oq yoki deyarli oq rangli, yassitsilindrik, faska va riskali tabletkalar.

antibiotik (penitsillinlar guruhi)

J01CA04

So‘rilishi – tez, yuqori (93%), ovqat qabul qilish so‘rilishga ta’sir qilmaydi, me’daning kislotali muhitida parchalanmaydi. Ichga 125 va 250 mg dozada ichga qabul qilinganida muvofiq – 1,5 va 3,5-5 mkg/ml maksimal kontsentratsiyasiga erishadi. Peroral qabul qilinganidan keyin maksimal kontsentratsiyaga erishish vaqti – 1-2 soat. Katta taqsimlanish hajmiga ega: plazma, balg‘am, bronxial sekretda (yiringli bronxial sekretda taqsimlanishi kuchsiz), plevral va peritoneal suyuqligida, siydikda, teri qavariqlarining ichidagisida, o‘pka to‘qimasida, ichakning shilliq qavatida, ayollarning jinsiy a’zolarida, prostata bezida, o‘rta quloq suyuqligida (uning yallig‘lanishida), suyakda, yog‘ to‘qimasida, o‘t-safro pufagida (jigarning me’yoriy faoliyatida), homila to‘qimasida yuqori kontsentratsiyalarda aniqlanadi. Doza 2 marta oshirilganida kontsentratsiyasi ham 2 marta oshadi. Safrodagi kontsentratsiyasi plazmadagi kontsentratsiyadan 2-4 marta yuqori. Amniotik suyuqligi va kindikdagi amoksitsillinning kontsentratsiyasi homilador ayolning plazmasidagi darajasining 25-30%. Gematoentsefalik to‘siqdan yomon o‘tadi, ammo miya pardalarining yallig‘lanishida orqa miya suyuqligidagi kontsentratsiyasi plazmadagining – taxminan 20%. Plazma oqsillari bilan bog‘lanishi – 17%. Qisman nofaol metabolitlarni hosil qilib metabolizmga uchraydi. Yarim chiqarilish davri – 1-1,5 soat. 50-70% buyraklar orqali o‘zgarmagan holda (naychalar sekretsiyasi yo‘li orqali – 80% va kalava filtratsiyasi yo‘li orqali – 20%), jigar orqali – 10-20% chiqariladi. Oz miqdorda ko‘krak suti bilan chiqariladi. Buyraklar faoliyatining buzilishida (kreatinin klirensi (KK) 15 ml/min dan kam yoki teng) yarim chiqarilish davri 8,5 soatgacha oshadi. Amoksitsillin gemodializda chiqariladi.

Sezgir qo‘zg‘atuvchilar chaqirgan bakterial infektsiyalar: nafas yo‘llarining (bronxit, pnevmoniya) va LOR-a’zolarining (sinusit, faringit, tonzillit, o‘tkir o‘rta otit), siydik-jinsiy tizimining (piyelonefrit, piyelit, tsistit, uretrit, gonoreya, endometrit, tservitsit), me’da-ichak yo‘llarining (xolangit, xoletsistit, dizenteriya, salmonellez, salmonella tashuvchilar) infektsiyalari, teri va yumshoq to‘qimalarning infektsiyalari (saramas, impetigo, ikkilamchi infektsiyalangan dermatozlar), leptospiroz, listerioz, Layma kasalligi (borrelioz), endokardit (oldini olish) da qo‘llanadi.

