oq rangli sarg‘ish tusli yoki och-sariq rangli shirin ta’mli o‘ziga xos hidli suspenziya.

Antibiotik (makrolidlar guruhi).

J01FA10

Preparat me’da-ichak yo‘llaridan tez so‘riladi, bu uni kislotali muhitga chidamliligi va lipofilligi bilan bog‘liq. Ichga 500 mg qabul qilinganidan keyin, azitromitsinning qon plazmasidagi maksimal kontsentratsiyasiga (Cmax) 2,5–2,96 soat o‘tgach erishiladi va u 0,4 mg/l ni tashkil qiladi. Biokiraolishligi 37% ni tashkil qiladi. Azitromitsin nafas yo‘llariga, urogenital yo‘llarining a’zolari va to‘qimalariga yaxshi o‘tadi. To‘qimalardagi yuqori kontsentratsiyasi (qon plazmasidagiga nisbatan 10-50 marta yuqori) va yarim chiqarilish davrining (T1/2) uzoqligi azitromitsinning qon plazmasi oqsillari bilan past darajada bog‘lanishi, hamda uni eukariotik hujayralarga kiraolish qobiliyati va rN past bo‘lgan, lizosomalar atrofidagi muhitda ko‘proq to‘planishi bilan bog‘liq. Bu o‘z navbatida, katta ehtimoliy taqsimlanish xajmini (31,1 l/kg) va yuqori plazma klirensini belgilaydi. Azitromitsinni ko‘proq lizosomalarda to‘planish qobiliyati, ayniqsa hujayra ichki qo‘zg‘atuvchilarini eliminatsiyasi uchun muhim. Fagotsitlar azitromitsinni infektsiya joyiga yetkazib berishi, u yerda uning fagotsitoz jarayonida ajralib chiqishi isbotlangan. Azitromitsinning kontsentratsiyasi infektsiya o‘chog‘ida, sog‘lom to‘qimalarga nisbatan (o‘rtacha 24-34% ga) ishonarli yuqori va yallig‘lanish shishi darajasi bilan to‘g‘ri qiladi. Fagotsitlardagi yuqori kontsentratsiyasiga qaramay, azitromitsin ularning faoliyatiga sezilarli ta’sir ko‘rsatmaydi. Azitromitsin yallig‘lanish o‘choqlarida bakteritsid kontsentratsiyalarda, oxirgi qabul qilingan dozadan keyin 5-7 kun davomida saqlanadi, bu qisqa (3-kunlik va 5-kunlik) davolash kurslarini ishlab chiqish imkonini beradi. Asosan jigarda nofaol metabolitlarni hosil qilib metabolizmga uchraydi. Azitromitsin qon plazmasidan 2 bosqichda chiqariladi: T1/2 qabul qilingandan keyin 8 dan 24 soat oralig‘ida 14-20 soatni va 24 dan 72 soat oralig‘ida – 41 soatni tashkil qiladi, bu preparatni sutkada 1 marta qo‘llash imkonini beradi. Asosan o‘t bilan o‘zgarmagan holda, oz qismi – buyraklar orqali siydik bilan chiqariladi.

Preparatga sezgir bo‘lgan qo‘zg‘atuvchilar chaqirgan infektsion-yallig‘lanish kasalliklari: – nafas yo‘llarining yuqori bo‘limlari va LOR-a’zolarining (angina, sinusit, tonzillit, o‘rta otit) infektsiyalari; – skarlatina; – nafas yo‘llarining quyi bo‘limlarining (bakterial va tipik pnevmoniyalar, bronxit) infektsiyalari; – teri va yumshoq to‘qimalarning (o‘rtacha og‘irlikdagi husnbuzar (Ance Vulgaris) toshmasi, saramas, impetigo, ikkilamchi infektsiyalangan dermatozlar) infektsiyalari; – urogenital yo‘llarining infektsiyalari (asoratlanmagan uretrit va yoki tservitsit); – Layma kasalligi (borrelioz), boshlang‘ich bosqichini davolash uchun (Yerythema migrans) qo‘llaniladi.

Ichga ovqatdan 1 soat oldin yoki 2 soatdan keyin sutkada 1 marta buyuriladi. Bolalarga yuqori va quyi nafas yo‘llarining, teri va yumshoq to‘qimalarining infektsiyalarida 1kg tana vazniga 10 mg hisobidan sutkada 1 marta 3 kun davomida (kursli dozasi – 1 kg tana vazniga 30 mg ni tashkil qiladi) yoki 5 kun davomida: birinchi kuni – 1 kg tana vazniga 10 mg, keyin 1 kg tana vazniga 5-10 mg dan sutkada 1 marta 4 kun davomida buyuriladi. Bolaning tana vazniga ko‘ra quyidagi dozalash tartibi tavsiya qilinadi: Tana vazniO‘rtacha sutkalik (bir martalik) doza15-24kg25-34 kg35-44 kg>45 kg5 ml (200 mg)7,5 ml (300 mg)10 ml (400 mg)kattalar uchun dozalarda (500-1000 mg) buyuriladi Bolalarda Yerythema migrans davolashda preparatni sutkada bir marta 5 kun davomida birinchi kuni 1 kg tana vazniga 20 mg va 2 dan 5 kungacha 1 kg tana vazniga 10 mg dan buyuriladi. Flakon ichidagini har bir iste’mol qilishdan oldin chayqatish tavsiya etiladi.

