meva hidili, oq yoki deyarli kukun. Tayyorlanganidan keyin me’da hidili oqish suspenziya hosil bo‘ladi.

antibakterial vosita (penitsillinlar majmuasi).

rN ning fiziologik ko‘rsatkichi oralig‘ida amoksitsillin va klavulan kislotasi suvda to‘liq eriydi. Preparatning ikkala komponenti xam ichga qabul qilingandan keyin tez va yaxshi so‘riladi. Agar preparatni bevosita ovqatdan oldin qabul qilinsa, ularni so‘rilishi yaxshilanadi. Ichga qabul qilinganda amoksitsillin va klavulan kislotasining biokiraolishligi taxminan 70% ga yetadi. Ikkala komponentning xam plazmadagi kontsentratsiyasining profili bir xil bo‘lib, har bir modda uchun cho‘qqi kontsentratsiyasiga (Tmax) erishish vaqti taxminan bir soatni tashkil qiladi. Sog‘lom ko‘ngillilar guruhi 500 mg/125 mg tabletkalari ko‘rinishida majmuaviy preparatni och qoringa kuniga ikki marta qabul qilganlarida, zardobda maksimal kontsentratsiyalar (Smax) muvofiq ravishda amoksitsillin uchun 7,19±2,26 mkg/ml ni va klavulan kislotasi uchun 2,40±0,83 mkg/ml ni tashkil qilgan. Zardobda maksimal kontsentratsiyalarga erishish vaqti (Tmax) amoksitsillin uchun 1,5 soatni (diapazon 1,0-2,5) va klavulan kislotasi uchun 1,5 soatni (diapazon 1,0-2,0) tashkil qilgan. Yarim chiqarilish davri – T1/2 ning o‘rtacha ko‘rsatkichlari amoksitsillin uchun 1,15±0,20 soatni va klavulan kislotasi uchun 0,98±0,12 soatni tashkil qildi. Ichga qabul qilingandan keyin zardobda erishiladigan amoksitsillin va klavulan kislotasining kontsentratsiyalari, amoksitsillin yoki klavulan kislotasining ekvivalent dozalarini alohida ichga qabul qilish natijasida olinadigan kontsentratsiyalari bilan bir xil. Plazmadagi klavulan kislotasining umumiy miqdorini taxminan 25% va amoksitsillinning umumiy miqdorini taxminan 18% oqsillar bilan bog‘langan holda bo‘ladi. Taxminiy taqsimlanish hajmi amoksitsillin uchun taxminan 0,3-0,4 l/kg va klavulan kislotasi uchun taxminan 0,2 l/kg ni tashkil qiladi. Vena ichiga yuborilganidan so‘ng amoksitsillin va klavulan kislotasi qovuq, qorin devori to‘qimalari, teri, yog‘ to‘qimasi, mushak to‘qimalari, sinovial va peritoneal suyuqliklarda, o‘t-safro va yiringda aniqlanadi. Amoksitsillin orqa miya suyuqligiga juda oz miqdorda kiradi xolos. Amoksitsillin ko‘pchilik penitsillinlar kabi ko‘krak sutiga o‘tadi. Klavulan kislotasining juda oz miqdori ham ko‘krak sutida aniqlanadi. Amoksitsillin xam, klavulan kislotasi xam yo‘ldosh to‘sig‘i orqali o‘tadi. Amoksitsillin dastlabki dozasining ko‘pi bilan 10-25% ga ekvivalent bo‘lgan hajmlarda nofaol penitsil kislotasi shaklida siydik bilan qisman chiqariladi. Klavulan kislotasi odam organizmida jadal metabolizmga uchraydi, siydik va axlat bilan, shuningdek nafas yo‘llari orqali karbonat angidridi holida chiqariladi. Amoksitsillinni asosiy chiqarilish yo‘li buyraklar orqali bo‘lsa, ayni paytda klavulan kislotasi organizmdan buyrak va buyrakdan tashqari mexanizmlar yordamida chiqariladi. Amoksitsillin/klavulan kislotasining majmuasi sog‘lom shaxslarda o‘rtacha yarim chiqarilish davri taxminan bir soat va o‘rtacha umumiy klirensi taxminan 25 l/soat bilan ifodalanadi. Amoksitsillin/klavulan kislotasining 250 mg/125 mg yoki 500 mg/125 mg tabletkalarini bir marta qabul qilinganidan keyin, amoksitsillinning taxminan 60-70% va klavulan kislotasining taxminan 40-65% birinchi 6 soat davomida siydik bilan o‘zgarmagan holda chiqariladi. 24 soatlik davr davomida siydik bilan chiqarilish darajasi amoksitsillin uchun 50-85% va klavulan kislotasi uchun 27-60% ni tashkil qiladi. Klavulan kislotasining maksimal hajmi preparat yuborilganidan keyin birinchi ikki soat davomida chiqariladi. Yosh 3 oylikdan 2 yoshgacha bo‘lgan bolalar, kattaroq yoshdagi bolalar va kattalarda amoksitsillinning yarim chiqarilish davri bir xil. Juda kichik yoshdagi bolalarga (shu jumladan, chala tug‘ilgan chaqaloqlarga) hayotining birinchi haftasida buyraklar orqali chiqarish yo‘li yetilmaganligi sababli preparatni kuniga ikki martadan ortiq yuborish mumkin emas. Keksa yoshdagi shaxslarda buyraklar faoliyatini pasayishi mumkinligini nazarda tutib, preparatning dozasini ehtiyotkorlik bilan tanlanadi va zaruart tug‘ilganida buyraklar faoliyatini muntazam tekshirib turiladi. Jinsi Amoksitsillin yoki klavulan kislotasining farmakokinetikasi patsiyentning jinsiga bog‘liq emas. Buyraklar faoliyatini buzilishi Amoksitsillin va klavulan kislotasining plazmadan umumiy klirensi buyraklar faoliyatini pasayishiga proportsional ravishda pasayadi. Klirensini pasayishi klavulan kislotasiga nisbatan amoksitsillinda yaqqolroq kuzatiladi, chunki amoksitsillinning ko‘proq qismi buyraklar orqali chiqariladi. Buyrak yetishmovchiligida dozalar shunday tanlanadiki, unda klavulan kislotasining adekvat darajalarini tutib turish bilan birga, amoksitsillinni haddan tashqari ko‘p to‘planishiga yo‘l qo‘ymaslik kerak (“Qo‘llash usuli va dozalari” ga qarang). Jigar yetishmovchiligi Jigar yetishmovchiligi bo‘lgan patsiyentlarga preparat ehtiyotkorlik bilan buyuriladi va jigar faoliyatini muntazam nazorat qilinadi.

