qattiq jelatin kapsulalar.

O‘RK (o‘tkir respirator kasallik) simptomlarini bartaraf etish uchun vositalar.

N02BE51

Majmuaviy tarkibga ega viruslarga qarshi preparat. Preparatning farmakologik faolligi uning komponentlarini kompleks ta’siri bilan bog‘lik. Preparat viruslarga qarshi, interferonogen, isitmani tushiruvchi, yallig‘lanishga qarshi, og‘riqni qoldiruvchi, antigistamin, angioprotektor ta’sir ko‘rsatadi. Paratsetamol – isitmani tushiruvchi, og‘riq qoldiruvchi va biroz yallig‘lanishga qarshi ta’sirga ega, shamollash kasalliklarida kuzatiladigan og‘riq sindromini, tomoq og‘rig‘ini, bosh og‘rig‘ini, mushak va bo‘g‘im og‘riqlarini kamaytiradi, tananing yuqori haroratni pasaytiradi. Asosan markaziy nerv tizimidagi tsiklooksigenaza-1 (TsOG-1) va tsiklooksigenaza-2 (TsOG-2) fementlarni bloklaydi. Periferik to‘qimalarda prostaglandinlar sinteziga bloklovchi ta’siri bo‘lmaganligi sababli, suv-tuz almashinuviga (natriy ionlari va suvni tutilishi) va me’da-ichak yo‘llari shilliq qavatiga ta’sir qilmaydi. Remantadin – viruslarga qarshi vosita, adamantan hosilasidir. A grippi virusining turli shtammlariga, Herpes simplex ning I va II turdagi viruslariga, kana entsefaliti (markaziy Yevropa va Rossiyaning bahorgi-kuzgi Flaviviridae oilasi arboviruslari guruhiga tegishli) viruslarga nisbatan faol. Askorbin kislotasi – oksidlanish-qaytarilish jarayonlari, uglevodlar almashinuvi, qon ivishi, to‘qimalar regeneratsiyasini boshqarilishida ishtirok etadi, qon tomirlarini o‘tkazuvchanligini kamaytiradi. Antiagregant va yaqqol antioksidant xususiyatlarga ega. Hujayralararo moddaning kolloid holatini va kapillyarlarning normal o‘tkazuvchanligini tutib turadi (gialuronidazani susaytiradi). Jigarning nafas fermentlarini faollashtirishi hisobiga, uning dezintoksikatsion va oqsil hosil qilish faoliyatini kuchaytiradi, protrombin sintezini oshiradi. Immunologik reaktsiyalarni boshqaradi (antitelalar, komplementning S3-komponenti interferon sintezini faollashtiradi), fagotsitozga yordam beradi, organizmning infektsiyalarga qarshiligini oshiradi. Gistaminni ajralib chiqishini tormozlaydi va degradatsiyasini tezlashtiradi, prostaglandinlar va boshqa yallig‘lanish mediatorlar sintezini va allergik reaktsiyalarni susaytiradi. Loratadin – N1-gistamin – retseptorlarining uzoq ta’sirli yuqori faollikka ega blokatordir. Semiz hujayralardan gistamin va S4 leykotriyenni ajralib chiqishini susaytiradi. Allergiyaga qarshi, qichishishga qarshi, ekssudatsiyaga qarshi ta’sirga ega. Kapillyarlar o‘tkazuvchanligini kamaytiradi, to‘qimalar shishini rivojlanishini oldini oladi, silliq mushaklarning spazmlarini yo‘qotadi. Kaltsiy karbonati – qon tomirlarning yuqori o‘tkazuvchanligi va sinuvchanligini rivojlanishini oldini oladi, qonni normal ivishiga yordam beradi, nerv impulslarini o‘tkazilish jarayonlarini amalga oshirilishida, skelet va silliq mushaklarni qisqarishlarida va yurak faoliyatini boshqarilishida ishtirok etadi. Rutin – angioprotektor hisoblanadi. Grippda gemorragik jarayonlar bilan bog‘lik bo‘lgan qon tomirlarining yuqori o‘tkazuvchanligi va sinuvchanligini rivojlanishini oldini oladi, shuningdek kapillyar qon aylanishini tiklaydi. Rutin askorbin kislotasi bilan birga oksidlanish-qaytarilish jarayonlarida ishtirok etadi, antioksidant xususiyatlarga ega, oksidlanishni oldini oladi va askorbin kislotasini to‘qimalarda to‘planishiga yordam beradi. Ikkala komponent qon tomir devorini mustahkamlaydi (hujayralararo moddaning hosil bo‘lishiga yordam beradi va gialuronidazaning faolligini pasaytiradi), kapillyarlarning o‘tkazuvchanligi va sinuvchanligini kamaytiradi.

