kulrang tusli och-moviy rangli kukun. Qattiq jelatin kapsulalar, o‘lchami № 2. Yuqori qismi: moviy rangli, tiniq emas (L 890). Pastki qismi: ko‘k rangli (54.038(OR).S038), tiniq emas.

uyqu vositasi (benzadiazepinsimon vosita).

N05CF03.

Andante preparati uyquga ketishi qiyin bo‘lgan uyqusizlikka uchragan patsiyentlarni davolash uchun ko‘rsatilgan. U faqat buzilish haddan ziyod charchoqlikka olib keladigan va mehnat qobiliyatini pasayishini chaqiradigan og‘ir hollarda ko‘rsatilgan.

Kattalar uchun tavsiya etilgan doza 10 mg ni tashkil qiladi. Davolash davomiyligi iloji boricha qisqaroq, maksimum 2 hafta bo‘lishi kerak. Andante preparatini bevosita uyqudan oldin yoki patsiyent uyquga ketishi mumkinligini his qilgandan keyin qabul qilish mumkin. Preparat ovqatdan keyin qabul qilinganida qon plazmasidagi maksimal kontsentratsiyasiga erishish vaqti taxminan 2 soatga oshishi mumkinligi tufayli, Andante preparatini ovqat qabul qilish vaqtida yoki undan keyin darhol qabul qilish kerak. Barcha  patsiyentlarda Andante preparatining umumiy sutkalik dozasi 10 mg dan oshmasligi kerak. Patsiyentlar bir kecha davomida preparatni ikkinchi dozasini qabul qilmasliklari kerakligini bilishlari kerak. Keksa yoshli patsiyentlar Keksa yoshli patsiyentlar uxlatuvchi preparatlarning samaralariga sezgirroq bo‘lishlari mumkin; shuning uchun ular uchun Andante preparatining tavsiya etilgan dozasi 5 mg ni tashkil qiladi. Bolalar Andante preparatini bolalarda qo‘llash mumkin emas (“Qo‘llash mumkin bo‘lmagan holatlar” bo‘limiga qarang). Jigar faoliyatini buzilishi Yengil va og‘irligi o‘rtacha darajali jigar yetishmovchiligi bo‘lgan patsiyentlar organizmida chiqarilishini sekinlashganligi tufayli, Andante preparatini 5 mg dozada buyurish kerak. Og‘ir jigar yetishmovchiligi bo‘yicha ma’lumot “Qo‘llash mumkin bo‘lmagan holatlar” bo‘limida berilgan. Buyrak faoliyatini buzilishi Yengil va og‘irligi o‘rtacha darajali buyrak yetishmovchiligi bo‘lgan patsiyentlarda dozaga tuzatish kiritish talab qilinmaydi, chunki bunday patsiyentlarda zaleplonning farmakokinetikasi o‘zgarmaydi. Og‘ir buyrak yetishmovchiligi qo‘llash mumkin bo‘lmagan holat hisoblanadi (“Qo‘llash mumkin bo‘lmagan holatlar” bo‘limiga qarang).

Amneziya, paresteziyalar, uyquchanlik va dismenoreya kabi nojo‘ya reaktsiyalar haqida eng ko‘p xabar berilgan. Nojo‘ya reaktsiyalarni rivojlanish tez-tezligi quyidagicha aniqlanadi: juda tez-tez (≥1/10) tez-tez (≥1/100 – ≤1/10) tez-tez emas (≥1/1000 – ≤1/100) kam hollarda  (≥1/10000 – ≤1/1000) juda kam hollarda (≤1/10000) noma’lum (mavjud ma’lumotlar asosida paydo bo‘lish tez-tezligini aniqlash mumkin emas). Har bir tez-tezlik guruhida nojo‘ya reaktsiyalar jiddiyligini kamayish tartibida berilgan.

