yassi tsilindrik, oq rangli, faskali, o‘ziga xos hidli, biroz marmarsimon tabletkalar

balg‘am ko‘chiruvchi vosita.

R05CB01

Ichga qabul qilinganidan so‘ng atsetiltsistein ovqat hazm qilish yo‘llarida tez va deyarli to‘liq so‘riladi. Ichga qabul qilinganidan so‘ng atsetiltsisteinning biokiraolishligi taxminan 10% ni tashkil etadi. Ichga qabul qilinganidan so‘ng maksimal kontsentratsiyasiga 1-3 soatdan keyin erishiladi. Jigarda tsisteingacha (farmakologik faol metaboliti) va diatsetiltsistein, tsistin va keyinchalik – aralash disulfitlargacha metabolizmga uchraydi. Atsetiltsistein va uning metabolitlari organizmda turli shakllarda: qisman – erkin substantsiya ko‘rinishida, qisman – qon plazmasi proteinlari bilan bog‘langan holda, qisman – inkorporatsiyalangan aminokislotalar holida aniqlanadi. Organizmdan siydik bilan nofaol metabolitlar (noorganik sulfatlar, diatsetiltsistein) ko‘rinishida deyarli to‘liq chiqariladi. Atsetiltsisteinning ozgina miqdorigina axlat bilan o‘zgarmagan holda chiqariladi. Qon plazmasidan yarim chiqarilish davri taxminan 1 soatni tashkil etadi va jigardagi biotransformatsiya tezligiga bog‘liq. Jigar yetishmovchiligida u 8 soatgacha uzayishi mumkin. Atsetiltsistein yo‘ldosh to‘sig‘i orqali o‘tishi va amniotik suyuqlikda to‘planishi mumkin.

Nafas a’zolarining, qovushqoq, qiyin ajraladigan balg‘amni ko‘p hosil bo‘lishi bilan kechuvchi quyidagi kasalliklarda: o‘tkir va surunkali bronxitlar;obstruktiv bronxit;laringotraxeit;pnevmoniya;bronxoektazlar;bronxial astma;bronxiolitlar;mukovistsidoz;o‘tkir va surunkali sinusitda, o‘rta quloq otitida sekretni ajralib chiqishini yengillashtirish uchun qo‘llanadi.

Asibroks ichga qabul qilinadi. 600 mg atsetiltsistein saqlovchi bir tabletka 200 ml xona xaroratidagi ichimlik suvida yoki 200 mg atsetiltsistein saqlovchi bir tabletka 100 ml xona haroratidagi ichimlik suvida eritiladi. Preparatni ovqatdan keyin qabul qilish kerak. Suyuqlikni qo‘shimcha qabul qilish atsetiltsisteinning mukolitik samarasini kuchaytiradi. Eritilganidan keyin darhol qabul qilish kerak, istisno hollarda tayyor eritmani 2 soatga qoldirish mumkin. Kattalar va 14 yoshdan oshgan o‘smirlarga preparat 200 mg dan sutkada 2-3 marta yoki      600 mg dan sutkada 1 marta buyuriladi. 6 yoshdan 14 yoshgacha bo‘lgan bolalarga 200 mg dan sutkada 2 marta qabul qilish tavsiya etiladi. 2 yoshdan 6 yoshgacha bo‘lgan bolalarga 200 mg sutkada 1 marta buyuriladi. Mukovistsidozda: kattalar va 14 yoshdan oshgan o‘smirlarga 200 mg dan sutkada 2-3 marta yoki 600 mg dan sutkada 1 marta buyuriladi6 yoshdan oshgan bolalarga 200 mg dan sutkada 3 marta qabul qilish tavsiya etiladi2 yoshdan 6 yoshgacha bo‘lgan bolalarga – 200 mg dan sutkada 2 marta buyuriladitana vazni 30 kg dan ortiq bo‘lgan patsiyentlar preparatni sutkada 800 mg gacha bo‘lgan dozada qabul qilishlari mumkin. Qisqa muddatli shamollash kasalliklarida preparatni qabul qilish davomiyligi 5-7 kunni tashkil etadi. Surunkali bronxitlar va mukovistsidozda preparatni infektsiyani oldini olish samarasiga erishish uchun uzoqroq vaqt qabul qilish kerak.

