tiniq, rangsiz yoki biroz sarg‘ish rangli eritma.

Analgetik-antipiretik.

N02BB02

Vena ichiga yuborilganidan keyin yarim chiqarilish davri 14 minutni tashkil qiladi. Taxminan 96% siydik bilan metabolitlari ko‘rinishida chiqariladi. Faol metabolitining plazma oqsillari bilan bog‘lanishi – 50-60%. Jigarda metabolizmga uchraydi, buyrak orqali chiqariladi. Terapevtik kontsentratsiyalarda ko‘krak sutiga o‘tadi.

Infektsion-yallig‘lanish kasalliklaridagi isitmali holatlar. Kelib chiqishi turlicha bo‘lgan kuchsiz yoki o‘rtacha darajali og‘riq sindromi (bosh og‘rig‘i, migren, tish og‘rig‘i, nevralgiya, mialgiya; disminoreya; operatsiyadan keyingi og‘riq sindromi; buyrak, o‘t pufagi va ichak sanchiqlarida spazmolitik vositalarni buyurish bilan birga) qo‘llanadi.

Preparat mushak ichiga yoki vena ichiga (kuchli og‘riqlarda) yuboriladi. Kattalarga: mushak ichiga yoki vena ichiga – 250-500 mg sutkada 3 marta buyuriladi. Maksimal bir martalik doza – 1 g, sutkalik – 2 g ni tashkil qiladi. Bolalarga: 5-10 mg/kg xisobidan sutkada 2-3 marta buyuriladi. 1 yoshgacha bo‘lgan bolalarga, lekin 3 oylikdan katta yoki tana vazni 5 kg dan ortiq bo‘lgan bolalarga faqat mushak ichiga yuboriladi. Preparatni qo‘llash davomiyligi 3 kundan oshmasligi lozim. Inyektsiya uchun yuboriladigan eritma tana haroratiga ega bo‘lishi kerak. 1 g dan ortiq dozalarni vena ichiga yuborish kerak. Shokka qarshi davolashni o‘tkazish uchun sharoitlarga ega bo‘lish kerak. Arterial bosimni keskin tushib ketishining eng ko‘p uchraydigan sababi, inyektsiyani haddan ziyod tez amalga oshirish hisoblanadi, shuning uchun vena ichiga yuborish sekin (minutiga 1 ml dan ko‘p bo‘lmagan tezlikda), patsiyentni “yotgan” xolatida, arterial bosim, yurak qisqarishlari soni va nafas sonini nazorati ostida o‘tkazilishi kerak.

Terapevtik dozalarda preparat odatda yaxshi o‘zlashtiriladi. Siydik chiqarish tizimi tomonidan: buyrak faoliyatini buzilishi, oliguriya, anuriya, proteinuriya, inerstitsial nefrit, siydikni qizil rangga bo‘yalishi. Allergik reaktsiyalar: eshakemi (shu jumladan kon’yunktivada va burun-xalqumning shilliq qavatlarida), angionevrotik shish, xavfli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospastik sindrom, anafilaktik shok. Qon yaratish a’zolari tomonidan: agranulotsitoz,  leykopeniya, trombotsitopeniya. Boshqalar: arterial bosimni pasayishi. Maxalliy reaktsiyalar: mushak ichiga yuborilganida yuborilgan joyda infiltratlar bo‘lishi mumkin.

O‘ta yuqori sezuvchanlik, qon yaratilishini susayishi (agranulotsitoz, tsitostatik yoki infektsion neytropeniya), jigar va/yoki buyrak yetishmovchiligi, glyukozo-6-fosfatdegidrogenaza tanqisligi bilan bog‘liq bo‘lgan nasliy gemolitik anemiya; bronxial astma, burun va burun yondosh bo‘shliqlarining qaytalanuvchi polipozi va atsetilsalitsil kislotasi yoki boshqa nosteroid yallig‘lanishga qarshi preparatlarni o‘zlashtiraolmaslikning (shu jumladan anamnezdagi) to‘liq yoki to‘liq bo‘lmagan birgalikda kelishi; anemiya, leykopeniyada qo‘llash mumkin emas.

