plyonka qobiq bilan qoplangan, oq rangli, oval shaklidagi ikki tomonlama qavariq yuzali, bir tomonida bo‘linish chizig‘i bo‘lgan tabletkalar.

Tizimli qabul qilish uchun antibakterial vositalar. Beta-laktam antibiotiklar. penitsillinlar. Penitsillinlarni beta-laktamaza ingibitorlari bilan kombinatsiyasi.

J01C R02.

Preparatning har ikkala komponenti (amoksitsillin va klavulan kislotasi) pH fiziologik qiymatlarida suvdagi eritmalarida to‘liq eriydi. Har ikkala komponent peroral qo‘llanganida tez va yaxshi so‘riladi. Qon zardobida kontsentratsiyaning eng yuqori qiymatiga ichga qabul qilinganidan keyin 1 soat o‘tgach erishiladi. Amoksil-K 625 dori vositasini so‘rilishi u ovqatlanishni boshida qo‘llanganida yaxshilanadi. Amoksil-K 625 preparatining dozasini ikki marta oshirish qon zardobida uning kontsentratsiyasi ikki marta oshishiga olib keladi. Preparatning har ikkala komponenti qon oqsillari bilan yomon bog‘lanadi, ularning taxminan 70% qon zardobida erkin holatda qoladi.

O‘tkir bakterial sinusit; o‘tkir o‘rta otit; surunkali bronxitni tasdiqlangan zo‘rayishi; kasalxonadan tashqari pnevmoniya; tsistitlar; piyelonefritlar; teri va yumshoq to‘qimalarning infektsiyalari, shu jumladan tsellyulitlar, hayvonlarni tishlashi, tarqoq tsellyulitli og‘ir dentoalveolyar abstsesslar; suyak va bo‘g‘imlarning infektsiyalari, shu jumladan osteomiyelitlar kabi preparatga sezuvchan mikroorganizmlar tomonidan chaqirilgan bakterial infektsiyalarni davolash.