MNT tomonidan: kam hollarda – bosh og‘rig‘i, quloqlarda shovqin. Ovqat hazm qilish tizimi tomonidan: kam hollarda – stomatit; ayrim hollarda – ko‘ngil aynishi, qusish, jig‘ildon qaynashi, diareya. Yurak-qon tomir tizimi tomonidan: ayrim hollarda – arterial bosimni tushishi, taxikardiya. Nafas tizimi tomonidan: yakka hollarda – yuqori sezuvchanlik reaktsiyasini ko‘rinishi sifatida o‘pkadan qon ketishi rivojlanishi mumkin. Allergik reaktsiyalar: teri toshmasi, qichishish, eshakemi; yakka hollarda – bronxospazm (asosan bronxlarning giperreaktivligi bo‘lgan patsiyentlarda).

Atsetiltsistein va yo‘talga qarshi vositalar bir vaqtda qo‘llanganida, yo‘tal refleksini bostirilishi tufayli, balg‘amni ajralib chiqmasdan, nafas yo‘llarida to‘planishi paydo bo‘lishi mumkin. Shuning uchun bunday majmualarni ehtiyotkorlik bilan tanlash kerak. Atsetiltsisteinni bronxolitiklar bilan sinergizmi kuzatiladi. Atsetiltsistein va nitroglitserinni bir vaqtda qabul qilish nitroglitserinning qon-tomirlarini kengaytiruvchi ta’sirini kuchayishiga olib kelishi mumkin. Antibiotiklar (penitsillinlar, tsefalosporinlar, eritromitsin, tetratsiklin va amfoteritsin V) va proteolitik fermentlar bilan farmatsevtik nomutanosibdir. Metallar, rezina bilan kontaktda o‘ziga xos xidga ega bo‘lgan sulfidlar hosil bo‘ladi. Penitsillinlar, tsefalosporinlar, tetratsiklinning so‘rilishini kamaytiradi (ularni atsetiltsistein ichga qabul qilinganidan keyin kamida 2 soat o‘tgach qabul qilish kerak).

Asibroksni qon tupurishda, o‘pkadan qon ketishida, qizillo‘ngach venalarini varikoz kengayishi, buyrak usti bezlarining kasalliklari, jigar va/yoki buyrak yetishmovchiligi bo‘lgan patsiyentlarda extiyotkorlik bilan qo‘llash kerak. Bronxial astma va obstruktiv bronxitda atsetiltsisteinni bronxial o‘tkazuvchanlikni muntazam nazorati ostida ehtiyotkorlik bilan buyurish kerak. Yangi tug‘ilgan chaqaloqlarga atsetiltsisteinni faqat hayotiy ko‘rsatmalarga qarab, va qat’iy nazoratga (tana vazniga maksimum 10 mg/kg) rioya qilgan holda buyurish mumkin. Asibroks tarkibida sorbitol va natriy saxarini saqlaydi, shuning uchun preparatni qo‘llashdan oldin shifokor bilan maslaxatlashish kerak. Preparatni qabul qilish vaqtida shisha idishlardan foydalanish kerak, metallar, rezina, kislorod, yengil oksidlanuvchi vositalar bilan kontaktda bo‘lishdan saqlanish kerak. Homiladorlik va laktatsiya davrida qo‘llanishi Homiladorlik va laktatsiya davrida preparatni qo‘llash bo‘yicha adekvat va yaxshi nazoratli tadqiqotlar o‘tkazilmagan. Asibroks preparatini homiladorlik va laktatsiya davrida qo‘llash mumkin emas. Pediatriyada qo‘llanishi Preparatani 14 yoshgacha bo‘lgan bolalarda qo‘llash mumkin emas (600 mg atsetiltsistein saqlovchi tabletkalar uchun tegishli). Avtotransportni haydash va mexanizmlarni boshqarish qobiliyatiga ta’siri Asibroks avtomobilni xaydash va psixomotor reaktsiyalar tezligini talab qiluvchi ishlarni bajarish qobiliyatiga ta’sir qilmaydi. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Namlik va yorug‘likdan himoyalangan joyda, 25ºS dan yuqori bo‘lmagan haroratda saqlansin. Tabletka olinganidan keyin tuba zich berkitilsin.

Simptomlari: diareya, qusish, qorinda og‘riq, jig‘ildon qaynashi va ko‘ngil aynishi kuzatilishi mumkin. Davolash: simptomatik davolash o‘tkaziladi.

Retseptsiz beriladi

Asibroks 200 mg №20 2 vishillovchi tabletkalar laminatsiyalangan stripda. 10 laminatsiyalangan striplar qo‘llash bo‘yicha yo‘riqnomasi bilan birga karton qutiga joylangan. Asibroks 600 mg №10 2 vishillovchi tabletkalar laminatsiyalangan stripda. 5 laminatsiyalangan striplar qo‘llash bo‘yicha yo‘riqnomasi bilan birga karton qutiga joylangan.

3 yil.