AmoklanÒ BID kattalar va bolalarda quyidagi infektsiyalarni davolash uchun qo‘llanadi: o‘tkir bakterial sinusit (muvofiq ravishda tashxis qo‘yilganida);o‘tkir o‘rta otit;surunkali bronxitni zo‘rayishi (muvofiq ravishda tashxis qo‘yilganida);kasalxonadan tashqari pnevmoniya;tsistit;piyelonefrit;teri va yumshoq to‘qimalarning infektsiyalari, xususan teri osti yog‘ kletchatkasini yallig‘lanishi, hashorotlarni chaqishi, tishlarning tarqalgan flegmonali og‘ir abstsesslari; Antibakterial preparatlarni muvofiq ravishda qo‘llash bo‘yicha rasmiy qo‘llanmalarni hisobga olish kerak.

Agar dozasi alohida komponentining miqdoriga mos kelishi ko‘rsatilmagan bo‘lsa, dozalar amoksitsillin/klavulan kislotasining miqdorini ko‘rsatadi. Alohida infektsiyalarni davolash uchun Amoksiklavning dozasini tanlash quyidagi: taxmin qilingan qo‘zg‘atuvchilar va ularni antibakterial preparatlarga sezuvchanligi;infektsiyaning og‘irligi va lokalizatsiyasi;patsiyentning yoshi, og‘irligi va buyraklar faoliyati, quyida ko‘rsatilgan omillarga asoslanishi kerak. AmoklanÒ BIDning boshqa dori shakllarini (masalan, amoksitsillinning yuqoriroq dozalari va/yoki amoksitsillin/klavulan kislotasining boshqacha nisbati) qo‘llash mumkinligi zaruratga qarab ko‘rib chiqiladi. Preparatni tavsiya qilinganidan past dozalarda qabul qilinganda kattalar va tana vazni ≥40 kg bo‘lgan bolalar umumiy sutkalik doza 1500 mg amoksitsillin/375 mg klavulan kislotasini, tana vazni <40 kg bo‘lgan bolalar esa, umumiy sutkalik doza 2400 mg amoksitsillin/600 mg klavulan kislotasini oladilar. Amoksitsillinning yuqori sutkalik dozalarini qo‘llash zarurati tug‘ilganida, klavulan kislotasining ko‘zda tutilmagan yuqori sutkalik dozalarini yuborishni oldini olish maqsadida, amoksitsillin/klavulan kislotasining boshqa dori shaklini tanlash tavsiya qilinadi. Davolash davomiyligi patsiyentning davolashga javob reaktsiyasiga qarab aniqlanadi. Ayrim infektsiyalar (masalan, osteomiyelit) uzoqroq davolashni talab etadi. Davolash davomiyligi preparatning dozasini qayta ko‘rib chiqmasdan 14 kundan oshmasligi kerak (“Maxsus ko‘rsatmalar” bo‘limidagi uzoq muddatli davolash haqidagi ma’lumotga qarang). Kattalar va tana vazni ≥ 40 kg bolalar 500 mg/125 mg dan sutkada uch marta. Tana vazni < 40 kg bo‘lgan bolalar Sutkada 20 mg/5 mg/kg dan 60 mg/15 mg/kg gacha dozalarda, uch marta qabul qilishga buyuriladi. Bolalarni davolash uchun preparat suspenziya yoki tabletkalar ko‘rinishida ishlatiladi. Olti yoshgacha bo‘lgan bolalarni davolash uchun suspenziyani ishlatgan afzal. Ikki yoshgacha bo‘lgan bolalarni davolash uchun sutkada 40 mg/10 mg/kg dan yuqori dozalardagi preparatning faol komponentlarni 4:1 nisbatidagi dori shakllarini qo‘llash to‘g‘risida klinik ma’lumotlar yo‘q. Keksa yoshdagi bemorlar Dozani to‘g‘rilash talab qilinmaydi. Buyrak faoliyatini buzilishlari bo‘lgan patsiyentlar Dozani amoksitsillinning tavsiya qilingan maksimal dozasidan kelib chiqib to‘g‘rilanadi. Kreatinin klirensi ko‘rsatkichlari minutiga 30 ml dan yuqori bo‘lgan patsiyentlarga dozani to‘g‘rilash talab qilinmaydi. Kattalar va tana vazni ≥ 40 kg bolalar KK: 10-30 ml/min500 mg/125 mg sutkada ikki marta.KK: < 10 ml/min500 mg/125 mg sutkada bir marta.Gemodializ500 mg/125 mg dan har 24 soatda plyus 500 mg/125 mg dializ vaqtida va yana xuddi shunday doza dializning oxirida (chunki zardobda amoksitsillin va klavulan kislotasining kontsentratsiyasi dializning fonida pasayadi) buyuriladi. Tana vazni < 40 kg bo‘lgan bolalar KK: 10-30 ml/min15 mg/3,75 mg/kg sutkada ikki marta (ko‘pi bilan 500 mg/125 mg kuniga ikki marta) buyuriladi.KK: < 10 ml/min15 mg/3,75 mg/kg sutkada bir marta (ko‘pi bilan 500 mg/125 mg) buyuriladi.Gemodializ15 mg/3,75 mg/kg sutkada bir marta.Gemodializdan oldin 15 mg/3,75 mg/kg sutkada bir marta.Preparatning qonda muvofiq kontsentratsiyalarini tiklash uchun gemodializdan keyin yana bir 15 mg/3,75 mg/kg dozani qabul qilish kerak. Jigar faoliyatini buzilishi bo‘lgan patsiyentlar Ehtiyotkorlik bilan qo‘llash kerak. Jigar faoliyatini muntazam nazorat qilish kerak. (“Qo‘llash mumkin bo‘lmagan holatlar” va “Maxsus ko‘rsatmalar” ga qarang).

Nojo‘ya samaralarni rivojlanish chastotasini tasniflash uchun quyidagi mezonlardan foydalanilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam (≥1/10000 dan <1/1000 gacha), juda kam (<1/10000), tez-tezligi noma’lum (ma’lum bo‘lgan ma’lumotlar bo‘yicha baholash mumkin emas). Eng ko‘p kuzatiladigan nojo‘ya nojo‘ya reaktsiyalariga diareya, ko‘ngil aynishi va qusish kiradi.