Faol moddagi yoki yordamchi moddalardan biriga, shu jumladan indigokarminga (Ye132), o‘ta yuqori sezuvchanlikOg‘ir jigar yetishmovchiligi,Og‘ir buyrak yetishmovchiligiTungi apnoe sindromiMiasteniya gravisOg‘ir nafas yetishmovchiligiBolalarda (18 yoshdan kichik) qo‘llash mumkin emas. Ehtiyotkorlik bilan Sedativ-uxlatuvchi vositalarini qabul qilgan patsiyentlarda “uyquda haydash” (ya’ni sedativ-uxlatuvchi vositalar qabul qilgandan so‘ng, to‘liq uyg‘onmasdan keyingi amneziya bilan avtomobilni boshqarish) kabi hatti-harakatni murakkab turlari ta’riflangan. Bu ko‘rinishlar sedativ-uxlatuvchi vositalarini qabul qilgan shaxslarda ham, ularni qabul qilmagan shaxslarda ham rivojlanishi mumkin. Garchi uyquda haydash kabi hatti-harakatlarning turlari faqat sedativ-uxlatuvchi vositalar terapevtik dozalarda qabul qilinganida rivojlanishi mumkin bo‘lsa ham, ehtimol, alkogolni va markaziy nerv tizimini (MNT) susaytiruvchi boshqa moddalarni sedativ-uxlatuvchi vositalari bilan birga iste’mol qilish va tavsiya etilgan maksimal sutkalik dozani oshirish, bunday hatti-harakat rivojlanish xavfini oshishiga yordam beradi. Patsiyent va atrofdagilar uchun xavf tufayli, “uyquda haydash” epizodlari rivojlanganida zaleplonni qabul qilishni to‘xtatish tavsiya etiladi. Sedativ-uxlatuvchi vositalarni qabul qilgandan keyin patsiyentlarda to‘liq uyg‘onmaganda murakkab hatti-harakatning boshqa turlari ham aniqlanishi mumkin (masalan, ovqat tayyorlash va iste’mol qilish, telefon qo‘ng‘iroqlar qilish, jinsiy aloqa). Uyquda haydash holidagi kabi, patsiyentlar bu hodisalarni odatda yodda tutmaydilar. Sedativ-uxlatuvchi vositalarni, shu jumladan zaleplon qabul qilayotgan patsiyentlarda, og‘ir anafilaktik/anafilaktoid reaktsiyalar ta’riflangan. Sedativ-uxlatuvchi vositalarning, shu jumladan zaleplonning birinchi yoki navbatdagi dozalari qabul qilinganidan keyin til, tovush tirqishi yoki xalqumni angionevrotik shishi hollari ta’riflangan. Sedativ-uxlatuvchi vositalarni qabul qilayotgan ayrim patsiyentlarda, hansirash, tomoqni spazmi yoki ko‘ngil aynishi va qusish kabi qo‘shimcha simptomlar rivojlangan. Ayrim bemorlarga tez yordam bo‘limida shoshilinch tibbiy yordam talab qilingan. Agar angionevrotik shish tilga, tovush tirqishiga yoki xalqumga tarqalsa, o‘lim bilan yakunlanishi mumkin bo‘lgan nafas yo‘llarining obstruktsiyasi rivojlanishi mumkin. Zaleplon bilan davolash fonida angionevrotik shish rivojlangan patsiyentlar, bu ta’sir etuvchi moddani saqlovchi preparatlarni qayta qabul qilmasliklari kerak. Uyqusizlik patsiyentda bo‘lgan jismoniy yoki ruxiy kasallikni aks ettirishi mumkin. Agar zaleplon bilan qisqa muddatli davolashdan keyin uyqusizlik saqlansa yoki kuchayib borsa, klinik vaziyatni qayta baholash kerak. Zaleplon qon plazmasidan qisqa yarim chiqarilish davriga ega bo‘lganligi tufayli, agar patsiyent  yarim tundan keyin ko‘p o‘tmay uyg‘onsa, muqobil davolash variantlarini ko‘rish kerak. Patsiyentlar bir kecha davomida preparatni ikkinchi dozasini qabul qilmasliklari kerakligini bilishlari kerak. Zaleplonni CYP3A4 izofermentiga ma’lum ta’sirga ega bo‘lgan boshqa dori vositalari bilan birga qo‘llash, qon plazmasida zaleplonning kontsentratsiyasining o‘zgarishlariga olib kelishi mumkin (“Dorilarning o‘zaro ta’siri” bo‘limiga qarang). O‘rganib qolish Benzodiazepinlar va qisqa ta’sirli benzodiazepinsimon preparatlarni qabul qilish, bir necha hafta davomida uyqu chaqiruvchi samarasini pasayishi bilan birga kechishi mumkin. Qaramlik Benzodiazepinlar va benzodiazepinsimon preparatlarni qabul qilish, jismoniy va ruhiy qaramlik rivojlanishiga olib kelishi mumkin, uning ehtimoli yuqori dozalarni qabul qilish, davomli davolanish, surunkali alkogolizm va patsiyentning anamnezida dorilarga qaramlik bo‘lganida oshadi. Shakllangan jismoniy qaramlikda preparatni keskin bekor qilish, “bekor qilish” sindromini rivojlanishiga olib keladi. Ular bosh og‘rig‘i, mushaklarda og‘riq, keskin ifodalangan xavotirlik,  yuqori kuchlanish va ta’sirchanlik, psixomotor qo‘zg‘alish, ongni chalkashishini o‘z ichiga olishi mumkin. Og‘ir hollarda derealizatsiya, depersonalizatsiya, giperakuziya, uvishish, oyoq-qo‘llarda sanchilish hissi, yorug‘lik, tovush va fizik qo‘zg‘atuvchilarga yuqori reaktsiya, gallyutsinatsiyalar va tutqanoq xurujlari kuzatilishi mumkin. Zaleplonni, asosan boshqa psixotrop moddalar bilan majmuada qo‘llash bilan bog‘liq bo‘lgan qaramlik rivojlanishi haqida xabarlar olingan (preparatni postmarketing qo‘llanishida). Preparatni bekor qilish fonidagi uyqusizlik va xavotirlik Davolashni bekor qilish fonida tranzitor sindrom rivojlanishi mumkin, u benzodiazepinlar yoki benzodiazepinsimon moddalar bilan davolash uchun ko‘rsatmalar bo‘lib xizmat qilgan simptomlarni yaqqolroq darajada qaytishi bilan xarakterlanadi. Bu sindrom boshqa reaktsiyalar bilan, shu jumladan kayfiyatni o‘zgarishi, xavotirlik yoki uyquni buzilishi va psixomotor qo‘zg‘alish bilan birga kechishi mumkin. Davolash davomiyligi Davolash davomiyligi iloji boricha qisqa bo‘lishi kerak (“Qo‘llash usuli va dozalari” bo‘limiga qarang) va ikki haftadan oshmasligi kerak. Davolash davrini oshirish faqat klinik vaziyat qayta baholanganidan keyin mumkin. Davolashni boshlash vaqtida patsiyentga, ehtimol davolash davomiyligi cheklangan bo‘lishini aytish foydali bo‘lishi mumkin. “Bekor qilish” sindromi rivojlanishi mumkinligi haqida patsiyentni xabardor bo‘lishi muxim, bu agar davolash to‘xtatilganidan keyin bunday simptomlar paydo bo‘lsa, xavotirlikni kamayishiga yordam berishi mumkin. Xotirani buzilishlari va psixomotor buzilishlar Benzodiazepinlar va benzodiazepinsimon moddalar anterograd amneziya va psixomotor buzilishlar chaqirishi mumkin. Bu preparat qabul qilinganidan keyin bir necha soatlar davomida eng ko‘proq yuz beradi. Bunday buzilishlar rivojlanishi xavfini kamaytirish uchun patsiyentlar, zaleplon qabul qilinganidan keyin 4 soat davomida yoki ko‘proq psixomotor koordinatsiyani talab qiluvchi harakatlarni bajarmasliklari kerak (“Transport vositalarini boshqarish va mexanizmlar bilan ishlash qobiliyatiga ta’siri” bo‘limiga qarang). Ruhiy va “paradoksal” reaktsiyalar Benzodiazepinlar yoki benzodiazepinsimon moddalarni qabul qilish fonida psixomotor qo‘zg‘alish, xavotirlik, ta’sirchanlik, nazoratni pasayishi, agressiya, fikrlashni buzilishi, alahsirash, kuchli g‘azab xurujlari, tungi daxshatlar, depersonalizatsiya, gallyutsinatsiyalar, psixoz, halati hatti-harakat, xarakterga xos bo‘lmagan ekstraversiyalar kabi reaktsiyalar va boshqa nohush hatti-harakat reaktsiyalari rivojlanishi mumkin. Ularni faol modda chaqirishi mumkin, spontan rivojlanishi yoki asosiy ruhiy yoki jismoniy kasallikning natijasi bo‘lishi mumkin. Ular ko‘proq keksa odamlarda rivojlanadi. Ular paydo bo‘lganida preparatni qabul qilishni to‘xtatish kerak. Hatti-harakatni buzilishining har qanday yangi belgisi yoki simptomi klinik vaziyatni sinchiklab va darhol baholashni talab qiladi. Alohida guruh patsiyentlari Alkogolni yoki dori preparatlarini suiste’mol qilish Benzodiazepinlar va benzodiazepinsimon moddalarni anamnezida alkogolga yoki dorilarga qaramligi bo‘lgan patsiyentlarga alohida ehtiyotkorlik bilan buyurish kerak.