Kattalar va 12 yoshdan oshgan bolalarda gripp, o‘tkir respirator virusli infektsiya (O‘RVI), nafas yo‘llarining virusli shikastlanishlari oqibatidagi isitmali holatlarni etiotrop va simptomatik davolashda qo‘llanadi.

Ichga, ovqatdan keyin, suv bilan qabul qilinadi. Kattalar va 12 yoshdan katta bolalarga – 2 kapsuladan sutkada 2-3 marta 3-5 kun davomida, isitmalash sindromi saqlanib turganda qo‘llaniladi. Tavsiya qilingan davolash davri davomida terapevtik samara bo‘lmasa, patsiyent preparatni qabul qilishni to‘xtatishi va shifokorga murojaat qilishi kerak.

Markaziy nerv tizimi tomonidan: kam xollarda – bosh og‘rig‘i, kuchli toliqish, yuqori qo‘zg‘aluvchanlik, bosh aylanishi, tremor, giperkineziya. Ovqat xazm qilish yo‘llari tomonidan: 7 kundan ortiq qabul qilinganida me’da va o‘n ikki barmoq ichakni shikastlanishi, dispepsiya, og‘izni qurishi, ko‘ngil aynishi, anoreksiya, meteorizm, diareya bo‘lishi mumkin. Qon yaratish tizimi tomonidan: 7 kundan ortiq qabul qilinganida – agranulotsitoz, leykopeniya, trombotsitopeniya, neytropeniya, anemiya. Allergik reaktsiyalar: kam xollarda – teri toshmasi, qichishish, eshakemi bo‘lishi mumkin.

– homiladorlik; – laktatsiya davri; – 12 yoshgacha bo‘lgan bolalar; – preparatning komponentlariga o‘ta yuqori sezuvchanlikda qo‘llash mumkin emas.

Preparatni boshqa dori vositalari bilan birga qo‘llash imkoniyatini shifokor shaxsiy ravishda belgilaydi. Paratsetamol va remantadinni birga qo‘llanishi, remantadinning maksimal kontsentratsiyasi va AUS ko‘rsatgichini taxminan 11% ga pasayishiga olib keladi. Askorbin kislotasi remantadinning Smax ni 10% pasaytiradi. Tsimetidin remantadinning klirencini 18% ga kamaytiradi. Paratsetamol urikozurik preparatlarning samaradorligini kamaytiradi. Jigardagi mikrosomol oksidlanish induktorlari (fenitoin, etanol, barbituratlar, rifampitsin, fenilbutazon, tritsiklik antidepressantlar), etanol va gepatotoksik preparatlar paratsetamolning gidroksillangan metabolitlarini ishlab chiqarilishini oshiradi, bu xatto dozani biroz oshirib yuborilgan ham og‘ir intoksikatsiyalarni rivojlanishiga olib kelishi mumkin. Barbituratlarlarni uzoq vaqt qo‘llash fonida paratsetamolning samaradorligi pasayadi. Paratsetamol, shuningdek NYAQV birga uzoq muddat qo‘llanganida nefropatiyani va buyrak kapillyar nekrozini, buyrak yetishmovchiligining terminal bosqichigacha rivojlanish xavfini oshiradi. Diflunisal paratsetamolning plazmadagi kontsentratsiyasini 50% ga oshiradi, bu gepatotoksiklikni rivojlanishi xavfi bilan kechadi. Miyelotoksik dori vositalari preparatni gematotoksikligini namoyon bo‘lishini kuchaytiradi. Askorbin kislotasi qonda benzilpenitsillin va tetratsiklinlarning kontsentratsiyasini oshiradi; sutkada 1 g dozada etinilestradiolning (shu jumladan peroral kontratseptivlarning tarkibiga kiruvchi) biokirishaolishligini oshiradi. Geparin va bilvosita antikoagulyantlarning samaradorligini kamaytiradi. Salitsilatlar va qisqa ta’sirga ega sulfanilamidlar bilan davolanganda kristalluriyani rivojlanish xavfini oshiradi, buyrak orqali kislotalarni chiqarilishini sekinlashtiradi, ishqoriy reaktsiyaga ega dori vositalarini (shu jumladan alkoloidlarni) chiqarilishini oshiradi. Etanolning umumiy klirensini oshiradi, u o‘z navbatida askorbin kislotasining organizmdagi kontsentratsiyasini kamaytiradi. Bir vaqtda qo‘llanganida izoprenalinning xronotrop ta’sirini kamaytiradi. Barbituratlar va primidon askorbin kislotasini siydik bilan chiqarilishini oshiradi. Fenotiazin hosilalari – neyroleptiklarning terapevtik ta’sirini, amfetamin va tritsiklik antidepressantlarni buyrak naychalarida qayta so‘rilishini kamaytiradi. SYP 3A4 ingibitorlari (shu jumladan ketokonanazol), SYP 2D6 ingibitorlari (shu jumladan tsimetidin) loratadinning qondagi kontsentratsiyasini oshiradi. Mikrosomal oksidlanish induktorlari (fenitoin, etanol, barbaturatlar, rifampitsin, fenilbutazon, tritsiklik antidepressantlar) loratadinning samaradorligini kamaytiradi.