Preparatning ta’sir qiluvchi yoki yordamchi moddalariga, shuningdek har qanday penitsillinlarga yuqori sezuvchanlik. Boshqa beta-laktam preparatlariga (masalan, tsefalosporinlar, karbapenemlar yoki monobaktamlarga) zudlik bilan kechuvchi og‘ir o‘ta yuqori sezuvchanlik reaktsiyalari. Sariqlik yoki anamnezida amoksitsillin/klavulan kislotasini qo‘llash fonida jigarni boshqa shikastlanishi.

Oral antikoagulyantlar Amoksitsillinning davolash kursi fonida atsenokumarol yoki varfarin bilan tutib turuvchi davolash olayotgan patsiyentlarda xalqaro me’yorlashtirilgan nisbatni oshish hollari ta’riflangan. Preparatlarni bir vaqtda buyurish zarurati tug‘ilganda davolashni boshlash vaqtida va amoksitsillin bilan davolash to‘xtatilganidan keyin protrombin vaqti yoki xalqaro me’yorlashtirilgan nisbatni sinchkovlab nazorat qilinadi. Oral antikoagulyantlarning dozalarini to‘g‘rilash talab qilinishi mumkin. Metotreksat Penitsillinlar metotreksatning chiqarilishini pasaytirishi mumkin, bu zaharlanishni kuchayishiga olib kelishi mumkin. Probenetsid Probenetsidni bir vaqtda qo‘llash tavsiya etilmaydi. U buyrak kanalchalarida amoksitsillinni sekretsiyasini pasaytiradi. Probenetsidni Amoksiklav bilan bir vaqtda qo‘llash qonda amoksitsillinning darajasini oshishiga (ammo klavulan kislotasini emas) va ularni uzoq vaqt ushlanib qolishiga olib kelishi mumkin.