Preparatni antibiotiklar bilan davolash bo‘yicha rasmiy tavsiyalarga va antibiotikka nisbatan mahalliy sezgirlik ma’lumotlariga ko‘ra qo‘llash lozim. Amoksitsillin/klavulanatga sezgirlik turli mintaqalarda farqlanadi va vaqt o‘tishi bilan o‘zgarishi mumkin. Zarurat bo‘lganida mahalliy sezgirlik bo‘yicha ma’lumotlarga murojaat qilish va, agar kerak bo‘lsa, mikrobiologik tekshiruv va sezgirlikka test o‘tkazish lozim. Doza kutiladigan patogenlarga va ularning antibakterial preparatlarga sezgirlikka, kasallikning og‘irligiga hamda infektsiyani rivojlanishiga, bemorning yoshi, tana vazni va buyrak faoliyatiga bog‘liq bo‘ladi. Tana vazni ≥ 40 kg bo‘lgan kattalar va bolalar uchun sutkalik doza 1500 mg amoksitsillin/375 mg klavulan kislotasini tashkil etadi. Tana vazni 25 kg dan 40 kg gacha bo‘lgan 6 yoshdan boshlab bolalar uchun maksimal sutkalik doza zarurat bo‘lganida 2400 mg amoksitsillin/600 mg klavulan kislotasigacha yetishi mumkin. Agar davolash uchun amoksitsillinni katta dozalarini buyurish kerak bo‘lsa, klavulan kislotasining ortiqcha yuqori dozalaridan cheklanish maqsadida preparatning boshqa shakllarini qo‘llash lozim. Davolash davomiyligini patsiyentni davolashga bo‘lgan klinik javobi bo‘yicha aniqlash lozim. Ayrim infektsiyalar (masalan, osteomiyelit) uzoq muddat davomida davolashni talab qiladi. Tana vazni ≥ 40 kg bo‘lgan kattalar va bolalarga: Amoksil-K 625 ni 1 tabletkasi sutkada 3 marta. Tana vazni 25 kg dan 40 kg gacha bo‘lgan 6 yoshdan boshlab bolalarga: Doza sutkada tana vaznining har kilogrammiga 20 mg/5 mg dan sutkada tana vaznining har kilogrammiga 60 mg/15 mg gacha 3 marta qabul qilish uchun bo‘lingan. Tabletkani bo‘lish mumkin bo‘lmaganligi tufayli, tana vazni 25 kg dan kam bo‘lgan bolalarga preparatni boshqa dori shaklida qo‘llash kerak. Keksa yoshdagi bemorlar Keksa yoshdagi patsiyentlarda dozaga tuzatish kiritish talab qilinmaydi. Zarurat bo‘lganida buyrak faoliyatiga bog‘liq ravishda dozaga tuzatish kiritish lozim. Buyrak faoliyatini buzilishida dozalash Dozani belgilash amoksitsillinni maksimal darajasini hisoblashga asoslanadi. Kreatinin klirensi > 30 ml/min bo‘lganida patsiyentga dozani o‘zgartirish zarurati yo‘q. Tana vazni ≥ 40 kg bo‘lgan kattalar va bolalar Kreatinin klirensi 10-30 ml/min500 mg/125 mg sutkada 2 martaKreatinin klirensi < 10 ml/min500 mg/125 mg sutkada 1 martaGemodializ500 mg/125 mg har 24 soatda plyus 500 mg/125 mg dializ vaqtida (qon plazmasida amoksitsillin va klavulan kislotasi kontsentratsiyasi pasayganligi tufayli) Tana vazni 25 kg dan 40 kg gacha bo‘lgan 6 yoshdan boshlab bolalar Tabletkani bo‘lish mumkin bo‘lmaganligi tufayli, tana vazni 25 kg dan 40 kg gacha, kreatinin klirensi 30 ml/min bo‘lgan 6 yoshdan boshlab bolalarga yoki gemodializda bo‘lgan bolalarga preparatni mazkur dori shaklini buyurmaslik kerak. Jigar faoliyatini buzilishida dozalash Ehtiyotkorlik bilan qo‘llash kerak; jigar faoliyatini muntazam nazorat qilish kerak. Tabletkani butunligicha, chaynamasdan yutish lozim. Agar zarur bo‘lsa, tabletkani ikkiga bo‘lib, ularni chaynamasdan yutish mumkin. Optimal so‘rilishi va ovqat hazm qilish yo‘llari tomonidan yuz berishi mumkin bo‘lgan nojo‘ya reaktsiyalarni kamaytirish uchun preparatni ovqatlanish boshlanishida qabul qilish lozim. Davolash davomiyligini individual ravishda aniqlash kerak. Davolashni bemor holatini baholamay turib 14 sutkadan ortiq davom ettirish mumkin emas. Davolashni parenteral boshlash mumkin, so‘ngra esa peroral davom ettirish kerak.