Davolashni kasallikning birinchi simptomlari paydo bo‘lgandan keyin, kechi bilan 48 soatdan keyin boshlash kerak. Qo‘llash davomiyligi 5 kundan oshmasligi kerak. Uzoq muddat (7 kundan ortiq) qo‘llanganida surunkali yo‘ldosh kasalliklar zo‘rayishi mumkin, arterial gipertenziyasi bo‘lgan keksa patsiyentlarda gemorragik insultni rivojlanish xavfi oshadi (remantadinning ta’siri hisobiga). Infektsiyadan keyingi immunitetni shakllanishi uchun 12 yoshgacha bo‘lgan bolalarni davolash uchun qo‘llanilmaydi. Anamnezida tutqanoq va remantadinni qo‘llash fonida o‘tkaziladigan tirishishga qarshi davolashda tutqanoq xurujlarini rivojlanish xavfi oshadi. Qabul qilinganida alkogolli gepatozi bo‘lgan bemorlarda jigarning shikastlanishini rivojlanish xavfi oshadi. Davolash fonida glyukoza va siydik kislotasini plazmadagi miqdorini aniqlashda (paratsetamol) laborator tekshirish natijalarini o‘zgarishi yuz beradi. Askorbin kislotasini kortikosteroid gormonlarning sinteziga rag‘batlantiruvchi ta’siri tufayli, buyrak usti bezlari faoliyatini va arterial bosimni (AB) nazorat qilish kerak. Askorbin kislotasi kimyoviy qaytaruvchi sifatida turli laboratoriya testlarining (qondagi, glyukoza, bilirubin miqdorini, jigar transaminazalari va LDG faolligini) natijalarini o‘zgartirishi mumkin. Metastazlanuvchi o‘smalar bo‘lganida qo‘llanmaydi. Davolanish vaqtida patsiyent alkogolni iste’mol qilishdan voz kechishi lozim (me’da-ichak yo‘llaridan qon ketishi xavfi oshadi). Davolanish vaqtida patsiyent avtotransportni haydash va diqqatni yuqori jamlashni va tezkor psixomotor reaktsiyalarni talab qiluvchi potentsial xavfli faoliyat turlari bilan shug‘ullanishida (preparat remantadin saqlaydi) ehtiyotkorlikka rioya qilish kerak. Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach ishlatilmasin

Quruq, yorug‘likdan himoyalangan joyda, 15°S dan 25ºS gacha bo‘lgan haroratda saqlansin

Simptomlari: birinchi 24 soatda oqarish, ko‘ngil aynishi, qusish va epigastral sohada og‘riq, tremor, uyquchanlik, taxikardiya, qonda bilirubinni oshishi, modda almashinuvini buzilishi, yo‘ldosh surunkali kasalliklarni zo‘rayishi kuzatilishi mumkin. Davolash: qusish refleksini chaqirish, me’dani yuvish, adsorbentlarni qabul qilish, simptomatik davolash lozim. Darhol shifokorga murojaat qilish kerak.

Retseptsiz.

10 kapsuladan kontur uyali o‘ramda. 1, 2, 3, 4 yoki 5 kontur uyali o‘ramdan qo‘llash bo‘yicha yuriknomasi bilan karton qutida joylanadi.

2 yil 6 oy.