Ichga, ovqat qabul qilishdan qat’iy nazar qabul qilinadi. Tabletkani butunligicha yutib, qismlarga bo‘lib yoki chaynab, bir stakan suv bilan ichish mumkin. Kattalar va 10 yoshdan oshgan bolalarga (tana vazni 40 kg dan ko‘p) 0,5 g dan sutkada 3 marta buyuriladi; infektsiyaning og‘ir darajali kechishida – 0,75-1 g dan sutkada 3 marta buyuriladi. 3-5 yoshdagi bolalarga 0,125 g dan sutkada 3 marta, 5-10 yosh – 0,25 g dan sutkada 3 marta, infektsiyani og‘ir kechishida – 60 mg/kg sutkada 3 marta buyuriladi. Davolash kursi 5-12 kun. O‘tkir asoratlanmagan gonoreyada 3 g bir marta buyuriladi; ayollarni davolashda ko‘rsatilgan dozani qayta qabul qilish tavsiya qilinadi. Me’da-ichak yo‘llarining (paratiflar, qorin tifi) va o‘t yo‘llarining infektsion kasalliklarida, kattalarga ginekologik infektsion kasalliklarida – 1,5-2 g sutkada 3 marta yoki 1-1,5 g dan sutkada 4 marta. Leptospirozda kattalarga – 0,5-0,75 g dan sutkada 4 marta 6-12 kun davomida. Salmonella tashuvchilikda kattalarga – 1,5-2 g dan sutkada 3 marta 2-4 hafta davomida. Kichik jarrohlik aralashuvlarida endokarditning oldini olish uchun kattalarga – 3-4 g dan muolaja o‘tkazishdan 1 soat oldin. Zarurati bo‘lganida takroriy doza 8-9 soatdan keyin buyuriladi. Bolalarda doza 2 martaga kamaytiriladi. Buyraklar faoliyatini buzilishi bo‘lgan patsiyentlarda KK 15-40 ml/min da qabullarning oralig‘i 12 soatgacha uzaytiriladi; KK 10 ml/min dan past bo‘lganida doza 15-50% ga kamaytiriladi; anuriyada – maksimal doza sutkada 2 g.

Allergik reaktsiyalar: eshakemi, terini qizarishi, eritematoz, toshmalar, angionevrotik shish, rinit, kon’yunktivit, kam – isitma, artralgiya, eozinofiliya, eksfoliativ dermatit, ko‘p shaklli ekssudativ eritema (shu jumladan Stivens-Djonson sindromi), zardob kasalligi bilan o‘xshash reaktsiyalar: yakka hollarda – anafilaktik shok. Ovqat hazm qilish tizimi tomonidan: disbakterioz, ta’mni o‘zgarishi, qusish, ko‘ngil aynishi, diareya, stomatit, glossit, “jigar” fermentlari faolligini oshishi, kam – soxtamembranoz enterokolit. Nerv tizimi tomonidan: qo‘zg‘alish, xavotirlik, uyqusizlik, ataksiya, ongni chalkashishi, xulqni o‘zgarishi, depressiya, periferik nevropatiya, bosh og‘rig‘i, bosh aylanishi, tutqanoqsimon reaktsiyalar. Laboratoriya ko‘rsatkichlari: leykopeniya, neytropeniya, trombotsitopenik purpura, anemiya. Boshqalar: nafasni qiyinlashishi, taxikardiya, interstitsial nefrit, qin kandidomikozi, superinfektsiya (ayniqsa surunkali kasalliklari yoki organizmning chidamliligi pasaygan patsiyentlarda).

O‘ta yuqori sezuvchanlik (shu jumladan boshqa penitsillinlarga, tsefalosporinlarga, karbapenemlarga), 3 yoshgacha bo‘lgan bolalar (ushbu dori shakli uchun). Ehtiyotkorlik bilan – allergik kasalliklar (shu jumladan anamnezdagi), anamnezdagi me’da-ichak yo‘llarining kasalliklari (ayniqsa antibiotiklarni qo‘llash bilan bog‘liq bo‘lgan kolit), buyrak yetishmovchiligi, jigar faoliyatini og‘ir buzilishlari, homiladorlik, laktatsiya davri, infektsion mononukleoz, limfoleykoz.

