oq rangli, yassi tsilindrik, faskali tabletkalar.

noselektiv b-adrenoblokatorlar.

S07AA05.

Arterial gipertenziya; stenokardiya; essentsial tremor; tireotoksikoz xavotirli buzilishlarni, majmuaviy davolashda, migrenni oldini olish uchun qo‘llanadi.

Agar Siz Anaprilinni qabul qilishni unutgan bo‘lsangiz, tabletkani iloji boricha tezroq, navbatdagi qabul qilish vaqti yaqinlashishidan oldin qabul qiling. Agar dori vositaning navbatdagi dozasini qabul qilish vaqti kelgan bo‘lsa, o‘tkazib yuborilgan dozani qabul qilmang. O‘tkazib yuborilgan dozani o‘rnini bosish uchun dori vositasining dozasini ikki marta oshirib qabul qilish mumkin emas. Keyinchalik preparat dozalash tartibiga rioya qilib qo‘llanadi. Ichga ovqatdan keyin buyuriladi. Arterial gipertenziyada – 40 mg dan sutkada 2 marta qabul qilinadi. Yetarli samara bo‘lmaganida dozani 40 mg dan, sutkada 3 martagacha yoki sutkada 2 marta 80 mg gacha oshiriladi. Dozaga oldingi dozasi qabul qilinganidan so‘ng bir xaftadan keyin tuzatish kiritiladi. Maksimal sutkalik doza – 320 mg ni tashkil etadi. Stenokardiyada – 20 mg boshlang‘ich dozada sutkada 3 marta, so‘ngra dozasi bir xaftalik oraliq bilan asta-sekin 80-120 mg gacha oshiriladi, 2-3 marta qabul qilinadi. Maksimal sutkalik doza – 240 mg ni tashkil etadi. Xavotirli buzilishlarda: sutkada 40 mg doza voqeaviy xavotirli xolatlarni bartaraf qilish uchun qo‘llanishi mumkin. Tarqalgan xavotirli buzilishlarni uzoq muddatli davolashda sutkada 2 marta 40 mg dozadan bilan boshlash kerak, zarurati bo‘lganida sutkada 3 marta 40 mg dozagacha oshirish mumkin. Davolash davomiyligi o‘tkaziladigan davolashga javob reaktsiyasi bilan aniqlanadi. Olti oydan keyin davolash qayta ko‘rib chiqilishi kerak. Migrenni oldini olish uchun, shuningdek essentsial tremorda – boshlang‘ich dozada 40 mg dan sutkada 2-3 marta, zarurat bo‘lganda dozasi asta-sekin sutkada 160 mg gacha oshiriladi. Tireotoksikozni davolashda preparatni qabul qilish 40 mg doza bilan boshlanadi, sutkada 3-4 marta qabul qilinadi. Keyinchalik dozasi har 3-4 kunda yurak qisqarishlar sonini minutiga 60-90 zarb orasida bo‘lishini nazorat qilishga imkon beruvchi optimal dozagacha oshiriladi. Maksimal sutkalik doza – sutkada 160 mg. Jigar funktsiyasi buzilganida preparatning dozasini kamaytirish lozim. Buyrak funktsiyasi buzilishida dozaga tuzatish kiritish talab etilmaydi. Bolalar Ushbu dori vositasi pediatriya amaliyotida qo‘llanmaydi.