Infektsiyalar va invaziyalar tomonidan: teri va shilliq qavatlar kandidozi. Qon aylanishi va limfa tizimlari tomonidan: qaytuvchi leykopeniya (shu jumladan neytropeniya) va trombotsitopeniya; qaytuvchi agranulotsitoz va gemolitik anemiya; qon ketishi vaqti va protrombin indeksini ortishi. Immun tizimi tomonidan: angionevrotik shish, anafilaksiya, zardob sindromi, allergik vaskulit. Nerv tizimi tomonidan: bosh aylanishi, bosh og‘rig‘i; qaytuvchi yuqori faollik va konvulsiyalar (konvulsiyalar buyrak faoliyati buzilgan yoki preparatni yuqori dozalarini qabul qilayotgan patsiyentlarda yuzaga kelishi mumkin). Ovqat hazm qilish yo‘llari tomonidan: Kattalarda: diareya, ko‘ngil aynishi, qusish. Bolalarda: diareya, ko‘ngil aynishi, qusish; ko‘ngil aynishi ko‘pincha preparatning yuqori dozalari bilan bog‘liq bo‘ladi. Agar preparatni ovqatlanish boshlanishida qabul qilinsa, ovqat hazm qilish yo‘llari tomonidan yuqorida eslatib o‘tilgan simptomlarni kamaytirish mumkin; ovqat hazm bo‘lishini buzilishi; antibiotiklar bilan bog‘liq bo‘lgan kolit (shu jumladan psevdomembranoz kolit va gemorragik kolit), qora “sertuk” til. Gepatobiliar reaktsiyalar tomonidan: AST va/yoki ALT darajasini mo‘tadil oshishi beta-laktamlar guruhidagi antibiotiklar bilan davolangan bemorlarda qayd etilgan, biroq ushbu holatning klinik ahamiyati aniqlanmagan; gepatit va xolestatik sariqlik. Ushbu holatlar boshqa penitsillinlar va tsefalosporinlar qo‘llanganida yuzaga kelgan. Gepatitlar eng avvalo erkaklar va keksa yoshdagi bemorlarda yuzaga kelgan bo‘lib, ularni yuzaga kelishi preparat bilan uzoq muddat davomida davolashga bog‘liq bo‘lishi mumkin. Bolalarda bunday holatlar ayrim yakka hollarda yuzaga kelgan. Kasallik simptomlari davolash vaqtida yoki darhol undan keyin yuzaga keladi, ammo ayrim hollarda davolash tamomlanganidan keyin bir necha hafta o‘tgach yuzaga kelishi mumkin. Ushbu holatlar odatda qaytuvchi xarakterga ega bo‘ladi. O‘lim bilan yakun topadigan hollar haqida favqulodda kam hollarda xabar qilingan bo‘lib, ular doimo og‘ir asosiy kasalligi bo‘lgan patsiyentlarda yoki jigarga negativ ta’sir ko‘rsatadigan preparatlarni bir vaqtda qabul qilgan patsiyentlarda yuz bergan. Teri va teri osti to‘qimalari tomonidan: teri toshmasi, qichishish va eshakemi; ko‘p shaklli eritema; Stivens-Djonson sindromi, toksik epidermal nekroliz, pufakchali eksfoliativ dermatit, o‘tkir generalizatsiya qilingan ekzantematoz pustulyoz. Har qanday allergik dermatit paydo bo‘lganida davolashni to‘xtatish lozim. Buyrak va siydik ajratilishi tizimi tomonidan: interstitsial nefrit, kristalluriya (“Dozani oshirib yuborilishi” bo‘limiga qarang).

Preparat komponentlariga, penitsillinlar guruhidagi har qanday antibakterial vositalarga yuqori sezgirlik. Anamnezda boshqa beta-laktam agentlarini (shu jumladan tsefalosporinlar, karbapenemlar yoki monobaktamlarni) qo‘llash bilan bog‘liq yuqori sezgirlikning og‘ir reaktsiyalari (shu jumladan anafilaksiya) mavjudligi. Anamnezda amoksitsillin/klavulanatni qo‘llash bilan bog‘liq sariqlik yoki jigar disfunktsiyasi mavjudligi.

Probenetsid bilan bir vaqtda qo‘llash tavsiya etilmaydi. Probenetsid amoksitsillinni buyrak kanallari sekretsiyasini pasaytiradi. Uni Amoksil-K 625 preparati bilan bir vaqtda qo‘llash uzoq vaqt davomida qonda amoksitsillin darajasini oshishiga olib kelishi mumkin, biroq klavulan kislotasi darajasiga ta’sir etmaydi. Penitsillinlar metotreksatni ajratilishini sekinlashtirishi mumkin, bu metotreksatning toksikligini oshishiga olib kelishi mumkin. Amoksitsillin bilan davolash vaqtida allopurinolni bir vaqtda qo‘llash allergik reaktsiyalar ehtimolini ko‘paytirishi mumkin. Amoksil-K 625 va allopurinolni bir vaqtda qo‘llashga doir ma’lumotlar yo‘q. Boshqa antibiotiklar kabi Amoksil-K 625 ichak mikroflorasiga ta’sir ko‘rsatishi mumkin, bu estrogenlar reabsorbtsiyasi kamayishiga va kombinatsiya qilingan peroral kontratseptivlar samaradorligini pasayishiga olib keladi. Atsenokumarol yoki varfarin bilan davolanayotgan va amoksitsillinni qabul qilayotgan patsiyentlarda INR darajasi ortishi haqida alohida ma’lumotlar mavjud. Agar bunday qo‘llash zarur bo‘lsa, Amoksil-K 625 preparati bilan davolashni buyurishda yoki to‘xtatishda protrombin vaqti yoki INR ni sinchkovlik bilan nazorat qilish lozim.