Antatsidlar, glyukozamin, surgi dori vositalari, ovqat, aminoglikozidlar so‘rilishini sekinlashtiradi va pasaytiradi; askorbin kislotasi so‘rilishini oshiradi. Bakteritsid antibiotiklar (shu jumladan aminoglikozidlar, tsefalosporinlar, vankomitsin, rifampitsin) sinergik; bakteriostatik dori vositalari (makrolidlar, xloramfenikol, linkozamidlar, tetratsiklinlar, sulfanilamidlar) – antagonistik ta’sir ko‘rsatadi. Bilvosita antikoagulyantlarning samarasini (ichak mikroflorasini susaytirib, K vitaminining sintezini va protrombin indeksini kamaytiradi) oshiradi; estrogen saqlovchi peroral kontratseptivlarning; metabolizmida para-aminobenzoy kislotasi hosil bo‘luvchi dori vositalarining samaradorligini, etinilestradiolning – “shiddatli” qon ketish xavfini kamaytiradi. Amoksitsillin metotreksatning klirensini kamaytiradi va zaharliligini oshiradi; digoksinni so‘rilishini kuchaytiradi. Diuretiklar, allopurinol, oksifenbutozon, fenilbutazon, nosteroid yallig‘lanishga qarshi preparatlar va boshqa naychalar sekretsiyasini bloklovchi dori vositalari amoksitsillinning qondagi kontsentratsiyasini oshiradi. Allopurinol teri toshmasini rivojlanish xavfini oshiradi.

Kursli davolashda qon yaratish a’zolarining, jigar va buyraklar faoliyatini nazoratini o‘tkazish kerak. Unga sezgir bo‘lmagan mikroflorani o‘sishi hisobiga superinfektsiya rivojlanishi mumkin, bu antibakterial davolashni muvofiq o‘zgartirishini talab qiladi. Sepsisi bo‘lgan bemorlarga buyurilganida bakterioliz reaktsiyasini (Yarish-Gerksgeymer reaktsiyasi) (kam) rivojlanishi mumkin. Penitsillinlarga yuqori sezuvchanligi bo‘lgan patsiyentlarda boshqa beta-laktam antibiotiklari bilan qarama-qarshi allergik reaktsiyalari bo‘lishi mumkin. Kursli davolash fonida yengil diareyani davolashda ichak peristaltikasini pasaytiruvchi diareyaga qarshi preparatlardan saqlanish kerak; kaolin- yoki attapulgit saqlovchi diareyaga qarshi vositalarni ishlatish mumkin; og‘ir diareyada shifokorga murojaat qilish kerak. Davolash kasallikning belgilari yo‘qolganidan keyin yana albatta 48-72 soat davom ettiriladi. Estrogen saqlovchi peroral kontratseptivlar va amoksitsillin bir vaqtda qo‘llanganida iloji boricha boshqa yoki kontratseptsiyaning qo‘shimcha usullarini ishlatish kerak. Homiladorlik va laktatsiya davrida qo‘llanishi Preparatni homiladorlik davrida faqat ona uchun kutiladigan foyda homila uchun bo‘lgan potentsial xavfdan ustun bo‘lgan hollardagina qo‘llash mumkin. Preparatni laktatsiya davrida buyurishning zarurati bo‘lganida emizishni to‘xtatish lozim. Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Quruq, yorug‘likdan himoyalangan joyda, 25oS dan yuqori bo‘lmagan haroratda.

Simptomlari: ko‘ngil aynishi, qusish, diareya, suv-elektrolit muvozanatini buzilishi (qusish va diareyaning oqibatida). Davolash: me’dani yuvish, faollashtirilgan ko‘mir, tuzli surgilar, suv-elektrolit muvozanatini tutib turish uchun dori vositalari, gemodializ.

Retsept bo‘yicha

Tabletkalar, 250 mg, 500 mg dan. 10 tabletkadan kontur uyali o‘ramda, 1 yoki 2 kontur uyali o‘ram qo‘llash bo‘yicha yo‘riqnomasi bilan birga karton qutiga joylangan. Statsionarlarga berish uchun 240 kontur uyali o‘ram 1-5 qo‘llash bo‘yicha yo‘riqnomasi bilan karton qutiga joylanadi.

3 yil.