Alkogol bilan birga qabul qilish tavsiya etilmaydi. Preparat alkogol bilan birga qabul qilinganida sedativ samarasi kuchayishi mumkin, bu avtotransportni boshqarish va mexanizmlar bilan ishlash qobiliyatiga ta’sir qilishi mumkin (“Transport vositalarini boshqarish va mexanizmlar bilan ishlash qobiliyatiga ta’sir qilish qobiliyati” bo‘limiga qarang). MNT ta’sir qiluvchi boshqa vositalar bilan birga qo‘llash ehtiyotkorlikni talab qiladi. Antipsixotik vositalar (neyroleptiklar), uxlatuvchi vositalari, anksiolitiklar/sedativ vositalar, antidepressantlar, narkotik analgetiklar, tutqanoqqa qarshi vositalar va sedativ samaraga ega bo‘lgan antigistamin vositalar bilan birga qo‘llangan hollarda, MNT sedativ ta’sirini kuchayishi kuzatilishi mumkin. Zaleplonning 10 mg bir martalik dozasi va venlafaksinni (sekin ajralib chiqadigin) kuniga 75 mg yoki 150 mg dozada birga qo‘llash, xotiraga (so‘zlarni tez yoki kechikib takrorlash) yoki psixomotor faollikka (raqamli simvollarni almashtirish testi) ta’sir qilmagan. Bundan tashqari, zaleplon va venlafaksin (sekin ajralib chiquvchi) orasida farmakokinetik o‘zaro ta’sir bo‘lmagan. Narkotik analgetiklar bilan birga qabul qilinganida, fiziologik qaramlikni kuchayishiga olib keluvchi eyforiyani kuchayishi kuzatiladi. Tsimetidin, ayrim jigar fermentlarini, shu jumladan aldegidoksidazani xam, CYP3A4 ni ham, noselektiv o‘rtacha ingibitori, qon plazmasida zaleplonning kontsentratsiyasini 85% ga oshishini chaqirgan, bu uni zaleplonning metabolizmiga javobgar bo‘lgan ham birlamchi (aldegidoksidaza), ham ikkilamchi (CYP3A4) fermentlarga susaytiruvchi ta’siri bilan bog‘liq. Shuning uchun tsimetidin va zaleplon birga qo‘llanganida ehtiyotkorlikka rioya qilish kerak. Zaleplon va eritromitsinning (CYP3A4 ni kuchli selektiv ingibitori) 800 mg bir martalik dozasini birga qo‘llash, zaleplonning plazmadagi kontsentratsiyasini 34% ga oshishini chaqirgan. Zaleplonning dozasiga standart tuzatish kiritish zarur deb hisoblanmaydi, lekin patsiyentlarga sedativ samaralarini kuchayishi mumkinligi xaqida xabar berish kerak. Bunga qarama-qarshi, rifampitsin, ayrim jigar fermentlarini, shu jumladan CYP3A4 ni, kuchli induktori, qon plazmasida zaleplonning kontsentratsiyasini 4 marta pasaytirgan. Zaleplon va rifampitsin, karbamazepin va fenobarbital kabi CYP3A4 induktorlarini birga qo‘llash, zaleplonning samaradorligini pasayishiga olib kelishi mumkin. Zaleplon ikki tor terapevtik doirasiga ega bo‘lgan moddalar – digoksin va varfarinning farmakokinetikasi va farmakodinamikasiga ta’sir qilmagan. Bundan tashqari, zaleplon va ibuprofen, u buyrak ekskretsiyasini o‘zgartiruvchi moddalardan biri bo‘lishi mumkin, orasida o‘zaro ta’sir kuzatilmagan.