Nerv tizimi tomonidan: kuchli toliqish, holsizlik, bosh aylanishi, bosh og‘rig‘i, uyquchanlik yoki uyqusizlik, tungi dahshatlar, depressiya, xotirani pasayishi, ongni chalkashishi, gallyutsinatsiyalar, tremor, asabiylik, bezovtalik; Sezgi a’zolari tomonidan: ko‘rish o‘tkirligini buzilishi, ko‘z yoshi suyuqligi sekretsiyasini kamayishi, ko‘zni qurishi va og‘rishi, keratokon’yunktivit. Yurak-qon tomir tizimi tomonidan: sinusli bradikardiya, atrioventrikulyar blokadalar, aritmiyalar, surunkali yurak yetishmovchiligini rivojlanishi (dekompensatsiya), arterial pasayishi, ortostatik gipotenziya, angiospazm (periferik qon aylanishini buzilishini kuchayishi, oyoqlarni sovuq qotishi, Reyno sindromi), ko‘krakda og‘riq. Ovqat hazm qilish tizimi tomonidan: ko‘ngil aynishi, qusish, epigastral sohada diskomfort, qabziyat yoki diareya, jigar funktsiyasini buzilishi (xolestaz), ta’m sezishni o‘zgarishi, mezenterial tromboz, ishemik kolit. Nafas tizimi tomonidan: burunni bitishi, faringit, yo‘tal, hansirash, respirator distress sindrom, bronxo- va laringospazm. Endokrin tizimi tomonidan: gipo- yoki giperglikemiya. Allergik reaktsiyalar: terini qichishishi, teri toshmasi, eshakemi. Teri va uning hosilalari tomonidan: kuchli terlash, psoriazga o‘xshash teri reaktsiyalari, psoriazning simptomlarini zo‘rayishi, alopetsiya. Qon tizimi tomonidan: trombotsitopeniya, trombotsitopenik purpura, leykopeniya, agranulotsitoz. Laboratoriya ko‘rsatkichlar: trombotsitopeniya (qon ketish va qon quyilish), leykopeniya, “jigar” transaminazalari, laktatdegidrogenazaning faolligini oshishi. Homilaga ta’siri: ona qornida homila o‘sishini kechikishi, gipoglikemiya, bradikardiya. Boshqalar: belda og‘riq, artralgiya, potentsiyani pasayishi, “bekor qilish” sindromi (stenokardiya xurujlarini kuchayishi, miokard infarkti, arterial bosimni oshishi), isitma, Peyroni kasalligi, gravis miasteniyasi. Nojo‘ya samaralar paydo bo‘lganda bu haqida davolovchi shifokorga xabar bering. Bu kutilishi mumkin bo‘lgan, shu jumladan ushbu ilova-varaqada ta’riflanmagan hamma nojo‘ya samaralarga taalluqli.

O‘ta yuqori sezuvchanlik, bolalar, kardiogen shok, o‘tkir miokardinfarkt, sinus tugunining zaifligi sindromi, Printsmetall stenokardiyasi, dekompensatsiya bosqichidagi qon tomir yetishmovchiligi, sinusli bradikardiya (yurak qisqarishlari soni minutiga 55 zarbdan kam), II-III darajali atrioventrikulyar blokada, yaqqol ifodalangan o‘ng va chap qorincha yetishmovchiligi, arterial gipotenziya (sistolik arterial bosim 90 mm sim. ust. dan past), bronxial astma, pichan isitmasi, bronxospazmga moyillik, anamnezida bronxospazm xurujlari, ketoatsidoz bilan kechuvchi qandli diabet, periferik arterial qon oqimini buzilishlari, spastik kolitda qo‘llash mumkin emas.