Preparat bilan davolashni boshlashdan oldin penitsillinlar, tsefalosporinlar yoki boshqa beta-laktam preparatlariga o‘ta yuqori sezuvchanlik reaktsiyalarini borligi yuzasidan anamnezni sinchkovlik bilan yig‘ish kerak. Penitsillinlar bilan davolash fonida jiddiy va gohida o‘limga olib keluvchi o‘ta yuqori sezuvchanlik reaktsiyalari (anafilaktoid reaktsiyalar) kuzatilgan. Ular ko‘proq anamnezida atopiyasi va penitsillinlarga o‘ta yuqori sezuvchanlik reaktsiyalari bo‘lgan patsiyentlarda rivojlanadi. Allergik reaktsiyalar rivojlanganida AmoklanÒ BID preparati bilan davolashni to‘xtatish va boshqa muvofiq keluvchi antibakterial preparatlarni buyurish kerak. Amoksitsillinga infektsiya qo‘zg‘atuvchilarning sezuvchanligi isbotlangan hollarda rasmiy qo‘llanmalarga muvofiq AmoklanÒ BIDga o‘tish variantini ko‘rib chiqish kerak. Agar taxmin qilinayotgan qo‘zg‘atuvchilar klavulan kislotasining ingibirlovchi ta’siriga sezgir bo‘lgan, beta-laktamazalar bilan bog‘liq bo‘lmagan, beta-laktam preparatlarga rezistentlik havfi yuqori bo‘lsa, preparatning ushbu dori shakli qo‘llash uchun yaroqsizdir. Preparatning ushbu dori shaklini S.pneumoniae ning penitsillinga rezistent shtammlari chaqirgan infektsiyalarni davolash uchun qo‘llash mumkin emas. Buyraklar faoliyati buzilgan yoki preparatning yuqori dozalari bilan davolanayotgan patsiyentlarda tirishishlar rivojlanishi mumkin (“Nojo‘ya ta’sirlari” ga qarang). Infektsion mononukleozga gumon qilingan hollarda, AmoklanÒ BID preparati bilan davolashga yo‘l qo‘ymaslik kerak, chunki kasallanish vaqtida amoksitsillin qo‘llangandan so‘ng qizamiqqa o‘xshash toshmalarni paydo bo‘lishi kuzatilgan. Amoksitsillin bilan davolash vaqtida allopurinolni yondosh qo‘llanishi terida allergik reaktsiyalarni rivojlanish ehtimolini potentsial oshiradi. Preparatni uzoq vaqt qo‘llash ba’zan sezuvchan bo‘lmagan mikroorganizmlarni haddan tashqari rivojlanishiga olib kelishi mumkin. Davolashni boshlanishida pustulali infektsion tarqoq eritemani rivojlanishi o‘tkir tarqoq ekzantematoz pustulezning (O‘TEP) potentsial simptomi hisoblanadi. Bunday reaktsiya AmoklanÒ BID preparati bilan davolashni to‘xtatishni talab qiladi va keyinchalik amoksitsillinni yuborishga qarshi ko‘rsatma hisoblanadi. Jigar yetishmovchiligi bo‘lgan patsiyentlarda AmoklanÒ BID preparati bilan davolash ehtiyotkorlik bilan o‘tkazilishi kerak. Jigar tomonidan kuzatiladigan nojo‘ya ko‘rinishlar asosan erkaklar va keksa yoshdagi patsiyentlarda kuzatilgan va uzoq muddatli davolash bilan potentsial bog‘liq bo‘lgan. Bu noxush ko‘rinishlar bolalarda juda kam hollarda kuzatilgan. Barcha guruh patsiyentlarda belgilar va simptomlar odatda davolash vaqtida yoki davolashdan so‘ng qisqa muddatda kuzatiladi, biroq ayrim hollarda ular davolash to‘xtatilganidan so‘ng bir necha hafta davomida namoyon bo‘lmaydi. Odatda ular qaytuvchan xarakterga ega. Jigar tomonidan og‘ir noxush ko‘rinishlar rivojlanishi mumkin, juda kam hollarda o‘lim hollari kuzatilgan. Ular amalda hamisha jiddiy asosiy kasalliklari bo‘lgan yoki jigarni shikastlash qobiliyatiga ega yondosh dori preparatlarni qabul qilgan patsiyentlar orasida kuzatilgan. Deyarli barcha antibakterial preparatlar, jumladan amoksitsillin bilan davolash fonida kuzatiladigan antibiotikni qo‘llanishi bilan bog‘liq kolit og‘irligi bo‘yicha yengildan hayotga havf soluvchi darajagacha bo‘lishi mumkin (“Nojo‘ya ta’sirlari” ga qarang). Shuning uchun, bu tashxisni antibiotiklar bilan davolash vaqtida yoki har qanday davolash kursi tugaganidan so‘ng diareya bo‘lgan patsiyentlarda bo‘lishiga taxmin qilish muhimdir. Antibiotiklarni qo‘llanishi bilan bog‘liq kolit rivojlanganda AmoklanÒ BID bilan davolashni zudlik bilan to‘xtatish kerak; shifokorning maslahati olinadi va tegishli