Amoksil-K 625 preparati bilan davolash boshlanishidan oldin anamnezda penitsillinlar, tsefalosporinlar yoki boshqa allergenlarga yuqori sezgirlik reaktsiyalari mavjudligini aniqlik bilan aniqlash zarur. Patsiyentlarda og‘ir, gohida hatto o‘lim bilan yakun topadigan yuqori sezgirlik hollari (anafilaktoid reaktsiyalar) penitsillin bilan davolash vaqtida kuzatiladi. Bunday reaktsiyalar anamnezda penitsillinlarga yuqori sezgirligi bo‘lgan bemorlarda yuzaga kelishi ehtimoli ko‘proq (“Qo‘llash mumkin bo‘lmagan holatlar” bo‘limiga qarang). Allergik reaktsiya yuzaga kelgan taqdirda amoksitsillin/klavulanat bilan davolashni to‘xtatish va tegishli davolashni buyurish lozim. Agar infektsiya amoksitsillinga sezuvchan mikroorganizmlar tomonidan chaqirilishi isbotlangan taqdirda, rasmiy tavsiyalarga muvofiq amoksitsillin/klavulan kislotasi kombinatsiyasidan amoksitsillinga o‘tish imkoniyatini o‘ylab ko‘rish zarur. Infektsion mononukleozga shubha qilinganida Amoksil-K 625 ni buyurish mumkin emas, chunki amoksitsillinni mazkur patologiyada qo‘llanganida qizamiqqa o‘xshash toshma hollari qayd etilgan. Preparatni uzoq vaqt davomida qo‘llash gohida Amoksil-K 625 ga sezuvchan bo‘lmagan mikroflorani ortiqcha o‘sishini keltirib chiqarishi mumkin. Davolash boshlanishida pustulalar bilan bog‘liq polimorf eritemani rivojlanishi o‘tkir generalizatsiya qilingan ekzantematoz pustulyoz simptomi bo‘lishi mumkin. Bunday hollarda davolashni to‘xtatish zarur, amoksitsillinni bundan keyin yuborilishi mumkin emas. Amoksil-K 625 va peroral antikoagulyantlarni qabul qilayotgan patsiyentlarda kamdan-kam hollarda normadan ortiq protrombin vaqtini uzayishi (xalqaro normallashgan nisbatlar (INR) darajasini oshishi) kuzatilishi mumkin. Antikoagulyantlarni bir vaqtda qabul qilinganida tegishli monitoring olib borilishi zarur. Antikoagulyatsiyaning zarur darajasini ushlab turish uchun peroral antikoagulyantlar dozasiga tuzatish kiritish talab qilinishi mumkin. Amoksil-K 625 ni jigar disfunktsiyasi bo‘lgan patsiyentlarga ehtiyotkorlik bilan buyurish lozim. Amoksitsillin dori vositalari bilan klavulan kislotasi bilan kombinatsiyada davolangan ayrim bemorlarda jigar faoliyati testlari o‘zgarishlari to‘g‘risidagi ma’lumotlar mavjud bo‘lib, ushbu holatning klinik ahamiyati aniqlanmagan. Xolestatik sariqlik haqida ayrim xabarlar mavjud bo‘lib, mazkur kasallik og‘ir kechishi mumkin, ammo odatda qaytuvchi bo‘ladi. Simptomlari davolash tamomlanganidan keyin 6 haftagacha namoyon bo‘lmasligi mumkin. Buyrak faoliyati buzilgan patsiyentlar uchun dozaga muvofiq, buzilish darajasiga qarab tuzatish kiritish zarur (“Qo‘llash usuli va dozalari” bo‘limiga qarang). Siydik chiqarilishi past bo‘lgan patsiyentlarda juda kam hollarda kristalluriya, eng avvalo preparatni parenteral yuborilishida kuzatilishi mumkin. Shuning sababli amoksitsillinni yuqori dozalari bilan davolash vaqtida kristalluriya yuzaga kelishi xavfini kamaytirish uchun ichilgan suyuqlik va chiqarilgan siydik o‘rtasida mos balansni qo‘llab-quvvatlash tavsiya etiladi (“Dozani oshirib yuborilishi” bo‘limiga qarang). Amoksitsillin bilan davolashda siydikda glyukoza darajasini aniqlash uchun glyukozooksidaza bilan fermentativ reaktsiyalardan foydalanish lozim, chunki boshqa usullar soxta musbat natijalarni berishi mumkin. Preparatda klavulan kislotasini mavjudligi eritrotsitlar membranasida IgG va albuminni nospetsifik bog‘lanishini keltirib chiqarishi mumkin, shu sababli buning oqibatida Kumbs testini o‘tkazishda soxta musbat natija bo‘lishi mumkin. Amoksitsillin/klavulan kislotasini qabul qilgan patsiyentlarda Aspergillus mavjudligiga testlarning soxta musbat natijalari haqidagi ma’lumotlar mavjud. Shu sababli amoksitsillin/klavulan kislotasi bilan davolanayotgan patsiyentlarda bunday musbat natijalarni ehtiyotkorlik bilan sharhlash va boshqa tashhislash usullari bilan tasdiqlash lozim. Preparat yordamchi modda sifatida laktozani saqlaydi, shu sababli preparatni galaktozani o‘zlashtira olmaydigan, laktaza tanqisligi yoki glyukoza/galaktoza so‘rilishini buzilishi bo‘lgan patsiyentlarda qo‘llash mumkin emas.