Agar hozirgi vaqtda yoki yaqinda Siz boshqa dori vositalarini qabul qilgan bo‘lsangiz, bu haqida shifokorga xabar bering. Preparat monoaminooksidaza ingibitorlari bilan bir vaqtda qo‘llanganda gipotenziv ta’sirini sezilarni darajada kuchayishi kuzatiladi, shu tufayli bunday majmuani qo‘llash mumkin emas; monoaminooksidaza ingibitorlari va Anaprilinni qabul qilishlar orasidagi tanaffus kamida 14 kun bo‘lishi kerak. Diuretiklar, rezerpin, gidralazin, nifedipin va boshqa antigipertenziv dori vositalari, shuningdek etanol bilan bir vaqtda qo‘llanganda Anaprilinning gipotenziv samarasi kuchayadi. Rizatriptan bilan bir vaqtda qo‘llash qonda uning kontsentratsiyasini oshishiga olib keladi va rizatriptanning dozasini kamaytirish talab etiladi. Glyukokortikoidlar, nosteroid yallig‘lanishga qarshi vositalar (buyrakda natriyni ushlanib qolishi va prostaglandinlar sintezini kamayishi), estrogenlar (natriyni ushlanib qolishi) preparatning gipotenziv samarasini susaytiradilar. Anaprilin tireostatik va uterotonizatsiya qiluvchi dori vositalarining ta’sirini kuchaytiradi; antigistamin vositalarning ta’sirini susaytiradi. Amiodaron, verapamil va diltiazem bilan bir vaqtda qo‘llanganda manfiy xrono-, ino- va dromotrop ta’sirining yaqqolligini kuchaytiradi. Yod saqlovchi rentgenokontrast dori vositalari vena ichiga yuborilganida anafilaktik reaktsiyalarni rivojlanish xavfini oshiradi. Fenitoin vena ichiga yuborilganida, ingalyatsion anesteziya uchun qo‘llanadigan vositalar (uglevodorod hosilalari) Anaprilin bilan bir vaqtda qo‘llanganda kardiodepressiv ta’sirining yaqqolligi va arterial bosimini pasayib ketish ehtimol oshadi. Anaprilin bir vaqtda qo‘llanganda insulin va peroral gipoglikemik vositalarning samaradorligini o‘zgartiradi, rivojlanayotgan gipoglikemiyaning simptomlarini (taxikardiya, arterial bosimni oshishini) yashiradi. Yurak glikozidlari, metildopa, rezerpin va guanfatsin, antiaritmik dori vositalari Anaprilin bilan bir vaqtda qo‘llanganda bradikardiya, atrioventrikulyar blokada, yurakni urishini va yurak yetishmovchiligini rivojlanishi yoki og‘irlashishi xavfini oshiradi. Anaprilin qutbsizlantirmaydigan miorelaksantlarning ta’sirini va kumarinlarning antikoagulyant samarasini uzaytiradi. Tri- va tetratsiklik antidepressantlar, antipsixotik dori vositalari (neyroleptiklar), etanol, sedativ va uyqu dori vositalari propranololning markaziy nerv tizimining faoliyatiga nisbatan susaytiruvchi ta’sirini kuchaytiradi. Shoxkuya alkaloidlari Anaprilin bilan bir vaqtda qo‘llanganda periferik qon aylanishini buzilishini rivojlanish xavfini oshiradilar. Anaprilin immunoterapiya yoki teri sinamalari uchun qo‘llanadigan allergenlarni yuborish fonida og‘ir darajadagi tizimli reaktsiyalarni (anafilaksiyani) rivojlanish ehtimolini oshiradi. Tsimetidin, sulfasalazin Anaprilinning biokiraolishligini oshiradi. Anaprilin qon plazmasida lidokain, fenotiazin neyroleptiklarning kontsentratsiyasini  oshiradi, teofillinning klirensini pasaytiradi.