davolash choralari buyuriladi. Ushbu vaziyatlarda ichak peristaltikasini susaytiruvchi vositalarni qabul qilish mumkin emas. Uzoq muddat davolash vaqtida turli a’zolar tizimini, jumladan, buyraklar, jigar va qon yaratish a’zolari faoliyatini vaqti-vaqti bilan baholash tavsiya qilinadi. Kam hollarda preparatni qabul qilish fonida protrombin vaqtini uzayishi kuzatilgan. Antikoagulyantlarni bir vaqtda qabul qilinganda albatta yaxshi monitoring o‘tkazilishi shart. Antikoagulyatsiyaning istalgan darajasiga erishish uchun peroral antikoagulyantlarning dozalarini to‘g‘rilash talab qilinishi mumkin. Buyrak yetishmovchiligi bo‘lgan patsiyentlarda, yetishmovchilik darajasiga muvofiq ravishda preparatning dozasini to‘g‘rilash kerak (“Qo‘llash usuli va dozalari”ga qarang). Diurezi pasaygan patsiyentlarda kam hollarda, asosan parenteral davolash fonida kristalluriya kuzatilgan. Amoksitsillinning yuqori dozalari bilan davolash vaqtida amoksitsillinni qo‘llanishi bilan bog‘liq kristalluriyani rivojlanish ehtimolini pasaytirish maqsadida yetarli miqdorda suyuqlik ichish tavsiya qilingan. Qovug‘iga kateter o‘rnatilgan patsiyentlarda uning o‘tkazuvchanligini muntazam ravishda nazorat qilish kerak. Glyukozuriyani davolash vaqtida glyukozaning darajasini baholashni glyukozooksidaza bilan o‘tkazilgan fermentativ usullar yordamida baholanadi, chunki nofermentativ usullar ba’zan soxta musbat natijalarni berishi mumkin. AmoklanÒ BIDda klavulan kislotasini bo‘lishi IgG va albuminni eritrotsitlarning membranalari bilan nospetsifik bog‘lanishini chaqirishi mumkin, bu Kumbs sinamasining soxta musbat natijalariga sabab bo‘lishi mumkin. Preparat bilan davolangan patsiyentlarda Aspergillus immunoferment analiz (IFA) sinamalarida soxta musbat natijalar olinganligi kuzatilgan, keyinchalik patsiyentlarda Aspergillus chaqirgan infektsiyani yo‘qligi aniqlangan. Aspergillus IFA sinamalari doirasida aspergilez bo‘lmagan polisaxaridlar va polifuranozlar bilan kesishgan reaktsiyalar kuzatilgan. Shunday qilib, AmoklanÒ BID bilan davolanayotgan patsiyentlarda musbat natijalarni ehtiyotkorlik bilan taxlil qilish va boshqa diagnostika usullari bilan tasdiqlanishi kerak. Preparat yengil surgi ta’sir ko‘rsatishi mumkin bo‘lgan mannitol saqlaydi. Homiladorlik va emizish Homiladorlik davrida preparatni qo‘llash yuzasidan cheklangan ma’lumotlar tug‘ma nuqsonlar rivojlanish havfi oshganini qayd etmaganlar. Homila pardalarini muddatidan oldin yorilishi qayd qilingan ayollar ishtirokidagi yagona tadqiqot doirasida amoksitsillin/klavulan kislotasi bilan profilaktik davolash yangi tug‘ilgan chaqaloqlarda nekrotik enterokolitning yuqori havfi bilan potentsial bog‘liqlik aniqlanmagan. Agarda shifokor homiladorlik davrida preparatni qo‘llashni zarur deb hisoblamasa, uni qo‘llashdan saqlanish kerak. Har ikkala faol moddasi ko‘krak sutiga ajraladi (emizikli bolalarga klavulan kislotasining ta’siri bo‘yicha ma’lumotlar yo‘q). Shunday qilib, emizikli bolalarda diareya va shilliq qavatlarni zamburug‘li infektsiyalari rivojlanishi mumkin, bu emizishni to‘xtatishni talab qilishi mumkin. Emizish davrida shifokor tomonidan foyda/havf nisbatini baholangandan so‘ngina preparat bilan davolash mumkin. Transport vositalarini boshqarish va mexanizmlar bilan ishlash qobiliyatiga ta’siri Transport va mexanizmlarni boshqarish qobiliyatiga ta’siri bo‘yicha tekshirishlar o‘tkazilmagan. Biroq transport vositalarini boshqarish va mexanizmlar bilan ishlash qobiliyatiga potentsial ta’sir qiluvchi nojo‘ya samaralar (masalan, allergik reaktsiyalar, bosh aylanishi, tirishishlar) rivojlanishi mumkin. Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Zich yopilgan, xona haroratida (15oS-25oS), quruq va yorug‘likdan himoyalangan joyda saqlansin.