Amoksitsillin/klavulanatning inson uchun dozasidan (500 mg/125 mg) 10 marta ortiq bo‘lgan dozalarni hayvonlarga qo‘llash teratogen ta’sir ko‘rsatmaganligi haqida ma’lumotlar mavjud. Homila qobiqlari muddatidan ilgari yorilishi bo‘lgan ayollarda amoksitsillin/klavulanatni (500 mg/125 mg) profilaktik qo‘llanilishi yangi tug‘ilgan chaqaloqlarda nekrotik enterkolit xavfi oshishi bilan bog‘liq bo‘lishi mumkinligi haqida ma’lumotlar mavjud. Preparatni homiladorlik davrida, ayniqsa I uchoyligida qo‘llashdan voz kechish lozim, preparatni qo‘llashdan olinadigan foyda potentsial xavfdan ortiq bo‘lgan hollar bundan mustasno. Preparatning har ikkala faol komponenti ona sutiga chiqariladi (klavulan kislotasini emizikli bolaga ta’siri haqidagi axborot yo‘q). Muvofiq emizikli go‘dakda diareya va shilliq qavatlarni zamburug‘li infektsiyasi paydo bo‘lishi mumkin, shu sababli emizishni to‘xtatish lozim. Amoksil-K 625 ni emizish davrida faqat shifokor fikriga ko‘ra qo‘llashdan keladigan foyda xavfdan ustun bo‘lgan holda qo‘llash mumkin.

25°S dan yuqori bo‘lmagan haroratda, original o‘ramida saqlansin.

Dozani oshirib yuborilishi ovqat hazm qilish yo‘llari tomonidan simptomlar va suv-elektrolit balansini buzilishi bilan kechishi mumkin. Ushbu holatlar suv-elektrolit balansiga tuzatish kiritishga e’tiborni qaratgan holda simptomatik davolanadi. Kristalluriya hollari haqida ma’lumotlar mavjud bo‘lib, bu ba’zan buyrak yetishmasligini keltirib chiqarishi mumkin (“Maxsus ko‘rsatmalar” bo‘limiga qarang). Amoksil-K 625 qon oqimidan gemodializ usuli bilan chiqarib yuborilishi mumkin.

Retsept bo‘yicha Ulashish: 4 251 Views

7 tabletkadan blisterda, 2 yoki 3 blisterdan qutida.

2 yil.