Bemorlarni nazorat qilish yurak qisqarishlari soni va arterial bosimini (davolanish boshida har kuni, so‘ngra har 3-4 oyda) kuzatish, elektrokardiogrammani, qandli diabeti bo‘lgan bemorlarda qon plazmasida glyukozaning kontsentratsiyasini (4-5 oyda 1 marta) tekshirishdan iborat bo‘lishi kerak. Keksa yoshdagi patsiyentlarda buyrak funktsiyasini (4-5 oyda 1 marta) nazorat qilish tavsiya etiladi. Anaprilinni qabul qilish fonida yurak qisqarishlari soni minutiga 50 zarbdan kam bo‘lganida shifokorga murojaat qilish kerak. Yurak ishemik kasalligi va arterial gipertoniyani davolash uzoq davom etish kerak. Preparat bilan davolashni bekor qilish asta-sekin amalga oshiriladi (har 3-4 kun dozasi 25% ga pasaytiriladi). Qandli diabeti bo‘lgan bemorlar, Anaprilin qonda qandning miqdorini pasaytiruvchi vositalarga nisbatan sezuvchanlikni o‘zgartirishini, davolanish vaqtida gipoglikemiyaning asosiy simptomlari kuchli terlash ekanligini esda tutish kerak. Surunkali yurak yetishmovchiligi bo‘lgan patsiyentlarga (erta bosqichida) Anaprilinni sinchkov shifokor nazorati ostida diuretiklar yoki angiotenzinga aylantiruvchi ferment ingibitorlari, yurak glikozidlari bilan davolanish fonida qabul qilish kerak. Tamaki chekkanda beta-adrenoblokatorlarning samaradorligi pastroq bo‘ladi. Kontakt linzalardan foydalanadigan bemorlar, davolanish fonida ko‘z yoshi suyuqligini ishlab chiqarilishi kamayishi mumkinligini hisobga olishlari kerak. Tireotoksikozda tireotoksikozning klinik belgilarini yashirin mumkin. Tireotoksikozi bo‘lgan patsiyentlarda preparatni to‘satdan bekor qilish mumkin emas, chunki kasallikning simptomatikasini kuchaytirish mumkin. Klonidin bilan bir vaqtda qabul qilinganida, uni qabul qilish Anaprilin bekor qilinganidan keyin bir necha kun o‘tgach to‘xtatilishi mumkin. Simpatolitiklar (masalan, rezerpin) beta-adrenoblokatorlarning ta’sirini kuchaytirishi mumkin, patsiyentlar doimiy shifokor nazoratida bo‘lishlari kerak. Keksa yoshdagi bemorlarda kuchayib boruvchi bradikardiya (minutiga 50 zarbdan kam), arterial gipotenziya (sistolik arterial bosim 100 mm sim. ust. dan past), atrioventrikulyar blokada, yurak qorinchalari aritmiyasi, buyrak va/yoki jigar faoliyatini og‘ir darajadagi buzilishlari paydo bo‘lgan hollarda, preparatning dozasini kamaytirish yoki davolashni to‘xtatish lozim. Depressiya rivojlanganda davolashni to‘xtatish kerak. Qonda va siydikda katexolaminlarning darajasini antinuklear antitelalar titrini tekshirishdan oldin bekor qilish kerak. Periferik qon tomirlarda qon aylanishi og‘ir darajadagi propranolni buzilishlarida qo‘llash mumkin emas; kam periferik qon aylanishini jiddiyligini kamroq buzilishlarida preparatni qo‘llash patsiyentlarning holatini yomonlashishiga olib kelishi mumkin. I darajali AV-blokadasi bo‘lgan patsiyentlarda preparat o‘tkazuvchanlik vaqtiga salbiy ta’sir qilishi natijasida Propronololni ehtiyotkorlik bilan qo‘llash kerak. Dekompensatsiyalangan jigar tsirrozi bo‘lgan patsiyentlarda propranololni ehtiyotkorlik bilan qo‘llash kerak. Jigar yoki buyrak funktsiyasini yaqqol buzilishlari bo‘lgan patsiyentlarda propranololni boshlang‘ich dozasi tanlanib, ehtiyotkorlik bilan qo‘llanishi kerak. Buyrak yetishmovchiligi bo‘lgan patsiyentlarda preparatni organizmda to‘planishidan saqlanish uchun preparatni qabul qilishlar orasidagi intervalni uzaytirish va propranololning dozasini pasaytirish kerak. Portal gipertenziyasi bo‘lgan patsiyentlarda jigar funktsiyasi buzilishi va jigar entsefalopatiyasi rivojlanishi mumkin. Bunday holatlarda propranololni qo‘llash jigar entsefalopatiyasini rivojlanish xavfini oshirishi mumkin. Propranololni qo‘llash fonida anesteziya o‘tkazilganda ehtiyotkorlikka rioya qilish kerak. Anesteziologni xabardor qilish kerak va iloji boricha eng kam manfiy inotrop ta’sir qiluvchi anestetik vositani tanlash kerak. Boshqa beta-adrenolitik preparatlar kabi, propranolol ham allergenlarga sezuvchanlikni oshirishi, ham anafilaktik reaktsiyalarni kuchaytirishi mumkin. Beta-adrenolitik preparatlar bilan davolangan patsiyentlarda adrenalin har doim ham kutiladigan samara bermaydi. Yordamchi moddalar tarkibiga qand kiradi, buni qandli diabet bo‘lgan patsiyentlarda inobatga olishi kerak. Ushbu dori vositasi fruktozani kam uchraydigan tug‘ma o‘zlashtiraolmaslik yoki glyukozo-galaktoza malabsorbtsiyasi bo‘lgan patsiyentlarda qo‘llash mumkin emas.

