tiniq, rangsiz eritma.

Nosteroid yallig‘lanishga qarshi preparatlar. Propion kislotasining hosilalari.

M01AE03

Biokiraolishligi 90% ni tashkil etadi. Qonda maksimal kontsentratsiyasiga 30 minut davomida erishadi. Oqsillar bilan, asosan albuminlar bilan bog‘lanishi – 99%. Taqsimlanish hajmi 0,1-0,2 l/kg ni tashkil etadi. Yarim chiqarilish davri – taxminan 2 soat. Ketoprofen gematoentsefalik to‘siq orqali, sinovial suyuqlikka tez o‘tadi. Sinovial suyuqlikda ketoprofenning kontsentratsiyasi qondagiga nisbatan pastroq, ammo u yerda uzoqroq muddat saqlanib turadi, bu preparatning ta’siri uzoq vaqt davom etishi bilan ifodalanadi. Organizmdan asosan siydik bilan (50% dan ko‘proq qismi metabolitlar ko‘rinishida), 1% axlat bilan chiqariladi.

Turli genezli og‘riqli yallig‘lanish jarayonlarini simptomatik davolash uchun qo‘llanadi: revmatoid artrit;ankilozlanuvchi spondilit;psoriatik artrit;reaktiv artrit;podagra, soxta podagra;osteoartroz;bo‘g‘imdan tashqari revmatizm (tendinit, bursit, yelka kapsuliti). Og‘riq sindromi (shu jumladan, operatsiyadan keyingi hamda jarohatlardan keyingi og‘riqlar, algodismenoreya, o‘smalarni metastazlarida kuzatiladigan og‘riqlar) da qo‘llanadi.

Mushak ichiga yuborish uchun eritma. Preparat 2 ml (100 mg) dan sutkada 1-2 marta yuboriladi. Maksimal sutkalik dozasi 300 mg dan oshmasligi kerak. Qo‘llash davomiyligi bir necha kunni tashkil etadi.

Ovqat hazm qilish tizimi tomonidan: me’dada og‘riq, ko‘ngil aynishi, qusish, diareya, meteorizm bo‘lishi mumkin; kam hollarda – MIYdan qon ketishi mumkin. MNT tomonidan: kam hollarda – asteniya, bosh og‘rig‘i, bosh aylanishi. Boshqalar: kam hollarda – tranzitor dizuriya, teri toshmalar bo‘lishi mumkin.

Ketoprofenga, atsetilsalitsil kislotasi yoki boshqa NYAQVlarga yuqori sezuvchanlik;MIY kasalliklarini zo‘rayish bosqichi;jigar va buyrak faoliyatini yaqqol ifodalangan buzilishlari;qon tomonidan kuzatiladigan buzilishlar (leykopeniya, trombotsitopeniya, qon ivishi tizimini buzilishlari);kompensatsiyalanmagan yurak yetishmovchiligi;aortakoronar shuntlash o‘tkazilganidan so‘ng operatsiyadan keyingi davr;anamnezida atsetilsalitsil kislotasi yoki boshqa NYAQVni qabul qilish oqibatida chaqirilgan bronxial astma, eshakemi va rinitni rivojlanganligiga ko‘rsatmalarni bo‘lishi;homiladorlikni III uch oyligi;laktatsiya;15 yoshgacha bo‘lgan bolalarga qo‘llash mumkin emas.

Ketoprofen plazma oqsillari bilan ahamiyatli darajada bog‘langanligi tufayli, Artrokol bilan bir vaqtda qo‘llanadigan antikoagulyantlar, difenilgidantoin yoki oltingugurt saqlovchi preparatlarning dozalarini kamaytirish kerak. Geparin, tiklopidin, kortikosteroidlar, peroral diabetga qarshi vositalar va alkogolning samarasini kuchaytiradi, spironolakton, periferik vazodilatatorlarning ta’sirini susaytiradi. Artrokol metotreksatning toksikligini oshiradi. Probenetsidni fonida qonda ketoprofenning kontsentratsiyasi oshadi (buyrak ekskretsiyasini susaytiradi).

Mushak ichiga yuborishni shifokorning nazorati ostida o‘tkazish kerak. Faqat kasalxona sharoitlarida preparatni uzoq muddat qo‘llashga yo‘l qo‘yiladi. Artrokol preparatini atsetilsalitsil kislotasi va boshqa NYAQV, litiy preparatlari, antigipertenziv vositalar, diuretiklar, metotreksat va diabetga qarshi vositalar bilan bir vaqtda ehtiyotkorlik bilan qo‘llash kerak. Preparat anamnezida buyrak yoki jigar faoliyatini buzilishlari, MIYni kasalliklari bo‘lgan patsiyentlarga, bronxial astma, rinit, burun shilliq qavatini poliplarida, yurak-qon tomir tizimini kasalliklari bo‘lgan patsiyentlarga, keksa yoshdagi shaxslarga ehtiyotkorlik bilan buyuriladi. Antikoagulyantlar bilan bir vaqtda buyurilganida qon ketishini rivojlanish havfi oshadi. Artrokol preparatini qo‘llash fonida alkogol iste’mol qilishdan saqlanish kerak. Homiladorlikda va laktatsiyada qo‘llanishi Homiladorlikni I va II uch oyliklarida preparatni, ona uchun kutilgan potentsial foyda homila uchun havfdan ustun bo‘lgan holatdagina qo‘llash mumkin. Homiladorlikni III uch oyligida va laktatsiya davrida Artrokolni qo‘llash mumkin emas. Pediatriyada qo‘llanishi Bolalarda Artrokol preparatini qo‘llash havfsizligi va samaradorligi aniqlanmagan. Avtotransportni haydash va mexanizmlarni boshqarish qobiliyatiga ta’siri Artrokol qo‘llanganida yuqori diqqat va psixomotor reaktsiyalar tezligini talab etuvchi potentsial havfli faoliyat turlarini bajarishda ehtiyotkorlikka rioya qilish kerak. Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Yorug‘likdan himoyalangan joyda 25ºS dan yuqori bo‘lmagan haroratda saqlansin.

Simptomlari: bosh og‘rig‘i, bosh aylanishi, mudrash, ko‘ngil aynishi va qusish bo‘lishi mumkin. Shuningdek gipotenziya, nafas faoliyatini susayishi va tsianoz paydo bo‘lishi mumkin. Davolash: spetsifik antidoti yo‘q; zarurat bo‘lganida simptomatik davolash o‘tkaziladi.

Retsept bo‘yicha beriladi

Inyektsiya uchun eritma 2 ml dan sariq rangli shisha ampulalarda. 5 ampula kontur uyali o‘ramda. 1 yoki 2 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

3 yil.