50 mg doza uchun – ko‘k rangli, ikki tomonlama  qabariq, olmosga o‘xshash chetlari kesilgan va qayrilgan, plenka qobiq bilan qoplangan, bir tomoniga 50 bosma tushirilgan va ikkinchi tomoni  silliq tabletkalar. 100 mg doza uchun – ko‘k rangli, ikki tomonlama  qabariq, olmosga o‘xshash chetlari kesilgan va qayrilgan, plenka qobiq bilan qoplangan, bir tomoniga 100 bosma tushirilgan va ikkinchi tomoni  bo‘linish chiziqli  tabletkalar.

Erektsiya disfunktsiyasida qo‘llanadigan vosita. Kod ATX: G04BE03

Preparat erektsiyani turli buzilishlarida buyuriladi (odatda, psixogen, organik yoki aralash buzilishlarda).

Mazkur preparat tabletkalari rejalashtirilgan aloqadan taxminan bir soat oldin  qabul qilinadi. Kattalar uchun bir martalik optimal doza bir sutkada 50 mg ni tashkil qiladi. Shaxsiy ko‘tara olishlik va preparat samaradorligini hisobga olib, preparat dozasini 25 mg gacha kamaytirilishi yoki 100 mg gacha oshirilishi mumkin. Sutkada 100 mg bu – maksimal bir martalik doza hisoblanadi.

Preparat yaxshi o‘zlashtiriladi.  Ayrim hollarda quyidagi nojo‘ya ta’sirlari kuzatilishi mumkin. markaziy nerv tizimi tomonidan: uyqusizlik, bosh aylanishi va mushaklarni tonusi oshishi; yurak – qon tomir tizimi tomonidan: qon quyilish hissi, bosh og‘rig‘i, vazodilatatsiya; tayanch–harakat apparati tomonidan: bo‘g‘im va mushaklarda og‘riq; oshqozon–ichak yo‘li a’zolari tomonidan: ko‘ngil aynishi, diareya, dispepsiya; teri qoplami tomonidan: toshma toshishi; ko‘ruv a’zolari tomonidan: kon’yunktivit, ko‘z xiralashuvi, yorug‘likka sezuvchanlik oshishi, rang ajratishda o‘zgarishlar; respirator tizim tomonidan: nafas olish tizimida buzilishlar, faringit, sinusit, rinit, burun bitishi, nafas olish tizimi infektsiyalari; siydik-jinsiy a’zolar tizimi tomonidan: prostata bezi funktsiyasi izdan chiqishi, siydik chiqarish kanallari infektsiyalari. Boshqalar: gripp simptomlari, orqa yoki qorin sohasida og‘riq paydo bo‘lish hollari qayd etilgan. Kam hollarda pripaizm hodisasi kuzatilgan.

Preparatni uning komponentlariga o‘ta sezuvchan hamda jinsiy a’zosida anatomik deformatsiyasi bor shaxslarga buyurish mumkin emas (Peyroni kasalligi, kavernoz fibrozi, angulyatsiya). Shuningdek ushbu preparatni quyidagi buzilishlarda qo‘llash mumkin emas: – qon ketishga yuqori moyillikda; – me’da-ichak yo‘llari a’zolari yara kasalligida; – jigar faoliyati buzilishlari, ayniqsa og‘ir buyrak yetishmovchiligi yoki tsirroz; – priapizm rivojlanishini keltiruvchi kasalliklar, shu jumladan leykemiya, miyeloma kasalligi  va o‘roqsimon-hujayrali  anemiya; – gipotenziyani yoki arterial gipertenziyaning og‘ir shakli; – turli yurak kasalliklari, jumladan, beqaror stenokardiya, og‘ir shakldagi aritmiya va yurak yetishmovchiligi. Agar bemor insult yoki miokard infarktini boshidan o‘tkazgan bo‘lsa, keyingi olti oy davomida preparat tavsiya etilmaydi. Shuningdek, ABRA bolalarga buyurilmaydi. Ushbu preparatni nitrat hamda azot oksidi donatorlari bilan bir vaqtda qo‘llash qat’iyan man qilinadi. Preparat jinsiy faollik man qilingan erkaklarga tavsiya qilinmaydi.

Ushbu preparat ayollarga buyurilmaydi. Quyon va kalamushlarda olib borilgan reproduktiv tajribalar natijasida preparatning teratogen ta’siri aniqlanmagan. Homila rivojlanishida o‘zgarish va buzilishlar kuzatilmagan. Shuningdek preparatni bir martalik dozada qabul qilgan ko‘ngillilarda spermatozoidlarini faolligi va morfologiyasi o‘rganilganda o‘zgarishlar aniqlanmagan. Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Quruq, yorug‘likdan himoyalangan joyda, 250S dan yuqori bo‘lmagan haroratda saqlansin.

Retsept bo‘yicha

1 yoki 4 tabletkadan konturli uyali o‘ramda. Kontur uyali o‘ramlar  1 ta dan (1×1 ili 1x4) qo‘llash bo‘yicha yo‘riqnoma bilan karton pachkalarga joylanadi.

3yil.