishidan oldin, leflunomid bilan davolash tugaganidan so‘ng 2 yil o‘tishi kerakligi yuzasidan ma’lumot berish kerak. Agar ishonchli kontratseptsiyadan foydalanganda 2 yil davomida kutish asossiz deb taxmin qilinsa, oldini olish maqsadida “ajratib chiqarish” muolajasini o‘tkazishni maslahat berish mumkin. Kolestiramin ham, faollashtirilgan ko‘mir ham estrogenlar va progestogenlarning so‘rilishiga ta’sir qilishi mumkin, shuning uchun peroral qabul qilinadigan ishonchli homiladorlikka qarshi vositalar kolestiramin yoki faollashtirilgan ko‘mir yordamida “ajratib chiqarish” davrida yuz foiz kafolat bermaydi. Muqobil kontratseptsiya usullaridan foydalanish tavsiya etiladi. Hayvonlarda o‘tkazilgan tadqiqotlar, leflunomid va uning metabolitlari ko‘krak sutiga o‘tishi mumkinligini ko‘rsatdi. Shuning uchun emizikli ayollar leflunomidni qabul qilishlari mumkin emas.

Namlikdan himoyalangan joyda, 25oS dan yuqori bo‘lmagan haroratda saqlansin.

Simptomlari. Leflunomid preparatini tavsiya etilgan dozadan 5 marta yuqori dozada qabul qilgan patsiyentlarda dozani surunkali oshirib yuborilishi yuzasidan xabarlar, shuningdek kattalar va bolalarda dozani o‘tkir oshirib yuborilganligi yuzasidan xabarlar bor. Dozani oshirib yuborilishini ko‘pchilik hollarida noxush ko‘rinishlarni rivojlanganligi yuzasidan xabarlar berilmagan. Rivojlangan noxush ko‘rinishlar leflunomidning xavfsizlik profili bilan bir xil bo‘lgan. Eng ko‘p kuzatilgan noxush ko‘rinishlar diareya, qorinda og‘riq, leykopeniya, anemiya va jigarning funktsional holatining sinamalari ko‘rsatkichlarini oshishi bo‘lgan Davolash. Dozasi oshirib yuborilganida yoki preparat bilan zaharlanganda organizmni tozalanishini tezlashtirish uchun kolestiramin yoki faollashtirilgan ko‘mir qabul qilish tavsiya etiladi. “Ajratib chiqarish” muolajalarini klinik ko‘rsatmalarga qarab takrorlash mumkin. Gemodializ va SAPD (surunkali ambulator peritoneal dializ) bilan o‘tkazilgan tadqiqotlar, leflunomidning asosiy metaboliti A771726 dializ orqali organizmdan chiqarilmasligini ko‘rsatdi.

Retsept bo‘yicha beriladi

Plyonka qobiq bilan qoplangan tabletkalar. 10 tabletkadan blisterda. 3 blister qo‘llash bo‘yicha yo‘riqnomasi bilan birga karton qutiga joylangan.

3 yil.