och sariqdan jigarrang-qizil ranggacha bo‘lgan, biroz meva hidli suyuqlik. Dori vositasini saqlanishida cho‘kma hosil bo‘lishi mumkin.

Biogen stimulyatorlar.

A13A

Oftalmologiya: ko‘z yallig‘lanish kasalliklarining majmuaviy terapiyasi tarkibida (blefarit, kon’yunktivit, keratitlar), shishasimon tananing xiralashishi, miopik xorioretinit, irit, pigmentli retinit, ko‘ruv nervining atrofiyasi, kuchayib boruvchi uzoqdan ko‘ra olmaslik. Gastroenterologiya: ishtaha pasayishi, zo‘rayish bosqichida bo‘lmagan me’da-ichak kasalliklarini (gastrit, gastroduodenit, enterokolit, xoletsistit) majmuaviy terapiyasi tarkibida. Pulmonologiya: bronxial astma, tuberkulyoz, pnevmoniya kasalliklari majmuaviy terapiyasi tarkibida. Nevrologiya: nevralgiya, nevrit, radikulonevrit, polinevrit va insultdan keyingi qoldiq holatlarini  majmuaviy terapiyasi tarkibida, eshitish va hid sezishning pasayishida  qo‘llanadi. To‘qimalarning chandiqli o‘zgarishlari, trofik yaralarni, bepushtlikni (shu jumladan erkaklar bepushtligi) davolashda qo‘llanadi.

Cho‘kma bo‘lganida ampulani ochishdan oldin bir xil suspenziya hosil bo‘lgunicha silkitish kerak. Aloening suyuq ekstrakti kattalarga 1 ml dan teri ostiga har kuni bir marta (maksimal sutkalik doza 3-4 ml) yuboriladi. Davolash kursi – 30-50 inyektsiya. Davolashning qayta kurslari ikki-uch oylik tanaffusdan keyin o‘tkaziladi. Bronxial astmada  preparat 1-1,5 ml dan har kuni 10-15 kun davomida, so‘ngra 2 kunda 1 marta yuboriladi. Davolash kursi 30-35 inyektsiya. O‘pka tuberkulyozida preparatni yuborish 0,2 ml dan asta-sekin dozani oshirib (preparat yaxshi o‘zlashtirilganida bir inyektsiya 3-4 ml dan) boshlanadi. Davolash kursi 30-50 kun.

Allergik reaktsiyalar. Arterial bosimning oshishi. Gipertermiya. Inyektsiya joyida og‘riq bo‘lishi mumkin. Og‘riqdan saqlanish uchun taxmin qilingan inyektsiya joyiga oldin 0,5 ml 2% li novokain yuboriladi.

Preparatning komponentlariga o‘ta yuqori sezuvchanlikda, homiladorlikda, 1 yoshgacha bo‘lgan bolalarda, surunkali buyrak yetishmovchiligida, surunkali yurak yetishmovchiligida, arterial gipertenziyada, metrorragiyada, gemorroyda, tsistitda, me’da-ichak yo‘llari a’zolarining o‘tkir yallig‘lanish kasalliklarida, qon tupurishda, xolelitiazda qo‘llash mumkin emas.

Preparatni uzoq muddat qo‘langanida organizmda kaliy miqdori kamayishi mumkin, bu esa yurak glikozidlari va antiaritmik preparatlari ta’sirini kuchaytirishi mumkin. Aloe ekstraktini tiazid diuretik, halqa diuretiklari, qizilmiya preparatlari, kortikosteroidlar bilan bir vaqtda qo‘llanganida kaliy tanqisligini rivojlanish xavfi oshadi. Aloe surgi vositalari hamda gemopoezni rag‘batlantiruvchi preparatlar ta’sirini potentsiyalaydi.

Laktatsiya davrida qo‘llanilishi Preparatni emizish davrida xavfsizligi va samaradorligi bo‘yicha adekvat va qat’iy nazoratli tekshirishlar o‘tkazilmagan. Emizikli ayollarni preparat bilan davolashning zarurati bo‘lganida emizishni to‘xtatish kerak. Dori preparatining transport vositalari yoki potentsial xavfli mexanizmlarni boshqarish qobiliyatiga mumkin bo‘lgan ta’siri Preparat bilan davolanish davrida avtotransportni boshqarishda va yuqori diqqatni talab qiluvchi mexanizmlar bilan ishlashda ehtiyotkorlikka rioya qilish kerak. Keksa yoshli patsiyentlarga ehtiyotkorlik bilan buyurish lozim. Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Yorug‘likdan himoyalangan joyda, 250S dan yuqori bo‘lmagan  haroratda saqlansin.

Aniqlanmagan

Retsept bo‘yicha

Ampulalarda 1 ml dan №10.

3 yil.