Homiladorlik va emizish davrida qo‘llanishi Garchi hayvonlardagi tadqiqotlarda teratogen yoki embriotoksik samaralarini yo‘qligi namoyish qilingan bo‘lsa ham, homiladorlik yoki emizish davrida zaleplonning xavfsizligini baholash uchun klinik ma’lumotlar yetarli emas. Homiladorlik vaqtida zaleplonni qo‘llash tavsiya etilmaydi. Agar preparat bola tug‘ish yoshidagi ayolga buyurilsa, agar u homiladorlikni rejalashtirsa yoki homilador bo‘lsa, u o‘zining shifokori bilan bu preparatni bekor qilish masalasini muhokama qilishi kerakligi haqida uni ogoxlantirish kerak. Agar noma’lum sabablarga ko‘ra bu dori preparati homiladorlikning kechki muddatlarida yoki – katta dozalarda – tug‘ruq vaqtida ishlatilgan bo‘lsa, unda yangi tug‘ilgan chaqaloqda gipotermiya, gipotoniya va og‘irligi o‘rtacha darajali nafasni susayishini kutish mumkin, bu ushbu moddaning farmakologik ta’siri bilan bog‘liq. Homiladorlikning kechki muddatlarida benzodiazepinlar yoki benzodiazepinsimon preparatlarni doimo qabul qilgan onalardan tug‘ilgan chaqaloqlarda, jismoniy qaramlik rivojlanishi mumkin va postnatal davrda “bekor qilish” simptomlarini rivojlanishini xavfi bor. Zaleplon ko‘krak sutiga o‘tishi tufayli, ayollar uni emizish davrida qabul qilmasliklari kerak. Transport vositalarini boshqarish va mexanizmlar bilan ishlash qobiliyatiga ta’siri Zaleplon avtotransportni boshqarish va mexanizmlar bilan ishlash qobiliyatiga yaqqol ta’sir ko‘rsatadi. Sedatsiya, amneziya, diqqatni jamlashni buzilishi va mushak faoliyatlarini buzilishi, avtotransportni boshqarish va mexanizmlar bilan ishlash qobiliyatida noxush aks etishi mumkin. Agar uyquning davomiyligi yetarli bo‘lmagan bo‘lsa, diqqatni buzilish ehtimoli oshgan bo‘lishi mumkin (“Dorilarning o‘zaro ta’siri” bo‘limiga qarang). Yuqori malakani talab qiluvchi ishni bajarayotgan patsiyentlarga ehtiyotkorlikka rioya qilish tavsiya etiladi (“Dorilarning o‘zaro ta’siri” bo‘limiga qarang). Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Original o‘ramida, +15oC dan +30oC gacha haroratda, namlikdan himoyalangan joyda saqlansin.