Me’da-ichak yo‘llari tomonidan buzilishlar, shuningdek suv-elektrolit muvozanatini buzilishi rivojlanishi mumkin. Ba’zan buyrak yetishmovchiligiga olib keluvchi, amoksitsillin qo‘llanishi bilan bog‘liq kristalluriya kuzatilgan. Tirishishlar buyraklar faoliyati buzilgan yoki katta dozalarda davolangan patsiyentlarda kuzatilishi mumkin. Asosan vena ichiga katta dozalarda yuborilganidan so‘ng amoksitsillinn siydik kateterlarida cho‘kmalar hosil qiladi. Kateterlarning o‘tkazuvchanligini muntazam nazorat qilish kerak. Me’da-ichak yo‘llarini buzilish simptomlari yuzasidan suv-elektrolit muvozanatini tiklash bilan birga simptomatik davolash o‘tkazish mumkin. Amoksitsillin va klavulan kislotasi organizmdan gemodializ yordamida chiqarilishi mumkin.

Retsept bo‘yicha

Birinchi ochilishi nazoratli qopqoqcha bilan berkitilgan polimer flakonlarda. Flakonga qog‘ozli etiketka yopishtiriladi. 1 flakondan qo‘llash bo‘yicha yo‘riqnomasi bilan birga karton qutiga joylanadi.

2 yil.