Kam hollarda uchraydi (0,7% va undan kam  hollarda). Ovqat hazm qilish tizimi tomonidan: melena, xolestatik sariqlik, ko‘ngil aynishi, qusish, diareya, qabziyat, ishtaxani pasayishi, gastrit, jigar fermentlarining faolligini o‘rtacha qayta oshishi, og‘iz bo‘shlig‘ini shilliq qavatini kandidomikozi, ta’mni o‘zgarishi. Siydik chiqarish tizimi tomonidan: nefrit, qin kandidomikozi. Yurak–qon tomir tizimi tomonidan: yurak urishi, ko‘krak qafasida og‘riqlar. Markaziy va periferik nerv tizimi tomonidan: bosh aylanishi, bosh og‘rig‘i, uyquchanlik, yuqori toliqish; bolalarda – bosh og‘rig‘i (o‘rta otitni davolashda), giperkineziya, xavotirlik, nevroz, uyquni buzilishi. Allergik reaktsiyalar: juda kam hollarda teri toshmalari, Kvinke shishi, terini qichishishi, eshakemi, fotosensibilizatsiya, qichishish, kon’yunktivit, Stivens-Djonson sindromi. Laboratoriya ko‘rsatkichlari tomonidan: alohida hollarda – neytrofiliya, eozinofiliya (o‘zgargan ko‘rsatkichlar davolash to‘xtatilganidan keyin 2-3 hafta o‘tgach me’yorga qaytadi). Boshqalar: asteniya, fotosensibilizatsiya kuzatilishi mumkin.

jigar va buyraklar faoliyatining og‘ir buzilishlari;azitromitsinga va preparatning boshqa komponentlariga yuqori sezuvchanlik.makrolid guruhi antibiotiklariga yuqori sezuvchanlik;6 oylikgacha bo‘lgan bolalar yoshida (samaradorligi va xavfsizligi aniqlanmagan) qo‘llash mumkin emas.

Alyuminiy va magniy saqlovchi antatsid vositalar, etanol va ovqat qabul qilish azitromitsinning so‘rilishini sezilarli darajada kamaytiradi, shuning uchun preparatni bu preparatlar va ovqat qabul qilishdan kamida 1 soat oldin yoki 2 soatdan keyin qabul qilish kerak. Azitromitsin, boshqa makrolid antibiotiklaridan farqli ravishda tsitoxrom R450 tizimining izofermentlari bilan bog‘lanmaydi. Hozirgi kunda teofillin, terfenadin, karbamazepin, triazolam, digoksin bilan o‘zaro ta’siri aniqlanmagan. Varfarin bilan birga qo‘llashning zarurati bo‘lganida protrombin vaqtini sinchiklab nazorat qilish tavsiya etiladi. Makrolidlar ergotamin va digidroergotamin bilan bir vaqtda qabul qilinganda, ularning zaharli ta’sirlari (qon tomirlarning spazmi, dizesteziya) namoyon bo‘lishi mumkin. Linkozaminlar azitromitsinning samarasini pasaytiradi, tetratsiklin va xloramfenikol esa – oshiradi. Azitromitsin geparin bilan farmatsevtik nomutanosib. Bromkriptin bilan birga qo‘llanganda qonda bromkriptinni kontsentratsiyasini oshadi. Diergotamin va ergotamin bilan birga qabul qilinganda periferik qon tomirlar va dizesteziya bilan kechuvchi o‘tkir ergotoksik samara kuzatiladi.

Ehtiyotkorlik bilan jigar va buyrak faoliyatining buzilishlarida qo‘llaniladi. Azitromitsin va antatsid preparatlarini qabul qilish orasida kamida 2 soatlik intervalga rioya qilish tavsiya etiladi. Preparatning bir dozasini qabul qilish o‘tkazib yuborilganida, o‘tkazib yuborilgan dozani iloji boricha tezroq, keyingilarini esa 24 soatlik tanaffus bilan qabul qilish kerak. Patsiyentni har qanday nojo‘ya samaralar paydo bo‘lganida shifokorga xabar qilishi kerakligi to‘g‘risida ogohlantirish lozim. Preparatni homiladorlikda faqat agar ona uchun taxmin qilinadigan foyda homila uchun bo‘lgan potentsial xavfdan ustun bo‘lgan hollarda qo‘llash mumkin. Preparatni laktatsiya davrida qo‘llash  zarur bo‘lgan  hollarda ko‘krak bilan emizishni to‘xtatish lozim (ko‘krak suti bilan chiqariladi). Preparat bolalar ololmaydigan joyda saqlansin va uni yaroqlilik muddati o‘tgach ishlatmaslik lozim.

Yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: ko‘ngil aynishi, eshitishni vaqtinchalik yo‘qotish, qusish, diareya. Davolash: me’dani yuvish, simptomatik davolash.

Retsept bo‘yicha

200 mg/5 ml dozaga ega suspenziya (15 ml dan flakonlarda).

2 yil. Flakonni birlamchi o‘rami birinchi marta ochilgandan so‘ng suspenziya 10ºS dan yuqori bo‘lmagan haroratda 7 kun saqlansin.