Sarg‘ish-qo‘ng‘irdan qizil-qo‘ng‘ir rangligacha bo‘lgan, o‘ziga xos hidli, siropsimon suyuqlik.

Balg‘am ko‘chiruvchi vositalar.

R05CA

Qiyin ajralib chiquvchi balg‘amli yo‘tal bilan kechadigan nafas yo‘llarining kasalliklari (laringitlar, traxeitlar, bronxitlar, bronxial astma, ko‘k yo‘tal), gastritlar, me’da va o‘n ikki barmoq ichakning me’da shirasini yuqori kislotaligi bilan kechadigan yara kasalligida qo‘llaniladi.

Preparat ichga ovqatdan oldin buyuriladi. Qo‘llashdan avval flakonni chayqatish kerak. Kattalar va 12 yoshdan oshgan bolalarga – sirop 1 osh qoshiq (15 ml) dan buyuriladi, 6 dan 12 yoshgacha bo‘lgan bolalarga – 1 desert qoshiq (10 ml) dan sutkada 4-6 marta buyuriladi. 6 yoshgacha bo‘lgan bolalarga – siropning kerakli miqdori qaynagan suv bilan (1:1 nisbatda) suyultiriladi: 2 dan 6 yoshgacha – sirop 5 ml dan sutkada 4-6 marta buyuriladi; 1 dan 2 yoshgacha – 2,5 ml dan sutkada 3-4 marta buyuriladi. Davolash kursining davomiyligi davolashning samarasiga qarab, shaxsiy belgilanadi va u odatda 7-14 kunni tashkil qiladi.

Allergik reaktsiyalar bo‘lishi mumkin.

Preparatning komponentlariga yuqori sezuvchanlik. Preparatni qandli diabeti bo‘lgan patsiyentlarga va uglevodlarning miqdori kam bo‘lgan parhezga amal qiluvchi shaxslarga ehtiyotkorlik bilan buyurish lozim.

Gulhayri preparatlarini balg‘am ko‘chiruvchi vosita sifatida natriy bikarbonati bilan majmuada qo‘llash mumkin.

Yuqori nafas yo‘llarining shilliq qavati yuzasida o‘simlik shillig‘idan plyonkani hosil bo‘lishi nafaqat yaqqol davolovchi samara beradi, balki u boshqa dori preparatlarini yanada uzoq mahalliy ta’sir qilishiga yordam beradi. Dori vositasini qo‘llash qoidasini buzish mumkin emas. Preparatni homiladorlik va emizish davrida qo‘llash to‘g‘risida ma’lumotlar keltirilmagan. Preparatni qo‘llash avtotransportni boshqarish va boshqa mexanizmlar bilan ishlash qobiliyatiga ta’sir qilmaydi. Preparat 2% spirt (1 ml siropda 0,02 ml spirt) saqlaydi, shuning uchun 6 yoshgacha bo‘lgan bolalarda qo‘llashdan oldin qaynagan suvda suyultiriladi. Preparat bolalar ololmaydigan joyda saqlansin va yaroqlilik muddati tugagandan keyin ishlatilmasin.

Quruq, yorug‘likdan himoyalangan joyda 25°S dan yuqori bo‘lmagan haroratda saqlansin. Ochilgan flakonni 4-8°S haroratda 14 kun davomida saqlanadi.

Dozani oshirib yuborilish hollari noma’lum.

Retsept bo‘yicha

Sirop 100 ml dan flakonlarda.

2 yil.