Agar Siz homilador bo‘lsangiz yoki emizayotgan bo‘lsangiz, agar Siz homiladorlikka shubxa qilayotgan yoki homilador bo‘lish ehtimolini istisno qilmasangiz bu haqida davolovchi shifokoringizga xabar bering. Homiladorlikda qo‘llash mumkin emas faqat, homilador uchun davolashdan kutiladigan foyda uchun potentsial xavfdan ustun bo‘lgan holatlar bundan mustasno. Propranololni teratogenligi yuzasidan dalillar yo‘q. Ammo beta-blokatorlar yo‘ldosh perfuziyasini kamaytiradilar, bu ona qornida homilani nobud bo‘lishiga, erta va muddatidan oldin tug‘ruqqa olib kelishi mumkin. Bundan tashqari, nojo‘ya reaktsiyalar, ayniqsa yangi tug‘ilgan chaqaloqlarda gipoglikemiya va bradikardiya va homilada bradikardiya kuzatilishi mumkin. Tug‘ruqdan keyingi davrda yangi tug‘ilgan chaqaloqlarda yurak va o‘pka asoratlarini rivojlanish xavfi yuqori bo‘ladi. Ko‘pchilik beta-blokatorlar, ayniqsa lipofil birikmalar ko‘krak sutiga o‘tishi mumkin. Shu tufayli preparatni qo‘llash vaqtida emizishni to‘xtatish tavsiya etiladi.

Yorug‘likdan va namlikdan himoyalangan joyda, 25oS dan yuqori bo‘lmagan haroratda saqlansin.

Simptomlari: xushdan ketish holatlari, yurak qorinchalari ekstrasistoliyasi, yurak yetishmovchiligi, bradikardiya, bosh aylanishi va xushdan ketish, arterial bosimni pasayishi, aritmiya, nafas faoliyatini qiyinlashishi, barmoq tirnoqlari va kaftlar tsianozi, tirishishlar. Davolash: me’dani yuvish, faollashtirilgan ko‘mirni buyurish (ichga qabul qilganda); aritmiyada – atropin, epinefrin, lidokain yuboriladi, samarasi kam bo‘lganida vaqtinchalik kardiostimulyator o‘rnatiladi; arterial gipotenziyada krovatning bosh qismi tushirilib bemor gorizontal holatda bo‘lishi kerak, samara bo‘lmaganida – epinefrin, dopamin, dobutamin; tirishishlarda – v/i diazepam; bronxospazmda – beta-adrenostimulyatorlar buyuriladi.

Retsept bo‘yicha

10 tabletkadan polivinilxlorid plyonka va alyumin folgali kontur uyali o‘ramda. 1, 3, yoki 5 kontur uyali o‘ram ilova-varaqasi bilan birga karton qutida (№10x1, 10x3, 10x5).

4 yil.