Farmatsevtik nomutanosiblikni rivojlanish ehtimoli yuqori bo‘lganligi tufayli, boshqa dori vositalari bilan bir shpritsda aralashtirish mumkin emas. Etanolning ta’sirini kuchaytiradi. Metamizol natriy bilan davolash vaqtida rentgenokontrast dori vositalari, kolloidli qon o‘rnini bosuvchi eritmalar va penitsillin qo‘llanmasligi kerak. Tsiklosporin bir vaqtda qo‘llanganida qonda tsiklosorinning kontsentratsiyasi pasayadi. Metamizol natriy peroral gipoglikemik dori vositalarini, bilvosita antikoagulyantlarni, glyukokortikosteroilarni va indometatsinni plazma oqsillari bilan bog‘idan siqib chiqarib, ularning faolligini oshiradi. Fenilbutazon, barbituratlar va jigar mikrosomal fermentlarining boshqa induktorlari bir vaqtda buyurilganida, metamizol natriyning samaradorligini kamaytiradilar. Boshqa narkotik analgetiklar, tritsiklik antidepressantlar, kontratseptiv gormonal dori vositalari va allopurinol bilan bir vaqtda qo‘llash, ularning toksikligini oshishiga olib kelishi mumkin. Sedativ va anksiolitik dori vositalari (trankvilizatorlar) metamizol natriyning og‘riq qoldiruvchi ta’sirini kuchaytiradi. Tiamazol va tsitostatiklar leykopeniya rivojlanishi xavfini oshiradi. Preparatning samarasini kodein, N2-gistamin retseptorlarining blokatorlari va propranolol (faolsizlanishini sekinlashtiradi) kuchaytiradilar. Miyelotoksik dori vositalari preparatning gematotoksiklik ko‘rinishlarini kuchaytiradi.

5 yoshgacha bo‘lgan bolalar va tsitostatik dori vositalarini qabul qilayotgan patsiyentlarni davolashda, metamizol natriyni qabul qilish faqat shifokorning kuzatuvi ostida o‘tkazilishi kerak. Preparatni o‘zlashtiraolmaslik juda kam uchraydi, lekin preparat vena ichiga yuborilganidan keyin anafilaktik shokni rivojlanish xavfi nisbatan yuqori bo‘ladi. Atopik bronxial astmasi va pollinozlari bo‘lgan bemorlarda allergik reaktsiyalarni rivojlanishining yuqori xavfi bor. Metamizol natriyni qabul qilish fonida agranulotsitoz rivojlanishi mumkin, shuning uchun haroratni oshishi, etni uvishishi, tomoq og‘riqlari, yutishni qiyinlashishi, stomatit aniqlanganida, shuningdek vaginit yoki proktitning ko‘rinishlari rivojlanganida, darhol preparatni bekor qilish kerak. Preparat davomli (bir haftadan ko‘proq) qo‘llanganida periferik qon manzarasini va jigarning funktsional holatini nazorat qilish kerak. Qorindagi o‘tkir og‘riqlarni yo‘qotish uchun ishlatishga yo‘l qo‘yilmaydi (sababi aniqlanmagunicha). Mushak ichiga yuborish uchun uzun ignani ishlatish kerak. Metabolitini chiqarilishi xisobiga siydik qizil rangga bo‘yalishi mumkin. Homiladorlik va laktatsiya davrida qo‘llanishi Homiladorlikning I va III oyliklarida preparatni qo‘llash mumkin emas. Homiladorlikning II uch oyligida faqat ona uchun taxmin qilinayotgan foyda, homila uchun potentsial xavfdan yuqori bo‘lgan xollarda qo‘llash mumkin. Preparat bilan davolash davrida emizishni to‘xtatish kerak. Avtomobilni va murakkab mexanizmlarni boshqarish qobiliyatiga ta’siri Dori preparpatining nojo‘ya ta’sirlarini hisobga olib, davolanish davrida transport vositalarini boshqarish va yuqori diqqatni va psixomotor reaktsiyalar tezligini talab qiluvchi boshqa potentsial xavfli faoliyat turlari bilan shug‘ullanishda ehtiyotkorlikka rioya qilish kerak. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Yorug‘likdan himoyalangan joyda, 25ºS dan yuqori bo‘lmagan haroratda saqlansin.

Simptomlari: ko‘ngil aynishi, qusish, gastralgiya, oliguriya, gipotermiya, arterial bosimni pasayishi, taxikardiya, xansirash, quloqlarda shovqin, uyquchanlik, alaxsirash, ongni chalkashishi, o‘tkir agranulotsitoz, gemorragik sindrom, o‘tkir buyrak va/yoki jigar yetishmovchiligi, tirishishlar, nafas mushaklarini falaji. Davolash: me’dani yuvish, tuzli surgilar, faollashtirilgan ko‘mir; jadallashtirilgan diurez, gemodializ o‘tkazish, tirishish sindromi rivojlanganida – diazepam va tez ta’sir qiluvchi barbituratlarni yuborish.

Retsept bo‘yicha

Inyektsiya uchun eritma 50%. 2 ml dan neytral shisha ampulalarda. 10 ampuladan qo‘llash bo‘yicha yo‘riqnomasi bilan birga PVX kontur uyali o‘ramga joylanadi.

3 yil.