Zoleplonning dozasini o‘tkir oshirib yuborilishi samaralari bo‘yicha faqat cheklangan klinik ma’lumotlar bor va odamda dozani oshib ketishini darajalari aniqlanmagan. Boshqa benzodiazepinlar yoki benzodiazepinsimon moddalar bilan bo‘lgan holdagi kabi, dozani oshirib yuborilishi, preparat MNT susaytiruvchi vositalar (shu jumladan alkogol) bilan birga qabul qilingan hollardan tashqari, hayot uchun xavf tug‘dirmaydi. Har qanday dori preparatlarining dozasini oshirib yuborilashini davolashda, doimo bir necha moddalar qabul qilingan bo‘lishi mumkinligini yodda tutish kerak. Benzodiazepinlar yoki benzodiazepinsimon moddalarning (ichga qabul qilingan) dozasi oshirib yuborilganidan keyin, agar patsiyent xushida bo‘lsa qusishni chaqirish (bir soat davomida) yoki agar patsiyent bexush bo‘lsa, nafas yo‘llarining himoyasi bilan me’dani yuvishni o‘tkazish kerak. Agar me’dani bo‘shatish afzalliklarga ega bo‘lmasa, so‘rilishini kamaytirish uchun patsiyentga faollashtirilgan ko‘mir berish kerak. Jadal davolashni o‘tkazishda nafas va yurak-qon tomir tizimlarining faoliyatiga alohida e’tibor berish kerak. Benzodiazepinlar yoki benzodiazepinsimon moddalarning dozasini oshirib yuborilishi odatda, uyquchanlikdan komagacha bo‘lgan u yoki bu darajadagi markaziy nerv tizimini susayishi bilan namoyon bo‘ladi. Yengil hollarda simptomlar uyquchanlik, ongni chalkashishi va letargiyani o‘z ichiga olishi mumkin. Og‘irroq hollarda ataksiya, gipotoniya, arterial bosimni pasayishi, nafasni susayishi kabi simptomlar va kam hollarda koma rivojlanishi va juda kam hollarda – o‘lim rivojlanishi mumkin. Zaleplonning dozasi oshirib yuborilganida xromaturiya (siydikni ko‘k-yashil rangga bo‘yalishi) ta’riflangan. Antidot sifatida flumazenil samarali bo‘lishi mumkin. Hayvonlarda o‘tkazilgan tadqiqotlar flumazenilni zaleplonning antagonisti ekanligini taxmin qilish va uni zaleplonning dozasini oshirib yuborilishini davolash uchun vosita sifatida qarash imkoniyatini beradi. Lekin zaleplonning dozasi oshirib yuborilganida flumzenilni antidot sifatida qo‘llashning klinik tajribasi yo‘q.

Shifokor retsepti bo‘yicha

7 kapsula PVX/PVDX-plyonka va alyumin folgali blisterda. Bir yoki ikki blister qo‘llash bo‘yicha yo‘riqnomasi bilan karton qutida. O‘ramning barcha o‘lchamlari sotuvda bo‘lmasligi mumkin.

5 yil.